Mise 5
5
Betelehem nandagad’a hamul ma sutid’a
1Ang azì ma Betelehem ma Efrat-na,
ang ma akid’eid’a aduk azì ma dudubu ma Juda-nina,
man ma mba mi te yam Israel-lîna
mba mi ndeï ni kurungû,
ni ma andjavam tcholï adjeu dedeina.
2Ma didina mba mi ar sum mama woi
gak bur ma atcha d’a ti vut gorîd’a ti vud’um tua,
suma a mba ar kur magombina
a mba hulongî a zlap ki b’oziyozi Israel-lâ.
3Gor ma a vud’um máma mba mi polozi
kad’enga hi Ma didinid’a
ki ngola hi Ma didina Alo mamid’a.
Azi mba kak ki halasa,
kayam suma a suburum
gak avun dabid’a handagad’id’a.
4Ni mam ba, mba mi mba ki b’leng nga halasa.
Ata yima suma Asiri-na a mba mba kur ambas meid’a,
a mba kal kur azì mei ma ad’eng ma ngungunina,
ei mba tcholei ki suma nglo
suma avok sumina ablaud’a á duruziya.
5A mba te yam ambas sa Asiri d’a hi Nimrot-ta
ni kahle mazi suma sïna.
Ata yima suma Asiri-na a mba mba yam ambas meid’a
a mba kal yam andaga meid’ina,
mam mba mi pad’ei woi aboziya.
Israel suma á arâ a nga aduk andjaf suma
6Andjafâ hi Jakob ma arâ mba mi kak
aduk andjaf ma ablauna
d’igi mbad’ï d’a ti tcholï ata Ma didinid’a na,
d’igi alo ma mi se yam asunina na.
A mba tin huruzi yam sa d’i,
a mba ka’î yam sa d’uo mi.
7Andjafâ hi Jakob ma arâ mba mi kak
aduk andjaf ma ablauna
d’igi azlona aduk amburei suma aduk agud’ina na,
d’igi azlo ma azongâ aduk kangâna haho’îna na.
Ata yima mi kalâ, mi ve, mi kizak keyo,
sama mi prut va woi aboma nga d’i.
8Ang hlabong akulo yam mang suma djangûna,
ar ang kizagazi woi pet!
Ma didina mba mi pleî ahle suma hawa ya’â woyo
9Ma didina mi dala: Kur bur máma
an mba ni tchagi akulumei magina woyo,
an mba ni b’lagagi pus magi ma dur ayîna woi mi.
10An mba ni b’lagagi azì magi ma nglo
ma kur ambas magid’ina woyo,
an mba ni b’lagagi azì magi ma ad’eng
ma ngunguna woi pet mi.
11An mba ni dap magi suma kumana woyo,
a mba fe sama mi djop ki tchitchiud’ina
avo hatagi d’uo mi.
12An mba ni to filei magina
kahina magi d’a tcheta woyo,
agi mba kud’urogi ahle suma
agi minizi kabogina d’uo d’a.
13An mba ni kus agu ma agi pum
malo d’a a yat ala Asera d’a na woyo,
an mba ni b’lagagi azì magi ma nglona woyo.
14An mba ni hlatchugulun kayîna
ki hurun ma zal ma gugulu’â
kandjaf suma a nga humun vunan nduo na.
Zvasarudzwa nguva ino
Mise 5: BA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Azumeina Bible © Alliance Biblique du Tchad, 1999.