साल्तेङ दिङगिल्का 16
16
तिमोथि पावल रो सिलासहेङ दुसुका
1पावल डरबि रो लुस्त्राता बुङ लोहि। इन्ता तिमोथि मिङ हिका एअ्मि चात्या हिघाखे। वा युनिस मिङ हिका एअ्मि खान्धुरि यहुदि बेबालको चान हिघाखे, कालाउबुङ वाको आबाचाहिँ बोजात्या हिघाखे। 2लुस्त्रा रो आइकोनियनको दादाओनेगेलाइता वाको मिङ चलिका हिघाहि। 3वासेहेङ पावल दोसाङ चुमपुलि मन पाहि। इङको थामेगेलाइता हिका यहुदिगेलाइको काथासो पावल वासेहेङ चुमपुतेङ खाताना पाहि। हाइपाङ वाको आबा बोजात्या हिघाखे दोअ्का ओबालाइ झाराङ गिका हिघाखे।
4इङकोन्हुअ्सो एम्बालाइ पुरगेलाइको दामा जेङतेङ हानिलाउ यरुसलेमको साल्तेङ दिङगिल्कालाइ रो मन्डलिको एल्डरगेलाइको पाका निधोगेलाइ एबालाइहेङ मानिसु दोअ्तेङ हिङपापिहि। 5एसापा मन्डलिगेलाइ खान्धुरता बोल्याका जेङतेङ दिनाङ बार्हेतेङहान्हेहि।
पावल त्रोआस पुरता निङका दरसन
6पुनित हाङसासो पावल, सिलास रो तिमोथिहेङ एसियाता पारचार पालि रोकिनाङसिङ एम्बालाइ फ्रिगिया रो गलातियाको माउजागेलाइ जेङतेङ हानिहि। 7माइसियाको सिमानाता लोकान्हुअ्सो एम्बालाइ बिथिनियाभारि हानिलि बिचार पाहि। कालाउबुङ इसुको हाङसा एम्बालाइहेङ हानिलि मापिहि। 8कालाउ माइसिया जेङतेङ एम्बालाइ त्रोआसता हानिहि। 9न्हिसिङता पावल एलोङ दरसन निङहि: माकेडोनियाको एअ्मि द्याङ जाअ्तेङ वासेहेङ एसा दोअ्तेङ पारथाना पातेङ हिघाहि, “माकेडोनिया लोपि रो केलाइहेङ साघाइ।” 10जेलाउ पावल इदोइ दरसन निङहि, ओदोङघरि केलाइ माकेडोनिया हानिलि त्यार जेङन्हाहि। हाइदोनु इन्ताको द्याङगेलाइहेङ रेम्काबानाल पारचार पालि परमेस्वरदोङ काइका हिघाहि दोअ्तेङ केलाइ गिन्हाहि।
लिडिया प्रभुता खान्धुर पाका
11कालाउ केलाइ त्रोआससो चिजाहाज धोल्तेङ सोझाङ सामोथ्राकेभारि हानिन्हाहि रो जुम्निदिना नियापोलिसता थुकान्हाहि। 12इन्तासो तेतेङ फिलिप्पिता थुकालिलोन्हाहि, जाइ माकेडोनियाको मुल पुर रो रोमि सारकारको खाबराता हिघाहि। इन्ता केलाइ आधे दिनाथिकापा हिन्हाहि।
13झोराको काम्बेता यहुदिगेलाइको पारथाना पाका थामे हि वाला दोअ्का फोमपातेङ केलाइ माइसाका दिना इन्ता हानिन्हाहि। कालाउ इन्ता जोम्तेङ हिका बेबालाइदोफा योम्तेङ काथा पालि तेङन्हाहि। 14कालाउ थिआटिरा पुरता हिका, जाङका बेङगाना रङको पाइकार पाका लिडिया मिङ हिका एअ्मि परमेस्वरहेङ पुजिका बेबाल केलाइको बचन हिङहि। पावलको धुइका काथा रेम्फा हिनाको दोअ्तेङ प्रभु वाको कोन्धाङ हेपिहि। 15जेलाउ वा रो वाको साअ्को झाराङको चिभुअ्लि र्हुहि, कालाउ वा केलाइहेङ पारथाना पातेङ एसा दोअ्हि, “नेलाइ कासेहेङ प्रभुको खान्धुर पाका दोअ्सुखेना पानु केलाइको साअ्ता लोतेङ हिपिसु।”
पावल रो सिलास थुना निन्चाका
16जेलाउ केलाइ पारथाना पाका थामेता हानिदोङन्हाखे, कालाउ खरि खाङका हाङसा हिका एअ्मि बान्धाइति बेजानहेङ दुसुन्हाहि। जाइ खरि खान्तेङ ताइको मालिकगेलाइको भाअ्सिङ हेन्जा कामाइ पापिघाहि। 17इङको पावल रो केलाइहेङ पिताइलि तेङहि रो एसा दोअ्तेङ र्हिकाइहि, “इदोइ द्याङगेलाइ झाराङखान्तेङ बारका परमेस्वरको कामत्यागेलाइ। एबालाइ नेलाइहेङ छुटकाराको दामाको पारचार पाखे।” 18इङको हेन्जा दिनाथिकापा एसा पागिल्हि। कालाउ पावल दिक मानितेङ तु:सो घुरितेङ इङको आसाति हाङसाहेङ दोअ्हि, “इसु ख्रिस्टको मिङता का नासेहेङ इङकोसो ओल्हिलि हुकुम पाखा।” कालाउ इङको मासान ओदोङघरि ओल्हितेङ हानिहि।
19कालाउ मालिकगेलाइ इङको बेजानसो कामाइका दामादोङ राम्का तिङतेङ एम्बालाइ पावल रो सिलासहेङ रिम्तेङ हातेको चोकता हिका निया पाका थामेता हेरतेङ चुमपुहि। 20कालाउ एम्बालाइहेङ पुरको रोमि हाकिमगेलाइकोता चुमातेङ दोअ्हि, “इदोइ द्याङगेलाइ यहुदि, एबालाइ केलाइको पुरता गोलमाल पादोङखे। 21एबालाइ रोमि कानुनता बुङ मान्थुका रो जेङका माजेङका रितगेलाइ धिरपाखे, जाइहेङ मानिलि ठिक मान्थु।” 22ओदोङघरि द्याङगेलाइ पावल रो सिलासहेङ दान्हाइलि भोहि। हाकिमगेलाइ एम्बालाइको धाबा थेअ्तेङ थालपिगिल्हि रो एम्बालाइहेङ छरि म्हेअ्लि हुकुम पिहि। 23ओबालाइ एम्बालाइहेङ हेन्जाङ छरि म्हेअ्कान्हुअ्सो थुनाको हाकिमकोता चुमपुतेङ इङको न्हेमिहेङ खाअ्लि मादोपाङ थुनिलि हुकुम पिहि। 24इस्का हुकुम निङतेङ थुनाको हाकिम पावल रो सिलासहेङ थुनाको लिअ्ताको कोठाता चुमपुतेङ एम्बालाइको खोकोइता ठिङगुर तातेङ ताअ्पिहि।
25कालाउबुङ आधान्हिसिङता पावल रो सिलास पारथाना पातेङ परमेस्वरको ले लेदोङघाखे रो बो काइदिगेलाइ चाहिँ हिङतेङ हिघाखे। 26कालाउ ओदोङघरि एलोङ बारका भुइचाल हानिहि। थुनाको जगगेलाइ हेङगालाइन्हाहि, गोताङ फिनुगेलाइ हेन्हाहि रो काइदि झाराङको धेउन्हाका खाइन्हाहि। 27थुनाको हाकिम निन्धाकासो नाङघाहि रो थुनाको फिनुगेलाइ हेनाका तिङतेङ काइदिगेलाइ झाराङ खाअ्होइ वाला दोअ्तेङ वा ताइमिङ सिलि बिचार पातेङ ताइको काति होअ्हि। 28कालाउबुङ पावल बारका गालापातेङ एसा दोअ्तेङ र्हिकाइहि, “एन्सा मापा, केलाइ झाराङ इताङ हिन्हाहि।”
29कालाउ गेसा र्हेतेङ वा काल्हामतेङ लिअ्ता लोहि रो थितेङ फिर्तेङ पावल रो सिलासको खोकोइता सेउपाहि। 30एम्बालाइहेङ बाहार चुमपुतेङ वा दोअ्हि, “छुटकारा निङलि का हाइ पालिगोयाङ?” 31एम्बालाइ दोअ्हि, “प्रभु इसु ख्रिस्टता खान्धुर पा कालाउ ना रो नाङको खालसुदाङ छुटकारा निनाना। कालाउ एन्साङपातेङ ना रो नाङको जाहानगेलाइ बुङ छुटकारा निनावा।” 32पावल रो सिलास वासेहेङ रो वाको साअ्ता हिका झोको झाराङहेङ प्रभुको बचन हिम्पाहि। 33कालाउ न्हिसिङको इदोङभाअ्सिङ पहर वा एम्बालाइहेङ चुमपुतेङ एम्बालाइको पेचारा झापिहि। कालाउ वा रो वाको खालहोइ ओदोङघरि चिभुअ्लि र्हुहि। 34इङकोन्हुअ्सो पावल रो सिलासहेङ वा साअ्ता चुमपुतेङ बान्सा बुझाइहि रो परमेस्वरहेङ खान्धुर पाघा दोअ्का काथाता वाको झाराङ खालदोफा वा लेङचाहि।
35कालाउबुङ फाइसालाम्कान्हुअ्सो पुरको हाकिमगेलाइ सिपालाइहेङ इदोइ हुकुम पिगिल्हि, “इङको द्याङगेलाइहेङ लाअ्पिसु।” 36कालाउ थुनाको हाकिम पावलहेङ इदोइ काथा हिङपाहि, “पुरको हाकिमगेलाइ नेलाइहेङ लाअ्पिलि हुकुम पिका हि। इदोइभाअ्सिङ एला ओल्हितेङ नेलाइ सान्तिसो हानिसु।” 37कालाउबुङ पावल एम्बालाइहेङ दोअ्हि, “केलाइ रोमि नागरिकहेङ हाइदोङ दुस मालागाइसिङ ओबालाइ द्याङगेलाइको आगाता दान्हाइहि, थुनाता बुङ ह्वाअ्हि रो एला केलाइहेङ सिपापा ओल्हिपालि भोखे? इदोइ जेङलि माद्वाङ। ओबालाइ ताइमिङ ल्वाको रो केलाइहेङ ओल्हिपातेङ चुमप्वाको।”
38कालाउ पावलको दोअ्का काथा सिपाल्हाइ हाकिमगेलाइकोता हानितेङ हिम्पाहि। पावल रो सिलास ते रोमि नागरिक हि दोअ्का हिङतेङ एम्बालाइ थिहि। 39ओबालाइ लोतेङ एम्बालाइदोफा माफ र्हेहि रो एम्बालाइहेङ बाहार चुमपुहि रो पुर लाअ्तेङ हानिलि बिम्ति पाहि। 40थुनासो ओल्हिकान्हुअ्सो पावल रो सिलास लिडियाको साअ्ता हानिहि। इन्ता एम्बालाइ खान्धुरि दादाओनेगेलाइदोफा दुसुतेङ ओबालाइहेङ आट रो हाउसाला पितेङ इन्तासो दामा लाअ्हि।
Zvasarudzwa nguva ino
साल्तेङ दिङगिल्का 16: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.
साल्तेङ दिङगिल्का 16
16
तिमोथि पावल रो सिलासहेङ दुसुका
1पावल डरबि रो लुस्त्राता बुङ लोहि। इन्ता तिमोथि मिङ हिका एअ्मि चात्या हिघाखे। वा युनिस मिङ हिका एअ्मि खान्धुरि यहुदि बेबालको चान हिघाखे, कालाउबुङ वाको आबाचाहिँ बोजात्या हिघाखे। 2लुस्त्रा रो आइकोनियनको दादाओनेगेलाइता वाको मिङ चलिका हिघाहि। 3वासेहेङ पावल दोसाङ चुमपुलि मन पाहि। इङको थामेगेलाइता हिका यहुदिगेलाइको काथासो पावल वासेहेङ चुमपुतेङ खाताना पाहि। हाइपाङ वाको आबा बोजात्या हिघाखे दोअ्का ओबालाइ झाराङ गिका हिघाखे।
4इङकोन्हुअ्सो एम्बालाइ पुरगेलाइको दामा जेङतेङ हानिलाउ यरुसलेमको साल्तेङ दिङगिल्कालाइ रो मन्डलिको एल्डरगेलाइको पाका निधोगेलाइ एबालाइहेङ मानिसु दोअ्तेङ हिङपापिहि। 5एसापा मन्डलिगेलाइ खान्धुरता बोल्याका जेङतेङ दिनाङ बार्हेतेङहान्हेहि।
पावल त्रोआस पुरता निङका दरसन
6पुनित हाङसासो पावल, सिलास रो तिमोथिहेङ एसियाता पारचार पालि रोकिनाङसिङ एम्बालाइ फ्रिगिया रो गलातियाको माउजागेलाइ जेङतेङ हानिहि। 7माइसियाको सिमानाता लोकान्हुअ्सो एम्बालाइ बिथिनियाभारि हानिलि बिचार पाहि। कालाउबुङ इसुको हाङसा एम्बालाइहेङ हानिलि मापिहि। 8कालाउ माइसिया जेङतेङ एम्बालाइ त्रोआसता हानिहि। 9न्हिसिङता पावल एलोङ दरसन निङहि: माकेडोनियाको एअ्मि द्याङ जाअ्तेङ वासेहेङ एसा दोअ्तेङ पारथाना पातेङ हिघाहि, “माकेडोनिया लोपि रो केलाइहेङ साघाइ।” 10जेलाउ पावल इदोइ दरसन निङहि, ओदोङघरि केलाइ माकेडोनिया हानिलि त्यार जेङन्हाहि। हाइदोनु इन्ताको द्याङगेलाइहेङ रेम्काबानाल पारचार पालि परमेस्वरदोङ काइका हिघाहि दोअ्तेङ केलाइ गिन्हाहि।
लिडिया प्रभुता खान्धुर पाका
11कालाउ केलाइ त्रोआससो चिजाहाज धोल्तेङ सोझाङ सामोथ्राकेभारि हानिन्हाहि रो जुम्निदिना नियापोलिसता थुकान्हाहि। 12इन्तासो तेतेङ फिलिप्पिता थुकालिलोन्हाहि, जाइ माकेडोनियाको मुल पुर रो रोमि सारकारको खाबराता हिघाहि। इन्ता केलाइ आधे दिनाथिकापा हिन्हाहि।
13झोराको काम्बेता यहुदिगेलाइको पारथाना पाका थामे हि वाला दोअ्का फोमपातेङ केलाइ माइसाका दिना इन्ता हानिन्हाहि। कालाउ इन्ता जोम्तेङ हिका बेबालाइदोफा योम्तेङ काथा पालि तेङन्हाहि। 14कालाउ थिआटिरा पुरता हिका, जाङका बेङगाना रङको पाइकार पाका लिडिया मिङ हिका एअ्मि परमेस्वरहेङ पुजिका बेबाल केलाइको बचन हिङहि। पावलको धुइका काथा रेम्फा हिनाको दोअ्तेङ प्रभु वाको कोन्धाङ हेपिहि। 15जेलाउ वा रो वाको साअ्को झाराङको चिभुअ्लि र्हुहि, कालाउ वा केलाइहेङ पारथाना पातेङ एसा दोअ्हि, “नेलाइ कासेहेङ प्रभुको खान्धुर पाका दोअ्सुखेना पानु केलाइको साअ्ता लोतेङ हिपिसु।”
पावल रो सिलास थुना निन्चाका
16जेलाउ केलाइ पारथाना पाका थामेता हानिदोङन्हाखे, कालाउ खरि खाङका हाङसा हिका एअ्मि बान्धाइति बेजानहेङ दुसुन्हाहि। जाइ खरि खान्तेङ ताइको मालिकगेलाइको भाअ्सिङ हेन्जा कामाइ पापिघाहि। 17इङको पावल रो केलाइहेङ पिताइलि तेङहि रो एसा दोअ्तेङ र्हिकाइहि, “इदोइ द्याङगेलाइ झाराङखान्तेङ बारका परमेस्वरको कामत्यागेलाइ। एबालाइ नेलाइहेङ छुटकाराको दामाको पारचार पाखे।” 18इङको हेन्जा दिनाथिकापा एसा पागिल्हि। कालाउ पावल दिक मानितेङ तु:सो घुरितेङ इङको आसाति हाङसाहेङ दोअ्हि, “इसु ख्रिस्टको मिङता का नासेहेङ इङकोसो ओल्हिलि हुकुम पाखा।” कालाउ इङको मासान ओदोङघरि ओल्हितेङ हानिहि।
19कालाउ मालिकगेलाइ इङको बेजानसो कामाइका दामादोङ राम्का तिङतेङ एम्बालाइ पावल रो सिलासहेङ रिम्तेङ हातेको चोकता हिका निया पाका थामेता हेरतेङ चुमपुहि। 20कालाउ एम्बालाइहेङ पुरको रोमि हाकिमगेलाइकोता चुमातेङ दोअ्हि, “इदोइ द्याङगेलाइ यहुदि, एबालाइ केलाइको पुरता गोलमाल पादोङखे। 21एबालाइ रोमि कानुनता बुङ मान्थुका रो जेङका माजेङका रितगेलाइ धिरपाखे, जाइहेङ मानिलि ठिक मान्थु।” 22ओदोङघरि द्याङगेलाइ पावल रो सिलासहेङ दान्हाइलि भोहि। हाकिमगेलाइ एम्बालाइको धाबा थेअ्तेङ थालपिगिल्हि रो एम्बालाइहेङ छरि म्हेअ्लि हुकुम पिहि। 23ओबालाइ एम्बालाइहेङ हेन्जाङ छरि म्हेअ्कान्हुअ्सो थुनाको हाकिमकोता चुमपुतेङ इङको न्हेमिहेङ खाअ्लि मादोपाङ थुनिलि हुकुम पिहि। 24इस्का हुकुम निङतेङ थुनाको हाकिम पावल रो सिलासहेङ थुनाको लिअ्ताको कोठाता चुमपुतेङ एम्बालाइको खोकोइता ठिङगुर तातेङ ताअ्पिहि।
25कालाउबुङ आधान्हिसिङता पावल रो सिलास पारथाना पातेङ परमेस्वरको ले लेदोङघाखे रो बो काइदिगेलाइ चाहिँ हिङतेङ हिघाखे। 26कालाउ ओदोङघरि एलोङ बारका भुइचाल हानिहि। थुनाको जगगेलाइ हेङगालाइन्हाहि, गोताङ फिनुगेलाइ हेन्हाहि रो काइदि झाराङको धेउन्हाका खाइन्हाहि। 27थुनाको हाकिम निन्धाकासो नाङघाहि रो थुनाको फिनुगेलाइ हेनाका तिङतेङ काइदिगेलाइ झाराङ खाअ्होइ वाला दोअ्तेङ वा ताइमिङ सिलि बिचार पातेङ ताइको काति होअ्हि। 28कालाउबुङ पावल बारका गालापातेङ एसा दोअ्तेङ र्हिकाइहि, “एन्सा मापा, केलाइ झाराङ इताङ हिन्हाहि।”
29कालाउ गेसा र्हेतेङ वा काल्हामतेङ लिअ्ता लोहि रो थितेङ फिर्तेङ पावल रो सिलासको खोकोइता सेउपाहि। 30एम्बालाइहेङ बाहार चुमपुतेङ वा दोअ्हि, “छुटकारा निङलि का हाइ पालिगोयाङ?” 31एम्बालाइ दोअ्हि, “प्रभु इसु ख्रिस्टता खान्धुर पा कालाउ ना रो नाङको खालसुदाङ छुटकारा निनाना। कालाउ एन्साङपातेङ ना रो नाङको जाहानगेलाइ बुङ छुटकारा निनावा।” 32पावल रो सिलास वासेहेङ रो वाको साअ्ता हिका झोको झाराङहेङ प्रभुको बचन हिम्पाहि। 33कालाउ न्हिसिङको इदोङभाअ्सिङ पहर वा एम्बालाइहेङ चुमपुतेङ एम्बालाइको पेचारा झापिहि। कालाउ वा रो वाको खालहोइ ओदोङघरि चिभुअ्लि र्हुहि। 34इङकोन्हुअ्सो पावल रो सिलासहेङ वा साअ्ता चुमपुतेङ बान्सा बुझाइहि रो परमेस्वरहेङ खान्धुर पाघा दोअ्का काथाता वाको झाराङ खालदोफा वा लेङचाहि।
35कालाउबुङ फाइसालाम्कान्हुअ्सो पुरको हाकिमगेलाइ सिपालाइहेङ इदोइ हुकुम पिगिल्हि, “इङको द्याङगेलाइहेङ लाअ्पिसु।” 36कालाउ थुनाको हाकिम पावलहेङ इदोइ काथा हिङपाहि, “पुरको हाकिमगेलाइ नेलाइहेङ लाअ्पिलि हुकुम पिका हि। इदोइभाअ्सिङ एला ओल्हितेङ नेलाइ सान्तिसो हानिसु।” 37कालाउबुङ पावल एम्बालाइहेङ दोअ्हि, “केलाइ रोमि नागरिकहेङ हाइदोङ दुस मालागाइसिङ ओबालाइ द्याङगेलाइको आगाता दान्हाइहि, थुनाता बुङ ह्वाअ्हि रो एला केलाइहेङ सिपापा ओल्हिपालि भोखे? इदोइ जेङलि माद्वाङ। ओबालाइ ताइमिङ ल्वाको रो केलाइहेङ ओल्हिपातेङ चुमप्वाको।”
38कालाउ पावलको दोअ्का काथा सिपाल्हाइ हाकिमगेलाइकोता हानितेङ हिम्पाहि। पावल रो सिलास ते रोमि नागरिक हि दोअ्का हिङतेङ एम्बालाइ थिहि। 39ओबालाइ लोतेङ एम्बालाइदोफा माफ र्हेहि रो एम्बालाइहेङ बाहार चुमपुहि रो पुर लाअ्तेङ हानिलि बिम्ति पाहि। 40थुनासो ओल्हिकान्हुअ्सो पावल रो सिलास लिडियाको साअ्ता हानिहि। इन्ता एम्बालाइ खान्धुरि दादाओनेगेलाइदोफा दुसुतेङ ओबालाइहेङ आट रो हाउसाला पितेङ इन्तासो दामा लाअ्हि।
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.