الأمثال 10
10
أمثال سليمان
1هدي هي أمثال سليمان: الولد الحَكيم فرحة لأبوه، و الولد الجاهل حسرة على أمه. 2الكنوز اللي تتجمع بفلوس الحرام ما منها فايده، لكن الصَّلاح ينجي من الموت. 3الرب ما يترك المؤمن جوعان، لكنه يبطل أماني الشرّانيين. 4إلا يشتغل بإيد كسلانة يجيه الفقر، لكن الإيد النشيطة تجيب الخير. 5العاقِل هو إلا يجمع في الصَيّف رزقه، لكن إلا ينام في وقت الحصاد يجيب العّار لأهله. 6البركات تاج على رأس المؤمن، لكن بوز الشرّانيين ما ينطقوا إلا بالظّلم. 7إن الواحد يتدكّر المؤمن برَكة، لكن إسم الشرّانيين ما يجي منه إلا البلى. 8إلا في قلبه حكمه يتقبّل الوصايا، و الهدّار إلا شايف حاله، نهايته الدمار. 9إلا يمشي سِيدة يمشي و هو متطمن، و صاحب مشيته عوجه ينفضح. 10أي أحد يغمز بالمكر يجيب المشاكل. لكن إلا يأدّب بحزّم ينشر السلام.
11بوز المؤمن ينّبع منه كلام الحياة، لكن بوز الشرّاني ما يتكلم إلا بالظُلّم. 12الحِقّد يتسبب في العداوات، و المحبة تستر كل الدنوب. 13الحِكّمة تلقاها في شفايف العاقِل، لكن الخيزرانة من نصيب ظهر السّفيه. 14الحَكيمين يحتفظوا بالمَعرفة، لكن بوز الغَبي ما يجي منه إلا الخراب. 15مال الغنيّ قلعته الحصينة، لكن هلاك الفقراء في فقرهم. 16عمل المؤمن نتيجته حياة، و ربح الظّالِم نتيجته خطية. 17إلا يلتزم بالوصايا بيمشي في طريق الحياة، و إلا يرفض التأديب بيضيع. 18إلا يخش الحِقّد تنطق شفايفه بالچدب، و إلا يفتري ويتكلم بالمذمة في العَلَن هو سفيه. 19في كثرة الكلام يزل اللسان، و إلا يضبط شفايفه هو العاقِل. 20كلام المؤمن زي الفضّة الصّافية، و قلب الظّالِم خالي من أي فايدة. 21كلام المؤمن يفيد ناس واجد، لكن السفيهين يموتوا من قلة الفِهم. 22برَكة الرب تخليك غني، بدون ما تزيد عليك أي تعب.
23الغَبي يتمتع بالخطيئة، أما حسن التصرف يفرّح العاقِل. 24إلا يخاف منه الظّالِم يجيه، و إلا يتمناه المؤمنين ينوهب إليهم. 25الظّالِم يختفي زي الزّوبعة بعد ما تروح، لكن المؤمن يبقى خالد للأبد. 26إلا يرسل الكسلان زي إلا يحط خل في الأسنان أو ينفخ الدُخّان في العُيون. 27مخافة الرب تطوّل أيام الحياة، لكن حياة الشرّاني قصيرة. 28الفَرحة أمَل المؤمن، و أماني الشرّانيين مستحيل تتحقق. 29طريق الرب ملجأ للصالحين، و دمار للي يسوا الخطايا. 30المؤمن ما يتزحزح أبد، لكن الشرّاني ما بيبقى في الأرض للأبد. 31لسان المؤمن يتكلم بالحِكّمة، أما لسان الغشّاش ينقطع. 32شفايف المؤمن تعرف الحق و تنطق به، و لسان الشرّاني ما يتكلم إلا بالباطل.
Zvasarudzwa nguva ino
الأمثال 10: QNAV
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qatifi New Arabic Version © 2024 Strategic Resource Group