Popularni biblijski stihovi iz ROMA 12

Podeli

Sampeyan ja' atoro' ka atoran-atoranna dunnya paneka. Dinggal me' olle Allah se ngoba pribadhina sampeyan sampe' daddi anyar, sopaja sampeyan aoba. Kalaban sapaneka sampeyan sanggup ngaonenge kasokanna Allah – enggi paneka pa-ponapa se sae sareng se masenneng panggaliyanna sarta pa-ponapa se samporna.

Tan-taretan! Allah paneka ce' saena ka sampeyan sareng kaula sadaja. Ganeka sababba kaula nyo'on kalaban gu-onggu sopaja sampeyan ngatorragi aba'na menangka kurban odhi' se malolo kaator ka Allah ban se masenneng panggaliyanna. Kadi ganeka koduna sampeyan abakte ka Allah.

Ngarep ka Pangeran kalaban gumbira, sabbar e dhalem kasossa'an ban pahoso' mon adu'a.

Ja' kantos sampeyan epakala sareng se jahat, tape sampeyan kodu makala kajahadan sareng kabecce'an.

Sampeyan pasaleng taresna sampe' nyarepsep ka atena, akadi oreng se sataretan e dhalem settong kalowarga, ban sampeyan kodu saleng ajangadha'i ngatore hormat.

Taresnae kalaban ehlas. Kabaji'i se jahat, ban pakoko neggu'i se sae.

Dhari sampeyan dibi' ehteyarragi kaangguy odhi' dhame sareng sadajana oreng.

Tan-taretan! Ja' sampe' sampeyan males sake'na ate, diggal me' olle Allah se ngokom. Sabab e dhalem Alketab esebbuttagi, “Sengko' se malessa. Sengko' se ngokoma, dhabuna Pangeran.”

Pabajeng alalakon. Ja' les-males. Alalakon kaagem Pangeran kalaban samangat dhari Errohna Allah.

Allah ampon apareng papareng ka kaula. Ganeka sababba kaula malae sampeyan sadaja: Ja' apangrasa atenggiyan dhari se salerressa. Sampeyan kodu bisa ngokor aba' dibi' kalaban andhap asor; ngokor aba'na bang-sebang menorot kamampowan se eparengngagi Allah ka sampeyan polana sampeyan parcaja ka Isa.

Mon badha oreng alako jahat ka sampeyan, ja' males sareng kajahadan. Lakone pa-ponapa se eanggep sae sareng sadajana oreng.

Parokon sadaja. Ja' ko-angko, tape noro'agi ka oreng se mandhap kadhudhuganna. Ja' nganggep aba'na sampeyan apenterran dhari se salerressa.

Sabaligga, mon mosona sampeyan lapar, parenge neddha; ban mon pelka', parenge ngenom. Sabab kalaban sapaneka, oreng ganeka tanto arassa todhus.

Nyo'on ka Allah sopaja aberkadi reng-oreng se kejjem ka sampeyan; ongguwan, nyo'onnagi sopaja eberkadi, banne ebasto. Noro' perak sareng reng-oreng se perak, ban noro' nanges sareng reng-oreng se nanges.

Tolong cokobi kabutowanna reng-oreng Kristen laenna ban tarema kalaban ate senneng e compo'na sampeyan tan-taretan saiman se sampeyan ta' kennal.

Badanna sampeyan sareng kaula sadaja bannya' bagiyanna. Saneyap bagiyan badha lakona bang-sebang. Sapaneka jugan sampeyan sareng kaula sadaja. Sanare bannya' tape sadajana aropa settong badan sabab sampeyan sareng kaula sadaja daddi settong sareng Almasih. Ban sampeyan sareng kaula sadaja settong ban settonganna padha saleng ahubungan lantaran padha anggotana settong badan.