ᒨᓯᓯ ᓯᑕᒪᖏᑦ 30
30
ᐱᖁᔧᑦ ᐊᖏᕐᓂᖅ ᐱᓪᓗᒍ
1ᒨᓯᓯᐅᑉ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᖏᑕ ᓯᕗᓕᕐᑎᖏᑦ ᐅᖃᕐᕕᒋᕔᑦ, ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᐅᖃᕐᓗᓂ, “ᐃᒫᒃ ᐊᑕᓂᖅ ᐱᖁᔨᕗᖅ: 2#ᒨᓯᓯ ᑕᓪᓕᒪᖏᑦ 23:21-23; ᒫᑎᐅᓯ 5:33.ᐊᖑᑦ ᐊᑕᓂᕐᒧᑦ ᐊᖏᕈᑎᖃᕐᐸᑦ, ᐊᓯᑦᔨᕆᐊᖃᓐᖏᑕᒥᓂᒃ, ᐅᖃᐅᓯᕆᔭᓂ ᓯᖁᒥᑦᓴᕆᐊᖃᓐᖏᓛ; ᐅᖃᐅᓯᕆᔭᓕᒫᖏᑦ ᖃᓂᖓᓂᑦ ᐊᓂᔪᑦ ᒪᓕᒋᐊᖃᕐᐰᑦ.
3“ᐊᕐᓇᕐᓘᓐᓃᑦ ᐊᑕᓂᕐᒧᑦ ᐊᖏᕈᑎᖃᕐᐸᑦ, ᐊᓯᑦᔨᕆᐊᖃᓐᖏᑕᒥᓂᒃ ᐊᑖᑕᒥ ᐃᒡᓗᖓᓂ ᐃᓂᖃᕐᓗᓂ ᐃᓅᓱᒃᑑᓗᓂ, 4ᐊᑖᑕᖓᑕ ᐊᕐᓇᐅᑉ ᐊᖏᕈᑎᖓ ᑐᓴᕐᓗᓂᐅᒃ ᐊᓯᑦᔨᕆᐊᖃᓐᖏᑕᒥᓂᒃ ᐊᖏᕈᑎᖃᕐᑎᓪᓗᒍ, ᐊᑖᑕᖓ ᓂᓪᓕᖏᑉᐸᑦ, ᐊᖏᕈᑎᒋᑦ ᑕᕝᕙ ᑲᔪᓯᔭᕆᐊᖃᓕᕐᐳᑦ, ᐊᖏᖃᑎᒌᒍᑎᒋᔭᓕᒫᓂ ᒪᓕᒋᐊᖃᓕᕐᐰᑦ. 5ᐊᑖᑕᖓᑕᓕ ᐊᖏᕈᑎᖏᑦ ᑐᓴᕐᓗᒋᑦ ᑲᔪᓯᖁᖏᑉᐸᒋᑦ, ᑕᕝᕙ ᐊᖏᖃᑎᒌᒍᑎᓕᒫᖏᑦ ᑲᔪᓯᔪᓐᓇᕐᓂᐊᓐᖏᓚᑦ; ᐊᑕᓂᐅᓪᓗ ᐊᖏᕈᑎᖏᓐᓂᒃ ᒪᓕᒋᐊᖃᕈᓐᓁᕐᑎᓐᓂᐊᕐᐹ ᐊᑖᑕᖓᑕ ᓵᓚᒋᖕᒪᒍ.
6“ᐅᐃᑖᕐᐸᑦ, ᐊᖏᕈᑎᒥᓂᒃ ᑲᔪᓯᑎᑦᓯᔭᕆᐊᖃᕐᓗᓂ ᐊᖏᕈᑎᒥᒡᓘᓐᓃᑦ ᒪᓕᒋᐊᖃᕐᑕᒥᓂᒃ ᐅᖃᕐᓯᒪᓗᓂ ᐊᓯᑦᔨᕆᐊᖃᓐᖏᑕᒥᓂᒃ, 7ᐅᐃᖓᑕ ᓄᓕᐊᒥ ᐊᖏᕈᑎᖓ ᑐᓴᕐᓗᓂᐅᒃ, ᓂᓪᓕᐅᑎᒋᖏᓪᓗᒍᓗ ᐅᓪᓗᒥ ᑐᓴᕐᕕᖕᒥᓂ, ᐊᖏᕈᑎᖓ ᑲᔪᓯᔭᕆᐊᖃᕐᐳᖅ, ᐊᖏᖃᑎᒌᒍᑎᖓ ᐊᓯᑦᔨᕆᐊᖃᓐᖏᑕᖓ ᑲᔪᓯᔭᕆᐊᖃᕐᓂᐊᕐᐳᖅ. 8ᐅᐃᖓᑕᓕ ᓄᓕᐊᒥ ᐊᖏᖃᑎᒌᖕᓂᖓ ᑐᓴᕐᓗᓂᐅᒃ ᐅᓪᓗᒥ ᑕᕝᕙᓂ ᑐᓴᕐᕕᖕᒥᓂ ᑲᔪᓯᖁᖏᑉᐸᒍ, ᐊᖏᕈᑎᖓ ᑕᕝᕙ ᓯᖁᒥᓐᓂᐊᕐᐹ ᐊᖏᖃᑎᒌᒍᑎ ᐅᖃᐅᓯᕆᓚᐅᕐᑕᖓ, ᒪᓕᒋᐊᖃᓪᓚᕆᒡᓗᒍ, ᑕᕝᕙ ᐊᑕᓂᐅᑉ ᒪᓕᒋᐊᖃᕈᓐᓃᕐᑎᓐᓂᐊᕐᐹ.
9“ᐅᐃᒡᒐᕐᓂᐅᓪᓗ ᐊᖏᕈᑖ ᐊᕐᓇᐅᓪᓘᓐᓃ ᐊᕕᑕᐅᓯᒪᔫᑉ ᐊᖏᕈᑖ, ᐊᓯᑦᔨᕆᐊᖃᕐᓇᒍ ᐊᖏᕈᑎᓕᐊᕆᓯᒪᔭᖓ, ᑲᔪᓯᔭᕆᐊᖃᕐᐳᖅ.
10“ᐅᐃᒥ ᐃᒡᓗᖓᓃᓪᓗᓂ ᐊᖏᕈᑎᓕᐅᕐᐸᑦ, ᐊᓯᑦᔨᕆᐊᖃᓐᖏᑕᒥᓄᑦ ᐃᒻᒥᓂᒃ ᐊᔪᓕᕐᑎᑉᐸᑦ, ᑖᓐᓇ ᐊᖏᕈᑎᖓ ᑲᔪᓯᔭᕆᐊᖃᕐᐳᖅ, 11ᐅᐃᖓᑕ ᐊᖏᕈᑎᖓ ᑐᓴᕐᓗᓂᐅᒃ, ᓂᓪᓕᐅᑎᒋᖏᓪᓗᒍᓗ ᐅᓪᓗᒥ ᑐᓴᕐᕕᖕᒥᓂ, ᐅᐃᖓᑕ ᓵᓚᒋᓇᓱᐊᖏᑉᐸᒍ, ᐊᖏᕈᑎᖓ ᑲᔪᓯᔭᕆᐊᖃᕐᐳᖅ, ᐊᖏᖃᑎᒌᒍᑎᓕᒫᖏᑦ ᐊᓯᑦᔨᕆᐊᖃᓐᖏᑕᖏᑦ ᑲᔪᓯᔭᕆᐊᖃᕐᓂᐊᕐᐳᑦ. 12ᐅᐃᖓᑕᓕ ᐊᖏᖃᑎᒌᖕᓂᖓ ᑐᓴᕐᓗᓂᐅᒃ ᐅᓪᓗᒥ ᑕᕝᕙᓂ ᑐᓴᕐᕕᖕᒥᓂ ᑲᔪᓯᖁᖏᒻᒪᕆᒃᐸᒍ, ᑕᕝᕙ ᐅᖃᐅᓯᕆᓯᒪᔭᓕᒫᖏᑦ ᓯᖁᒥᓐᓂᐊᕐᐰᑦ, ᐊᓯᑦᔨᕆᐊᖃᕐᓇᒋᑦ ᐅᖃᐅᓯᕆᓯᒪᔭᕋᓗᐊᖏᑦ, ᑲᔪᓯᓂᐊᓐᖏᓚᑦ; ᐅᐃᖓᑕ ᐊᑐᕈᓐᓁᕐᑎᒻᒪᒋᑦ, ᑕᕝᕙ ᐊᑕᓂᐅᑉ ᒪᓕᒋᐊᖃᕈᓐᓁᕐᑎᓐᓂᐊᕐᐹ. 13ᐊᖏᖃᑎᒌᒍᑎᒋᓯᒪᔭᓕᒫᖏᑦ, ᐊᓯᑦᔨᕆᐊᖃᕐᓇᒋᓪᓗ ᐊᖏᕈᑎᕕᓂᖏᑦ ᐃᒻᒥᓄᑦ, ᐅᐃᖓᑕ ᑲᔪᓯᑎᑦᓱᓐᓇᕐᐰᑦ, ᐅᕝᕙᓘᓐᓃᑦ ᐊᑐᕈᓐᓁᕐᑎᑦᓱᓐᓇᕐᐰᑦ. 14ᐅᐃᖓᓕ ᑕᒪᒃᑯᓂᖓ ᓂᓪᓕᕈᑎᖃᖏᑉᐸᑦ ᖃᐅᕙᒃᑲᓗᐊᕐᑎᓪᓗᒍ, ᑕᕝᕙ ᐊᖏᖃᑎᒌᒍᑎᖏᓐᓂᒃ ᐊᓯᑦᔨᕆᐊᖃᓐᖏᑕᒥᓂᒃ ᑲᔪᓯᑎᑦᓯᓂᐊᕐᐳᖅ; ᐊᖏᖃᑎᒋᕔᑦ ᓂᓪᓕᕈᑎᒋᓚᐅᖏᒻᒪᒋᑦ ᐅᓪᓗᒥᑦ ᓯᕗᓪᓕᕐᐹᒥᑦ ᑐᓴᕋᓗᐊᕋᒥᒋᑦ. 15ᐊᑐᕈᓐᓁᕐᑎᑉᐸᒋᓪᓕ ᑐᓴᓚᐅᕐᓂᒥᑕ ᑭᖑᓂᐊᒍᑦ, ᐸᓯᔭᒃᓴᐅᓂᖓᓂᒃ ᐱᓯᒪᓕᕐᓂᐊᕐᐳᖅ.”
16ᑕᒪᒃᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᐊᑐᕐᑕᐅᖁᓚᐅᕐᑕᖏᑦ ᒨᓯᓯᒃᑯᑦ, ᐊᖑᑎᐅᑉ ᓄᓕᐊᒥᓄᑦ ᐱᓂᐊᒐᒃᓴᖏᑦ, ᐊᑖᑕᐅᓪᓗ ᐸᓂᖕᒥᓄᑦ ᐃᓅᓱᒃᑑᓂᕐᒥᓂ ᐊᑖᑕᒥ ᐃᒡᓗᖓᓃᓐᓂᕐᒥᓂ ᐱᓂᐊᒐᒃᓴᖏᑦ.
Zvasarudzwa nguva ino
ᒨᓯᓯ ᓯᑕᒪᖏᑦ 30: EAIB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.