الأمثال 26
26
1الشَرَف ما يتوالم ويا الجاهل، لأنه زي الثلج في الصَيّف، و زي المطر في وقت الحصاد. 2اللعنة بلا سبب ما تدوم، لأنها زي العصفور التايه و الحمامة الطايرة. 3السّوط للفرس و اللّجام للحمار و العصا لظهور الأغبياء. 4لا ترد على السّفيه بنفس سفاهته عشان ما تصير سفيه زيّه. 5رد على الجاهل حسب جهله عشان ما يفكر نفسه حكيم. 6إلا يرسل رسالة على لسان سفيه يكون زي إلا يبتر رجوله أو يدوّر على الظُلّم. 7المَثَل على لسان الأغبياء زي رجايل الأعّرج المرتخيه. 8إلا يكّرم الغَبي زي إلا يحط الحجر في المقلاع و يرميه بعيد. 9المَثَل على لسان السّفيه زي الشَّوك في يد السكران. 10إلا يتكل على جاهل أو عابر سبيل بيصير زي رامي السهام يرمي السهم و ما يصيب الهدف. 11زي الكَلّب لما يرجع لزوعه، الغَبي بعد يكرر فعايله الغبيّة. 12فيه مرة شفت رجال يتفاخر بحِكمته؟ حتى السّفيه في أمَل إن حاله ينصلح أكثر من داك الرجال.
13يقول الكسلان: في الطريق أسد و في الشّوارع سباع. 14الكسلان يتقلّب على منامه زي الباب لما يدوّر على المفصّلة. 15الكسلان يدفن إيده في صحنه و يعجز يرفعها لحلقه. 16الكسلان في عيون نفسه أكثر حكمة من سبعة يجاوبوا بفطنة. 17إلا يتدخل في شبقه ما له خص فيها يصير زي إلا يمسك أدون كلب ماشي في حال سبيله. 18الشخص الخداع زي المجنون إلا يرمي سهام محترقة و تقتل، 19هو الشخص إلا يخدع جاره، و بعدين يقول له: كنت أمزح وياك! 20النار تخمد لما يخلص حطبها، و نفس الشي العداوة تنتهي لما يروح الشخص إلا يسوي فتنه بين الناس. 21زي ما الفَحّم يزيد من شدة الجمر المُلتهب، والحطب يزيد في أشتعال النار، نفس الشي الشرّاني هو إلا يتسبب في العداوات. 22همس الشخص إلا يحش من ورى ظهور الناس، زي اللقمة الطرية تنبلع بسرعة داخل البطن.
23الشفايف المتحمّسة و القلب الشرّاني زي طبقة الفضّة على الخزف. 24العدوّ المكّار يدهن نواياه بالكلام المعسول، لكن قلبه متروس حقد. 25حتى لو نافقك بكلامه الحلو، لا تأمنه، لأن قلبه متروس بسبعة أنواع من النجاسة. 26حتى لو أخفى حقده بمكر، لكن نفاقه ينفضح بين الجماعة. 27إلا يحفر حفرة عشان يأدي غيره يطيح هو فيها، وإلا يرمي حجر يرتد عليه. 28اللسان الچداب يكره ضحاياه، و البوز المنافق يتسبب بالخراب.
Zvasarudzwa nguva ino
الأمثال 26: QNAV
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qatifi New Arabic Version © 2024 Strategic Resource Group