الأمثال 31
31
1هدي كلمات الملك لَمُوئِيلَ - النبوءة - الا علمتها وياه أمّه:
2يا ولدي يا ولد أحشاي - ويا ولد ندوري، 3لا تضيّع قوتك على النسوان، ولا تسلّم نفسك للي يهلكوا الملوك. 4الملوك ما يليق بهم إنهم يدمنوا الخمر، ولا الحكام العظماء أنهم يشتهوا الخمر القوي الا خلّي الواحد يسكر. 5عشان لا يسكروا و ينّسوا قوانين البلد، و يجوروا على حقوق المُضطهدين و المظلومين، و ما يحققوا ويطبقوا العدالة. 6خلّوا الخمر القوي للهالكين، و الخمر للناس التعيسة 7عشان يسكروا و ينّسوا فقرهم، ولا يتدكروا بؤس حياتهم.
8تكلم و خلّي صوتك مسموع و دافع عن الأخّرس الا ما لصوته قيمة، و للعدالة لكل منبود و محتقر. 9تكلم و اقضي بالعَدل، و دافع عن حقوق الفقراء و المُحتاجين.
10منهو الا يقدر يحصل على مرة متمكنة و قديرة؟ قيمتها تفوق اللَّآلِئَ. 11قلب زوجها واثق فيها، و ما ينقصه شي من الخير أبد 12تنعم عليه بالخير مو بالشرّ كل أيام حياتها. 13تنتقي صوف و كتان و تشتغل بحماس بإيد راضية. 14و هي زي سفن التجّار الا تجيب اكل من بلد بعيدة. 15تصحى في آخر الليل، عشان تجيب فريسة الصَيّد و تسوي أكل لأهل بيتها، و تعطي الخَدَم الا عندها نصيبهم. 16تساوم في سعر الحَقّل و بعدين تشتريه، و من ثمر و مكسب إيدها تغرس كروم. 17تجهز و تسلح نفسها عشان تقوي دراعها، و تصير قويّة.
18تعرف ان تجارتها رابحة، و نور سراجها ما ينطفي في الليل. 19تمد إيدها و تمسك الصّوف و تمسك بإيدها المغزل.
20تفتح إيدها للفقير و تمد إيدها عشان تساعد المُحتاج. 21ما تخاف على أهل بيتها من الثلج، لأنهم كلهم يلبسوا ملابس صوف دافية. 22تخيط لنفسها ملابس فاخرة، مصنوعة من كتان لونها بنفسجي. 23زوجها معروف في مجالس بوابات المدينة، يقعد ويا قادةوكبارية البلد. 24تخيط ملابس من كتان و تبيعهم، و تسوي أحزمة عشان تبيعهم للتجار. 25لبسها القوّة و الكرامة. و تضحك بفرحة على الأيام الجايّة.
26كلامها كلام حكمة، وتوجيهاتها كلها جاية من تعليم فيه أمانة و محبة و لطف. 27هي بنفسها تدبر أمور أهل بيتها بعناية، رغم إنها غنية، لأنها مو كسولة.
28أولادها ينعتوا فيها ويقولوا عنها مباركة، و زوجها بعد ينعتها ويقول عنها: 29في نسوان واجد أبدعوا، بس أنتين تفوقتي عليهم كلهم. 30الجادبية غشاشة والجمال باطل، لكن المرة الا تتقي الرب هي الا تستاهل المَدح. 31خلوها تاخد ثمر تعب إيدها، و خلّوا الناس تمدحها عند بوابات المدينة.
Zvasarudzwa nguva ino
الأمثال 31: QNAV
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qatifi New Arabic Version © 2024 Strategic Resource Group