Kumira naMwari munguva yekuyedzwa nematambudziko

Hunhu weuMwari

Kukunda Nekurumbidza

Munamato waTenzi

Iva Mutsvene

Sarudzo dzine huMwari

Tiri Vamwe Muna Kristu

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

Bhaibheri Dzvene MuChiShona Chanhasi

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch8" data-usfm="LUK.8.1+LUK.8.2">
 <div class="p">1Shure kwaizvozvo, Jesu akafamba nomumaguta nomumisha, achiparidza vhangeri roumambo hwaMwari. Vane gumi navaviri vakanga vanaye, 2uye vamwewo vakadzi vakanga vaporeswa pazvirwere nemweya yakaipa vaiti: Maria (ainzi Magadharena) uya akanga abudiswa mweya yakaipa minomwe maari, </div>
 </div>
 </div>
</div>

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch22" data-usfm="LUK.22">
 <div class="label">22</div><div class="s1">Judhasi anopandukira Jesu</div><div class="p"> 1Zvino Mutambo weZvingwa Zvisina Mbiriso, unonzi Pasika, wakanga woswedera, 2uye vaprista vakuru navadzidzisi vomurayiro vakanga vachitsvaka nzira yavangabata nayo Jesu, nokuti vakanga vachitya vanhu. 3Ipapo Satani akapinda muna Judhasi, ainzi Iskarioti, mumwe wavane gumi navaviri. 4Uye Judhasi akaenda kuvaprista vakuru navakuru vavarindi vetemberi akandorangana navo kuti angapandukira Jesu sei. 5Vakafara uye vakatenderana kuti vaizomupa mari. 6Akatenda, akatsvaka mukana wokuti aise Jesu kwavari pasina vanhu vazhinji.</div><div class="s1">Chirariro Chokupedzisira</div><div class="p"> 7Ipapo zuva reZvingwa Zvisina Mbiriso rakasvika, iro raifanira kubayirwa gwayana rePasika. 8Jesu akatuma Petro naJohani, achiti, &#8220;Endai munotigadzirira Pasika tidye.&#8221;</div><div class="p"> 9Vakati, &#8220;Munoda kuti tikugadzirirei kupiko?&#8221;</div><div class="p"> 10Iye akapindura akati, &#8220;Pamunopinda muguta, muchasangana nomurume akatakura chirongo chemvura. Mumutevere iyeye kuimba yaanosvikopinda, 11mugoti kumuridzi wemba, &#8216;Mudzidzisi ari kubvunza kuti: Imba yavaeni iripiko, umo mandingadyira Pasika navadzidzi vangu?&#8217; 12Achakuratidzai imba huru yapamusoro, yakarongedzwa zvose. Mugadzire imomo.&#8221;</div><div class="p"> 13Vakaenda vakandowana zvinhu zvakangoita sezvavakanga vaudzwa naJesu. Saka vakagadzira Pasika imomo.</div><div class="p"> 14Nguva yakati yasvika, Jesu navapostori vake vakagara patafura. 15Uye akati kwavari, &#8220;Ndanga ndichidisa kwazvo kuti ndidye Pasika iyi nemi ndisati ndatambudzika. 16Nokuti ndinoti kwamuri, handichazoidyizve kusvikira yazadzisika muumambo hwaMwari.&#8221;</div><div class="p"> 17Akati atora mukombe, akavonga akati, &#8220;Torai mukombe uyu mugovane pakati penyu. 18Nokuti ndinoti kwamuri, handichazonwizve chibereko chomuzambiringa kusvikira umambo hwaMwari hwasvika.&#8221;</div><div class="p"> 19Uye akatora chingwa, akavonga akachimedura, uye akavapa, achiti, &#8220;Uyu ndiwo muviri wangu wakapiwa kwamuri; itai izvi muchindirangarira.&#8221;</div><div class="p"> 20Saizvozvo, vakati vapedza chirariro akatora mukombe, akati, &#8220;Mukombe uyu ndiyo sungano itsva muropa rangu, rinodururirwa imi. 21Asi ruoko rwaiye achandipandukira runeni patafura. 22Mwanakomana woMunhu achaenda sezvazvakatemwa, asi ane nhamo munhu uyo anomupandukira.&#8221; 23Vakatanga kubvunzana pakati pavo kuti angava ani pakati pavo aizoita chinhu ichi.</div><div class="p"> 24Uyewo nharo dzakamuka pakati pavo dzokuti ndiani wavo aifungidzirwa kuti angava mukuru wavose. 25Jesu akati kwavari, &#8220;Madzimambo evedzimwe ndudzi ane simba pamusoro pavo; uye vaya vanobata nesimba pamusoro pavo vanozviti vabatsiri. 26Asi imi hamufaniri kuita saizvozvo. Asi, mukuru pakati penyu mose anofanira kuva somuduku kuna vose, uye uyo anotonga ngaaite souya anoshanda. 27Nokuti ndianiko mukuru kuno mumwe, uyo agere patafura kana kuti uya anoshanda? Ko, haazi iye agere patafura here? Asi ini ndiri pakati penyu saiye anoshanda. 28Imi ndimi vaya vakamira neni pamiedzo yangu. 29Uye ndinokupai umambo, sababa vangu vakandipa umambo, 30kuitira kuti mugodya nokunwa patafura yangu muumambo hwangu, mugogara pazvigaro zvoushe, muchitonga marudzi gumi navaviri avaIsraeri.</div><div class="p"> 31&#8220;Simoni, Simoni, Satani akumbira kuti akuzungure segorosi. 32Asi ndakunyengeterera, Simoni, kuti kutenda kwako kurege kupera. Uye paunenge watendeuka, usimbise hama dzako.&#8221;</div><div class="p"> 33Asi iye akapindura akati, &#8220;Ishe, ndakagadzirira kuenda nemi mutorongo uye kufa nemi.&#8221;</div><div class="p"> 34Jesu akapindura akati, &#8220;Petro, ndinoti kwauri, jongwe risati rarira nhasi, ucharamba iwe katatu, kuti unondiziva.&#8221;</div><div class="p"> 35Ipapo Jesu akabvunza akati, &#8220;Pandakakutumai musina chikwama, hombodo kana shangu pane chinhu chamakashayiwa here?&#8221;</div><div class="p">Ivo vakati, &#8220;Hapana.&#8221;</div><div class="p"> 36Akati kwavari, &#8220;Asi iye zvino kana une chikwama, chitore, uyewo nehombodo; uye kana usina munondo, tengesa nguo yako ugoutenga. 37Kwakanyorwa kuchinzi, &#8216;Akaverengwa pamwe chete navadariki&#8217; uye ndinoti kwamuri, izvi zvinofanira kuzadziswa mandiri. Hongu, zvakanyorwa pamusoro pangu zvava kusvika pakuzadziswa.&#8221;</div><div class="p"> 38Vadzidzi vakati, &#8220;Tarirai, Ishe, heyi minondo miviri.&#8221;</div><div class="p">Akapindura akati, &#8220;Zvaringana.&#8221;</div><div class="s1">Jesu Anonyengetera paGomo reMiorivhi</div><div class="p"> 39Jesu akabuda sezvaaisiita mazuva ose akaenda kuGomo reMiorivhi, uye vadzidzi vake vakamutevera. 40Akati asvika panzvimbo iyo, akati kwavari, &#8220;Nyengeterai kuti murege kupinda mukuedzwa.&#8221; 41Akabva pavari akaenda mberi kwavo chinhambwe chingasvika dombo rapotserwa, akapfugama ndokunyengetera achiti, 42&#8220;Baba, kana muchida, bvisai mukombe uyu pandiri; asi ngakurege kuva kuda kwangu, asi kuda kwenyu kuitwe.&#8221; 43Mutumwa akabva kudenga akazviratidza kwaari uye akamusimbisa. 44Uye ari pakutambudzika, akanyengetera zvikuru, uye ziya rake rakanga rakaita samadonhwe eropa anodonhera pasi.</div><div class="p"> 45Akati achisimuka kubva pakunyengetera, akadzokera kuvadzidzi, akasvikovawana vavata, vaneteswa nokusuwa. 46Akasvikovabvunza achiti, &#8220;Seiko mavata? Mukai munyengetere kuti murege kuwira mukuedzwa.&#8221;</div><div class="s1">Kusungwa kwaJesu</div><div class="p"> 47Achiri kutaura, vanhu vazhinji vakasvika, uye uya ainzi Judhasi, mumwe wavane Gumi naVaviri, akanga achivatungamirira. Akaswedera kuna Jesu kuti amutsvode, 48asi Jesu akamubvunza akati, &#8220;Judhasi, uri kupandukira Mwanakomana woMunhu nokutsvoda here?&#8221;</div><div class="p"> 49Vateveri vaJesu vakati vaona zvakanga zvoda kuitika vakati, &#8220;Ishe, tivabaye neminondo yedu here?&#8221; 50Uye mumwe wavo akatema muranda womuprista mukuru, akagura nzeve yake yokurudyi.</div><div class="p"> 51Asi Jesu akapindura achiti, &#8220;Zvaringana!&#8221; Uye akabata nzeve yomurume uya akamuporesa.</div><div class="p"> 52Ipapo Jesu akati kuvaprista vakuru navabati vaichengeta temberi, navakuru vakanga vamuvinga, &#8220;Ko, ini ndiri mupanduki mukuru here, zvamauya neminondo netsvimbo? 53Mazuva ose ndakanga ndinemi mutemberi, uye hamuna kundibata. Asi ino ndiyo nguva yenyu, yokutonga kwerima.&#8221;</div><div class="s1">Petro anoramba Jesu</div><div class="p"> 54Ipapo vakamubata, vakaenda naye vakandomuisa mumba momuprista mukuru. Petro akamutevera ari nechokure. 55Asi vakati vabatidza moto pakati poruvazhe uye vagara pasi pamwe chete, Petro akagara pakati pavo. 56Musikana akanga ari mushandi akamuona agerepo muchiedza chomoto. Akamunan&#700;anidza akati, &#8220;Murume uyu aivawo naJesu.&#8221;</div><div class="p"> 57Asi iye akaramba izvozvo akati, &#8220;Iwe mukadzi, handimuzivi ini.&#8221;</div><div class="p"> 58Kwapera chinguvana, mumwezve akamuona akati, &#8220;Newewo uri mumwe wavo.&#8221;</div><div class="p">Petro akapindura akati, &#8220;Iwe murume, handizi!&#8221;</div><div class="p"> 59Shure kweawa imwe chete mumwezve akauya akati, &#8220;Zvirokwazvo munhu uyu akanga anaye, nokuti muGarirea.&#8221;</div><div class="p"> 60Petro akapindura akati, &#8220;Iwe murume, handitombozivi zvauri kutaura nezvazvo!&#8221; Achiri kutaura, jongwe rakabva rarira. 61Ishe akatendeuka akatarisa akanyatsonanga Petro. Ipapo Petro akarangarira shoko rakanga rataurwa kwaari naShe rokuti, &#8220;Nhasi jongwe risati rarira, uchandiramba katatu.&#8221; 62Ipapo akabuda kunze akandochema zvikuru.</div><div class="s1">Varindi vanoseka Jesu</div><div class="p"> 63Varume vakanga vachirinda Jesu vakatanga kumuseka uye vakamurova. 64Vakamusunga kumeso vakati, &#8220;Profita! Ndiani akurova?&#8221; 65uye vakataura zvimwe zvinhu zvizhinji kwaari vachimutuka.</div><div class="s1">Jesu pamberi paPirato naHerodhi</div><div class="p"> 66Kuzoti kwaedza, dare ravakuru vavanhu, vose vaprista vakuru navadzidzisi vomurayiro, vakasangana pamwe chete, Jesu akamiswa pamberi pavo. 67Vakati, &#8220;Kana uri Kristu, tiudze.&#8221;</div><div class="p">Jesu akapindura akati, &#8220;Kana ndikakuudzai, hamunganditendi, 68uye kana ndikakubvunzai, hamungandipinduri. 69Asi kubva zvino, Mwanakomana woMunhu achagara kuruoko rworudyi rwaMwari ane simba.&#8221;</div><div class="p"> 70Vose vakabvunza vachiti, &#8220;Ko, zvino iwe ndiwe Mwanakomana waMwari here?&#8221;</div><div class="p">Iye akapindura akati, &#8220;Mareva zvakanaka, zvamati ndini iye.&#8221;</div><div class="p"> 71Ipapo vakati, &#8220;Tichadazve humwe uchapupu here? Tazvinzwa zvabva mumuromo make.&#8221;</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="p"> 1Ipapo ungano yose yakasimuka ikaenda naye kuna Pirato. 2Uye vakatanga kumupomera mhosva, vachiti, &#8220;Takawana murume uyu achitsausa rudzi rwedu. Haabvumirani nokuripa mutero kuna Kesari uye anozviti ndiye Kristu, mambo.&#8221;</div><div class="p"> 3Saka Pirato akabvunza Jesu achiti, &#8220;Ndiwe mambo wavaJudha here?&#8221;</div><div class="p">Jesu akapindura akati, &#8220;Hongu, ndizvo zvamareva.&#8221;</div><div class="p"> 4Ipapo Pirato akati kuvaprista vakuru navanhu vazhinji, &#8220;Handiwani hwaro hwemhosva inopomerwa murume uyu.&#8221;</div><div class="p"> 5Asi ivo vakaramba vachiti, &#8220;Anomutsa vanhu nedzidziso yake muJudhea rose. Akatanga kuGarirea uye atosvika kwose kuno uku.&#8221;</div><div class="p"> 6Anzwa izvi, Pirato akabvunza kuti murume uyu akanga ari muGarirea here. 7Akati anzwa kuti Jesu akanga ari pasi poutongi hwaHerodhi, akabva amutumira kuna Herodhi, uyo aivawo muJerusarema panguva iyoyo.</div><div class="p"> 8Herodhi akati achiona Jesu, akafara zvikuru, nokuti akanga achishuva kumuona kwenguva refu. Kubva pane zvaakanga ambonzwa nezvake, ainge achitarisira kuti amuone achiita zvishamiso. 9Akamubvunza mibvunzo mizhinji, asi Jesu haana kumupindura. 10Vaprista vakuru navadzidzisi vomurayiro vakanga vamire ipapo, vachinyanya kumupomera mhosva. 11Ipapo Herodhi navarwi vake vakamuzvidza uye vakamuseka. Vakamupfekedza nguo youmambo, vakamudzosera kuna Pirato. 12Musi uyo, Herodhi naPirato vakava shamwari, kare kwavo, vakanga vachimbovengana.</div><div class="p"> 13Pirato akaunganidza vaprista vakuru, vatongi, navanhu, 14akati kwavari, &#8220;Mauyisa munhu uyu kwandiri somunhu anomutsa vanhu kuti vamukire hurumende. Ndanyatsomuongorora pamberi penyu uye ndashaya hwaro hwemhosva yamunomupomera. 15Kunyange naHerodhi, nokuti amudzosa kwatiri; sezvamunoona, haana kuita chinhu chingafanira kutongerwa rufu. 16Naizvozvo, ndichamurova ndigomuregedza.&#8221; 17(Nokuti aifanira kuvasunungurira mumwe munhu pamutambo.)</div><div class="p"> 18Vose pamwe chete vakadanidzira vachiti, &#8220;Murume uyu ngaafe! Tisunungurirei Bharabhasi!&#8221; 19(Bharabhasi akanga aiswa mujeri nokuda kwebope raakanga amutsa muguta, uye nemhaka yokuuraya.)</div><div class="p"> 20Sezvaakanga achida kusunungura Jesu, Pirato akataurazve navo. 21Asi ivo vakaramba vachidanidzira vachiti, &#8220;Murovererei! Murovererei!&#8221;</div><div class="p"> 22Akati kwavari kechitatu, &#8220;Sei? Murume uyu atadzeiko? Handina kuwana mhosva paari yokuti atongerwe rufu. Naizvozvo, ndichaita kuti arohwe ndigomusunungura.&#8221;</div><div class="p"> 23Asi vakaramba vachidanidzira nenzwi guru vachiti aifanira kurovererwa pamuchinjikwa, uye kudanidzira kwavo kukakunda. 24Saka Pirato akatonga kuti zvavakakumbira zviitwe. 25Akasunungura murume akanga aiswa mujeri nokuda kwebope uye nokuuraya, uyo wavakanga vakumbira, ndokubva avapa Jesu kuti vaite zvavanoda naye.</div><div class="s1">Kurovererwa kwaJesu</div><div class="p"> 26Vakati voenda naye, vakabata murume ainzi Simoni weKurini, uyo akanga achibva muruwa, vakamutakudza muchinjikwa ari mushure maJesu. 27Vanhu vazhinji zhinji vakamutevera, pamwe chete navakadzi vakanga vachichema uye vachiungudza. 28Jesu akatendeuka akati kwavari, &#8220;Vanasikana veJerusarema, musandichema ini; zvichemei imi navana venyu. 29Nokuti nguva ichasvika iyo yamuchati, &#8216;Vakaropafadzwa vakadzi vasingabereki, izvo zvizvaro zvisina kumbobereka, namazamu asina kumboyamwisa!&#8217; 30Ipapo</div><div class="q1">&#8220;vachati kumakomo, &#8216;Wirai pamusoro pedu!&#8217;</div><div class="q2">nokuzvikomo, &#8216;Tifukidzei!&#8217;</div><div class="m"> 31Nokuti kana vanhu vachiita zvinhu izvi pamuti munyoro, chiiko chichaitika kune wakaoma?&#8221;</div><div class="p"> 32Vamwezve varume vaviri, vose vakanga vari mbavha, vakatorwawo pamwe chete naye kuti vandourayiwa. 33Vakati vasvika panzvimbo yainzi Dehenya, vakamuroverera ipapo, pamwe chete nembavha, mumwe kurudyi rwake, mumwe kuruboshwe rwake. 34Jesu akati, &#8220;Baba, varegererei, nokuti havazivi zvavari kuita.&#8221; Vakagovana nguo dzake vachikanda mijenya.</div><div class="p"> 35Vanhu vakamira vakatarira, uye kunyange vatongi vakamuseka. Vakati, &#8220;Akaponesa vamwe; ngaazviponese iye pachake kana ari Kristu waMwari, iye Musanangurwa.&#8221;</div><div class="p"> 36Varwi vakasvikawo vakamuseka. Vakamupa waini yevhiniga 37vakati, &#8220;Kana uri mambo wavaJudha, chizviponesa.&#8221;</div><div class="p"> 38Pamusoro pake pakanga pane chiziviso chakanga chakanyorwa kuti: uyu ndiye mambo wavajudha.</div><div class="p"> 39Mumwe wembavha dzakanga dzakarembera pamwe chete naye akamutuka achiti, &#8220;Ko, ndiwe Kristu here? Zviponese ugoponesa nesuwo!&#8221;</div><div class="p"> 40Asi imwe mbavha yakamutsiura ikati, &#8220;Hautyi Mwari here iwe, sezvo uri pakutongwa kumwe cheteko? 41Isu tiri kutongwa zvakarurama, nokuti tiri kupiwa zvakafanira mabasa edu. Asi munhu uyu haana chakaipa chaakaita.&#8221;</div><div class="p"> 42Ipapo akati, &#8220;Jesu, mundirangarirewo pamunenge masvika muumambo hwenyu.&#8221;</div><div class="p"> 43Jesu akamupindura akati, &#8220;Zvirokwazvo ndinoti kwauri, nhasi uchava neni muparadhiso.&#8221;</div><div class="s1">Kufa kwaJesu</div><div class="p"> 44Zvino yakanga yava nguva inenge yechitanhatu, rima rikava pamusoro penyika yose kusvikira panguva yepfumbamwe, 45nokuti zuva rakamira kuvhenekera. Uye chidzitiro chetemberi chakabvarurwa napakati. 46Jesu akadanidzira nenzwi guru achiti, &#8220;Baba, ndinoisa mweya wangu mumaoko enyu.&#8221; Akati ataura izvi, akabudisa mweya wake.</div><div class="p"> 47Mukuru wezana, akati achiona zvakanga zvaitika, akarumbidza Mwari achiti, &#8220;Zvirokwazvo uyu anga ari munhu akarurama.&#8221; 48Vanhu vose vakanga vakaungana kuzopupura chiitiko ichi, vakaona zvakanga zvaitika, vakazvirova zvipfuva zvavo uye vakaenda. 49Asi vakanga vachimuziva, pamwe chete navakadzi vakanga vamutevera vachibva kuGarirea, vakamira nechokure, vakatarisa zvinhu zvose izvi.</div><div class="s1">Kuvigwa kwaJesu</div><div class="p"> 50Zvino kwakanga kuno mumwe murume ainzi Josefa, nhengo yedare ramakurukota, munhu akanga akanaka uye akarurama, 51uyo akanga asina kubvumirana navo pakuronga kwavo uye nokuita kwavo. Aibva kuguta ravaJudha reArimatea uye akanga akamirira umambo hwaMwari. 52Asvika kuna Pirato, akakumbira mutumbi waJesu. 53Ipapo akauburutsa, akauputira nomucheka akauisa muguva rakanga racherwa paruware, rakanga risina kumbovigwa munhu. 54Rakanga riri zuva rokugadzirira, uye Sabata rakanga rava kuda kutanga.</div><div class="p"> 55Vakadzi vaya vakanga vauya naJesu vachibva kuGarirea vakatevera Josefa vakaona guva uye kuti mutumbi wake wakanga waradzikwa sei mariri. 56Ipapo vakaenda kumba vakandogadzira zvinonhuhwira namafuta anonhuhwira. Asi vakazorora nomusi weSabata vachiteerera murayiro.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkJHN">
 <div class="chapter ch20" data-usfm="JHN.20.1+JHN.20.2+JHN.20.3+JHN.20.4+JHN.20.5+JHN.20.6+JHN.20.7+JHN.20.8+JHN.20.9+JHN.20.10+JHN.20.11+JHN.20.12+JHN.20.13+JHN.20.14+JHN.20.15+JHN.20.16">
 <div class="p">1Mangwanani, pazuva rokutanga revhiki, kuchakasviba, Maria Magadharena akaenda kuguva akaona kuti ibwe rakanga rabviswa pamukova. 2Saka akauya achimhanya kuna Simoni Petro nokuno mumwe mudzidzi, uya aidikanwa naJesu, akati, &#8220;Vabudisa Ishe muguva, uye hatizivi pavamuisa!&#8221;</div><div class="p"> 3Saka Petro nomumwe mudzidzi vakabuda vakaenda kuguva. 4Vose vari vaviri vaimhanya, asi mumwe mudzidzi akamhanya kukunda Petro akatanga kusvika paguva. 5Akakotama akatarira mukati pamicheka yakanga iri pasi asi haana kupinda. 6Ipapo Simoni Petro, uyo akanga ari shure kwake, akasvikopinda muguva. Akaona micheka iri pasi, 7pamwe chete nomucheka wokuvigwa nawo wakanga uri mumusoro waJesu. Mucheka uyu wakanga wakapetwa uri woga, wakaparadzaniswa nomumwe mucheka. 8Pakupedzisira mumwe mudzidzi, uya akanga atanga kusvika paguva akapindawo. Akaona akatenda. 9(Vakanga vasati vanzwisisa kubva muRugwaro kuti Jesu aifanira kumuka kubva kuvakafa.)</div><div class="s1">Jesu Anozviratidza kuna Maria Magadharena</div><div class="p"> 10Ipapo vadzidzi vakadzokera kumusha kwavo, 11asi Maria akaramba amire kunze kweguva achichema. Achiri kuchema kudai, akakotama kuti atarire muguva 12akaona vatumwa vaviri vane nguo chena, vagere pakambenge pane mutumbi waJesu, mumwe kumusoro uye mumwe kumakumbo.</div><div class="p"> 13Vakamubvunza vakati, &#8220;Mai, munochemeiko?&#8221;</div><div class="p">Akati, &#8220;Vabvisa Ishe wangu, uye handizivi kuti vamuisepi.&#8221; 14Ipapo akatendeuka akatarira shure akaona Jesu amirepo, asi haana kuziva kuti akanga ari Jesu.</div><div class="p"> 15Akati, &#8220;Mai, munochemeiko? Munotsvaka aniko?&#8221;</div><div class="p">Maria achifunga kuti aiva muchengeti webindu, akati, &#8220;Ishe, kana mamutora, ndiudzei henyu kwamamuisa ndigomutora.&#8221;</div><div class="p"> 16Jesu akati kwaari, &#8220;Maria.&#8221;</div><div class="p">Akatendeukira kwaari akadanidzira nechiHebheru achiti, &#8220;Rabhi!&#8221; (kureva kuti Mudzidzisi).</div><div class="p"> </div>
 </div>
 </div>
</div>

Easter's EffectsChikamu

What About My Dark Thoughts?

Rugwaro

Zvinechekuita neHurongwa uhu

Zvirongwa zvakada kufanana neichi

Kumira naMwari munguva yekuyedzwa nematambudziko

Hunhu weuMwari

Kukunda Nekurumbidza

Munamato waTenzi

Iva Mutsvene

Sarudzo dzine huMwari

Hunhu weuMwari

Tiri Vamwe Muna Kristu

Zvibayiro Zvipenyu Kuna Mwari

Tsee: Kuona upenyu nomuono wokusingaperi