Kumira naMwari munguva yekuyedzwa nematambudziko

Kukunda Nekurumbidza

Hunhu weuMwari

Tsee: Kuona upenyu nomuono wokusingaperi

Sarudzo dzine huMwari

Zvibayiro Zvipenyu Kuna Mwari

Iva Mutsvene

Munamato waTenzi

Tiri Vamwe Muna Kristu

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch1" data-usfm="MRK.1">
 <div class="label">1</div><div class="s1">Johani Mubhabhatidzi anogadzira Nzira</div><div class="p"> 1Kutanga kwevhangeri raJesu Kristu, Mwanakomana waMwari.</div><div class="p"> 2Kwakanyorwa muna Isaya muprofita kuchinzi:</div><div class="q1">&#8220;Ndichatuma nhume yangu mberi kwako,</div><div class="q2">uyo achagadzira nzira yako,&#8221;</div><div class="q1"> 3&#8220;inzwi rounodana murenje, richiti,</div><div class="q1">&#8216;Gadzirai nzira yaShe,</div><div class="q2">ruramisai migwagwa yake.&#8217;&#8198;&#8221;</div><div class="m"> 4Uye saizvozvo Johani akauya, achibhabhatidza murenje uye achiparidza rubhabhatidzo rwokutendeuka kuti varegererwe zvivi. 5Nyika yose yeJudhea navanhu vose veJerusarema vakaenda kwaari. Vachireurura zvivi zvavo, vakabhabhatidzwa naye muRwizi rweJorodhani. 6Johani aipfeka nguo dzamakushe engamera, nebhanhire reganda muchiuno chake, uye aidya mhashu nouchi hwesango. 7Uye iyi ndiyo yakanga iri mharidzo yake: &#8220;Shure kwangu kuchauya mumwe ane simba kupfuureni wandisina kufanira kusunungura rukanda rweshangu dzake. 8Ndinokubhabhatidzai nemvura, asi iye achakubhabhatidzai noMweya Mutsvene.&#8221;</div><div class="s1">Kubhabhatidzwa noKuedzwa kwaJesu</div><div class="p"> 9Panguva iyoyo Jesu akauya achibva kuNazareta muGarirea uye akabhabhatidzwa naJohani muJorodhani. 10Jesu paakanga ava kubuda mumvura, akaona denga richizarurwa uye Mweya achiburukira pamusoro pake senjiva. 11Uye inzwi rakauya richibva kudenga richiti, &#8220;Ndiwe Mwanakomana wangu, wandinoda, wandinofarira kwazvo.&#8221;</div><div class="p"> 12Pakarepo Mweya akamutumira kurenje, 13uye akanga ari murenje kwamazuva makumi mana, achiedzwa naSatani. Akanga ari pamwe chete nemhuka dzesango uye vatumwa vakamushandira.</div><div class="s1">Kudanwa kwaVadzidzi Vokutanga</div><div class="p"> 14Mushure mokunge Johani aiswa mutorongo, Jesu akaenda kuGarirea, achiparidza vhangeri raMwari. 15Akati, &#8220;Nguva yasvika. Umambo hwaMwari hwaswedera. Tendeukai mutende vhangeri!&#8221;</div><div class="p"> 16Jesu paakanga achifamba pamahombekombe eGungwa reGarirea, akaona Simoni nomunun&#700;una wake Andirea vachikanda usvasvi mugungwa, nokuti vakanga vari vabati vehove. 17Jesu akati, &#8220;Uyai munditevere, uye ndichakuitai vabati vavanhu.&#8221; 18Pakarepo vakasiya usvasvi hwavo vakamutevera.</div><div class="p"> 19Akati afamba chinhambwe zvishoma, akaona Jakobho mwanakomana waZebhedhi nomunun&#700;una wake Johani vari mugwa, vachigadzira usvasvi hwavo. 20Haana kunonoka, akavadana, uye vakasiya baba vavo, Zebhedhi, mugwa vaine vashandi vavo, vakamutevera.</div><div class="s1">Jesu Anodzinga Mweya Wakaipa</div><div class="p"> 21Vakaenda kuKapenaume, uye nomusi weSabata, Jesu akapinda musinagoge akatanga kudzidzisa. 22Vanhu vakashamiswa nokudzidzisa kwake, nokuti akavadzidzisa somunhu ane simba, asingaiti savadzidzisi vomurayiro. 23Pakarepo mumwe murume akanga ari musinagoge ravo akanga akabatwa nomweya wakaipa akadanidzira achiti, 24&#8220;Munodeiko kwatiri, imi Jesu weNazareta? Mauya kuzotiparadza here? Ndinoziva kuti ndimi ani, imi Mutsvene waMwari!&#8221;</div><div class="p"> 25Jesu akarayira akati, &#8220;Nyarara! Buda maari!&#8221; 26Mweya wakaipa wakamuzunza-zunza ndokubva wabuda maari nenzwi guru.</div><div class="p"> 27Vanhu vose vakashamiswa kwazvo zvokuti vakabvunzana vachiti, &#8220;Chiiko ichi? Idzidziso itsva ine simba! Anorayira kunyange mweya yakaipa, uye ichimuteerera.&#8221; 28Mukurumbira wake wakapararira munyika yose yeGarirea.</div><div class="s1">Jesu Anoporesa Vazhinji</div><div class="p"> 29Vakati vachangobva musinagoge, vakaenda naJakobho naJohani kumba kwaSimoni naAndirea. 30Ambuya vaSimoni vakanga vavete pamubhedha vachirwara nefivha, uye vakaudza Jesu nezvavo. 31Saka akaenda kwavari, akabata ruoko rwavo akavabatsira kusimuka. Fivha yakabva mavari vakatanga kuvashandira.</div><div class="p"> 32Manheru acho iwayo zuva ravira, vanhu vakauya kuna Jesu navose vairwara navakanga vakabatwa namadhimoni. 33Guta rose rakaungana pamukova, 34uye Jesu akaporesa vazhinji vakanga vane zvirwere zvakasiyana-siyana. Akadzingawo madhimoni mazhinji, asi akanga asingatenderi madhimoni kuti ataure nokuti akanga achiziva kuti iye ndiani.</div><div class="s1">Jesu Anonyengetera Ari Oga</div><div class="p"> 35Mangwanani-ngwanani, kuchakasviba, Jesu akamuka akabuda mumba akaenda kunzvimbo yaakanga ari oga, ikoko akandonyengetera. 36Simoni navamwe vake vakaenda kundomutsvaka, 37uye vakati vamuwana, vakati, &#8220;Vanhu vose vanokutsvakai!&#8221;</div><div class="p"> 38Jesu akapindura akati, &#8220;Ngatiendei kune imwe nzvimbo, kumisha iri pedyo, kuti ndinoparidzawo ikoko. Ndizvo zvandakauyira.&#8221; 39Saka akafamba nomuGarirea yose, achiparidza mumasinagoge avo uye achidzinga madhimoni.</div><div class="s1">Murume Akanga Ana Maperembudzi</div><div class="p"> 40Mumwe murume akanga ana maperembudzi akauya kwaari akapfugama, akamukumbira zvikuru achiti, &#8220;Kana muchida, munogona kundinatsa.&#8221;</div><div class="p"> 41Jesu akamunzwira ngoni, akatambanudza ruoko rwake akabata murume uya. Akati, &#8220;Ndinoda. Chinatswa!&#8221; 42Pakarepo maperembudzi akabva paari uye akaporeswa.</div><div class="p"> 43Jesu akamuendesa pakarepo akamuyambira zvikuru achiti, 44&#8220;Chenjera kuti urege kuudza mumwe munhu. Asi enda, undozviratidza kumuprista ugobayira chipiriso chakarayirwa naMozisi chokuporeswa kwako, chive chapupu kwavari.&#8221; 45Asi iye akabuda akatanga kutaura akasununguka, achiparadzira shoko iro. Nokuda kwaizvozvo, Jesu haana kuzogona kupinda muguta zviri pachena asi akagara kunze, kunzvimbo dzakanyarara. Kunyange zvakadaro vanhu vakaramba vachiuya kwaari vachibva kumativi ose.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch2" data-usfm="MRK.2">
 <div class="label">2</div><div class="s1">Jesu Anoporesa Munhu Akanga Akafa Mutezo</div><div class="p"> 1Shure kwamazuva mashoma shoma, Jesu akati apindazve muKapenaume, vanhu vakanzwa kuti akanga auya kumusha. 2Saka vazhinji vakaungana zvokuti mumba makasara musisina nzvimbo kunyange kunze kwomukova, uye akaparidza shoko kwavari. 3Vamwe varume vakasvika, vakauya kwaari nomunhu akanga akafa mutezo, akatakurwa navarume vana. 4Sezvo vakanga vasingagoni kusvika naye kuna Jesu nokuda kwokuwanda kwavanhu, vakazarura denga reimba pamusoro paJesu uye, vakati variputsa, vakaburutsa nhoo pakanga pavete uya munhu akanga akafa mutezo. 5Jesu akati aona kutenda kwavo, akati kuno uya akanga akafa mutezo, &#8220;Mwanakomana, zvivi zvako zvaregererwa.&#8221;</div><div class="p"> 6Zvino vamwe vadzidzisi vomurayiro, vakanga vagere ipapo, vakafunga mumwoyo yavo vachiti, 7&#8220;Munhu uyu anotaura sei achidaro? Ari kumhura Mwari! Ndianiko anoregerera zvivi asi Mwari oga?&#8221;</div><div class="p"> 8Pakarepo Jesu akazviziva mumweya wake kuti ndizvo zvavakanga vachifunga mumwoyo yavo, uye akati kwavari, &#8220;Seiko muchifunga zvinhu izvi? 9Ndezvipiko zvakareruka: Kuti kuno wakafa mutezo, &#8216;Zvivi zvako zvaregererwa,&#8217; kana kuti, &#8216;Simuka, tora nhoo yako ufambe&#8217;? 10Asi kuti muzive kuti Mwanakomana woMunhu ane simba panyika rokuregerera zvivi.&#8221; Akati kuna akanga akafa mutezo, 11&#8220;Ndinoti kwauri, simuka, tora nhoo yako uende kumba.&#8221; 12Akasimuka kubva panhoo yake, akatora nhoo yake akafamba akabuda vose vachizviona. Izvi zvakashamisa munhu wose uye vakarumbidza Mwari vachiti, &#8220;Hatina kumboona chinhu chakadai!&#8221;</div><div class="s1">Kudanwa kwaRevhi</div><div class="p"> 13Ipapo Jesu akabudazve akaenda kugungwa. Vanhu vazhinji zhinji vakauya kwaari uye akatanga kuvadzidzisa. 14Paaifamba achitevedza gungwa, akaona Revhi mwanakomana waArifeasi agere paitererwa mutero. Jesu akati kwaari, &#8220;Nditevere,&#8221; ipapo Revhi akasimuka akamutevera.</div><div class="p"> 15Jesu paakanga achidya kudya kwamanheru pamba paRevhi, vateresi vazhinji na&#8220;vatadzi&#8221; vakanga vachidya naye, navadzidzi vake, nokuti kwaiva navazhinji vaimutevera. 16Vadzidzisi vomurayiro, ivo vaFarisi, vakati vachimuona achidya na&#8220;vatadzi&#8221; navateresi, vakabvunza vadzidzi vake vakati, &#8220;Seiko achidya navateresi na&#8216;vatadzi&#8217;?&#8221;</div><div class="p"> 17Anzwa izvozvo, Jesu akati kwavari, &#8220;Vasingarwari havatsvaki chiremba, asi vanorwara. Handina kuuya kuzodana vakarurama, asi vatadzi.&#8221;</div><div class="s1">Vanobvunza Jesu pamusoro poKutsanya</div><div class="p"> 18Zvino vadzidzi vaJohani navaFarisi vakanga vachitsanya. Vamwe vanhu vakauya vakabvunza Jesu vakati, &#8220;Sei vadzidzi vaJohani navadzidzi vavaFarisi vachitsanya, asi venyu vasingatsanyi?&#8221;</div><div class="p"> 19Jesu akapindura akati, &#8220;Shamwari dzechikomba dzingatsanya seiko kana iye achinavo? Havangadaro, kana iye achinavo. 20Asi nguva ichasvika ichabviswa chikomba kwavari, uye pazuva iroro vachatsanya.</div><div class="p"> 21&#8220;Hakuna munhu anoisa chigamba chitsva panguo tsaru. Kana akadaro, chigamba chitsva chichabvarura chitsaru, zvoita kuti buri racho rinyanye kukura. 22Uye hakuna munhu anodira waini itsva muhombodo dzamatehwe tsaru. Kana akaita izvozvo, waini ichaputitsa matehwe, uye zvose waini nedehwe rewaini zvichaparara. Kwete, anodira waini itsva muhombodo itsva.&#8221;</div><div class="s1">Ishe weSabata</div><div class="p"> 23Mumwe musi weSabata, Jesu akanga achipfuura nomuminda yezviyo, uye vadzidzi vake vakanga vachifamba naye, vakatanga kutanha hura dzezviyo. 24VaFarisi vakati kwaari, &#8220;Tarirai, seiko vachiita zvisingatenderwi nomusi weSabata.&#8221;</div><div class="p"> 25Akapindura akati, &#8220;Hamuna kumboverenga here zvakaitwa naDhavhidhi navamwe vake pavakanga vashayiwa zvokudya uye vonzwa nzara? 26Mumazuva aAbhiatari muprista mukuru, akapinda mumba maMwari akadya chingwa chakatsaurwa, chinongotenderwa kudyiwa navaprista chete. Uye akapawo vamwe vaaiva navo.&#8221;</div><div class="p"> 27Ipapo akati kwavari, &#8220;Sabata rakaitirwa munhu, munhu haana kuitirwa Sabata. 28Saka Mwanakomana woMunhu ndiye Ishe kunyange weSabata.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch3" data-usfm="MRK.3">
 <div class="label">3</div><div class="p"> 1Pane imwe nguva akapinda musinagoge, uye imomo makanga mune murume akanga ane ruoko rwakanga rwakakokonyara. 2Vamwe vavo vakanga vachitsvaka mhosva yavangapomera Jesu, saka vakamutarisisa kuti vaone kana aizomuporesa nomusi weSabata. 3Jesu akati kumurume akanga ane ruoko rwakakokonyara, &#8220;Simuka umire pamberi pavanhu vose.&#8221;</div><div class="p"> 4Ipapo Jesu akavabvunza akati, &#8220;Ndezvipiko zvinotenderwa nomusi weSabata: kuita zvakanaka kana kuita zvakaipa, kuponesa munhu kana kuuraya?&#8221; Asi vakaramba vanyerere.</div><div class="p"> 5Atsamwa, akatarisa vanhu vose vakanga vakamukomberedza, uye ashungurudzwa nokuda kwokusindimara kwemwoyo yavo akati kumurume uya, &#8220;Tambanudza ruoko rwako.&#8221; Akarutambanudza, uye ruoko rwake rukaporeswa. 6Ipapo vaFarisi vakabuda vakatanga kurangana navaHerodhi kuti vangauraya sei Jesu.</div><div class="s1">Vazhinji Vanotevera Jesu</div><div class="p"> 7Jesu akabva kugungwa navadzidzi vake, uye vanhu vazhinji vaibva kuGarirea vakamutevera. 8Vakati vanzwa zvose zvaakanga achiita, vanhu vazhinji vakauya kwaari vachibva kuJudhea, Jerusarema, Idhumea, uye namatunhu ari mhiri kweJorodhani, neakapoteredza Tire neSidhoni. 9Akaudza vadzidzi vake kuti vamutsvagire igwa duku, kuitira kuti vanhu varege kumutsikirira nokuda kwokuwanda kwavo. 10Ainge aporesa vazhinji zvokuti vaya vakanga vane zvirwere vakanga vachisundana vachiuya mberi kuti vamubate. 11Pose paaionekwa nemweya yakaipa, yaiwira pasi pamberi pake uye yaidanidzira ichiti, &#8220;Ndimi Mwanakomana waMwari.&#8221; 12Asi iye akairayira kwazvo kuti irege kutaura kuti akanga ari ani.</div><div class="s1">Kusarudzwa kwaVapostori Gumi naVaviri</div><div class="p"> 13Jesu akakwira pagomo akadana kwaari vaya vaaida, uye vakauya. 14Akasarudza vane gumi navaviri akavati vapostori, kuti vagare naye uye kuti agozovatuma kuti vandoparidza 15uye kuti vave nesimba rokudzinga madhimoni.</div><div class="b"></div><div class="li4"> 16Ava ndivo gumi navaviri vaakasarudza:</div><div class="b"></div><div class="li1">Simoni (uyo waakatumidza zita rokuti Petro),</div><div class="li1"> 17Jakobho mwanakomana waZebhedhi nomunun&#700;una wake Johani (avo vaakatumidza zita rokuti Bhoanerigesi, kureva kuti Vanakomana voKutinhira),</div><div class="li1"> 18Andirea,</div><div class="li1">Firipi,</div><div class="li1">Bhatoromeo,</div><div class="li1">Mateo,</div><div class="li1">Tomasi,</div><div class="li1">Jakobho mwanakomana waArifeasi,</div><div class="li1">Tadheo,</div><div class="li1">Simoni muZeroti</div><div class="li1"> 19naJudhasi Iskarioti, uyo akamupandukira.</div><div class="s1">Jesu naBheerizebhubhi</div><div class="p"> 20Ipapo Jesu akapinda mune imwe imba, uye vazhinji vakaunganazve, zvokuti iye navadzidzi vake vakanga vasingagoni kunyange kudya. 21Mhuri yake yakati yazvinzwa, vakaenda kundomubata, nokuti vakati, &#8220;Ava kupenga.&#8221;</div><div class="p"> 22Uye vadzidzisi vomurayiro vaibva kuJerusarema vakati, &#8220;Akabatwa nomweya waBheerizebhubhi! Ari kudzinga madhimoni nomuchinda wamadhimoni.&#8221;</div><div class="p"> 23Saka Jesu akavadana akataura kwavari nomufananidzo achiti, &#8220;Ko, Satani angadzinga sei Satani? 24Kana umambo huchizvipesanisa, umambo ihwohwo hahugoni kumira. 25Kana imba ichizvipesanisa, imba iyoyo haigoni kumira. 26Uye kana Satani achizvipikisa pachake uye achizvipesanisa, haangagoni kumira; kuguma kwake kwasvika. 27Zviripo ndezvokuti, hakuna munhu angapinda mumba momunhu ane simba agotakura zvinhu zvake, kana asina kutanga asunga murume wacho ane simba. Ipapo angagona kupamba imba yake. 28Ndinokuudzai chokwadi kuti zvivi zvose nokumhura kwavanhu kwose zvicharegererwa. 29Asi ani naani anomhura Mweya Mutsvene haazomboregererwi; ane mhosva yechivi chisingaperi.&#8221;</div><div class="p"> 30Akataura izvozvo nokuti vakanga vachiti, &#8220;Ano mweya wakaipa.&#8221;</div><div class="s1">Mai vaJesu naVanun&#700;una Vake</div><div class="p"> 31Ipapo mai vaJesu navanun&#700;una vake vakauya. Vakatuma munhu kundomudana ivo vamire panze. 32Vazhinji vakanga vagere vakamukomberedza, uye vakati kwaari, &#8220;Mai venyu navanun&#700;una venyu vari kukutsvakai panze.&#8221;</div><div class="p"> 33Iye akati, &#8220;Vanamai vangu navanun&#700;una vangu ndivanaaniko?&#8221;</div><div class="p"> 34Ipapo akatarisa kuna avo vakanga vagere vakaita denderedzwa vakamupoteredza akati, &#8220;Ava ndivo mai vangu navanun&#700;una vangu! 35Ani naani anoita kuda kwaMwari ndiye munun&#700;una wangu nehanzvadzi, uye namai vangu.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkMRK">
 <div class="chapter ch4" data-usfm="MRK.4">
 <div class="label">4</div><div class="s1">Mufananidzo woMukushi</div><div class="p"> 1Jesu akatanga kudzidzisazve ari pagungwa. Vanhu vakanga vakaungana vakamukomberedza vari vazhinji zhinji zvokuti akabva apinda mugwa akagara mariri ari mugungwa, asi vanhu vose vari kumahombekombe. 2Akavadzidzisa zvinhu zvizhinji nemifananidzo, uye mukudzidzisa kwake akati, 3&#8220;Teererai! Murimi akabuda kundokusha mbeu yake. 4Paakanga achikusha mbeu, dzimwe dzakawira munzira, uye shiri dzakasvika dzikadzidya. 5Dzimwe dzakawira murukangarabwe, madzisina kuwana ivhu rakawanda. Dzakakurumidza kumera, nokuti ivhu rakanga riri shoma. 6Asi zuva rakati rabuda, mbeu dzakapiswa nezuva, uye dzikaoma nokuti dzakanga dzisina midzi. 7Dzimwe dzakawira pakati peminzwa, minzwa ikakura ikavhunga mbeu, nokudaro hadzina kubereka zvibereko. 8Uye dzimwe dzakawira pavhu rakanaka. Dzakamera dzikakura uye dzikabereka kakapetwa makumi matatu, makumi matanhatu, kana kunyange zana.&#8221;</div><div class="p"> 9Ipapo Jesu akati, &#8220;Ane nzeve dzokunzwa, ngaanzwe.&#8221;</div><div class="p"> 10Paakanga ava oga, vane gumi navaviri uye navamwe vakanga vakamukomberedza vakamubvunza pamusoro pomufananidzo uyu. 11Akati kwavari, &#8220;Chakavanzika choumambo hwaMwari chakapiwa kwamuri. Asi kuna avo vari kunze, zvinhu zvose zvinotaurwa nemifananidzo 12kuitira kuti,</div><div class="q1">&#8220;&#8198;&#8216;zvimwe vangaramba vachiona, asi varege kuonesesa;</div><div class="q2">uye vachinzwa, asi varege kunzwisisa;</div><div class="q1">kana kuti vangatendeuka uye vakaregererwa!&#8217;&#8198;&#8221;</div><div class="p"> 13Ipapo Jesu akati kwavari, &#8220;Hamunzwisisi mufananidzo uyu here? Munganzwisisa seiko mufananidzo upi zvawo? 14Murimi anokusha shoko. 15Vamwe vanhu vakaita setsanga yakawira munzira, munokushwa shoko. Pavanongorinzwa, Satani anouya otora shoko rakushwa mukati mavo. 16Vamwe vakaita setsanga yakawira parukangarahwe, vanonzwa shoko uye nokukurumidza vorigamuchira nomufaro. 17Asi sezvo vasina midzi, vanongotsungirira kwenguva pfupi. Panongosvika nhamo kana kutambudzwa nokuda kweshoko, vanokurumidza kuwa. 18Uye vamwe, setsanga yakawira pakati peminzwa, vanonzwa shoko; 19asi kufunganya nezvoupenyu huno, kunyengera kwoupfumi uye zvishuvo zvezvimwe zvinhu zvinopinda zvigovhunga shoko, zvichirishayisa zvibereko. 20Vamwe vakaita setsanga yakawira pavhu rakanaka, vanonzwa shoko, vorigamuchira, uye vobereka zvibereko, kakapetwa makumi matatu, makumi matanhatu kana kunyange zana pane zvinenge zvakushwa.&#8221;</div><div class="s1">Mwenje paChigadziko</div><div class="p"> 21Akati kwavari, &#8220;Munouya nomwenje kuzouisa pasi pedengu here kana pasi pomubhedha? Handiti munouisa pachigadziko chawo here? 22Nokuti hapana chakavigwa chisingazooneswi, uye hapana chakavanzika chisingazobudi pachena. 23Munhu ane nzeve dzokunzwa ngaanzwe.&#8221;</div><div class="p"> 24Akaenderera mberi achiti, &#8220;Chenjererai kwazvo zvamunonzwa. Chiyero chamunoshandisa, ndicho chamuchayerwawo nacho kunyange zvakapfuurisa. 25Ani naani anazvo achapiwa zvimwe; ani naani asina, achatorerwa kunyange nezvaanazvo.&#8221;</div><div class="s1">Mufananidzo weTsanga Inomera</div><div class="p"> 26Akatizve, &#8220;Umambo hwaMwari hwakafanana nomunhu anokusha mbeu muvhu. 27Usiku namasikati, kunyange akavata kana akamuka, mbeu inomera igokura, kunyange zvazvo asingazivi kuti zvinoitika sei. 28Ivhu riri roga rinobereka zviyo, kutanga chipande, kwozoti hura, kwozoitawo tsanga dzakakora muhura. 29Panongoibva zviyo, anozvicheka nejeko, nokuti kukohwa kwasvika.&#8221;</div><div class="s1">Mufananidzo weMbeu yeMasitadhi</div><div class="p"> 30Akatizve, &#8220;Umambo hwaMwari tingahufananidza neiko kana kuti tingaita mufananidzo upiko kuti tihutsanangure? 31Hwakafanana netsanga yemasitadhi, inova tsanga duku duku yaunodyara muvhu. 32Asi kana yadyarwa, inokura igova muti mukuru kupfuura miti yose yomubindu, una matavi makuru zvokuti shiri dzedenga dzinogona kugara mumumvuri wawo.&#8221;</div><div class="p"> 33Nemimwe mifananidzo yakadai, Jesu akataura shoko kwavari, zvose sezvavaigona kunzwisisa. 34Haana kutaura chinhu chimwe kwavari asingashandisi mufananidzo. Asi paainge ari oga navadzidzi vake, aivatsanangurira zvose.</div><div class="s1">Jesu Anonyaradza Dutu</div><div class="p"> 35Zuva iroro ava madekwana, akati kuvadzidzi vake, &#8220;Ngatiyambukirei kuno rumwe rutivi.&#8221; 36Vakasiya vanhu vazhinji, vakaenda naye mugwa, sezvaakanga ari. Pakanga pane mamwewo magwa aaiva nawo. 37Dutu rinotyisa rakauya, uye mafungu akarova igwa, zvokuti rakanga rava pedyo nokunyura. 38Jesu akanga ari mushure megwa, avete pamutsago. Vadzidzi vake vakamumutsa vakati kwaari, &#8220;Mudzidzisi, hamuna hanya here kana tikanyura?&#8221;</div><div class="p"> 39Akamuka, akarayira mhepo uye akati kumafungu, &#8220;Nyarara! Dzikama!&#8221; Ipapo mhepo yakapera uye kukadzikama zvikuru.</div><div class="p"> 40Akati kuvadzidzi vake, &#8220;Munotyireiko zvakadai? Hamusati mava nokutenda here?&#8221;</div><div class="p"> 41Vakatya uye vakabvunzana vachiti, &#8220;Ndianiko uyu? Kunyange mhepo namafungu zvinomuteerera!&#8221;</div>
 </div>
 </div>
</div>

40 Days in the WordChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Kumira naMwari munguva yekuyedzwa nematambudziko

Kukunda Nekurumbidza

Hunhu weuMwari

Tsee: Kuona upenyu nomuono wokusingaperi

Hunhu weuMwari

Sarudzo dzine huMwari

Zvibayiro Zvipenyu Kuna Mwari

Iva Mutsvene

Munamato waTenzi

Tiri Vamwe Muna Kristu