Petro

Zvakazarurwa

Testamende Yekare – Vaporofita Vakuru

Biblica® Bhaibheri Dzvene Rakasununguka MuChiShona Chanhasi™, Chikamu chinonzwika nenzeve

Shona - Shona Contemporary Bible ™ (Bhaibheri Dzvene) Drama NT

<div class="version vid32 iso6393sna" data-vid="32" data-iso6393="sna">
 <div class="book bkJAS">
 <div class="chapter ch1" data-usfm="JAS.1">
 <div class="label">1</div><div class="p"> 1Jakobho, muranda waMwari nowaIshe Jesu Kristu, kumarudzi gumi namaviri akapararira pakati pendudzi:</div><div class="b"></div><div class="p">Kwaziwai.</div><div class="b"></div><div class="s1">Kutambudzwa neMiedzo</div><div class="p"> 2Hama dzangu, muti mufaro chaiwo, pose pamunosangana nemiedzo mizhinji yemhando dzose, 3nokuti munoziva kuti kuedzwa kwokutenda kwenyu kunobereka kutsungirira. 4Kutsungirira kunofanira kupedza basa rako kuitira kuti imi mukure uye muve vakakwana, musingashayiwi chinhu. 5Kana mumwe wenyu achishayiwa uchenjeri, ngaakumbire kuna Mwari, anopa zvakawanda kuna vose asingatsvaki mhosva, uye achapiwa hake. 6Asi paanokumbira, anofanira kutenda asinganyunyuti, nokuti uyo anonyunyuta akaita sefungu regungwa, rinosundwa uye rinomutswa-mutswa nemhepo. 7Munhu uyu ngaarege kufunga kuti achagamuchira chinhu chipi zvacho kubva kuna She; 8munhu ane mwoyo miviri, anongoshanduka-shanduka mune zvose zvaanoita.</div><div class="p"> 9Hama iri panzvimbo yokuninipiswa ngaifare muchinzvimbo chayo chokukudzwa. 10Asi mupfumi anofanira kufara muchinzvimbo chokuderedzwa kwake, nokuti achapfuura seruva romusango. 11Nokuti zuva rinobuda nokupisa kwakanyanya rigoomesa uswa; ruva rahwo rinodonha uye kunaka kwaro kwoparadzwa. Nenzira imwe cheteyo, mupfumi achasvava kunyange achiri kuita basa rake.</div><div class="p"> 12Akaropafadzwa munhu anotsunga pakuedzwa, nokuti paanokunda, achapiwa korona youpenyu yakavimbiswa naMwari kuna avo vanomuda.</div><div class="p"> 13Pamunenge muchiedzwa, ngakurege kuva nomunhu anoti, &#8220;Mwari ari kundiedza.&#8221; Nokuti Mwari haagoni kuedzwa nechakaipa, uye haaedzi munhu; 14asi mumwe nomumwe anoedzwa paanenge achikwevewa nokuchiva kwake kwakaipa uye achinyengerwa. 15Ipapo kuchiva kukange kwaumbwa kunobereka chivi; uye chivi, chikange chakura kwazvo, chinobereka rufu.</div><div class="p"> 16Musanyengerwa, hama dzangu dzinodikanwa. 17Chipo chose chakanaka uye chakakwana chinobva kumusoro kudenga, chinoburuka chichibva kuna Baba wezviedza zvokudenga, asingashanduki semimvuri inopinduka. 18Akasarudza kutibereka kubudikidza neshoko rechokwadi, kuti tive mhando yechibereko chokutanga chezvisikwa zvake.</div><div class="s1">Kunzwa noKuita</div><div class="p"> 19Hama dzangu dzinodikanwa, cherechedzai izvi: Munhu mumwe nomumwe anofanira kukurumidza kunzwa, kunonoka kutaura nokunonoka kutsamwa, 20nokuti kutsamwa kwomunhu hakuuyisi upenyu hwakarurama hunodikanwa naMwari. 21Naizvozvo, bvisai tsvina yose uye nokuipa kwakawanda, mugogamuchira nokuzvininipisa, shoko rakasimwa mamuri, rinogona kukuponesai.</div><div class="p"> 22Musangova vanzwi veshoko bedzi, uye nokudaro muchizvinyengera. Itai zvarinoreva. 23Ani naani anoteerera kushoko asi asingaiti zvarinoreva akaita somunhu anotarira chiso chake muchionioni 24uye, mushure mokuzvitarira, anoenda uye nokukurumidza anokanganwa kuti anoratidzika sei. 25Asi munhu anonyatsotarisa mumurayiro wakakwana uyo unopa rusununguko, uye achiramba achiita izvozvo, asingakanganwi zvaanzwa, asi achizviita, acharopafadzwa pane zvaanoita.</div><div class="p"> 26Kana munhu upi zvake achizviti akarurama uye asingachengeti rurimi rwake zvakasimba, anozvinyengera uye chinamato chake hachina maturo. 27Kunamata kunodikanwa naMwari Baba vedu kwakachena, uye kusina chakungapomerwa ndokuku: kuchengeta nherera nechirikadzi mukutambudzika kwavo uye nokuzvichengeta kuti urege kusvibiswa nenyika.</div>
 </div>
 </div>
</div>

Shona Contemporary Bible Copyright © 2005, 2018 by Biblica, Inc.® Used by permission. All rights reserved worldwide. Bhaibheri Dzvene MuChiShona Chanhasi Copyright © 2005, 2018 Biblica, Inc.® Mvumo yokushandisa ndima yakapiwa. Kodzero dzose dziripo.

<div class="version vid32 iso6393sna" data-vid="32" data-iso6393="sna">
 <div class="book bkJAS">
 <div class="chapter ch2" data-usfm="JAS.2">
 <div class="label">2</div><div class="s1">Kutsaura Vanhu Kunorambidzwa</div><div class="p"> 1Hama dzangu, savatendi muna Ishe wedu wokubwinya iye Jesu Kristu, musava vatsauri vavanhu. 2Kana mumwe munhu akauya akapinda mumusangano wenyu akapfeka mhete yegoridhe nenguo dzakaisvonaka, uye murombo akapfeka mamvemve akapindawo, 3kana mukaremekedza munhu akapfeka nguo dzakaisvonaka muchiti, &#8220;Hechi chigaro chenyu chakanaka,&#8221; asi kumurombo mukati, &#8220;Iwe mira apo,&#8221; kana kuti &#8220;Gara pasi, patsoka dzangu,&#8221; 4hamuna kutsaura here pakati penyu uye mukava vatongi vane ndangariro dzakaipa?</div><div class="p"> 5Inzwai, hama dzangu dzinodikanwa: Ko, Mwari haana kusarudza varombo venyika ino kuti vave vapfumi mukutenda uye kuti vagare nhaka youmambo hwaakavimbisa avo vanomuda here? 6Asi imi makazvidza varombo. Ko, havasi vapfumi vanokubirai here? Havazi ivo vanokuendesai kumatare edzimhosva here? 7Havazi ivo vanomhura zita rinokudzwa raiye wamuri vake here?</div><div class="p"> 8Kana muchichengeta muchokwadi murayiro woushe unowanikwa muRugwaro, unoti: &#8220;Ida muvakidzani wako sezvaunozvida iwe,&#8221; munoita zvakanaka. 9Asi kana muchitsaura vanhu, muri kutadza uye munotongwa nomurayiro savadariki vomurayiro. 10Nokuti ani naani anochengeta murayiro wose asi achigumburwa pachinhu chimwe chete ane mhosva yokuputsa murayiro wose. 11Nokuti iye akati, &#8220;Usaita upombwe,&#8221; ndiyewo akati, &#8220;Usauraya.&#8221; Kana usingaiti upombwe asi uchiuraya, wava mudariki womurayiro.</div><div class="p"> 12Taurai uye muchiita saavo vachazotongwa nomurayiro unopa rusununguko, 13nokuti kutonga kusinganzwiri ngoni kucharatidzwa kumunhu upi zvake akanga asinganzwiri ngoni. Ngoni dzinokunda kutonga!</div><div class="s1">Kutenda naMabasa</div><div class="p"> 14Zvinobatsirei, hama dzangu, kana munhu achiti ano kutenda asi asina mabasa? Kutenda kwakadaro kungamuponesa here? 15Kana hama kana hanzvadzi ikashayiwa zvokufuka nezvokudya zvezuva rimwe nerimwe, 16uye mumwe wenyu akati, &#8220;Endai henyu, mufambe zvakanaka; mudziyirwe uye mugute,&#8221; asi asina chinhu chaamuitira chinodikanwa nomuviri wake, zvakanaka here izvozvo? 17Saizvozvowo, kutenda kwoga, kana kusina basa, kwakafa.</div><div class="p"> 18Asi mumwe achati, &#8220;Iwe une kutenda; ini ndine mabasa.&#8221;</div><div class="p">Ndiratidze kutenda kwako kusina mabasa, uye ini ndichakuratidza kutenda kwangu nezvandinoita. 19Iwe unotenda kuti kuna Mwari mumwe. Zvakanaka! Kunyange madhimoni anotenda izvozvo, uye achidedera.</div><div class="p"> 20Iwe benzi, unoda kuona kuti kutenda kusina mabasa hakuna maturo here? 21Tateguru wedu Abhurahama haana kunzi akarurama here nokuda kwezvaakaita paakapa mwanakomana wake Isaka paaritari? 22Unoona kuti kutenda kwake uye namabasa ake zvaibata pamwe chete, uye kutenda kwake kukazadziswa nezvaakaita. 23Uye Rugwaro rwakazadziswa runoti, &#8220;Abhurahama akatenda Mwari zvikaverengerwa kwaari kuti ndiko kururama,&#8221; uye akanzi shamwari yaMwari. 24Unoona kuti munhu anoruramisirwa nokuda kwezvaanoita, kwete nokutenda bedzi.</div><div class="p"> 25Saizvozvowo, Rahabhi chifeve haana kunzi akarurama nokuda kwezvaakaita paakapa vasori imba uye akazovaendesa neimwe nzira here? 26Sezvo muviri usina mweya wakafa, saizvozvo kutenda kusina mabasa kwakafa.</div>
 </div>
 </div>
</div>

JakobhoChikamu

Rugwaro

Zvinechekuita neHurongwa uhu

Zvirongwa zvakada kufanana neichi

Petro

Zvakazarurwa

Testamende Yekare – Vaporofita Vakuru