Habakuk Wana ni modo zla d’a kuruta
Wana ni modo zla d’a kuruta
Mbaktumba hi Habakuk-ka nga d’i tagei ma djok vun Alona kur atchogoi d’a ndaka. Ni sama nga mi fe ndaka yam hohoud’a hi suma dingîd’a, nga mi nde ad’u tchod’a woyo, nga mi yAlona, nga mi le furîd’a ata yima Alona hulongôm humbina.
Mbaktum ndata a b’irit ni go ki dabid’a hi biza d’a 700-d’a, adigazi kad’u tinda hi biza d’a 600-d’a avok vuta hi Jesus Christ-sa. Ata yi máma suma Babilon-na a nga te leud’a kad’enga yam azì ma ngui Israel-lîna. Nata yi máma ba, Israel-lâ a nga djop tazi yam vama mba mi mba kazina, yam tit mazid’a avor Alo mazinid’a mi.
Alona mi hulong humba mi ma djok vun mama, mi dum zlad’a mi suma a nga ki sed’em kur atchogoi mambina ki suma kur atchogoi d’a nga d’i mbad’ina mi. Nala, kak ka d’engzenga avor Alonid’a nga d’i he lovota mi sana á kak karid’a (Gol 2.4), á djup ki hur ma tinda yam Alona ala mam mba mi le va mi. Gol 3.1-19.
Kur atchogoi d’a ndaka suma a nga ndum mbaktumba hi Habakuk-ka teteu á kaka tchugot. Ma a sunuma Paul mi tchi wala mi kretiyê suma avo’â ala: D’engzenga hi sana d’a yam Alonid’a, ti hle tat ni d’igi he gagazi d’a yam Alona hi Jesus Christ-sîd’a na. Gol Rom 1.17, Gal 3.11 ki Heb 10.38 mi. t Wana ni wal mata
Habakuk nga mi tchi yam bateid’a hi sumid’a 1.2-4
Ma didina mi hulong humba mi sum mama 1.5-11
Habakuk nga mi tchi avok Alona kua 1.12–2.1
Alona mi hulong humba mi Habakuk 2.2-4
Dabid’a hi suma tchonid’a ni ndaka 2.5-20
Tchenda hi Habakuk-ka 3.1-19
Zvasarudzwa nguva ino
Habakuk Wana ni modo zla d’a kuruta: BA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Azumeina Bible © Alliance Biblique du Tchad, 1999.