Zvawanikwa pakutsvaga: self-control
VaGaratia 5:23 (BDSC)
kupfava uye kuzvidzora. Hakuna murayiro unopesana nezvizvi.
VaGaratia 5:22 (BDSC)
Asi chibereko choMweya ndirwo rudo, mufaro, rugare, mwoyo murefu, unyoro, kunaka, kutendeka,
VaGaratia 5:16 (BDSC)
Saka ndinoti, raramai noMweya, uye hamungazofadzi nyama nokuchiva kwayo.
VaGaratia 5:24 (BDSC)
Avo vari vaKristu Jesu vakaroverera pamuchinjikwa nyama nokuchiva kwayo uye nezvainoshuva.
1 VaKorinde 9:25 (BDSC)
Vanhu vose vanopinda mumutambo vanozvirovedza zvakaoma. Vanoita izvi kuti vawane korona isingagari; asi isu tinozviita kuti tiwane korona inogara nokusingaperi.
1 VaKorinde 9:27 (BDSC)
Kwete, ndinorovedzera muviri wangu uye ndinouita muranda wangu kuitira kuti mushure mokunge ndapedza kuparidzira vamwe, ini pachangu ndirege kushayiwa mubayiro.
VaGaratia 5:17 (BDSC)
Nokuti nyama inoshuva zvinopesana noMweya, uye Mweya anopesanawo nezvinoshuviwa nenyama. Izvi zvinorwisana pachazvo, kuti murege kuita zvamunoda.
VaGaratia 5:18 (BDSC)
Asi kana muchitungamirirwa noMweya, hamusi pasi pomurayiro.
VaGaratia 5:19 (BDSC)
Mabasa enyama ndiwo aya: upombwe, tsvina, utere;
VaGaratia 5:20 (BDSC)
kunamata zvifananidzo, uroyi, ruvengo, gakava, godo, kutsamwa, kuzvikudza, kuparadzana, dzidziso dzakatsauka
VaGaratia 5:21 (BDSC)
nokugodorana; kudhakwa, kutamba kwakaipa, nezvimwe zvakadaro. Ndinokuyambirai, sezvandakamboita kare kuti avo vana mararamiro iwaya havangagari nhaka youmambo hwaMwari.
VaGaratia 5:25 (BDSC)
Sezvo tichirarama noMweya, ngatifambei noMweya.
VaGaratia 5:26 (BDSC)
Ngatiregei kuzvikudza, tichitsamwisana kana kuchiva zvevamwe.
1 VaTesaronika 5:6 (BDSC)
Saka zvino, ngatiregei kuita savamwe vavete, asi ngatisvinurei uye tive vanozvidzora.
1 VaTesaronika 5:7 (BDSC)
Nokuti avo vanovata, vanovata usiku, uye avo vanodhakwa, vanodhakwa usiku.
1 VaTesaronika 5:8 (BDSC)
Asi sezvo tiri vamasikati, ngatizvidzorei, takapfeka kutenda norudo sechidzitiro chechipfuva, netariro yoruponeso senguwani.
Tito 2:11 (BDSC)
Nokuti nyasha dzaMwari dzinouyisa ruponeso dzakaratidzwa kuvanhu vose.
Tito 2:12 (BDSC)
Dzinotidzidzisa kuti tirambe zvinhu zvisina umwari nokuchiva kwenyika, uye tirarame upenyu hwokuzvidzora, hwokururama uye hwoumwari munguva ino,
Tito 2:13 (BDSC)
takamirira tariro yakaropafadzwa, kuonekwa kwokubwinya kwaMwari wedu mukuru noMuponesi, Jesu Kristu,
1 Petro 4:7 (BDSC)
Kuguma kwezvinhu zvose kwava pedyo. Naizvozvo ndangariro dzenyu ngadzichene uye muzvidzore kuti mugogona kunyengetera.
1 Petro 4:9 (BDSC)
Muitirane rudo kuno mumwe nomumwe wenyu musinganyunyuti.
2 Petro 1:5 (BDSC)
Nokuda kwaizvozvi, shingairai kuti muwedzere kunaka pakutenda kwenyu; uye pakunaka, muwedzere kuziva;
2 Petro 1:6 (BDSC)
napakuziva muwedzere kuzvidzora; napakuzvidzora, muwedzere kutsungirira; napakutsungirira, muwedzere umwari;
2 Petro 1:7 (BDSC)
napaumwari muwedzere kuda vatendi; napakuda vatendi, muwedzere rudo.
2 Petro 1:8 (BDSC)
Nokuti kana mune zvinhu izvi, zvichiramba zvichiwanda, zvichakuitai kuti musava nousimbe uye musashayiwa zvibereko mukuziva kwenyu Ishe wedu Jesu Kristu.