Popularni biblijski stihovi iz Ruma 10

Podeli

Ne emun edtudtulen niw ziyà te zuma he iyan en Nengazen si Jesus, ne emun hustu is kedtuuwi niw he mibanhew sikandin te Megbevayà, egkelibri kew te silut te Megbevayà.

Su pinaag̵i te isip ta ke edtuu ki ed-isipen ki te Megbevayà he metazeng, ne zutun ebpenudtulen ta ziyà te zuma is kedtuu ta ne human egkeheg̵et is kedlibriya kenita te silut.

Ne wey zà ebpeketuu is etew emun egkezineg din is kebpesevuta te tutuu he tuluuwen, ne is tutuu he tuluuwen, ne iyan is kebpesavut mehitenged ki Kristu.

Su zuen insurat he Lalag te Megbevayà he edhenduen te, “Is minsan hentei he edsarig kandin, utew meupiya is edungguan din.” Su is Nengazen, wazè din ibpelavi te minsan hentei he etew, minsan ke Hudiyu wey ke kenà be Hudiyu, ne umba wazè din ibpelavi kayi su Nengazen sikandin te minsan hentei ne edtevangan din is minsan hentei he etew he ebpetavang kandin. Su zuen insurat he Lalag te Megbevayà he edhenduen te, “Is minsan hentei he ebpetavang te Nengazen, edlibriyen sikandin te silut te Megbevayà.”

Ne wey zà egkehimu is ebpenudtul ke edsug̵uen sikandin te Megbevayà. Ne zuen iyan midsug̵ù te Megbevayà su iring te migkag̵i ziyà te insurat he Lalag te Megbevayà he “Utew igkeg̵alew is kebpekeuma te menge etew he edsangyew te Meupiya he Tudtulanen.”

Iyan, kenà egkehimu he ebpetavang te Nengazen tew he si Jesu Kristu is menge etew he wazà meketuu kandin. Ne kenà daan egkehimu he edtuu te Nengazen is menge etew he wazè pa metudtuli mehitenged kandin. Ne kenà sikandan egkeumahan te tudtul ke wazà ebpenudtul ziyà te kandan.

Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.