मत्ती 17
17
ईसु को रूप बदलनो
(मरकुस 9:2–13; लूका 9:28–36)
1छै दिन के बाद ईसु नै पतरस, याकूब और उसके भईया यहून्ना कै संग लओ और उनकै इकले मै किसी ऊँचे पहाड़ मै ले गओ। 2बहाँ उनके सामने बाको रूप बदल गओ। बाको मौह सूरज के हाँई चमकल लगो और बाके लत्ता ऐंसे चमचमाल लगे जैसे रौसनी। 3फिर अचानक मूसा और एलिया बाके सामने परकट भए और ईसु सै बात करल लगे। 4जौ देक्कै पतरस ईसु सै बोलो, “परभु, हिंया होनो हमरे ताँई कितनो अच्छो है, अगर तू चाँहै तौ मैं हिंया तीन तम्बू खड़े कर दौं, एक तेरे ताँई, एक मूसा के ताँई और एक एलिया के ताँई।” 5#मत्ती 3:17; 12:18; मरकु 1:11; लूका 3:22#2 पतर 1:17,18पतरस अबी बात करई रओ हो कै एक चमकते भए बादर नै आकै बे ढक लए और बादर सै आकासवानी भई, “जौ मेरो पियारो लौंड़ा है, जिस्सै मैं भौत खुस हौं। जाकी सुनौ!” 6जौ सुनकै चेला मौह के बल गिर पड़े और भौत डर गए। 7तब ईसु उनके धौंरे गओ और उनकै छूँते भए बोलो, “डरौ मत, खड़े होबौ।” 8जब उनौनै अपनी आँख उठांई, तौ उनकै ईसु के सिबा और कोई ना दिखाई पड़ो।
9जब बे पहाड़ सै उतर रए हे तौ ईसु नै उनकै जौ हुकम दओ, “जब तक आदमी को लौंड़ा मरे भए मै सै ना जी उठै, तब तक तुम किसी सै बी इस दरसन की चरचा ना करौगे।” 10फिर बाके चेलौ नै बासै पूँछी, “यहूदी सास्तरी फिर काए कैबै हैं, कै एलिया को पैले आनो जरूरी है?”
11ईसु नै जबाब दओ, “एलिया तौ आगो, और सब कुछ सुदारैगो। 12#मत्ती 11:14पर मैं तुमसै कैरओ हौं एलिया आ चुको है, और उनौनै बौ ना पैचानो और बाके संग मन मरजी को बरताब करो, इसई हाँई आदमी को लौंड़ा बी उनके हातौ सै दुख उठागो।” 13तब चेला समज गए कै बौ हमकै यहून्ना जल संस्कार दैनै बारे के बारे मै कैरओ है।
दुसट आत्मा बारे लौंड़ा कै चंगाई
(मरकुस 9:14–29; लूका 9:37–43)
14जब ईसु भीड़ मै बापस आओ तौ एक आदमी बाके धौंरे आओ, और घूंटे टेक्कै कैललगो। 15“हे परभु, मेरे लौंड़ा के ऊपर दया कर, बाकै मिरगी को दौरा पड़ै है, बौ भौत तड़पै है और बौ बेरमबेर आग और पानी मै गिर जावै है। 16मैं उसकै तेरे चेलौ के धौंरे लाओ, पर बे बाकै ठीक ना कर सके।” 17ईसु नै कैई कै, “हे अबिसवासी और टेड़े लोगौ मैं कब तक तुमरे संग रैहंगो? कब तक तुमरी सैहंगो? बाकै हिंया मेरे धौंरे लाऔ।” 18तब ईसु नै दुसट आत्मा कै फटकार लगाई और बौ लौंड़ा मै सै उसई टैम लिकर गई, और लौंड़ा ठीक हो गओ।
19बाद मै इकले मै चेलौ नै ईसु के धौंरे आकै पूँछी, “हम उसकै काए ना लिकार सके?”
20 #
मत्ती 21:21; मरकु 11:23; 1 कुर 13:2 ईसु नै उनसै कैई, “तुम्मै बिसवास की कमी है। मैं तुमसै सच कैरओ हौं, अगर तुमरो बिसवास राई के दाने के बराबर बी है, तौ तुम इस पहाड़ सै जौ कैऔ, हिंया सै हट कै बहाँ जा, तौ बौ हट जागो, और तुमरे ताँई कुछ बी मुसकल ना होगो।” 21पर पिराथना और बरत के अलाबा किसी और उपाय सै दुसटौ की जौ जाति ना लिकारी जा सकै है। #17:21 कुछ यूनानी हस्तलेखौ मै जौ आयत ना मिलै है।
ईसु को अपनी मौत के बारे मै बतानो
(मरकुस 9:30–32; लूका 9:43–45)
22जब बे गलील मै हे, तौ ईसु नै उनसै कैई, “आदमी को लौंड़ा लोगौ के हात मै पकड़बाओ जागो। 23और बे उसकै मार डारंगे, और बौ तीसरे दिन जी उठैगो।” जौ सुनकै चेलौ कै भौत दुख भओ।
लगान को भुगतान
24जब बे कफरनहूम सैहर मै पौंचे, तौ मन्दर के ताँई लगान लैनै बारौ नै पतरस के धौंरे आकै पूँछी, “का तुमरो गुरू मन्दर की लगान ना देवै है?”
25उसनै कैई “हाँ देवै तौ है।”
जब पतरस घर पौंचो, तौ उसके कुछ कैनै सै पैलेई ईसु नै पूँछी, “समौन तुमरो का बिचार है? दुनिया के राजा किन लोगौ सै चुंगी या लगान लेबै हैं? अपने बालकौ सै या पराएऔं सै?”
26पतरस नै उनसै कैई पराएऔं सै।
तब ईसु नै उस्सै कैई, “तौ अपने बालक लगान सै बच गए। 27फिर बी हम उन लोगौ कै गलत उदाहरन ना दैं, इसताँई तुम झील के किनार जाकै काँटो डारौ, जो मच्छी पैले फसैगी, बाकै पकड़ लेईओ, और बाको मौह खोलौगे तौ तुमकै एक सिक्का मिलैगो, उसई कै लेकै मेरे और अपने बदले उनकै दे देईओ।”
Zvasarudzwa nguva ino
मत्ती 17: TKB
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
New Life Compute Institute [NLCI] - CC BY-NC-ND 4.0