Popularni biblijski stihovi iz Varoma 12

Podeli

Mu nga landriselini mikhuwo nya mavbanyelo nya litigo leli, aholu vbindrugedzani mapimo yanu ni mavbanyelo yanu yatshavbo, gasi mu kodze gupima gugola gwa Nungungulu; ni gu pima esi nya sadi, nya gutsakise, si vbeledego mahoni gwa Nungungulu.

Nyi ngu mi lomba vandriyangu khu wuhindzi wa Nungungulu, gukheni mu dzi ningele wurumba wanu mu khale mhamba nya guvbanye, nya gukatege, nya gunengedzise Nungungulu. Eyi khiyo mhamba nya lisine nya maningano yi tsakisago Nungungulu.

Nengelani gutumbani, mu timisela sigaradzoni, mu pharisa milombeloni.

U nga dzi digi u padwa khu guvivba, aholu, uwe pala guvivba khu wuwadi.

Golanani khu lihaladzo nya wundruye, mu palisana khu gu ningana githawo.

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

Sa gu kodzega, zamani guvbanya khu gurula ni vathu vatshavbo.

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Thumani ngudzu, mu nga khalini vathu nya wugara. Dzi garadzeni khu gu thumela Pfhumu khu monyo watshavbo.

Khu kota nya thumo Nungungulu a nyi ranedego uwo vbakari gwanu, nyi ngu laya moyo ni moyo wanu gukheni mu nga dzi sayeli guvbindra fanelo. Aholu dzi sodziseni, muthu ni muthu a dzi vega vbawulangatunu gwaye gukhedza khu wuhigo ni wukhodwa a ningidwego khu Nungungulu.

Mu nga bweledzelini guvivba khu guvivba, aholu dzi garadzeni khu gu girela gwadi vathu vatshavbo.

Vbanyani khu monyo moyo, muthu ni muthu a nga dwaneli gu dzi khusedza afela gu zundzwa, aholu dzumelani mithumo nya gusolege. Mu nga dzi giri matshandza khu guti.

A engedza gambe, khuye: “Nala wago a gupwa ndzala mu ninge guhodza, a gupwa lidora mu ninge mati a sele. Wa gu gira kharato u na wungedzela magala nya nilo hungoni gwaye.”

Lombelelani khu vale va mi tshanisago, va kategiseni, mu nga va vali. Nengelani ni vale va nengelago, mu lila ni vale va lilago.

Kabanani esi mu gu naso ni vandruye vale va gu mwalo gilo; hakhani gwadi vaendri.

Kha nga olu hi gu ni sivbango nya singi givilini gimwegyo, gambe givbango ni givbango gi gu na ni thumo waye, Kharato nethu, hi vangi, aholu ha gu khala givili gimwegyo basi ga Kristo, gambe moyo ni moyo givbango gya kwawe.