هوشع 7
7
1و يوم أنا كنت اشفي إسرائيل، إنشكفت خطيئة افرايم، و بينت آثام السامرة، أخلاقهم كانت فاسدة، زي الحرامية الا يقتحموا البيوت، و زي عصابات الا يغزو الناس بره. 2و لكنهم ما يبغوا يعترفوا إني متدكر سواياهم الخسيسه، و هديها سواياهم محوطه بهم و دايما حاضرة قدام عيوني. 3يفرّحوا الملك بشرهم و يفرحوا الرؤساء بخيانتهم. 4كلم على بعضهم فاسقين شابين شب زي الفُرن المشعلل، الا شغله الخباز و بعدين قال: ما في داعي أني اشب النار أكثر! اكوا العجينه اختمرت. 5في يوم إحتفال الملك، الرؤساء مرضوا و صار عندهم رغبة مشتعلة من كثر ما شربوا خمر، و الملك صار يرحب بالا يحبوا المسخرة و الاستهزاء بالرّب. 6قلوبهم مشتعلة بالمكايد زي أتون النار. غضبهم يخمد في الليل، و يتوهج زي لهيب النار في الصَّباح. 7كلهم فايرين زي أتون النار، يفترسوا حكامهم، و كل ملوكهم هلكوا، ولا صار في أحد فيهم يتذكرني و يدعوا إلى.
8أفرايم اختلط بكل الشعوب و الأجناس، و صار زي الخبز الا انطبخ من جهة وحدة بس. 9و الأجانب إستنزفوا قوته و الشيب ملى رأسه و هو مهو داري. 10غرور إسرائيل يشهد عليه ولا تابوا و لا رجعوا للرب إلههم، ولا دعوه في كل هالظروف الا مروا فيها. 11أفرايم زي الحمامة الغبية الهبلة، ساعة يستنجد بمصر و ساعة يستنجد باشور. 12و هم رايحين للنجدة برمي عليهم شبكتي و بطيحهم من فوق زي طيور السماء، و بعاقبهم على النبوات التي وصلتهم في تجمعاتهم.
13يا وليهم لأنهم إبتعدو عني! لأنهم تمردوا عليي! أنا ابغى أفديهم بس هم قالوا عني كلام كله چدب! 14و ما إستغاثوا بي من كل قلوبهم، لكن صاروا يولولوا في مضاجعهم، عشان يحصلوا على الا يبغوه القمح و الخمر الجديد، و راحوا لأصنامهم و قاموا يقصوا روحوهم بالسكاكين و ظلوا يرتدوا عني. 15علمتهم و دربتهم على القتال و يوم قويت سواعدهم قاموا يرتكبوا الشر ضدي. 16و رجعوا الي بعل و صاروا زي قوس الغدر الا ما بينفعهم. و رؤسائهم هلكوا بالسيّف من كثر ما هم وقحين و لسانهم طويل، و بالنسبة للمصريين مصيرهم صار مسخره.
Zvasarudzwa nguva ino
هوشع 7: QNAV
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qatifi New Arabic Version © 2024 Strategic Resource Group