Popularni biblijski stihovi iz Matiyo 24

Si ọkọ kẹ ḅaka ḅarị ḅara gotẹ tọnwa atomi nyana ja apụ pịrị ḅẹlẹma oḅoku ḅa. Kụma inema mu kunoma la ḅọ, la ḅọ ḅọrọma ḅa.

Tẹ Tamụnọ Ama-da tẹ ḅẹrẹtọn-arị mẹ ḅẹ Iḅi Oku mẹ, ini anị ḍuko bebe tomikiri mamgba wasama tẹ, anị elekima sọ tomikiri ḅẹ atomi mamgba pịrị ḅa; anịtẹso kunoma mẹ nwẹnị ḅo ḅa.

Kpeki anga ḅụ ọmịnị ọmụ fiearị ye naa ḅa, tẹ sụma-jụ ḅụ ọmụ ịba pịkị ḅo ọ́ la ḅa; kụma anị ọmịna ḅụụ-ḅalaḅalama ma. Ọkọsime aị ma paka-a so ḅịa, kụma arị aị ma fie-a mịnẹ kunoma mẹ ḅo la tẹ.

Tomikiri ḅẹ asịẹ ma, jen na, jen na owu sọ ḅa; gbọrụ amadaḅọ suku-ḅio simearị apụ pịkị owu kẹ osi-ḅọ suku-ḅio simearị apụ paka ḅa. Anga-anga ḅụ ḅuru ḅaa na kiri jike na paka ḅa. Mịna aị mamgba kịkarị ye anie iyi latẹ ẹrẹḅọ tarị da-da akụ aị.

So na Kiri na ḅọrọ so ḅa, kụma ị̀ ẹkwẹn ma gbala-gbala ḅọrọ so ḅịa gbamasom.

Tọnwa atomi ị̀ ẹrẹ kẹ ẹkwẹn ḅẹ ḅo tẹ ḅẹẹ ḅa, ‘Yẹrị anie Mẹsaya ḅẹẹ’, tẹ oḅori kẹ tọnwa apụ sịn ḅa.

“Anịsakị ini ó kun tẹ ọ́ saḅama tomi pịrị tẹ in fomu-ḅara kẹ ọ́ pịrị tẹ ọ́ ḅaa ḅa. Ị̀ sịḅị gotẹ tomḅọ nwẹn-sịn tomḅọ ó ḍiki-ḅioḅu ḅa. Anị sakị mẹ ḅụ tọnwa-apụ ịn nyana minini ḅụ ḅara-siin ḅa; tomi jụmọ-jụmọ kẹ ja apụ ḅara-ḅio dẹrịma, tẹ jụmọ-jụmọ ḍiki-ḅioḅu ḅa. Anịsakị tọnwa iruo ịkịankoroapụ amịna aḅụụ ḍie-pakama tẹ oḅori kẹ tọnwa-apụ sịn ḅa.

Jizọsị nwẹnị pakịrị, “Ọmịnị ẹbị nyana ọmịna ḅụụ pịrịị, tẹ ḍụkụ tẹ gbọrụḅọ-sọ oḅori kẹ ọ́ sịn ma.

Mị-ḅara ḅụ, ọmịnị sọ ọkọ kẹ sakị mamgba tẹlẹma tẹ koruu, kẹ gotẹ ọkọ ḅẹẹarị, Tomḅọ Tụḅọ ḅe ḅo ḅarị sakị mẹ ḅarị ọ́ kẹ ḅiotọn-a sakị sọ ḅịa ḅara.

“Ọkọẹrẹsị, ọmịnị ẹbị nyana ḅụụ pịrịị, ọ́ Nyanaḅọ ḅe ḅo ḅarị ene mẹ ó nimi-a ẹrẹsị.

“Anị sime-ḅara ḅụ, gbọrụḅọ-sọ Tomḅọ Tụḅọ ḅe ḅo ḅarị ene mẹ na, sakị mẹ na nimi-a — So-ḅio simearị enjẹlị apụ ma sọ nimi-a, Tụḅọ ḅe sọ nimi-a; Ḍaḅọ ḅe sikima nimi jụmọ ofori.

Kẹ gotẹ ọkọ ḅẹẹarị, iruo Amazaya na, iruo ịkịankoroapụ na, ḅụụ pakama ḅa; ini opu ḅụụ-buama-aị na, ḅụụ-gbiripuma-aị na, mịẹ tẹ oḅori kẹ Tamụnọ sẹlẹ-ọkị tẹ atomi ma sọ sịn ḅẹ ḅii ḅa, anị inetẹ ọkọ mịẹ ḅẹ kụma.

Tomḅọ Tụḅọ ḅe ḅoo mẹ Noha ene ḅaka paka ye na kịka ḅa. Tẹrẹmẹ opu minji mẹ ḅo, tomikiri ḅẹ atomi fị-na-ḅuu-nam; owiapụ na, ereme na simem, ọkị mu Noha arụ mẹ ḅụkụlọ eneḅaka mẹ lam; anịsọ paka ḅẹ-yearị ye mẹ ịn lekiri-a nwenii opu minji mẹ ḅo ịn gbaịn tẹ ịn fọnọ so sakị lam. Anie anị sime ḅarị ḅara Tomḅọ Tụḅọ ḅe ḅoarị sakị mẹ ḅụ.