Popularni biblijski stihovi iz Matiyo 18

Kẹ gotẹ ọkọ ḅẹẹarị, maa apụ, anịanịa tẹra apụ, ị̀ ẹrẹ ḅụ kobiri anga, kobiri anga, arị ini na emi.”

“À pịkị sin ọ́ ḅẹẹarị, ọmịna ḅụ ḅẹ maa apụ, anịanịa, tẹra apụ, tomikiri ḅụ ḅịḅị-kẹ-ogbosọ tẹ tẹkẹ ḅụ ḅii ye, ḅii ye, ị̀ Ḍa So-ḅio simearị ḅọ ḅe anị mịẹ ọ́ pịrị ḅa.

Mie ḅụ Jizọsị gbọrụ kalatụḅọ sịn ḅo tẹ mḅọ kẹ ịna tọrọkọ sịẹma, tẹ ḅẹẹm, “À mịẹtẹ ó nimiarị mịnẹ ọmịnị ọmịna ḅioḅẹngbọ ḍima tẹ ḅo kala awọmẹ kịka sikima, ọ́ Tamụnọ Ama-da mẹ suku-ḅio simearị atomi sọ ḅịa.

Tamụnọ Ama-da mẹ suku-ḅio simearị atomi ma ogboku ye la tẹịn ḅọ anie ḅị kalatụḅọ ḅe kịkatẹ amịna ḅụụ iderima ḅọ.

Tẹ ḅẹḅọ-ḅẹḅọ tẹ ị̀ ẹrẹ ḅụ nwẹn sime kalatụḅọ daa-ọkị ḅọ, ị̀ daa-ọkịm.

“Ọkọẹrẹsị à ḍuko ọmịnị-mgba pịrịarị: tomikiri ḅụ ó kiki ye, kiki ye, So-ḅio sọ ini anị kiki ḅa, tẹ tomikiri ḅụ ọ́ da suu ye, suu ye So-ḅio sọ ini anị da suu ḅa.

Tẹ Jizọsị nwẹnị ẹkwẹn gbaịn, “Anị ḅara mie ị̀ Ḍa So-ḅio simearị ḅọ ḅe kẹ ọmịna ḅụ ḅẹḅọ-ḅẹḅọ mịẹ ḅarị ḅara, í í ḅioḅẹngbọ ḅụ si-wẹrịso ị́ mịnaḅọ pịrị sikima.”

“Gbọrụḅọ nwẹnị mịẹtẹ mịna ị̀ ḅụụ minini nyana wararị awọmẹ ma ḅẹ gbọrụḅọ amịna minini fama ḅẹ nakara, in ye gbẹẹ ḍụḅarị kẹ mḅọ kọngọ kpọọ tẹ mḅọ kẹ owolo ḅio gbin tẹ mḅọ ḅile sọ-mu sombi fịị.

“Ọ́ sịn-arị gbọrụḅọ anana sọnọa si nyana wararị, tẹ ịna ḅụụ gberie iri-faa kụma, ọ̀ tọ-ḅara mịẹ ḅẹ? Ò gberie fa sọnọa si ma kẹ ini osuka fịarị tụndụ mẹ akaka koroma tẹ mu iri-faa tẹ ye ḅe ḍọkị ḅa.