هوشع 4
4
بني إسرائيل تمادوا في الفساد
1اسمعو كلمة الرب يا بني إسرائيل، لان الرب عنده دعوى لأهل الأرض، و ادا الأرض رفضت الحق، و عهد الأمانة و الإحسان و معرفة الله. 2و تفشى على الأرض اللعنة و الچدب و القتّل و السرقة و الفسق. و البشر تخطوا حدودهم في كل شي يسوّوه، و إراقة دماء ورى إراقة و سفك الدماء، 3عشان چدي الأرض بتجف و بتنوح، و العاشين في الأرض بيضعفوا، و وحوش البر و طير السماء، و سمك البحر بيستأصلوا من الأرض.
4لكن لا أحد يشابق ايا أحد، ولا أحد يتهم أحد. لان خلافي إياكم إنتون يا كهنة. 5بتتعثروا في النهار، و نبي ببتعثر إياكم في الليل، لما أدمّر أمّكم إسرائيل. 6شعبي هلك من قلة المعرفة، لانكم رفضتوا المعرفة، أنا رفضت إنكم تكونوا كهنة الي، إنتون نسيتوا شريعتي عشان چدي أنا بنسى أولادكم. 7و بقد ما يزيد عددكم، بقد ما تزيد خطاياكم، عشان چدي بحول مجدكم الى عار. 8اكلكم صار ذبايح قربان خطايا شعبي، 9و بيصير مصير الكهنة زي مصير الشعب، بعاقبكم كلكم على تصرفاتكم، و بجازيكم على حسب أعمالكم. 10و بياكلوا ولا بيشبعوا، و بيزنوا ولا بيتكاثروا، لانكم اهملتوا الرب، و سلتموا نفسهم للزنا.
11الخمر العتيقة و الخمر الجديدة، سلبت عقل شعبي 12و شعبي يطلبوا المشورة من قطعة خشب (الا هي أصنامهم)، و عصاتهم تعطيهم مشورة، لأن روح الدعاره ضيعتهم و رفضوا الههم و صاروا زناه. 13قدموا ذبائحهم على قمم الجبال و محرقاتهم على التلال تحت شجر البلوط، و شجر الحور، و شجر البطم، لأنها تظلل عليهم، عشان چدي بناتكم صاروا عاهرات، و زوجات أولادكم زناه. 14ولكني ما بعاقب بناتكم لما يصيروا عاهرات، ولا زوجات أولادكم لما يصيروا زناه، لان الرجال نفسهم تورطوا مع العاهرات، و قدموا ذبايح محرمة مع العاهرات في المعابد الوثنيّة، و هالشعب قليل الفِهم، بحل عليه الدّمار. 15مع إنّك يا شعب إسرائيل شعب عاهر، لاتخلي يهودا يصير مذنب زيك! لايروح الجلجال ولا بيت أون (و معناه بالعبري بيت الفجور) ولا يحلف و يقول: الله حي! 16شعب إسرائيل عنود زي البقرة العنودة، چيفا الرب يهتم بهم و يرعاهم زي الحمل في المروج الواسعة؟ 17افرايم تعلق بعبادة الأصنام، فاتركوه في حاله! 18خمرهم خلص، و منغمرين في فسادهم، و مفضلين العار على الشَرَف! 19و الرياح ربطتها في جنحانها، و دبائحهم للأوثان جابت ليهم العار.
Zvasarudzwa nguva ino
هوشع 4: QNAV
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Qatifi New Arabic Version © 2024 Strategic Resource Group