Popularni biblijski stihovi iz Ruma 9

Podeli

Ne egkesavut ta zutun he is tuvad te Megbevayà te menusiyà, ne kenà pinaag̵i te kebayà te menusiyà, wey menge meupiya he ulaula te menusiyà, kekenà, pinaag̵i zà te hizu te Megbevayà.

Su migkag̵i zengan is Megbevayà diyà te ki Moises te, “Iyan a ebayàbayà ke hentei is egkehizuwan ku wey ke hentei is ebmahalen ku zini te g̵ehinawa ku,” ke sikandin.

Ne iyan egkekag̵i ku kayi is: ebpeketavak ki ve te Megbevayà is linimbag din dà? Egkehimu ve he ebpekeinsè ki is mibeelan te mibaal kenita te, “Maan is mibeelan a kenikew he iring kayi?”

Ne egketuenan ta zutun he is Megbevayà, ne iyan ebayàbayà ke hentei is igkehizu zin sumalà is egkesuatan din te minsan hentei. Ne iyan daan sikandin ebayàbayà ke hentei is idtug̵ut din he kenà ebpezumazuma kandin sumalà is egkesuatan din te minsan hentei.

Iring te ebpendiyun su ke ediyunen din is dezuwa he kuzen, iyan sikandin ebayàbayà ke hendei zapit dutun te zezuwa is edhimuwen din he utew mekempet he ed-ehaan su edeyzeyanan din, wey ke hendei zapit is edhimuwen din he kenà utew mekempet su kuzen dà duen.