Popularni biblijski stihovi iz Matiyo 16

Anịtẹso Jizọsị nwẹnị ò ḍukamẹnjịapụ ma ḅẹẹ, “Gbọrụḅọ nwẹnị ị̀ na sọ tẹ mẹnjị ḅarị ḅẹḅẹ, mḅọ amịna ḅụụ kẹ ḅioḅọrọmaa, tẹ amịna ẹngbẹsẹ-sịn saakị dogi, tẹ ì ḍuka ḅoo.

Ọkọẹrẹsị à ḍuko Ị̀ pịrịarị, Pita; ịkụụ, tẹ mị ịkụ mẹ ọgọnọ mie arị ị̀ sọsị mẹ nama ḅarị ye, tẹ fị kụrọ sọ inetẹ anị nẹngịma ḅịa.

Tẹ à Tamụnọ Ama-da mẹ sọ-mu ḅẹ ḅọkọ asambị ma kẹ ị́ ḅara sụa ḅa; tomikiri ḅụ í kiki ḅọ kiki ḅọ, So-ḅio sọ ini mḅọ kiki ḅa; tẹ tomikiri ḅụ ị́ da-suu ḅọ da-suu ḅọ, So-ḅio sọ ini mḅọ da-suu ḅa.”

Kẹ gotẹ ọkọ ḅẹẹarị, ḅẹḅọ-ḅẹḅọ tẹ amịna ḍumo koko ḅụụ pịrị ḅẹ-ḅiiarị ḅọ, anị fama ḅa; kụma ḅẹḅọ-ḅẹḅọ tẹ ị̀ sịḅị ẹrẹsị amịna ḍumo famarị ḅọ anị ḍọkị-ẹrị ḅa.

Yee à paa ó gbela, tomḅọ bebe tomikiri mẹ nyana ọkị ḅẹ tẹ amịna ḍumo fama kụma ndẹẹ mḅọ nyana ḅarị sọye? Karakara-ḅara-ḅụ gbọrụ sọye sọ ofori! Ori inetẹ pịrị pakama tẹ kẹ ò ḍumo pakịrị ọkị ḅẹ gberie-sọ ofori.

Jizọsị nwẹnị in gbela, “Ọmịnị ḅọrọ tọ-ḅara? Ọmịnị mẹẹ yẹrị tụḅọ?” Sayịmọnị Pita nwẹnị pakịrị, “Ị́yẹrị anie Mẹsaya ḍumo wararị Tamụnọ ḅe Tụḅọ ḅee.”

Jizọsị nwẹnị pakịrị, “Sayịmọnị, Jona tụḅọ, tomḅọọ! Kẹ gotẹ ọkọ ḅẹẹarị, mị karakara mẹ gbọrụḅọ-sọ anị kẹ í toluma-a, kụma ị̀ Ḍa So-ḅio simearị ḅọ ḅe ḅara ḅụ mie anị da-da ḅo ị́ ḅara la ye.