मत्ती 19
19
तलाको बारे यीशु शिक्षा
(मरकु 10:1-12)
1अपेहल यीशुज़ि दिह गप्पारे कुचे च़रति दंङ दुह गलील शहरंङज़ि अच्च़ा इलि; दंङ यरदन बेंड़ीऊ नुरेच़ि अति यहुदियो देश अन्दे। 2दंङ महस मीहतु भीड़ दोऊथल शुहचे इलि दंङ दोई दोहर दोरे ठीक लहते। 3दंङ फरीसी मीहरे यरदन बेंड़ीऊ नुरेच़ि अति दोऊ छ़ोत लेहपच़िमी थल्जी दोऊ कछंङ अंज़े कुट्री लेह्तिरे, “छि हर इच्च़ा गप्पो थल्जी एनोह मेच़ा केह केहट्री ठीक शुहदा?” 4यीशुज़ि जुबाब रेंई, “छि केहच़ी पवित्रशास्त्रारिंङ माहपढ़ेकातंईया अच्च़ी दोरे बंणाकते दोई तुहई मुखंङ गंङमी ए मेच़िमी बड़ाके कुहते। 5दिऊ थल्जी मीह एनोह याह बाहतंङ शत्ह शुहचे एनोह मेच़ारंङ साते बंङज़ोतो दंङ दोकु झुल्ला इच्च़ा फुक शोर?
6दिऊ थल्जी दोरे दाह झुह्ट माहशुरे इच्च़ा शुहरे, दिऊ थल्जी अंऊ परमेश्वरो जोडेकश्री तो दोकु मीहच़ी शत्ह थालांई।”
7दोच़ी यीशुबि कुह्तोर, “दंङ मूसा ओ कानूना दिह छिले कुहषी ततो कि तलाकनामा रेंऐ दुह केह्चे केहऊ?” 8यीशुज़ि दोतंङ साते कुतोह, “मूसाज़ि केहतु सेहम रघटु ठ्रोह शुहबीरंङ साते केतिंङ केन्दु मेच़ा केह्चे केहट्रिमी थल्जी कुहषी तहरे, पर तुहई मुखंङ झांह माहतोई। 9दंङ गेह केतंङ कुट्रातग कि अच़िला कुकमो अलावा ऊहई बजहच़ि एनोह मेच़ा छोड़ेके ब्याड़ा लेह ऊहई रंङ ब्याह लोहतो ता दुह मांजी कम लहज़ा।”
10चेलाज़ि यीशुबि कुह्तोर, “अगर गंङमी ओ मेच़मीरंङ झांह ठ्रोह संबन्ध तोह दंङ ब्याह लहज़ी रूठे माह।” 11यीशुज़ि दोतंङ कुहतो, “भत्तेज़ि दिह वचन ग्रहण लेहई मरच़ि सिर्फ दोतिंङ ए अतिंङ दिह दान परमेश्वरो दोरच़ी खोकसी तोह। 12छना कुचे रेह नपुंसक झांह तोतोर अरी ज़ेहपि रंङ साते झांह ठ्रोह तोईरे, रेह नपुंसक ध्यांला तोतोर, अरी मीहच़ी नपुंसक बणाकातोर। दंङ रेह नपुंसकरे झांह ठ्रोह तोतोर अच़ि स्वर्गो राजो थल्जी ऐनार नपुंसक लेह केहतोर। अरी ञेंच़िमी जोगे तोतोंई ञेंहई केई।”
कटुतिंङ आशीर्वाद
(मरकु 10:13-16; लूको 18:15-17)
13दंङ मीहच़ी कटुतिंङ यीशु कछंङ हतिरे कि दोई दोतु टोईच़ी गुह्ट्र केह प्रार्थना लोहतो, पर चेलाज़ि दोरे रैहच़ातोर। 14यीशुज़ि कुहतो, “कटु बि गिऊ कछंङ अपि रांई दोतिंङ मना थालांई, छना कुचे ता स्वर्गो राज्य दी कटुतु ठ्रोह भरोसेमंद मीहतु शुह।” 15दंङ दुह दोतु टोईच़ी गुहड़ केह दोरच़ी अच्च़ा इलि।
साहुकार मीह ए अनंत जीवन
16इच्च़ा मीह यीशु कछंङ अति दंङ दोरंङ कुड़ी, “हे रुठे गुरु, गेह छि रूठे कहम लोहग कि अनंत जीवन खोकपोग? दोई दोरंङ कुहतो केई गिऊ दोरच़ी रूठे लहज़िमी थल्जी छिले रूहकचातन?” 17रूठे ता इच्च़ा ए तोह; अगर कांह स्वर्गंङ इबिमी तातन ता, दंङ प्रभुऊ गप्पा मनेकपा लोहू। 18दोई यीशुबि कुहतो, “अंऊसंङ गप्पारे?” यीशुज़ि कुहतो “दिहरे कि हत्या थलोह, कुकम थलोह, चोरी थलोह, हप्सी गवाह थाह शुह। 19केनोह बाह ए केनोह याहऊ इज्ज़त लोहऊ, दंङ केनोह पड़ोसी रंङ साते केनोह ठ्रोह दाह तोह।” 20दुह छोकराज़ि कुड़ी, “दिह भत्ते गप्पारे ता गेह मनेक्च़ातेग; दा गिऊ अंद्रेग छि गप्पो कमी तोह?” 21यीशुज़ि दोहरंङ कुहतो, “अगर केई सिद्ध शुहबिम तातन ता इला, केनोह भत्ते धिर लंङहे च़रतु दंङ अंऊ टंगा-ढबाह तातन दुह गरीबातिंङ रेह च़रतु। दंङ दोऊ थल अंज़े का गिऊ चेला बणेकतु। दंङ कनिंङ स्वर्गंङ असली धन खोकसोतो।” 22पर दुह छ़ोकरा दिह रेड्रीरंङ उदास शुहचे अच़ा इलि, छना कुंई साते ता दुह महस ढबाओ घ्राक तोहई।
23दंङ यीशुज़ि एनोह चेला तङ साते कुतोह, “गेह केतंङ साते हेले कुट्रातग कि ढबोह घ्राकातु स्वर्गंङ इबी खरे तोह। 24केतंङ यह्च़ा कुट्रातग कि छना ऊंठो चेबतु मिक्सो बिचंङज़ि हुंज़ी खरे तोह ध्वांए ए दुह वे ला खरे तोह साहुकारो परमेश्वरो राज्यरिंङ इबी।” 25दिह रेड्री चेलाज़ि हेरान शुहचे कुह्तोर, “दंङ अतु उद्धार शुहबी तरपोतो?” 26यीशुज़ि दोतु हखा खांई कुतोह, “मीहू दोरच़ी ता दी माह शोतो, पर परमेश्वरो दोरच़ी शोतो; परमेश्वरो दोरच़ी भत्ते धिर शुबी तरपोतो।” 27दिरंङ पतरसे दोबि कुहतो, “खंणु, ञेंहतु छि शोतो? ञेंहरेह ता भत्ते धिर केट्रा कांह थले शुहचे इलजी तोतोंई?” 28यीशुज़ि दोतंङ साते कुहतो, “गेह केतंङ हेले कुट्रातग कि खरकोई संसारारंङ अपेहल गेह मीहू योह घेंङौ महिमो सिहासनंङ बंङज़ोग दंङ केरेला अरी गिऊ थले अंज़े तोहतोंई सनी सिहासनो टोईच़ी बंङज़ा सनी गोत्रातु इंसाफ लोहंई। 29अच़िला घरबाररे एनोह न्वा, रिंङ याह-बाह तिंङ, कटुरे, या रिह गिऊ मिन्दु थल्जी केह केहषी ततोर दोबि राह गुणा खोकसोतो, दंङ दुह अनंत जीवन ओ हकदार शोतो। 30पर महसारे अरी एनाबि मोह्ड़े चेहच़ातोर दोरे कवचि शोर दंङ अरी कवचि तोतोर दोरे मोह्ड़े शोओर।”
Zvasarudzwa nguva ino
मत्ती 19: LBFNT
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.