الأمثال 21
21
1قلب الملك في ايد الرب زي الأنهار، يتصرف في مسارها زي ما يبغى. 2كل تصرفات الإنسان في عيونه تبان زينة، لكن الرب عارف وش تخبي القُلوب. 3الحُكّم بالعَدل و الحق مقبول عند الرب أكثر من الدبيحة المنذورة. 4غرور العيّن و غرور القلب ثمر الظّالِم و سراج خطيته. 5الشّاطر يخطط و خططه تقوده للربح، وإلا يستعجل مصيره بيفقر. 6الكنوز إلا تجي بِلِسَانِ چداب، زي الدُخّان الطاير و الفَخّ المميت. 7عنف الشرّانيين يخليهم يرفضوا الحُكّم بالعَدل. 8طريق الخاطي أعوج، لكن سيرة الصالح سِيدة. 9العيش في قرنة فوق السطح أحسن من العيش في بيت ويا زوجة نكدية. 10نفس المنافق تحب الشر، و ما في قلبه رحمة لجاره. 11لما يتعاقب المتكبر، يصير الجاهل حكيم، و الحَكيم لما يتوجه يكسب معرفة.
12المؤمن يطالع في بيت الظّالِم و يشوف كيف بتحلّ عليه البلاوي.
كنوز الحَكيم
13إلا يصم أدونه عن صرخة المسكين، هو بعد بيصرخ و ما حدّ بيجيب خبره. 14الهديّة في السر تهدّي الغَضَب، و الرشوة في الحضن تهيّج السّخَط. 15الحُكّم بالعَدل يفرح المؤمن، و يرعب فاعل الشر. 16الرجّال إلا يضيع طريق المعرفة يعيش وسط الميّتين. 17المُنغمس في الشَّهوات فقير، و المدمن على الخمر و الموائد ما يغتني. 18الظّالِم يصير مفدي عن المؤمنين، و الخاين يصير مفدي عن الصالحين. 19العيش في صحرا قحط أحسن من السَكَن ويا مرة نكدية و حنانة. 20في بيت الحَكيم تلقى كنوز و دهن محفوظة، لكن الجاهل يخلص كل شي عنده. 21إلا يتبع العدِل و الرَحّمة يلقى الحياة و الحق و المجد. 22الحَكيم ينط سور مدينة الجبّارين و يدمّر قلاعهم إلا حاطين كل ثقتهم فيها. 23إلا يحفظ بوزه و لسانه عن الهدرة يبعد عن نفسه المشاكل. 24المغرور و المتكبر يسمّوه الناس مستهتر لأنه يتصرف بغرور و تكَبّر. 25أوهام الكسلان تقتله لأن إيده تصير ثقيله و ترفض إنها تشتغل. 26طول النهار قاعد يحلم و يشتهي و يتمنى، لكن المؤمن يتكرم و ما يبخل. 27دبيحة الشرّاني إلا يضحّي بها للرب ما تنقبل، كيف يقبلها و هو قربها و نيته مو صافية؟ 28شاهد الزور ينهلك، و كلام الشخص إلا يحرص على إنه يصغي ويسمع يدوم للأبد. 29الظّالِم يعبس بوجهه، لكن الصالح يفكر في تعديل طريقه. 30ما في أي حكمة أو مشورة أو نباهة تقدر تعارض الله. 31حتى لو كان الفَرَس مستعد ليوم الحرب، النصّر يجي من عند الله وحده.
Zvasarudzwa nguva ino
الأمثال 21: QNAV
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qatifi New Arabic Version © 2024 Strategic Resource Group