Popularni biblijski stihovi iz Piancilna 50

Podeli

Note in kei siat nadinga na geel uh hi-a, ahi hangin Pasian in tu huna piang thu ah mi tampi nuntakna a hotkhiat nadingin a hoih dinga a geel ahi hi.

Ahi hangin Joseph in amaute kiangah, "Lau kei un. Kei Pasian’ muna om ka hi hiam?

Tua ahitak ciangin hong kihta kei un. No le na tate uh kong vak ding hi," ci hi. Amah in amaute lungnuamsak-a, amaute kamkhumin a hopih hi.

‘Joseph kiangah hih bangin ci un: Na sanggamte in nang hong bawlsiat luatna uh mawhnate le khialhnate na maisak ding kong thum hi, ci hi,’ Tu-in nong hehpihna in na pa’ Pasian’ nasemte mawhna hong maisak in," ci uh hi. A thuzaksakna uh Joseph kiang a tun ciangin Joseph kap hi.

Tua ciangin Joseph in a sanggamte kiangah, "Kei a si ding ka hi ta hi; ahi hangin note kiangah hong huh ding Pasian hong pai pelmawh dinga hih gam pan hong pikhia in Abraham, Isaac le Jacob tunga kiciama a khapsa gamah hong puak ding hi," ci hi.

Tua ciangin Joseph in Israel’ tapate tomlo in kiciamsaka, "Note huh dingin Pasian hong pai pelmawh ding hi, tua hun ciangin hih mun pan ka guhte na puato pelmawh ding uh hi," ci hi.

Tua ciangin kum za le sawm khat a pha Joseph a si hi. Amaute in a luang a muat loh nadingin bawl uh a, Egypt ah, hankuang khatin amah a kikoih hi.