Tsee: Kuona upenyu nomuono wokusingaperi

Munamato waTenzi

Kumira naMwari munguva yekuyedzwa nematambudziko

Tiri Vamwe Muna Kristu

Hunhu weuMwari

Sarudzo dzine huMwari

Kukunda Nekurumbidza

Iva Mutsvene

Zvibayiro Zvipenyu Kuna Mwari

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bk1CO">
 <div class="chapter ch12" data-usfm="1CO.12">
 <div class="label">12</div><div class="s1">Zvipo zvoMweya</div><div class="p"> 1Zvino pamusoro pezvipo zvoMweya, hama, handidi kuti muve musingazivi. 2Munoziva kuti pamakanga muri vahedheni, makanga muchitungamirirwa uye nokutsauswa muchiiswa kuzvifananidzo zvisingagoni kutaura. 3Naizvozvo ndinokuudzai kuti hakuna munhu anotaura noMweya waMwari anoti, &#8220;Jesu ngaatukwe.&#8221; Uye hakuna munhu anoti, &#8220;Jesu ndiye Ishe,&#8221; asi naMweya Mutsvene.</div><div class="p"> 4Kuna marudzi akasiyana ezvipo, asi Mweya ndomumwe. 5Kuna marudzi akasiyana oushumiri, asi Ishe mumwe. 6Kuna marudzi akasiyana amabasa, asi Mwari mumwe ndiye anoita zvose muvanhu vose.</div><div class="p"> 7Zvino mumwe nomumwe anopiwa kuratidzwa kwoMweya kuti vose vabatsirwe. 8Nokuti mumwe anopiwa noMweya shoko rouchenjeri, mumwe shoko rokuziva noMweya mumwe chete, 9mumwe kutenda noMweya mumwe chete, mumwe zvipo zvokuporesa noMweya mumwe chete, 10mumwe mabasa esimba, mumwe kuprofita, mumwe kuzivisisa mweya, mumwe kutaura nendimi dzakasiyana-siyana, uyezve mumwe kududzirwa kwendimi. 11Zvose ibasa raMweya mumwe chete uye anopa mumwe nomumwe, sezvaanoda.</div><div class="s1">Muviri Mumwe Chete, Mitezo Mizhinji</div><div class="p"> 12Muviri chinhu chimwe chete, kunyange une mitezo mizhinji; uye kunyange mitezo yawo iri mizhinji, inoumba muviri mumwe chete. Ndizvowo zvakaita Kristu. 13Nokuti tose takabhabhatidzwa noMweya mumwe mumuviri mumwe, vangava vaJudha kana vaGiriki, varanda kana vakasununguka, uye tose tikapiwa kuti tinwe Mweya mumwe.</div><div class="p"> 14Zvino muviri hauna kuumbwa nomutezo mumwe, asi mizhinji. 15Kana rutsoka rukati, &#8220;Nokuti handisi ruoko, saka handisi womuviri,&#8221; harungaregi kuva chikamu chomuviri nokuda kwechikonzero ichocho. 16Uye kana nenzeve ikati, &#8220;Nokuti handisi ziso, saka handisi chikamu chomuviri,&#8221; haringaregi kuva chikamu chomuviri nokuda kwechikonzero ichocho. 17Kana kuti dai muviri wose waiva ziso, kunzwa kwaizovepiko? Kana kuti dai muviri wose waive nzeve, ko, kunhuhwidza kwaizovepiko? 18Asi zvino Mwari akaisa mitezo pamuviri, mumwe nomumwe wayo, sezvaakada kuti ive. 19Kana dai yose waiva mutezo mumwe, ko, muviri waizovepiko? 20Sezvazviri, kune mitezo mizhinji asi muviri mumwe.</div><div class="p"> 21Ziso haringati kuruoko, &#8220;Handinei newe!&#8221; Uye musoro haungati kurutsoka, &#8220;Handinei newe!&#8221; 22Asi kutoti mitezo yomuviri inenge isina simba, ndiyo inodikanwa, 23uye mitezo yatinofunga kuti haikudzwi ndiyo yatinokudza kwazvo, 24asi mitezo yakanaka haidi kushongedzwa. Asi Mwari akabatanidza mitezo yomuviri uye akapa kukudzwa kukuru kumitezo iya isingakudzwi, 25kuitira kuti parege kuva nokupesana pamuviri, asi kuti mitezo ichengetane zvakaenzana. 26Kana mumwe mutezo uchitambudzika, mitezo yose inotambudzika pamwe chete nawo; kana mutezo mumwe ukakudzwa, mitezo yose inofara pamwe chete nawo.</div><div class="p"> 27Zvino imi muri muviri waKristu, uye mumwe nomumwe wenyu mutezo wawo. 28Uye mukereke, Mwari akagadza pakutanga vapostori, vechipiri vaprofita, vechitatu vadzidzisi, tevere vaiti vezvishamiso, uye navane zvipo zvokuporesa, navanobatsira vamwe, vaya vane zvipo zvokufambisa basa, uye navaya vanotaura nendimi dzakasiyana-siyana. 29Vose vapostori here? Vose vaprofita here? Vose vadzidzisi here? Vose vanoita zvishamiso here? 30Vose vane zvipo zvokuporesa here? Vose vanotaura nendimi here? Vose vanodudzira here? 31Asi shuvai kwazvo zvipo zvikuru.</div><div class="s1">Rudo</div><div class="p">Uye zvino ndichakuratidzai nzira yakanaka kupfuura dzose.</div>
 </div>
 </div>
</div>

Shona Contemporary Bible
Copyright © 2005, 2018 by Biblica, Inc.®
Used by permission. All rights reserved worldwide.
Bhaibheri Dzvene MuChiShona Chanhasi
Copyright © 2005, 2018 Biblica, Inc.®
Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bk1CO">
 <div class="chapter ch13" data-usfm="1CO.13">
 <div class="label">13</div><div class="p"> 1Kunyange ndikataura nendimi dzavanhu nedzavatumwa, asi ndisina rudo, ndakaita sedare rinorira kana ndarira dzinongoti ngwerengwere. 2Kana ndine chipo chokuprofita uye ndichinzwisisa zvakavanzika zvose noruzivo rwose, uye kana ndino kutenda kunofambisa makomo, asi ndisina rudo, handisi chinhu. 3Kana ndikagovera zvose zvandinazvo kuvarombo uye kana ndikaisa muviri wangu kuti upiswe, asi kana ndisina rudo, hazvindibatsiri chinhu.</div><div class="p"> 4Rudo runo mwoyo murefu, rudo runo mwoyo munyoro. Haruna godo, haruna manyawi haruzvikudzi. 5Haruiti zvokuvirimira vamwe, harutsvaki zvarwo, harukurumidzi kutsamwa, haruna pfundi pfundi. 6Rudo harufariri zvakaipa, asi runofarira chokwadi. 7Runodzivirira nguva dzose, runovimba nguva dzose, rune tariro nguva dzose, runotsungirira nguva dzose.</div><div class="p"> 8Rudo harutongoperi. Zvino kana kuri kuprofita, kuchapera; kana dziri ndimi, dzichagumiswa; kana rwuri ruzivo, ruchapfuura. 9Nokuti tinoziva zvisakakwana uye tinoprofita zvisakakwana, 10asi kana zvakakwana zvasvika, zvisakakwana zvichabviswa. 11Pandaiva mwana ndaitaura somwana, ndaifunga somwana, ndairangarira somwana. Zvino zvandava murume, ndakabvisa zvinhu zvoumwana. 12Nokuti zvino tinoona asi hationi zvakanaka somuchionioni; asi nenguva iyo tichaonana chiso nechiso. Iye zvino ndinoziva zvisakakwana; asi ndichaziva zvizere, kunyange sezvandinozivikanwa zvizere.</div><div class="p"> 13Uye zvinhu zvitatu izvi ndizvo zvinogara, zvinoti kutenda, tariro norudo. Asi chikuru pakati peizvi ndirwo rudo.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bk1CO">
 <div class="chapter ch14" data-usfm="1CO.14">
 <div class="label">14</div><div class="s1">Zvipo zvoKuprofita noKutaura neNdimi</div><div class="p"> 1Teverai nzira yorudo uye mushuve kwazvo zvipo zvomweya, zvikuru sei chipo chokuprofita. 2Nokuti ani naani anotaura nendimi haatauri kuvanhu asi kuna Mwari. Zvirokwazvo, hapana anomunzwa; anotaura zvakavanzika mumweya wake. 3Asi anoprofita anotaura kuvanhu kuti vasimbiswe, vakurudzirwe uye kuti vanyaradzwe. 4Uyo anotaura nendimi anozvisimbisa iye asi anoprofita anosimbisa kereke. 5Ndinoda kuti mumwe nomumwe wenyu ataure nendimi, asi zvikuru kuti muprofite. Anoprofita mukuru kuna anotaura nendimi, asi kunze kwokunge achidudzira, kuti kereke igosimbiswa.</div><div class="p"> 6Zvino hama, kana ndikauya kwamuri ndichitaura nendimi, ndingakubatsirai seiko, asi kuti kana ndichitaura nokuzarurirwa kana ruzivo kana chiprofita kana shoko rokurayira? 7Kunyange zvinhu zvisina upenyu zvinorirawo wani, zvakaita senyere kana rudimbwa, munhu achaziva seiko kana zvisingasiyani pakurira kwazvo? 8Uyezve kana hwamanda isingariri kwazvo, ndianiko angagadzirira kundorwa? 9Zvakadaro nemi. Kana musingatauri mashoko nendimi dzinonyatsozivikanwa, ko, pane anganzwa here zvamunotaura? Nokuti muchangotaura henyu mumhepo. 10Zvirokwazvo panyika pane mitauro mizhinji yakasiyana-siyana, asi hakuna kana mumwe usina zvaunoreva. 11Zvino kana ndisinganzwisisi zvinotaurwa nomunhu, ndiri mutorwa kumutauri, uye naiyewo mutorwa kwandiri. 12Zvakadarowo nemi. Sezvo muchishuva zvipo zvoMweya, edzai zvikuru kushingairira zvipo zvinovaka kereke.</div><div class="p"> 13Nokuda kwechikonzero ichi, ani naani anotaura nendimi anofanira kunyengetera kuti adudzirewo zvaanotaura. 14Nokuti kana ndichinyengetera nendimi, mweya wangu ndiwo unonyengetera, asi kufunga kwangu hakuna zvibereko. 15Zvino ndichaiteiko? Ndichanyengetera nomweya wangu, ndichanyengeterawo nokufunga kwangu; ndichaimba nomweya wangu, asi ndichaimbawo nokufunga kwangu. 16Kana uchirumbidza Mwari nomweya wako, ko, uyo agere pakati pavasingazivi achati, &#8220;Ameni&#8221; seiko, pakuvonga kwako, sezvo asinganzwisisi zvauri kutaura? 17Unogona kunge uchivonga zvako zvakanaka, asi mumwe munhu haasimbiswi.</div><div class="p"> 18Ndinovonga Mwari kuti ndinotaura nendimi zhinji kupfuura imi mose. 19Asi mukereke ndingada zvangu kutaura mashoko mashanu nokufunga kwangu kuti ndidzidzise vamwe pano kutaura mashoko zviuru gumi norumwe rurimi.</div><div class="p"> 20Hama, regai kufunga savana. Pazvinhu zvakaipa ivai savacheche, asi pakufunga kwenyu muve savanhu vakuru. 21MuMurayiro makanyorwa muchinzi:</div><div class="q1">&#8220;Kubudikidza navanhu vedzimwe ndimi</div><div class="q2">uye kubudikidza nemiromo yavatorwa,</div><div class="q1">ndichataura kuvanhu ava,</div><div class="q2">asi kunyange zvakadaro havanganditeereri,&#8221;</div><div class="q4">ndizvo zvinotaura Ishe.</div><div class="p"> 22Naizvozvo, ndimi hadzizi chiratidzo kuvatendi asi kuna vasingatendi; asiwo chiprofita ndechavatendi, kwete vasingatendi. 23Saka kana kereke yose yaungana pamwe chete uye vose vakataura nendimi, uye vamwe vasinganzwisisi kana vasingatendi vakapinda, havangati mava kupenga here? 24Asi kana asingatendi kana mumwe munhu asinganzwisisi akapinda vanhu vose vachiprofita, achabatwa nazvo akaziva kuti iye mutadzi uye kuti achatongwa nazvo, 25uye zvakavanzika zvomweya wake zvinoratidzwa. Naizvozvo achawira pasi nechiso chake agonamata Mwari, uye agopupura kuti Mwari ari pakati penyu zvirokwazvo.</div><div class="s1">Mutoo wakanaka wokunamata nawo</div><div class="p"> 26Zvino tichatiiko, hama? Kana muchiungana, mumwe nomumwe ane rwiyo, kana shoko rokurayira, chaakazarurirwa, ndimi kana kududzira. Zvose izvi ngazviitwe kuti zvisimbise kereke. 27Kana mumwe achitaura nendimi, vaviri, kana vatowanda, vatatu, ngavataure mumwe mushure momumwe, uye mumwe ngaadudzire. 28Kana pasina anodudzira, ari kutaura ngaanyarare mukereke uye ngaazvitaurire pachake uye nokuna Mwari.</div><div class="p"> 29Vaprofita vaviri kana vatatu ngavataure uye vamwe ngavanyatsoongorora zvaataura. 30Uye kana kuzarurirwa kwasvika kuno mumwe munhu agere pasi, mutauri wokutanga ngaanyarare. 31Nokuti mose munogona kuprofita muchitevedzana mumwe mushure momumwe, kuitira kuti vose varayirwe uye vakurudzirwe. 32Mweya yavaprofita inozviisa pasi pavaprofita. 33Nokuti Mwari haasi Mwari wenyonganyonga asi worugare.</div><div class="p">Sezvinoitwa mune dzimwe kereke dzose dzavatsvene, 34vakadzi ngavanyarare mukereke. Havatenderwi kutaura asi ngavazviise pasi sezvinoreva murayiro. 35Kana vachida kubvunza chimwe chinhu, ngavabvunze varume vavo kumba; nokuti hazvina kufanira kuti mukadzi ataure mukereke.</div><div class="p"> 36Ko, shoko raMwari rakatanga nemi here? Kana kuti rakasvika kwamuri moga here? 37Kana munhu achifunga kuti muprofita kana kuti ane chipo chomweya, ngaatende kuti zvandinokunyorerai murayiro waShe. 38Kana akasatenda izvi, iye pachake ngaasatendwe.</div><div class="p"> 39Naizvozvo, hama dzangu, ivai nechido chokuprofita, uye musadzivisa kutaura nendimi. 40Asi zvinhu zvose ngazviitwe nomutoo wakafanira uye zvichitevedza mutemo.</div>
 </div>
 </div>
</div>

Das Neue Testament in 100 TagenChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Tsee: Kuona upenyu nomuono wokusingaperi

Munamato waTenzi

Kumira naMwari munguva yekuyedzwa nematambudziko

Tiri Vamwe Muna Kristu

Hunhu weuMwari

Sarudzo dzine huMwari

Kukunda Nekurumbidza

Iva Mutsvene

Hunhu weuMwari

Zvibayiro Zvipenyu Kuna Mwari