ᔮᓱᐊᑉ ᐊᒡᓚᖏᑦ 20
20
ᐃᒡᓗᒐᓮᑦ ᕿᒫᕖᑦ
1 #
ᒨᓯᓯ ᓯᑕᒪᖏᑦ 35:9-34; ᒨᓯᓯ ᑕᓪᓕᒪᖏᑦ 4:41-43; 19:1-13. ᐊᑕᓂᐅᑉ ᔮᓱᐊ ᐅᖃᐅᑎᕚ ᐅᖃᕐᓗᓂ, 2“ᐅᖃᐅᑦᔨᒋᑦ ᐃᓴᕆᐊᓕᒥᐅᑦ ᐃᓄᖏᓐᓂᒃ, ‘ᐃᒡᓗᒐᓴᖕᓂᒃ ᓂᕈᐊᓕᕆᑦᓯ ᕿᒫᕕᒃᓴᓂᒃ, ᑕᒪᓐᓇ ᐅᖃᐅᓯᕆᓚᐅᕋᒃᑯ ᐃᓕᑦᓯᓐᓄᑦ ᒨᓯᓯᑯᑦ. 3ᓇᓪᓕᐊᑦ ᐃᓅᖃᑎᒥᓂᒃ ᑐᖁᑦᓯᒍᓂ ᐱᔮᕆᖏᓪᓗᓂ ᑐᖁᑦᓯᒐᓱᐊᖏᓪᓗᓂᓘᓐᓃᑦ ᕿᒫᕕᒃᓴᖃᖁᓪᓗᒍ ᐃᒡᓗᒐᓴᖕᓄᑦ; ᑖᒃᑯᐊ ᐃᒡᓗᒐᓮᑦ ᕿᒫᕕᒃᓴᐅᖁᓪᓗᒋᑦ ᐊᑭᓂᐊᕋᓱᐊᕐᑐᓂᑦ. 4ᐃᓄᒃ ᕿᒫᔪᓐᓇᖁᓪᓗᒍ ᑖᒃᑯᓄᖓ ᐃᒡᓗᒐᓴᖕᓄᑦ ᓇᓪᓕᐊᓐᓄᑐᐃᓐᓇᖅ, ᐃᒡᓗᒐᓮᑦ ᐃᑎᕐᑕᕐᕕᖓᓃᑦᑐᓄᑦ ᐊᖓᔪᖅᑳᓄᑦ ᐅᓂᒃᑳᕈᓐᓇᖁᓪᓗᒍ ᐱᐅᓯᕆᓚᐅᕐᑕᒥᓂᒃ; ᑕᕝᕙ ᑖᒃᑯᐊ ᐃᑎᕐᑎᑕᒃᓴᕆᕚᑦ ᐃᒡᓗᒐᓴᖕᓄᑦ, ᐃᓚᑖᕆᓗᒍ ᐊᖏᕐᕋᒃᓴᖓᓂᒡᓗ ᑐᓂᓯᕕᒋᓗᒍ, ᑕᕝᕙᓂ ᐃᓂᖃᑦᓯᐊᖁᓪᓗᒍ. 5ᐊᑭᓇᓱᐊᕐᑐᒧᓪᓕ ᕿᓂᕆᐊᕐᑕᐅᒃᐸᑦ ᒪᓕᒃᑕᐅᓗᓂ, ᐃᒡᓗᒐᓴᖕᓃᑦᑐᑦ ᐃᓄᖏᓐᓂᑦ ᕿᓂᕆᐊᕐᑐᒧᑦ ᑐᓂᔭᐅᔪᒃᓴᐅᓐᖏᓚᖅ; ᓴᐳᑎᔭᒃᓴᕆᕚᑦ ᐱᔮᕆᓇᓂ ᑐᖁᑦᓯᓚᐅᕐᓂᖓ ᐱᑦᔪᑎᒋᓗᒍ, ᑭᓯᐊᓂᓕ ᑖᑦᓱᒥᖓ ᐃᓅᖃᑎᒥᓂᒃ ᓯᕗᓂᖓᒍᑦ ᓂᓐᖓᐅᒪᕕᖃᓚᐅᕐᑐᕕᓂᐅᔪᒃᓴᐅᓐᖏᓚᖅ. 6ᑕᕝᕙᓂ ᐃᒡᓗᒐᓴᖕᓃᑦᑐᒃᓴᐅᕗᖅ ᐃᓄᐃᑦ ᓵᖓᓂ ᐃᖅᑲᕐᑐᕐᑕᐅᓚᐅᖏᓐᓂᕐᒥᓂ, ᐅᕝᕙᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓ ᑕᕝᕙᓃᑦᑐᖅ ᑐᖁᓚᐅᖏᓐᓂᖓᓂ: ᑭᖑᕐᖓᒍᑦ ᑖᓐᓇ ᐊᖑᑦ ᑐᖁᑦᓯᓯᒪᔪᖅ ᐅᑎᕐᑐᒃᓴᐅᕗᖅ ᐃᒡᓗᒐᓴᖕᓄᑦ ᓄᓇᒥᓄᑦ ᐃᒡᓗᒥᓄᓪᓗ ᐊᖏᕐᕋᕐᓗᓂ, ᓄᓇᒧᑦ ᕿᒪᓚᐅᕐᑕᒥᓄᑦ.’”
7ᑍᒤᒻᒪᑦ ᑭᑎᔅ ᒐᓕᓕᐊᒦᑦᑐᖅ ᓴᓂᕐᕙᒃᑕᐅᕗᖅ ᖃᖅᑲᓃᑦᑐᖅ ᓈᑉᑕᓕᒥ, ᓯᑭᒻᓗ ᐃᕗᕅᑎᐅᑉ ᖃᖅᑲᖏᓐᓃᑦᑐᖅ; ᑭᕆᐊᑦ-ᐊᕋᐸᓗ ᑖᓐᓇ ᕼᐃᐸᕋᓐ, ᔫᑕᐅᑉ ᖃᖅᑲᖏᓐᓃᑦᑐᖅ. 8ᔪᐊᕐᑕᓂᐅᑉ ᑰᖓᑕ ᐊᑭᐊᓃᑦᑐᖅ ᔨᕆᑰᑉ ᓯᕿᓂᖓᑕ ᓄᐃᕕᐊᓃᑦᑐᖅ, ᑎᒃᑯᐊᕐᓯᕗᑦ ᐱᔮᕐᒥᒃ ᐃᓄᖃᖏᑦᑐᒥ ᒪᓂᕅᓐᓇᕐᒦᑦᑐᒥᒃ, ᕉᐱᓂᐅᑉ ᓄᓇᖓᓃᑦᑐᒥᒃ, ᕌᒪᑦᓗ ᒋᓕᐊᑎᒦᑦᑐᖅ, ᒑᑦ ᑭᖑᕚᖏᑕ ᓄᓇᖓᓃᑦᑐᖅ, ᒎᓚᓐᓗ ᐹᓴᓂᒦᑦᑐᖅ, ᒫᓇᓯᐅᑉ ᑭᖑᕚᖏᑕ ᓄᓇᖓᓃᑦᑐᖅ. 9ᐃᒡᓗᒐᓮᑦ ᑖᒃᑯᐊ ᓂᕈᐊᕐᑕᐅᕗᑦ ᕿᒫᕕᒃᓴᐅᓪᓗᑎᒃ ᐃᓄᓕᒫᓄᑦ ᐃᓴᕆᐊᓕᑎᓄᑦ, ᐃᓅᖃᑎᒃᓴᔭᕆᓐᖏᑕᖏᓐᓄᓪᓗ ᓄᓇᖃᕐᑐᓄᑦ ᐃᓴᕆᐊᓕᒥ, ᓇᓪᓕᐊᑦ ᑐᖁᑦᓯᔪᖅ ᐱᔮᕆᖏᓪᓗᓂ ᕿᒫᕕᒃᓴᖃᖁᓪᓗᒍ ᐃᒡᓗᒐᓴᖕᓄᑦ ᑖᒃᑯᓄᖓ, ᐊᑭᓂᐊᕋᓱᐊᕐᑐᓄᑦ ᑐᖁᑕᐅᖁᓇᒍ, ᐃᓄᐃᑦ ᓵᖓᓂ ᐃᖅᑲᕐᑐᕐᑕᐅᓚᐅᖅᑳᖏᓪᓗᓂ.
Zvasarudzwa nguva ino
ᔮᓱᐊᑉ ᐊᒡᓚᖏᑦ 20: EAIB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Eastern Arctic Inuktitut Bible © Canadian Bible Society, 2012, 2021-2023.