ᒨᓯᓯ ᓯᑕᒪᖏᑦ 33
33
ᓄᓇᓕᖃᖏᑦᑐᒥ ᐃᖏᕐᕋᓂᖓᑦ
1ᐅᑯᐊ ᑕᕝᕙ ᐃᓴᕆᐊᓕᒥᐅᑦ ᐃᖏᕐᕋᓂᕆᓚᐅᕐᑕᖏᑦ, ᓄᓇᒥᑦ ᐄᑦᔨᑉᑎᒥ ᐊᐅᓪᓚᕋᒥᒃ ᐅᓇᑕᕐᑐᒃᓮᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ ᑕᓯᐅᕐᑎᖃᕐᓗᑎᒃ ᒨᓯᓯᒥᒃ ᐂᕉᓂᒥᒡᓗ. 2ᒨᓯᓯᐅᑉ ᑎᑎᕋᓚᐅᕐᐰᑦ ᐃᖏᕐᕋᓯᒋᐊᕐᕕᒋᔭᑎᒃ ᐊᑕᓂᐅᑉ ᐱᑯᔨᓂᖓ ᒪᓕᒡᓗᒍ. ᐃᒫᒃ ᑕᕝᕙ ᐃᖏᕐᕋᓂᖏᑦ ᐃᒤᓕᖓᓚᐅᕐᐳᑦ ᐱᒋᐊᕐᕕᒋᑲᑦᑕᓚᐅᕐᑕᖏᑦ.
3ᑕᖅᑭᒥ ᓯᕗᓪᓕᕐᐹᒥ ᐊᐅᓪᓚᓚᐅᕐᐳᑦ ᕌᒥᓯᓯᒥᑦ ᑕᖅᑭᐅᑉ ᓯᕗᓪᓕᕐᐹᖓᓂᒃ, ᐅᓪᓗᐃᑦ 15ᖓᓂ ᑕᖅᑭᐅᑉ ᓯᕗᓪᓕᕐᐹᖓᓂ, ᐅᓪᓗᒥ ᖄᖏᕐᑕᐅᕕᒃᓯᐅᕐᕕᐅᑉ ᑭᖑᓂᑦᓯᐊᖓᓂ ᐃᓴᕆᐊᓕᒥᐅᑦ ᐊᐅᓪᓚᓚᐅᕐᐳᑦ ᓯᕘᕋᓇᑎᒃ ᐄᑦᔨᑉᑎᒥᐅᑦ ᑕᑯᓐᓇᕐᑎᓪᓗᒋᑦ. 4ᑍᑦᓱᒪᓂ ᐄᑦᔨᑉᑎᒥᐅᑦ ᐃᕐᓂᕐᒥᖕᓂᒃ ᐊᖓᔪᒃᓯᕐᐹᖁᑎᒥᖕᓂᒃ ᐃᓗᕕᕐᓯᓇᓱᐊᓚᐅᕐᒪᑕ, ᐊᑕᓂᐅᑉ ᑐᖁᑎᓚᐅᕐᑕᖏᓐᓂᒃ. ᐊᑕᓂᐅᓪᓗ ᒎᑎᓐᖑᐊᖏᑦ ᐃᖅᑲᕐᑐᓚᐅᕐᒪᒋᑦ.
5ᐃᓴᕆᐊᓕᒥᐅᑦ ᕌᒥᓯᓯᒥᑦ ᐊᐅᓪᓚᕋᒥᒃ ᓱᑰᑎᒧᑦ ᑕᖕᒫᓚᐅᕐᐳᑦ. 6ᓱᑰᑎᒥᓪᓗ ᐊᐅᓪᓚᕋᒥᒃ ᐃᑖᒻᒧᑦ ᑕᖕᒫᕐᓗᑎᒃ, ᓄᓇᓕᖃᖏᑦᑑᑉ ᖃᓂᒋᔮᓄᑦ. 7ᐃᑖᒻᒥᓪᓗ ᐊᐅᓪᓚᕋᒥᒃ ᐅᑎᓚᐅᕐᐳᑦ ᐰ-ᕼᐊᕼᐃᕋᑎᒧᑦ, ᐰᓕ-ᔨᐸᓂᐅᑉ ᓯᕿᓂᖓᑕ ᓄᐃᓕᕐᕕᐊᓃᑦᑐᒧᑦ; ᑕᖕᒫᕐᓗᑎᒡᓗ ᒥᒡᑐᓕᐅᑉ ᖃᓂᒋᔭᖓᓄᑦ. 8ᐊᐅᓪᓚᓚᐅᕆᕗᑦ ᕼᐊᕼᐃᕋᑎᐅᑉ ᓵᖓᓂᑦ ᐃᒪᕐᔪᐊᖅ ᐃᑳᕐᓗᒍ ᓄᓇᓕᖃᖏᑦᑐᒧᑦ, ᐃᖏᕐᕋᓚᐅᕐᐳᑦ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑍᔭᐅᔪᒧᑦ ᐃᑖᒻᒥᒃ, ᑕᖕᒫᕐᓗᑎᒃᓗ ᒫᕋᒧᑦ. 9ᒫᕋᒥᓪᓗ ᐊᐅᓪᓚᕋᒥᒃ ᑎᑭᑉᐳᑦ ᐃᓕᒻᒥᒧᑦ. ᐃᓕᒻᒥ 12ᓂᒃ ᓄᓇᒥᑦ ᐊᓂᔪᓂᒃ ᑰᖃᕐᐳᖅ 70ᓂᒡᓗ ᐹᓪᒥᓂᒃ ᓇᐹᕐᑐᖃᕐᓗᓂ; ᑕᕝᕗᓐᖓ ᑕᖕᒫᕐᓗᑎᒃ.
10ᐃᓕᒻᒥᓪᓗ ᐊᐅᓪᓚᕋᒥᒃ ᐃᒪᐅᑉ ᐊᐅᐸᓗᒃᑕᐅᑉ ᓴᓂᐊᓄᑦ ᑕᖕᒫᕐᓗᑎᒃ. 11ᐃᒪᕐᒥᓪᓗ ᐊᐅᐸᓗᒃᑕᒥᑦ ᐊᐅᓪᓚᕋᒥᒃ ᑕᖕᒫᕐᓗᑎᒃ ᐃᓄᖃᖏᑦᑐᒧᑦ ᓯᓐᒥᒃ ᐊᑎᓕᖕᒧᑦ. 12ᐃᓄᖃᖏᑦᑐᒥᑦ ᓯᓐᒥᑦ ᐊᐅᓪᓚᕋᒥᒃ ᑕᖕᒫᕐᓗᑎᒃ ᑑᕝᑲᒧᑦ. 13ᑑᕝᑲᒥᑦ ᐊᐅᓪᓚᕋᒥᒃ ᑕᖕᒫᕐᓗᑎᒃ ᐊᓘᔅᒧᑦ. 14ᐊᓘᔅᒥᓪᓗ ᐊᐅᓪᓚᕋᒥᒃ ᕆᐱᑎᒧᑦ ᑕᖕᒫᓗᑎᒃ, ᑕᕝᕙᓂ ᐃᓄᐃᑦ ᐃᒪᖃᖏᑦᑐᒦᓐᓇᒥᒃ ᐃᒥᒐᒃᓴᖃᓚᐅᓐᖏᓚᑦ.
15ᕆᐱᑎᒥᓪᓗ ᐊᐅᓪᓚᕋᒥᒃ ᓮᓁᑉ ᐃᓄᖃᖏᑦᑐᖓᓄᑦ ᑕᖕᒫᓛᐅᕐᐳᑦ. 16ᓮᓁᓪᓗ ᐃᓄᖃᖏᑦᑐᖓᓂᑦ ᐊᐅᓪᓚᕋᒥᒃ ᑕᖕᒫᓛᐅᕐᐳᑦ ᑭᐳᕌᑎ-ᕼᐊᑖᕙᒧᑦ. 17ᑭᐳᕌᑎ-ᕼᐊᑖᕙᒥᑦ ᐊᐅᓪᓚᕋᒥᒃ ᕼᐊᔨᕌᑎᒧᑦ ᑕᖕᒫᓛᐅᕐᐳᑦ. 18ᕼᐊᔨᕌᑎᒥᑦ ᐊᐅᓪᓚᕋᒥᒃ ᕆᑦᒪᒧᑦ ᑕᖕᒫᓛᐅᕐᐳᑦ. 19ᕆᑦᒪᒥᑦ ᐊᐅᓪᓚᕋᒥᒃ ᕆᒪᓐ-ᐱᕆᔾᒧᑦ ᑕᖕᒫᓛᐅᕐᐳᑦ. 20ᕆᒪᓐ-ᐱᕆᔾᒥᑦ ᐊᐅᓪᓚᕋᒥᒃ ᓕᑉᓇᒧᑦ ᑕᖕᒫᓛᐅᕐᐳᑦ. 21ᓕᑉᓇᒥᑦ ᐊᐅᓪᓚᕋᒥᒃ ᕆᓴᒧᑦ ᑕᖕᒫᓛᐅᕐᐳᑦ. 22ᐃᖏᕐᕋᒐᒥᒡᓗ ᕆᓴᒥᑦ ᑭᕼᐄᓚᑕᒧᑦ ᑕᖕᒫᓛᐅᕐᐳᑦ. 23ᑭᕼᐄᓚᑕᓗ ᐊᐅᓪᓚᕋᒥᒃ ᖃᖅᑲᒧᑦ ᓯᕕᕆᒧᑦ ᑕᖕᒫᓛᐅᕐᐳᑦ. 24ᖃᖅᑲᒥᑦ ᓯᕕᕆᒥᑦ ᐊᐅᓪᓚᕋᒥᒃ ᕼᐊᕌᑕᒧᑦ ᑕᖕᒫᓛᐅᕐᐳᑦ. 25ᕼᐊᕌᑕᒥᑦ ᐊᐅᓪᓚᕋᒥᒃ ᒪᒃᕼᐃᓘᑎᒧᑦ ᑕᖕᒫᓛᐅᕐᐳᑦ. 26ᒪᒃᕼᐃᓘᑎᒥᑦ ᐊᐅᓪᓚᕋᒥᒃ ᑕᕼᐋᑕᒧᑦ ᑕᖕᒫᓛᐅᕐᐳᑦ. 27ᑕᕼᐋᑕᒥᑦ ᐊᐅᓪᓚᕋᒥᒃ ᑏᕋᒧᑦ ᑕᖕᒫᓛᐅᕐᐳᑦ. 28ᑏᕋᒥᑦ ᐊᐅᓪᓚᕋᒥᒃ ᒥᑦᑲᒧᑦ ᑕᖕᒫᓛᐅᕐᐳᑦ. 29ᒥᑦᑲᒥᑦ ᐊᐅᓪᓚᕋᒥᒃ ᕼᐊᔅᒧᓇᒧᑦ ᑕᖕᒫᓛᐅᕐᐳᑦ. 30ᕼᐊᔅᒧᓇᒥᑦ ᐊᐅᓪᓚᕋᒥᒃ ᒧᓯᕋᑎᒧᑦ ᑕᖕᒫᓛᐅᕐᐳᑦ. 31ᒧᓯᕋᑎᒥᑦ ᐊᐅᓪᓚᕋᒥᒃ ᐱᓂ-ᔮᑲᓐᒧᑦ ᑕᖕᒫᓛᐅᕐᐳᑦ. 32ᐱᓂ-ᔮᑲᓐᒥᑦ ᐊᐅᓪᓚᕋᒥᒃ ᕼᐅᐊᕐ-ᕼᐊᒋᒐᑦᒧᑦ ᑕᖕᒫᓛᐅᕐᐳᑦ. 33ᕼᐅᐊᕐ-ᕼᐊᒋᒐᑦᒥᑦ ᐊᐅᓪᓚᕋᒥᒃ ᔮᑦᐹᑕᒧᑦ ᑕᖕᒫᓛᐅᕐᐳᑦ. 34ᔮᑦᐹᑕᒥᑦ ᐊᐅᓪᓚᕋᒥᒃ ᐋᑉᕉᓇᒧᑦ ᑕᖕᒫᓛᐅᕐᐳᑦ. 35ᐋᑉᕉᓇᒥᑦ ᐊᐅᓪᓚᕋᒥᒃ ᐃᔨᐅᓂ-ᒋᐱᕆᒧᑦ ᑕᖕᒫᓛᐅᕐᐳᑦ. 36ᐃᔨᐅᓂ-ᒋᐱᕆᒥᑦ ᐊᐅᓪᓚᕋᒥᒃ ᐃᓄᖃᖏᑦᑐᒧᑦ ᔨᓐᒧᑦ ᑍᔭᐅᔪᒧᑦ ᑲᑎᓯᒥᒃ ᑕᖕᒫᓛᐅᕐᐳᑦ. 37ᑲᑎᓯᒥᑦ ᐊᐅᓪᓚᕋᒥᒃ ᖃᖅᑲᒧᑦ ᕼᐅᕆᒧᑦ ᑕᖕᒫᓛᐅᕐᐳᑦ, ᐄᑐᒥᐅᑉ ᓄᓇᖓᑕ ᑭᒡᓕᖓᓃᑐᒧᑦ.
38 #
ᒨᓯᓯ ᓯᑕᒪᖏᑦ 20:22-28; ᒨᓯᓯ ᑕᓪᓕᒪᖏᑦ 10:6; 32:50. ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐂᕉᓂ ᖃᖅᑲᒧᑦ ᕼᐅᕆᒧᑦ ᒪᔪᕋᓚᐅᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, ᑕᕝᕙᓂᓗ ᑐᖁᓚᐅᕐᐳᑦ ᐃᓴᕆᐊᓕᒥᐅᑦ ᐊᕐᕌᒍᑦ 40 ᐄᑦᔨᑉᑎᑦ ᓄᓇᖓᓂ ᐊᐅᓪᓚᓚᐅᕐᑎᓪᓗᒋᑦ, ᐅᓪᓗᐃᑦ ᓯᕗᓪᓕᕐᐹᖓᓂ ᑕᖅᑮᑦ ᑕᓪᓕᒪᖓᓐᓂ. 39ᐂᕉᓂ ᐊᕐᕌᒍᖃᓚᐅᕐᐳᖅ 123ᓂᒃ ᑐᖁᒐᒥ ᖃᖅᑲᐅᑉ ᕼᐅᕆᐅᑉ ᑳᖓᓂ.
40 #
ᒨᓯᓯ ᓯᑕᒪᖏᑦ 21:1. ᐊᕌᑎᒥᐅᑦ ᐊᖓᔪᖅᑳᕐᔪᐊᖓ ᑬᓇᓂᒥᐅᖅ, ᑬᓇᓂᐅᑉ ᓯᕿᓂᖓᓂ ᓄᓇᖃᕐᑐᖅ ᓂᒋᑉᒥ, ᑐᓴᓚᐅᕐᒪᑦ ᐃᓴᕆᐊᓕᒥᐅᑦ ᑎᑭᓕᕐᓂᖏᓐᓂᒃ.
41ᑖᒃᑯᐊ ᐊᐅᓪᓚᓚᐅᕐᐳᑦ ᖃᖅᑲᒥᑦ ᕼᐅᕆᒥᑦ ᑕᖕᒫᕐᓗᑎᒡᓗ ᔭᓪᒨᓇᒧᑦ. 42ᔭᓪᒨᓇᒥᑦ ᐊᐅᓪᓚᕋᒥᒃ ᐳᓄᓂᒧᑦ ᑕᖕᒫᓛᐅᕐᐳᑦ. 43ᐳᓄᓂᒥᑦ ᐊᐅᓪᓚᕋᒥᒃ ᐅᐴᑎᒧᑦ ᑕᖕᒫᓛᐅᕐᐳᑦ. 44ᐅᐴᑎᒥᑦ ᐊᐅᓪᓚᕋᒥᒃ ᐃᔨ-ᐊᐸᕆᒻᒧᑦ ᑕᖕᒫᓛᐅᕐᐳᑦ, ᒧᐊᐱᐅᑉ ᓄᓇᖓᑕ ᑭᒡᓕᖓᓃᑦᑐᒧᑦ. 45ᐃᔨᒻᒥᑦ ᐊᐅᓪᓚᕋᒥᒃ ᑎᐴᓐ-ᒑᑦᒧᑦ ᑕᖕᒫᓛᐅᕐᐳᑦ. 46ᑎᐴᓐ-ᒑᑦᒥᑦ ᐊᐅᓪᓚᕋᒥᒃ ᐋᓪᒪᓐ-ᑎᑉᓚᑍᒥᒧᑦ ᑕᖕᒫᓛᐅᕐᐳᑦ. 47ᐋᓪᒪᓐ-ᑎᑉᓚᑍᒥᑦ ᐊᐅᓪᓚᕋᒥᒃ ᐊᐸᕅᑉ ᖃᖅᑲᖏᓐᓂ ᑕᖕᒫᓛᐅᕐᐳᑦ, ᖃᖅᑲᐅᑉ ᓂᐴᑉ ᓴᓂᐊᓂ. 48ᐊᐸᕅᑉ ᖃᖅᑲᖏᓐᓂᑦ ᐊᐅᓪᓚᕋᒥᒃ ᒧᐊᐱᐅᑉ ᓇᑎᕐᓇᖓᓄᑦ ᑕᖕᒫᓛᐅᕐᐳᑦ, ᔪᐊᕐᑕᓂᐅᑉ ᓴᓂᐊᓄᑦ, ᔨᕆᑰᑉ ᐊᑭᐊᓄᑦ. 49ᔪᐊᕐᑕᓂᐅᑉ ᓯᓈᓂ ᑕᖕᒫᕐᓯᒪᓚᐅᕐᐳᑦ, ᐱᑦ-ᔨᓯᒫᒥᑦ ᐱᒋᐊᕐᓗᑎᒃ ᐊᐱᐅᓪ-ᓯᑎᒻ ᐊᑬᓯᐊ ᒍᕉᕝ ᑎᑭᓪᓗᒍ ᒧᐊᐱᐅᑉ ᓇᑎᕐᓇᖓᓂ.
ᒪᓕᒐᒃᓮᑦ ᔪᐊᕐᑕᓂᒥᒃ ᐃᑳᓚᐅᖏᓐᓂᕐᒥᖕᓂ
50ᐊᑕᓂᐅᑉ ᒨᓯᓯ ᐅᖃᕐᕕᒋᓚᐅᕐᐹ ᒧᐊᐱᐅᑉ ᓇᑎᕐᓇᖓᓂ ᔪᐊᕐᑕᓂᐅᑉ ᓯᓈᓃᑎᓪᓗᒋᑦ ᔨᕆᑰᑉ ᐊᑭᐊᓂ, ᐅᖃᕐᓗᓂ, 51“ᑭᖑᕚᖑᖃᑎᒌᑦ ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐃᒫᒃ, ‘ᔪᐊᕐᑕᓂ ᐃᑳᕈᑦᓯᐅᒃ ᓄᓇᒧᓪᓗ ᑬᓇᓂᒧᑦ ᑎᑭᒃᑯᑦᓯ, 52ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ; 53ᐃᓚᒋᓂᐊᕐᓇᒋᓪᓗ ᑕᒫᓂ ᓄᓇᖃᕐᑐᑦ ᐊᖏᕐᕋᖃᕐᑐᓪᓗ, ᑕᒪᓐᓇ ᓄᓇ ᐃᓕᑦᓯᓐᓄᑦ ᑐᓂᒐᒃᑯ ᐱᑖᕆᔭᐅᖁᓪᓗᒍ. 54#ᒨᓯᓯ ᓯᑕᒪᖏᑦ 26:54-56.ᓄᓇ ᐊᕕᒃᑐᕆᐊᖃᕐᐸᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓗᒍ ᐱᑖᕆᔭᐅᑎᓪᓗᒍᓗ ᐃᓚᑦᓯᓐᓄᑦ; ᐃᓚᒌᑦ ᐅᓄᕐᓂᕐᓮᑦ ᐊᖏᓂᕐᓴᒥᒃ ᓄᓇᑯᑎᑖᕆᐊᖃᕐᐳᑦ, ᐃᓚᒌᓪᓗ ᐅᓄᖏᓐᓂᕐᓮᑦ ᒥᑭᓂᕐᓴᒥᒃ ᓄᓇᖁᑎᑖᕐᓗᑎᒃ; ᓄᓇᖁᑎᑖᕆᓂᐊᕐᑕᒥᖕᓂᒃ ᐃᓚᒌᑦ ᓄᓇᖃᕆᐊᖃᕐᐳᑦ. ᓄᓇᖁᑎᑖᕆᐊᖃᕐᐳᓯ ᓯᕗᓕᕕᓂᑦᓯ ᑭᖑᕚᖏᑦ ᒪᓕᒡᓗᒋᑦ. 55ᓄᓇᖃᕐᑐᑐᕾᓪᓕ ᓄᓇᒥᑦ ᐊᐅᓪᓚᕐᑎᓐᓂᐊᖏᒍᑦᓯᒋᒃ ᐃᓕᑦᓯᓐᓂᑦ, ᑖᒃᑯᐊ ᐊᐅᓪᓚᕐᑎᓐᖏᑕᓯ ᑕᕝᕙ ᑕᑯᓐᓇᕐᑕᑦᓯᓐᓄᑦ ᐃᓗᐊᖏᑦᔪᑕᐅᓂᐊᕐᐳᑦ ᓴᓂᕋᑦᓯᒍᓪᓗ ᑲᐱᖃᑦᑕᕐᑐᑎᑐᑦ ᑍᒤᓐᓂᐊᒃᐳᓯ, ᑖᒃᑯᐊ ᐃᓕᑦᓯᓐᓂᒃ ᐅᐃᒪᓵᕆᓂᐊᕐᒪᑕ ᓄᓇᒥ ᐃᓂᒋᔭᑦᓯᓐᓂ. 56ᐊᒻᒪᓗᑦᑕᐅᖅ ᐱᓂᐊᕐᕕᒋᓂᐊᕆᕙᑦᓯ ᑖᒃᑯᓄᖓ ᐱᓂᐊᕈᑎᒋᓂᐊᓚᐅᕐᑕᓐᓂᒃ.’”
Zvasarudzwa nguva ino
ᒨᓯᓯ ᓯᑕᒪᖏᑦ 33: EAIB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.