Popularni biblijski stihovi iz Egberima-Ẹkwẹn 2

KỊNỊNYANAḄỌ ḅe mie nimi kẹ tomi pịrịarị-ḅọ. Ọ̀ ḅara ḅụ mie nimi na yefieye-naa na sime tẹ paka-ḅoarị.

Ị̀ tụḅọ, à kẹ í tolumarị ye ḍawọọ, tẹ gbala-gbala à ḍuko ị́ pịrịarị mịẹ ḅẹ ye kẹ ḅioḅọrọma ma. Nimi nyana ye pokii, tẹ ḅụụkụrọma tẹ anị fiearị ye naa. Inn, ḍawọye gotẹ tẹkẹẹ; yefieye lekiri ịgbanịị. Kụrọma nimi ḍọkịị, gbala í seleḅa anịanịa ḅọị wararị ngọ ḍọkịarị ye ọkụ. Ị́ ọkọ mịẹ kụma, ị́ KỊNỊNYANAḄỌ ḅe mangịma tẹ ọ̀ ḅịḅị poki fiearị ye nimi tẹ Tamụnọ gboloma ye ḍawọ ḍịịn ḅa.

Ori mie ḅarasụa na gbaịn ḅọrọma na kẹ karakara mịẹarị, pịkị mingirima mịẹ-mịẹ-a atomi ma pịrịarị. Ori anie jen-apụ la kiri kẹ ịn pịrịarị apụ gbaịn ḅọrọmarị, pịkị ò minini tẹ ọ̀ ḅụụ sịrẹrẹ wararị apụ ma koko gbaịn-arị.

Karakara mịẹarị atomi — tụkụ sịẹ wararị ḍumo nyana apụ — anie mịẹ wamịna ama mẹ ḅio anga ḅarịye. Kụma Tamụnọ ama mẹ ḅẹ si-sịḅịḅio-sụa atomi ma ḅaa ḅa, tẹ anị ḅụ si-mịẹapụ nụnụ-pakama ḅa, kịrị ḅio ḍiḅi wararị asịn pembe ḅara.

Ị́ inetẹ ḅẹẹ ama-mẹnjị-ẹrẹḅọ ẹrẹḅọ sịkị ḅa, anie arị ine-ḅara ine-ḅara mịẹ tẹ í toluma fama ḅẹ ḍọkịarị ḅọ ma ḅịḅị-ḅẹlẹ ẹkwẹn ḅụ, anie ḅioḅẹngbọ kẹ ḅụụ ḅụ gbana na-iḅi-a ḅara sime tẹ ḅọ ma, á di ḅụụ ḅụ, tẹ á karị fịafịa ye mẹ kẹ ḅioḅọrọma tẹ ḅọ ma.