Mabasa yoNhumwa 6
6
Vabatsiri Vanomwe
1Zvino nomazuva yakareyo vadzidzi pavanga vawanditsa, vaGiriki, vadonyunyutira vaHebheru ndava chirikadzi dzavo dzanga dzichitharukiwa pakukovehwa zvokuja kwaiitiwa zuva rimwe norimwe. 2Zvino vanogumi novairi vadodaidza dare rovadzidzi ndokuti, “Hazvinai kunaka kuti isisu tisiye kuparidza shoko raMwari tichishanda pamatafura. 3Saka hama dzangu sarudzai pakati penyu varume vanomwe vanopfakazihwa zvidonaka, vadozara noMweya nouchenjeri vatingaise pabasa rakareri. 4Asi isisu tichazvipa pakunyengetera nopabasa rokuparidza shoko.”
5Zvavadonyairazvo zvidofadza gurusvusvu rese; vachibva vasarudza Sitefani murume wanga adozara nokutenda naMweya Mutsvene, naFiripi, naPorokoro, naNikanori, naTimoni, naPamenasi naNikorasi wanga adopindukira kuchitendero chochiJudha wokuAndiyoki. 6Vakareva vadovaisa pamberi ponhumwa, ivo vadonamata nokuturika manja pamusoro pavo.
7Saka shoko raMwari ridokura, uwandu hwovadzidzi hwudoingidzika chaizvo paJerusarema, novaphirisita vazinjifutivo vadotenda.
Kusungiwa kwaSitefani
8Zvino Sitefani, murume wanga adozara nomutsa waMwari nosimba, adoita zvinoshamisa zvikuru nozviratidzo pakati povanhu. 9Ipopo vamwe vanga vari vosinagoge raiva rovanhu vaiitiwa Vadosununguka sezvaraidaidziwa, novaKureni, novaArekizanda, noavo vaibva kuKirikiya noEzhiya, vadosumuka vachiita nharo naSitefani. 10Asi havanai kukwanisa kukunda kuchenjera kwaadopasiwa naMweya paainyaira. 11Ipopo vadomutsa vamwe varume muchihwande, vachiti kwavari, “Nyairai kuti tidomunzva achinyaira mashoko yokushora Mozisi naMwari.” 12Saka vadopesvedzera vanhu novakuru novadzidzisi vomutemo. Vadobata Sitefani ndokumuisa pamberi pomakorokota yodare. 13vadomuisira pfakazi dzomabhwodo dzidoti, “Munhu wakareyu anorekaba kunyaira mashoko yokushora nzvimbo yakarei itsvene nomutemo. 14Ndava tidomunzva kamu achiti uyu Jesu woNazareta achaparadza nzvimbo yakarei, uye achasandura tsika dzatidopasiwa naMozisi.” 15Zvino vese vanga vadogarikika mudare vadonangaritsa Sitefani, ndokuona chiso chache chaita kunge chiso chongirozi.
Zvasarudzwa nguva ino
Mabasa yoNhumwa 6: KBT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The Word for The World International