Popularni biblijski stihovi iz Ndwuma 2

Podeli

Na Peter see hɔn dɛ, Hom nnu homho, na wonnuma hom nyina wɔ Jesus Kraest ne dzin mu nkɔ bɔnfakyɛ mu, na hom benya Sunsum Krɔnkrɔn no akyɛdze no.

Na wɔkɔr do suoo asomafo no hɔn nkyerɛkyerɛ nye hɔn fɛkuwbɔ, nye paanoo bubu no nye mpaabɔ mu.

Na Sunsum Krɔnkrɔn bɛhyɛɛ hɔn nyina amaama, na wɔhyɛɛ ase kasaa kasa fofor dɛ mbrɛ Sunsum no dze maa hɔn dɛ wɔnka.

Na awerɛfir mu ara na dede a ɔtse dɛ mframa a n’ano yɛ dzen a ɔrobɔ fi sor bae, na ɔbɛhyɛɛ dan no a wɔtse mu no nyina ma. Na ntɛkyerɛma a wɔapaapaa mu a ɔtse dɛ gya yiyii hɔnho kyerɛɛ hɔn, na wobesisii hɔn etsifi nkorkor. Na Sunsum Krɔnkrɔn bɛhyɛɛ hɔn nyina amaama, na wɔhyɛɛ ase kasaa kasa fofor dɛ mbrɛ Sunsum no dze maa hɔn dɛ wɔnka.

Na daa daa wɔkɔr do dze anokor bɔɔ mu hyiae wɔ asɔrfi no mu, na wohyiaa efiefi bubuu paanoo, na wɔdze ahosɛpɛw nye komakor dzii hɔn edziban. Woyii Nyankopɔn ayɛw na wonyaa enyimpa wɔ ɔman no nyina enyim. Na Ewuradze dze hɔn a wɔregye hɔn nkwa no kaa hɔn ho daa daa.

Nyankopɔn se, Ɔbɛba dɛ nda a odzi ekyir no mu no, Mubohue mo Sunsum egu honam nyina do: Na hom mbabanyin nye hom mbabaa bɛhyɛ nkɔm, Na hom mberantsɛ bohu enyido adzehu, Na hom nkɔdaa bɔsoso adaa

Na hɔn a wɔgyee dzii nyina boaa ano na wɔyɛɛ hɔn adze nyina dɛ kwasafodze; na wɔtɔɔn hɔn ahodze nye hɔn ndzɛmba, na wɔkyɛe maa hɔn nyina, dɛ mbrɛ obiara n’ehiadze tse.

Na ɔbɛba dɛ obiara a ɔbɔbɔ Ewuradze ne dzin no, wɔbɛgye no nkwa.

Ewia bɛdan sum, Na bosoom adan bɔgya, Ansaana Ewuradze n’enyimnyam da kɛse no aba.