मत्ती 6
6
दानो पाहठी शिक्षा
1खबरदार शुहचे ईलांई! केहच़ी मीहतिंङ कंड्रिमी थल्जी रुठे कम थलांई माह ता केन्दु स्वर्गो बाहऊ दोरच़ी छल्लेऐ ईनाम मखोकपोंई। 2दिऊ थल्जी अपेहल केई दान लोहन केई मोह्ड़े दिखावा थाह लोह छना झखसेमरंङ दोच़ी यहुदी सभा घरबारंङ ए गलीरिंङ लाह्तोर ताकि मीहज़ी दोतु तारीफ लहसी जूंस। गेह केतंङ साते हेले कुट्रातग दोच़ी एनातु प्रतिफल खोक्शे चरच़ातोर। 3पर अगर केई दान रेंई ता कांह दान ब्याके शुहबी जूंस कि अतिंङ ला पता लेहपि माह जूंस। 4दंङ कांह दान लहसी गुप्त केहषी जूंस दंङ कांह बाह अच़ि गुप्त रिंङ खमतो कनिंङ प्रतिफल रमोतो।
प्रार्थनाओ शिक्षा
5अपेहल केई प्रार्थना लोहन, दंङ मांजी सेहमो दोतु ठ्रोह थलोह ताकि मीहज़ी दोतिंङ खमोर ए दोतु बड़ई लोहर छना यहुदी सभा घरबारंङ ए सड़का रिंङ खड़े शुहचे प्रार्थना लेहई दोच़ी रूठे च़ेहसी। गेह केतंङ साते हेले कुट्रातग दोच़ी एनातु ईनाम खोक्शे केतोर। 6पर अपेहल केई प्रार्थना लोहन, दंङ केनोह कमरारिंङ ईल; दंङ पेतंङ बंद लेह केनोह बाहरंङ अंऊ तंङफिमी माह प्रार्थना लोह; दोपहल दोई कनिंङ ईनाम रमोतो। 7प्रार्थना लहज़िमी टेमा ऊई जातितु ठ्रोह बिना मतलबो गप्पार थलांई छना कुचे दोच़ी चेहच़ातोर दोतु महस कुट्रीरंङ दोतु रेहशा योतो। 8झांह लेह केहरे दोतु ठ्रोह था शुई, छना कुचे केहतु पिता परमेश्वरे पेट्री बेहच़ी तुई ञेंहच़ा कि, केतिंङ छि चीज़ो ज़रूरत तोह।
9दिऊ थल्जी केहच़ी झांह ठ्रोह प्रार्थना लोहवा लांई; हे ञेंहतु बाह कांह अरी स्वर्गंङ तोतोन; कांह मिन पवित्र मनेक्च़ी जूंस।
10कांह राज अंज़े जूंस कांह हिट्टी छना स्वर्गंङ पूरे शवाह, ध्वांए धरतीरिंङ लाह पुरे शुहबी जूंस। 11ञेंहतिंङ रोजो दुह बगत रोंऊ अंऊ ञेंहच़ी दुह ध्याड़ो थल्जी जुंज़ातंई। 12छना ञेंहच़ी हेंदु गुहनेगारतिंङ माफ लहज़ातन, ध्वांए केई ञेंहतु गुनाह माफ लोह।
13दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन। 14दिऊ थल्जी अगर केहच़ी मीहतु गुनाह माफ लोहन ता केहतु स्वर्गीय पिता परमेश्वर ला केहतु गुनाह माफ लोहतो। 15अगर केहच़ी मीहतु गुनाह माफ माह लोहन, दंङ केहतु पिता परमेश्वरे ला केहतु गुनाह माफ माह लोहतो।
व्रतो पाहठी शिक्षा
16अपेहल केई ब्रत (उपबास) लोहन, दंङ मांजी सेहमो दोतु ठ्रोह मोहतिंङ केहतु उदासी शुहबी माह जूंस, छना कुचे दोरे दुखी तंङफी, ताकि मीहच़ी दोरे व्रतंङ च़ेहसी जूंस। गेह केतंङ साते हेले कुट्रतग दोच़ी एनोह ईनाम खोक्शे केहत्तोर। 17पर अपेहल केई ब्रत (उपबास) लोहन केनोह पुन्ज़ंङ तेल च्ओ दंङ मोद च़िऊ। 18ताकि मीहच़ी माह पर कांह पिता परमेश्वरे अंऊ तंङफिमी माह, कनिंङ व्रती ञेंए ईनाम रमोतो।
स्वर्गंङ ढबाह ठ्रोहका लंहि
19केनोह थल्जी संसारारंङ ढबाह ठ्रोहका थलोह; अंऊ ओमड्राज़ि ए काई खराब लेहई, दंङ अंऊ चोरा ज़ि कुजी चरच़ि। 20पर रुठे कम लेह स्वर्गंङ केनातु थल्जी ईनाम ठ्रोहका लांही; अंऊर माह ओमड्राज़िऐ माह काई खराब लेहई, दंङ अंऊ चोरा ज़ि कुजी मरच़ि। 21छना कुचे कांह सेहम दोरे लेहके बंङज़ोतो अंऊर कांह ढबाह तोह।
फूको छंङी
22टिरारे फुको थल्जी इच्च़ा छंङी ठ्रोह शुह दिऊ थल्जी अगर कांह टिरारे ठीक शुईरेता, कांह भत्ते फुकला छंङी शोतो। 23पर अगर कांह टिरारे मदम शुई ता, कांह भत्ते फुकला हंञारारिंङ शोतो; दिऊ थल्जी, अगर केई गलतीरंङ साते ला दिह सोचेक्च़ातन कि कांह दिमाग छंङी तोह, पर असल मेह दुह हंञारारिंङ तोह, केहतु अंद्रेग हंयार महसे रोह्की तोह।
परमेश्वर ए धन
24छना कुचे अच़िला मीहज़ी इच्च़ा टेमारिंङ झुह्ट मालिको सेवा लेह मरछी, छना कुचे दोई इदिरंङ मांजी लोहतो ऊईरंङ दाह लोहतो, छिता इदिरंङ मिलेकी बंङ जोतो ऊई दिबी कवचि चेहपोतो केहच़ी परमेश्वरे ए ढबाह झुह्ट लोह सेवा लेह मरच़ि। 25दिऊ थल्जी गेह केतंङ साते कुट्रातग कि, केहच़ी केनातु रोज कि ज़िंदगीऊ चिंद थलांहई कि, ञेंहच़ी छि जोंई छि तुंङमोई माह फूको थल्जी कि छि लेहपोंई। दिह महस रुठे तोह कि केहतु फुक, बगत दंङ केहतु लेहसी खमज़ेबे महस लस तोह। 26सर्गो प्यारेतिंङ खांई। दोच़ी माह एह्च़ी, माह ट्रीहक्ट्री, माह ठ्रोहका लेहई, तांला केहतु स्वर्गीय पिता परमेश्वरे दोतिंङ ज़ेइमी रंड्रा। दंङ केरे पक्का ए दोतु प्यारे बे ला महसे लस शुई।
27छि अच़िया चिंद लेह एनोह उम्र इच्च़ा घड़ी ला बड़ाएच़ी तरपोर? 28खमज़ेतु थल्जी छिले चिंद लहज़ातंई? बंणो उड्रो हखा खांई दोरे छना बणेकपातोर, दोच़ी माह खरे लाहतोर, माह खमज़ेर बणाएक्च़ातोर। 29तांला गेह केतंङ कुट्रातग कि रज्ज़ा सुलेमान ला एनोह भत्ते राजो दोरच़ी, दोतु ठ्रोह खमज़े लेहसी माहतरे।
30दिऊ थल्जी अगर परमेश्वरे मैदानो श्रांङबी, अरी तोग तोह मुतंङ मेहरिंङ फरसा योतो, झांह लेह दोई दोबि ला सलटे लाह, दोई पक्का ए केहतु देख-भाल लोहतो। केहतु बिशवास धोंण थोडे़ छिला तोह?
31दिऊ थल्जी केहच़ी चिंद लेह झांह थकुंई कि ञेंहच़ी छि जोंई छि तुंङमोंई या छि लेहपोंई। 32छना कुचे ऊई जातिरे दिह भत्ते चीज़र पेट्रातोर, पर केहतु स्वर्गीय बाह ञेंहच़ा कि केतिंङ दिह भत्ते चीज़ा तु ज़रूरत तोह। दिऊ थल्जी, चिंद थालांई। 33दिऊ थल्जी केहच़ी हेगा परमेश्वरो राज्य ओ खोज ए धर्मिकतारंङ साते जोईमी कोशिश लोह दंङ दिहरे भत्ते चीज़र केतिंङ खोकसा योतो। 34दिऊ थल्जी मुह्तंङो पाहठी चिंद थलांई, छना कुचे मुतंङ कि ध्याड़ा एनोह चिंद एनेह लोहतो; तोह कि थल्जी थोह्की दुख ए झोबड़ी तोह।
Zvasarudzwa nguva ino
मत्ती 6: LBFNT
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.