Popularni biblijski stihovi iz RUMA 12

Podeli

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

Konduang-konduang! Pohotala ngarinah asioh umba ihto. Orih kotuluioh ahku nyawot honong paham mangat ihkam monyorah arop'kam, kolou ihco porahpah ijo bolum, ijo khusus ahkan Pohotala tutang ijo ngojorih ahtoi-Oh. Sombayang'kam ahkan Pohotala koharusoh kolouorih.

Konohuangoh Konduang porocaya umba Tuhan hawui kojorih, sabar ang luwang kosusah, tutang bokehtep bodo'a.

Ara mohonou arop'kam kalah bain ijo ja'at, tahpi kohinutoh Konduang ngalah koja'at umba komorong.

Konohuangoh Konduang-konduang saling mongasih ihco umba 'jobohkon honong mesra kolou ulun-ulun ijo hokonduang a'ang ihco kojolahan. Tutang konohuangoh ihkam saling hotosolu nonga horomat.

Ngasi honong ihlas. Bosingi umba ijo ja'at, tutang nambitoh ahkan inon ijo pios.

Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

Konduang-konduang! Ara samasino malos kohiri umba kohiri, nauh Pohotala ijo mohukum. Tului ang luwang Surat Borasih tonyurat, ‘‘Ahku iou ijo malosoh, Ahku iou ijo mohukumoh, hion Tuhan.’’

Bogawirih honong rajin. Ara kadian. Bogawirih ahkan Tuhan honong somangat tahkan Roh Pohotala.

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

Amat ulun nguan koja'at umba ihko, ara malosoh umba koja'at. Nguanrih inon ijo tongohuoh pios, bain paring ulun.

Bolum rukun ihco umba 'jobohkon. Ara pokarah isung ahtoi, tahpi nyama arop'kam umba ulun ijo pinda ponuotoh. Ara madu arop labih pitar tahkanumba ijo komorongoh.

Tobalikoh, amat musuh'mu bolo'u, nonga io ukun, tutang amat io tohjah-bolaioh, nonga io korih. Tului umba nguan aang kodorih; Konduang nguan io monjadi mia.

Nyawotrih ahkan Pohotala mangat Io nonga momborehkat ahkan ulun-ulun ijo kejam toharep ihkam. Yo, nyawot umba Pohotala mborehkat iro, ara monulut. Umbarih jorih, honong ulun-ulun ijo jorih, tutang nangihrih honong ulun ijo nangih.

Hodohoprih nyukupoh kotahpas ulun-ulun Kristen bohkon tutang nyambangrih Konduang-konduang 'cokoharap ijo eam Konduang ngosonooh, honong sanang ahtoi ang luwang lohpou'kam.

Behtin ihto tepun aro ramui. Nyinong ramui anai gawin aiu bongoi. Kodorih ka'a umba ihto. Oluka ihto paringoh aro, tahpi ihto kolou ihco kobehti tului ihto hihco a'ang Kristus. Tutang ihto nyino-nyinong hosambung ihco umba ijo bohkon kolou ramun-ramun tahkan ihco behti.