Popularni biblijski stihovi iz METHIU 24

Podeli

Che thranoh in araltu miiringvol inlengtu. Chuta achena phah a akdou mii khata akaltu.

Chuche amah kurung huunnavaa akthra trongraan i jaat anaamte ah sakhi veinatu tukleiram pumtea inraantu; mahche achenakha thlengtu.”

Che nannih in raal khatkho raalhou nantheihtu; romve mah chuvah nannih in inchoinohve; tihva mah i suuktutla, chuta achenavah nohmang.

Alamva jatih khat in jatih khat chungah che kurungram khatin kurungram khatchunga innah insuul suuktu, aram aramma saakchaal che runaangnu thou suuktu. Anaamte i sapok in klah amthronnasa.

Aknileh Pung tukhat Inkho romnoh.”

Alamva ‘Kei i Khrista sang ta kikminga khalmo thlengtuei,’ che mii aktamta invaia nanisehpitu.

“Mahlai anmah in nannihta trihkhop klah knangting nanimlantu, mahche nanithattu, chuche jaat naamte in kei kikming rella nannihta nantirh tuei. Mahlai mii aktam in malot inlengtuei, che khatleh khat inloontuei, mahche khatleh khat intirh suuktuei. Chuche akchimnoh ringraan khalmo inthruh ah mii khalmo invaia ansehpituei.

Che Jisu in ankuungah amsangei, “Tukhat inkho chimnohting naniseh pinanohtu cheksilve.

Alamva nannihkho inchaanga amve che nannih in namidonnoh pungkhan miivaa Asa kupa in thlengtu.”

Jih trangve, alamva nannihvaa Akpu in tik a thlengume romnohchou.

“Amahvaa akni khatkho pungkha ringramna ringroi inkho, Asa kupa inkho che tukhat inkho romnoh, chuta Apa khop in aromning.

Alamva Khrista khatkho ringraan veisin khalmo inthruhtuei che jaleva acharche miiluungkho invaia sehpinatu akliin daang leh salungkhouna khalmo amimuhtu.

Noah laia aksuuk khananga, miivaa Asa kupa in athlenglai akho veitu. Alamva tuiiliin akni aphahnoh maa a saa iinna, changvaanga che chang mavaanga Noah in mulisuunga aluutnohmiil ammei, che tuiiliin thlengta romnoh a annaamteta tuii in atlaannanga miivaa Asa kupa in athlengkho mahchunanga veitu.