Hunhu weuMwari

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Sarudzo dzine huMwari

Iva Mutsvene

Munamato waTenzi

Kukunda Nekurumbidza

Tiri Vamwe Muna Kristu

Kumira naMwari munguva yekuyedzwa nematambudziko

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch22" data-usfm="ACT.22">
 <div class="label">22</div><div class="p"> 1&#8220;Hama nemi madzibaba, teererai kuzvidavirira kwangu zvino.&#8221; 2Pavakanzwa achitaura kwavari nechiHebheru, vakanyanya kunyarara.</div><div class="p">Ipapo Pauro akati, 3&#8220;Ini ndiri muJudha, akaberekerwa kuTasasi yeSirisia, asi ndakarerwa muguta rino. Pasi paGamarieri ndakanyatsodzidziswa mutemo wamadzibaba edu uye ndakanga ndichishingairira Mwari sezvamunoita imi nhasi. 4Ndakatambudza vateveri veNzira iyi kusvikira pakufa kwavo, ndichisunga zvose varume navakadzi ndichivaisa mutorongo, 5sezvandingapupurirwawo nomuprista mukuru namakurukota ose. Ndakapiwa matsamba aibva kwavari okuenda nawo kuhama dzavo dzaiva muDhamasiko, ndikaenda ikoko kuti ndinouya navanhu ava kuJerusarema savasungwa kuti vazorangwa.</div><div class="p"> 6&#8220;Nenguva dzinenge dzamasikati pandakanga ndoswedera pedyo neDhamasiko, pakarepo chiedza chakabva kudenga chikandipenyera kumativi ose. 7Ndakawira pasi ndikanzwa inzwi richiti kwandiri, &#8216;Sauro! Sauro! Unonditambudzireiko?&#8217;</div><div class="p"> 8&#8220;Ndakati, &#8216;Ndimi aniko, Ishe?&#8217;</div><div class="p">&#8220;Iye akati, &#8216;Ndini Jesu weNazareta, wauri kutambudza.&#8217; 9Shamwari dzangu dzakaona chiedza, asi hadzina kunzwa inzwi raiye akanga achitaura neni.</div><div class="p"> 10&#8220;Ndakabvunza ndikati, &#8216;Munoda kuti ndiiteiko Ishe?&#8217;</div><div class="p">&#8220;Ishe akati, &#8216;Simuka, upinde muDhamasiko. Imomo ndimo mauchandoudzwa zvose zvawakatarirwa kuti uite.&#8217; 11Shamwari dzangu dzakandisesedza pakupinda kwangu muDhamasiko, nokuti kuvaima kwechiedza kwakanga kwandipofumadza.</div><div class="p"> 12&#8220;Murume ainzi Ananiasi akauya kuzondiona. Akanga akazvipira pakunamata Mwari nokucherechedza murayiro uye aikudzwa zvikuru navaJudha vose vaigaramo. 13Akamira neni akati, &#8216;Hama Pauro, chiona!&#8217; uye nenguva yakare iyoyo ndakakwanisa kumuona.</div><div class="p"> 14&#8220;Ipapo akati, &#8216;Mwari wamadzibaba edu akusarudza iwe kuti uzive kuda kwake uone Iye Akarurama uye unzwe mashoko anobva mumuromo make. 15Uchava chapupu chake kuvanhu vose, chezvawakaona nezvawakanzwa. 16Saka zvino wakamirireiko? Simuka ubhabhatidzwe usukwe zvivi zvako, udane kuzita rake.&#8217;</div><div class="p"> 17&#8220;Pandakadzokera kuJerusarema, uye ndichinyengetera ndiri mutemberi, ndakabatwa nomweya 18ndikaona Ishe achitaura kwandiri achiti, &#8216;Kurumidza kubva muJerusarema izvozvi, nokuti vanhu havangagamuchiri uchapupu hwako.&#8217;</div><div class="p"> 19&#8220;Ndakapindura ndikati, &#8216;Ishe, vanhu ava vanoziva kuti ndakanga ndichienda musinagoge rimwe nerimwe kuti ndinosunga uye ndirove vaya vaitenda kwamuri. 20Uye pavakateura ropa raSitefani chapupu chenyu, ndakanga ndimirepo ndichitenderana nazvo uye ndakachengeta nhumbi dzaivo vaimuuraya.&#8217;</div><div class="p"> 21&#8220;Ipapo Ishe akati kwandiri, &#8216;Enda, nokuti ndichakutuma kure kune veDzimwe Ndudzi.&#8217;&#8198;&#8221;</div><div class="s1">Pauro muRoma</div><div class="p"> 22Vanhu vakamuteerera kusvikira ataura izvi. Ipapo vakadanidzira vachiti, &#8220;Mubvisei panyika! Haafaniri kurarama!&#8221;</div><div class="p"> 23Pavakanga vachiita mheremhere vachikanda nguo dzavo pasi, uye vachikushira ivhu mudenga, 24mukuru wavarwi akarayira kuti Pauro aendeswe kudzimba dzavarwi. Akarayira kuti arohwe uye abvunzwe kuitira kuti vazive kuti nemhaka yei vanhu vakanga vachimupopotera kudai. 25Pavakamusunga kuti vamurove, Pauro akati kumukuru wezana akanga amirepo, &#8220;Munotenderwa here nomutemo kuti murove muRoma, asina kana kutombowanikwa ane mhosva?&#8221;</div><div class="p"> 26Mukuru wezana akati anzwa izvi, akaenda kumukuru wavarwi akandomuzivisa izvozvo, akati, &#8220;Muchaita seiko zvino? Munhu uyu muRoma.&#8221;</div><div class="p"> 27Mukuru wavarwi akaenda kuna Pauro akati, &#8220;Nditaurire, uri muRoma here iwe?&#8221;</div><div class="p">Akapindura akati, &#8220;Hongu, ndiri muRoma.&#8221;</div><div class="p"> 28Mukuru wehondo akati, &#8220;Ini ndakaita zvokutenga nomutengo mukuru kuti ndive muRoma.&#8221;</div><div class="p">Pauro akati, &#8220;Ini ndakaberekwa ndiri muRoma.&#8221;</div><div class="p"> 29Vaya vakanga voda kumubvunza vakabva varega pakarepo. Mukuru wamauto pachake akatya paakaona kuti akanga asunga Pauro, muRoma, nengetani.</div><div class="s1">Pauro pamberi peDare Guru ravaJudha</div><div class="p"> 30Zuva rakatevera, sezvo mukuru wavarwi aida kuziva chaizvoizvo kuti sei Pauro akanga achipomerwa mhosva navaJudha, akamusunungura akarayira kuti vaprista vakuru neDare Guru ravaJudha vaungane. Ipapo akatora Pauro akamumisa pamberi pavo.</div>
 </div>
 </div>
</div>

Shona Contemporary Bible
Copyright © 2005, 2018 by Biblica, Inc.®
Used by permission. All rights reserved worldwide.
Bhaibheri Dzvene MuChiShona Chanhasi
Copyright © 2005, 2018 Biblica, Inc.®
Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch23" data-usfm="ACT.23">
 <div class="label">23</div><div class="p"> 1Pauro akatarisisa kuDare Guru ravaJudha akati kwavari, &#8220;Hama dzangu, ini ndakaita basa rangu kuna Mwari nehana yakanaka kusvikira zuva ranhasi.&#8221; 2Ipapo muprista mukuru ainzi Ananiasi akarayira vaya vakanga vamire pedyo naye kuti vamurove pamuromo. 3Ipapo Pauro akati kwaari, &#8220;Mwari achakurova, iwe chidziro chakacheneswa nependi! Ugere ipapo kuti unditonge maererano nomurayiro, asi iwe pachako unodarika murayiro nokurayira kuti ndirohwe!&#8221;</div><div class="p"> 4Vaya vakanga vamire pedyo naPauro vakati, &#8220;Iwe uri kutotuka muprista mukuru waMwari nhai?&#8221;</div><div class="p"> 5Pauro akapindura akati, &#8220;Hama dzangu, ndanga ndisingazivi kuti ndiye muprista mukuru; nokuti kwakanyorwa kuchinzi: &#8216;Usataura zvakaipa pamusoro pomubati wavanhu vako.&#8217;&#8198;&#8221;</div><div class="p"> 6Ipapo Pauro, achiziva kuti vamwe vavo vakanga vari vaSadhusi uye kuti vamwe vakanga vari vaFarisi, akadanidzira kuDare Guru akati, &#8220;Hama dzangu, ini ndiri muFarisi, mwanakomana womuFarisi. Ndimire pano ndichitongwa nokuda kwetariro yangu yokumuka kwavakafa.&#8221; 7Akati ataura izvozvo, nharo dzakamuka pakati pavaFarisi navaSadhusi, nokudaro ungano yakapesana. 8VaSadhusi vanoti hakuna kumuka kwavakafa, uye kuti hakuna mutumwa kana mweya, asi vaFarisi vanotenda izvozvo zvose.</div><div class="p"> 9Pakava nebope guru, uye vamwe vadzidzisi vomurayiro vainge vari vaFarisi vakasimuka vakaita nharo zvikuru. Vakati, &#8220;Hatina chakaipa chatinoona pamunhu uyu. Ko, kana ari mweya kana mutumwa akataura kwaari?&#8221; 10Kupesana kwakava nemhirizhonga zvokuti mukuru wamauto akatya kuti Pauro angangobvamburwa-bvamburwa navo. Akarayira varwi kuti vaburuke vandomutora vamubvise kwavari nechisimba vagomuendesa kudzimba dzavarwi.</div><div class="p"> 11Usiku hwakatevera, Ishe akamira pedyo naPauro akati kwaari, &#8220;Tsunga mwoyo! Sezvawapupura pamusoro pangu muJerusarema, saizvozvo unofanira kundopupurawo muRoma.&#8221;</div><div class="s1">Rangano yoKuuraya Pauro</div><div class="p"> 12Fume mangwana, vaJudha vakaita rangano vakazvisunga nemhiko kuti varege kudya kana kunwa kusvikira vauraya Pauro. 13Varume vaipfuura makumi mana ndivo vakaita rangano iyi. 14Vakaenda kuvaprista vakuru navakuru vakati, &#8220;Isu tazvisunga nemhiko kuti tirege kudya kana chinhu kusvikira tauraya Pauro. 15Zvino imi neDare Guru ravaJudha kumbirai mukuru wavarwi kuti amuuyise pamberi penyu muchiita somunoda kubvunzisisa pamusoro penyaya iyi. Isu takagadzirira kumuuraya asati asvika kuno.&#8221;</div><div class="p"> 16Asi, mwanakomana wehanzvadzi yaPauro akati anzwa rangano iyi, akapinda mudzimba dzavarwi akandoudza Pauro.</div><div class="p"> 17Ipapo Pauro akadana mumwe wavakuru vezana akati kwaari, &#8220;Tora jaya iri uende naro kumukuru wavarwi; ane zvaari kuda kumutaurira.&#8221; 18Saka akaenda naye kumukuru wavarwi.</div><div class="p">Mukuru wezana akati, &#8220;Pauro, musungwa uya, andidaidza akandikumbira kuti ndiuye nejaya iri, kwamuri nokuti rine zvarinoda kukuudzai.&#8221;</div><div class="p"> 19Mukuru wavarwi akabata ruoko rwejaya, akaenda naye padivi akamubvunza akati, &#8220;Chii chauri kuda kundiudza?&#8221;</div><div class="p"> 20Iye akati, &#8220;VaJudha vakatenderana kukukumbirai kuti muuyise Pauro pamberi peDare Guru ravaJudha mangwana vachiita sevanoda kunyatsobvunzisisa pamusoro pake. 21Musavanzwa, nokuti pane vamwe vavo vanopfuura makumi mana vakamuvandira. Vakatozvisunga nemhiko kuti varege kudya kana kunwa kusvikira vamuuraya. Vakatogadzirira izvozvi, vakamirira kubvuma kwenyu chikumbiro chavo.&#8221;</div><div class="p"> 22Mukuru wavarwi akaita kuti jaya iri riende uye akamuyambira achiti, &#8220;Usaudza munhu kuti wataura izvi kwandiri.&#8221;</div><div class="s1">Pauro anoendeswa kuKesaria</div><div class="p"> 23Ipapo akadana vakuru vezana vaviri akavarayira achiti, &#8220;Gadzirirai mazana maviri avarwi, navanotasva mabhiza makumi manomwe uye mazana maviri avarume vane mapfumo kuti vaende kuKesaria nenguva dzepfumbamwe manheru. 24Mutsvakirewo Pauro bhiza rokutasva kuitira kuti andosvika zvakanaka kuMubati Ferikisi.&#8221;</div><div class="pmo"> 25Akanyora tsamba yaiti:</div><div class="pmo"> 26Kiraudhiyo Risiasi, kuna Changamire, Mubati Ferikisi:</div><div class="pmo">Kwaziwai.</div><div class="pm"> 27Murume uyu akabatwa navaJudha uye vakanga voda kumuuraya, asi ini ndakabva ndasvika navarwi vangu ndikamununura, nokuti ndakanga ndanzwa kuti muRoma. 28Ndakada kuziva kuti sei vakanga vachimupomera mhosva, saka ndikamuendesa kuDare ravo Guru. 29Ndakaona kuti aipomerwa mhosva pamusoro pamashoko omurayiro wavo, asi pakanga pasina mhosva ingafanira rufu kana kupfigirwa mutorongo. 30Pandakanyeverwa pamusoro perangano yaakanga arongerwa, ndakabva ndamutumira kwamuri pakarepo. Ndakazivisawo vapomeri vake kuti vazosvitsa kwamuri mhosva yavanomupomera.</div><div class="p"> 31Saka varwi vakaita sezvavakanga varayirwa, vakatora Pauro vakaenda naye usiku vakandosvika naye kuAndipatirisi. 32Zuva rakatevera, vakarega vamabhiza vachienda naye, ivo vachibva vadzokera kudzimba dzavarwi. 33Vatasvi vamabhiza vakati vasvika kuKesaria, vakapa tsamba kumubati ndokubva vaisa Pauro mumaoko ake. 34Mubati akaverenga tsamba akamubvunza kuti akanga achibva kudunhu ripi. Akati aziva kuti akanga achibva kuSirisia, 35akati kwaari, &#8220;Ndichazonzwa nyaya yako kana vanokupomera vasvika.&#8221; Ipapo akarayira kuti Pauro achengetwe navarindi vomumuzinda waHerodhi.</div>
 </div>
 </div>
</div>

<div class="version vid32 iso6393sna" data-vid="32" data-iso6393="sna">
 <div class="book bkACT">
 <div class="chapter ch24" data-usfm="ACT.24">
 <div class="label">24</div><div class="s1">Pauro anomira pamberi paFerikisi</div><div class="p"> 1Mazuva mashanu akati apfuura, Ananiasi muprista mukuru akaburuka kuKesaria navamwe vakuru nerimwe gweta rainzi Teturo, vakataura mhosva dzavo pamusoro paPauro pamberi pomubati. 2Pauro akati adaidzwa kuti apinde, Teturo akasvitsa nyaya yake kuna Ferikisi achiti, &#8220;Isu takafadzwa nenguva refu yorugare pasi poutongi hwenyu, uye kunzwisisa kwenyu kwakashandura rudzi urwu. 3Changamire Ferikisi, izvi tinozvigamuchira nomufaro mukuru uye nemitoo yose kwose kwose. 4Asi kuti tisakunetsaizve, ndinokumbira hangu kuti mutinzwire ngoni mungotinzwa henyu kwenguva duku.</div><div class="p"> 5&#8220;Takaona kuti murume uyu akaipa, anomutsa bope pakati pavaJudha munyika yose. Ndiye mutungamiri weboka ravaNazareta 6uye akaedza kunyange kushatisa temberi; ndokusaka takamubata. 7Asi Risiasi mukuru wavarwi akauya akamutakanura mumaoko edu nechisimba. 8Mukamubvunzisisa imi pachenyu muchakwanisa kuziva chokwadi chemhosva dzatiri kumupomera.&#8221;</div><div class="p"> 9VaJudha vakabvumirana nezvaakanga achipomerwa, vachisimbisa kuti zvinhu izvi zvaiva zvechokwadi.</div><div class="p"> 10Mubati akati amuninira kuti ataure, Pauro akapindura, akati, &#8220;Ndinoziva kuti manga muri mutongi worudzi urwu kwamakore mazhinji; saka ndinofara kuti ndizvidavirire. 11Imi munogona kuziva nyore nyore kuti mazuva gumi namaviri haasati atombopera kubva pandakaenda kundonamata kuJerusarema. 12Vapomeri vangu havana kundiwana ndichiita nharo naani zvake mutemberi, kana kumutsa bope musinagoge kana papi zvapo muguta. 13Uye havagoni kukubudisirai chokwadi chemhosva yavanondikwirira. 14Zvisinei hazvo, ndinobvuma kuti ndinonamata Mwari wamadzibaba edu somuteveri weNzira, yavanoti yakatsauka. Ini ndinotenda zvinhu zvose zvinobvumirana nomutemo uye nezvakanyorwa muVaprofita, 15uye ndine tariro imwe cheteyo muna Mwari savarume ava, kuti kuchava nokumuka kwavakafa vose zvavo vakarurama navakaipa. 16Saka ndinoshingairira nguva dzose kuti hana yangu ive yakachena pamberi paMwari navanhu.</div><div class="p"> 17&#8220;Shure kwamakore mazhinji ndisipo, ndakauya kuJerusarema kuti ndizopa vanhu vokwangu zvipo zvavarombo uye kuti ndizopa zvipiriso zvangu. 18Ndakanga ndakazvinatsa pavakandiwana ndiri mutemberi ndichiita izvi. Pakanga pasina vanhu vazhinji vaiva neni, uye handina kumboita nyonganyonga. 19Asi pane vaJudha vanobva kuEzhia, vaifanira kunge vari pano pamberi penyu, ndivo vaifanira kundipa mhosva kana vainge vane mhosva ipi zvayo neni. 20Kana ivava vari pano vanofanira kutaura mhaka yavakawana mandiri pandakamira pamberi peDare Guru ravaJudha, 21kunze kwechinhu chimwe chete ichi chandakadanidzira pandakanga ndimire pamberi pavo kuti, &#8216;Ndiri kutongwa maererano nokumuka kwavakafa; ndizvo zvaita kuti ndive pamberi penyu nhasi.&#8217;&#8198;&#8221;</div><div class="p"> 22Ipapo Ferikisi uyo akanga achizivisisa nezveNzira iyo, akambomisa dare. Akati, &#8220;Kana Risiasi mukuru wavarwi auya, ndichatonga mhosva yenyu.&#8221; 23Akarayira mukuru wezana kuti Pauro achengetwe navarindi asi ave akasununguka uye shamwari dzake dzibvumirwe kuti dzimuvigire zvaanoda.</div><div class="p"> 24Mushure mamazuva mazhinji, Ferikisi akauya nomukadzi wake Dhurusira, uyo akanga ari muJudha. Akadana Pauro kuti auye vagozomunzwa sezvo aitaura pamusoro pezvokutenda muna Kristu Jesu. 25Pauro paakanga achidzidzisa pamusoro pokururama, kuzvidzora, nokutongwa kuchauya, Ferikisi akatya akati, &#8220;Zvakwana kwazvino! Ungaenda hako. Ndikange ndawana mukana, ndichazokudana.&#8221; 26Panguva yacho iyoyo aifunga kuti Pauro achamupa fufuro, saka aidana Pauro nguva nenguva achitaura naye.</div><div class="p"> 27Makore maviri akati apfuura, Poshiasi Fesitasi akatora nzvimbo yaFerikisi, asi nokuda kwokuti Ferikisi aida kufadza vaJudha, akasiya Pauro ari mutorongo.</div>
 </div>
 </div>
</div>

Das Neue Testament in 100 TagenChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Hunhu weuMwari

Zvibayiro Zvipenyu Kuna Mwari

Tsee: Kuona upenyu nomuono wokusingaperi

Sarudzo dzine huMwari

Iva Mutsvene

Munamato waTenzi

Kukunda Nekurumbidza

Tiri Vamwe Muna Kristu

Kumira naMwari munguva yekuyedzwa nematambudziko

Hunhu weuMwari