Hunhu weuMwari

Tsee: Kuona upenyu nomuono wokusingaperi

Iva Mutsvene

Sarudzo dzine huMwari

Tiri Vamwe Muna Kristu

Kumira naMwari munguva yekuyedzwa nematambudziko

Munamato waTenzi

Zvibayiro Zvipenyu Kuna Mwari

Kukunda Nekurumbidza

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkMAT">
 <div class="chapter ch16" data-usfm="MAT.16">
 <div class="label">16</div><div class="s1">Vanokumbira Chiratidzo</div><div class="p"> 1VaFarisi navaSadhusi vakauya kuna Jesu vakamuedza nokumukumbira kuti avaratidze chiratidzo chinobva kudenga.</div><div class="p"> 2Akavapindura achiti, &#8220;Panosvika nguva yamadekwana munoti, &#8216;Mamiriro okunze achange akanaka nokuti denga rakatsvuka.&#8217; 3Uye mangwanani munoti, &#8216;Nhasi kuchanaya mvura ine dutu nokuti denga rakatsvuka uye kwakakwidibira.&#8217; Munoziva kududzira zvinoonekwa mudenga, asi hamugoni kududzira zviratidzo zvenguva. 4Rudzi rwakaipa rwoupombwe runotsvaka chiratidzo, asi hapana chichapiwa kwarwuri kunze kwechiratidzo chaJona.&#8221; Ipapo Jesu akavasiya, akaenda kumwe.</div><div class="s1">Mbiriso yavaFarisi navaSadhusi</div><div class="p"> 5Pavakayambuka mhiri kwegungwa, vadzidzi vakakanganwa kutakura chingwa. 6Jesu akati kwavari, &#8220;Chenjerai mungwarire mbiriso yavaFarisi navaSadhusi.&#8221;</div><div class="p"> 7Vakakurukura nezvenyaya iyi pakati pavo vakati, &#8220;Anodaro nokuti hatina kuuya nechingwa.&#8221;</div><div class="p"> 8Achiziva izvi Jesu akavabvunza akati, &#8220;Imi vokutenda kuduku, ko, muri kutauriranei pakati penyu nezvokusava nechingwa? 9Hamusati mava kunzwisisa here? Hamurangariri here zvingwa zvishanu zvavanhu vane zviuru zvishanu uye kuti makazadza matengu mangani ezvamakaunganidza? 10Kana kuti zvingwa zvinomwe zvavanhu zviuru zvina uye kuti makazadza matengu mangani ezvamakaunganidza? 11Hamunzwisisi sei kuti ndanga ndisingatauri kwamuri nezvechingwa? Asi chenjererai mbiriso yavaFarisi navaSadhusi.&#8221; 12Ipapo vakanzwisisa kuti ainge asingavaudzi kuti vachenjerere mbiriso inoshandiswa muchingwa, asi nezvedzidziso yavaFarisi navaSadhusi.</div><div class="s1">Petro Anopupura Kuti Jesu Ndiye Kristu</div><div class="p"> 13Jesu akati asvika kudunhu reKesaria Firipi, akabvunza vadzidzi vake akati, &#8220;Vanhu vanoti Mwanakomana woMunhu ndiani?&#8221;</div><div class="p"> 14Vakati, &#8220;Vamwe vanoti Johani Mubhabhatidzi, vamwewo vanoti Eria, vamwewo vachiti Jeremia kana mumwe wavaprofita.&#8221;</div><div class="p"> 15Akabvunza akati, &#8220;Ko, imi munoti ndini ani?&#8221;</div><div class="p"> 16Simoni Petro akapindura akati, &#8220;Ndimi Kristu, Mwanakomana waMwari mupenyu.&#8221;</div><div class="p"> 17Jesu akapindura akati, &#8220;Wakaropafadzwa iwe Simoni mwanakomana waJona, nokuti izvi hazvina kuzarurirwa kwauri nomunhu asi naBaba vangu vari kudenga. 18Ndinoti kwauri, iwe ndiwe Petro, paruware urwu ndichavaka kereke yangu, kunyange masuo eHadhesi haangaikundi. 19Ndichakupa kiyi dzoumambo hwokudenga; chose chaunosunga pano pasi chichasungwa kudenga, uye chose chaunosunungura pano pasi nokudenga chichasunungurwa.&#8221; 20Ipapo akayambira vadzidzi vake kuti vasaudze ani zvake kuti iye ndiye Kristu.</div><div class="s1">Jesu Anofanovaudza neZvorufu Rwake</div><div class="p"> 21Kubva panguva iyoyo Jesu akatanga kutsanangurira vadzidzi vake kuti anofanira kuenda kuJerusarema kundotambudzwa kwazvo pamaoko avakuru navaprista vakuru navadzidzisi vemirayiro uye kuti anofanira kuurayiwa nokumutswazve pazuva retatu.</div><div class="p"> 22Petro akamutora padivi akatanga kumutsiura achiti, &#8220;Hazviitiki, Ishe. Izvi hazvisi kuzoitika kwamuri!&#8221;</div><div class="p"> 23Jesu akatendeukira kwaari akati, &#8220;Enda shure kwangu Satani! Uri chigumbuso kwandiri nokuti hauna zvinhu zvaMwari mupfungwa dzako asi zvavanhu.&#8221;</div><div class="p"> 24Ipapo Jesu akati kuvadzidzi vake, &#8220;Kana paine anoda kunditevera, ngaazvirambe, atakure muchinjikwa wake, anditevere. 25Nokuti ani naani anoda kuchengetedza upenyu hwake acharasikirwa nahwo, asi ani naani anorasikirwa noupenyu hwake nokuda kwangu achahuwana. 26Ko, munhu achabatsirwa nei kana akawana nyika yose, asi achirasikirwa noupenyu hwake? Kana kuti munhu acharipeiko kuti adzikinure upenyu hwake? 27Nokuti Mwanakomana woMunhu achauya ari mukubwinya kwaBaba vake aine vatumwa vake, ipapo achapa mubayiro kuno mumwe nomumwe maererano namabasa ake. 28Ndinokuudzai chokwadi kuti vamwe vamire pano havazofi vasati vaona Mwanakomana woMunhu achiuya muumambo hwake.&#8221;</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

5cps - MatthieuChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Hunhu weuMwari

Tsee: Kuona upenyu nomuono wokusingaperi

Iva Mutsvene

Sarudzo dzine huMwari

Tiri Vamwe Muna Kristu

Kumira naMwari munguva yekuyedzwa nematambudziko

Munamato waTenzi

Zvibayiro Zvipenyu Kuna Mwari

Hunhu weuMwari

Kukunda Nekurumbidza