साल्तेङ दिङगिल्का 15
15
यरुसलेमको कचहरि
1एला आधिमि द्याङगेलाइ यहुदियासो एन्टिओखियाता लोतेङ दादाओनेगेलाइहेङ इस्का बिद्या पिलि तेङहि, “मोसाको न्याम आन्सार खाताना मापानु नेलाइ छुटकारा निङलि मादोस्वाना।”#लेबि १२:३ 2कालाउ पावल रो बारनाबासको एम्बालाइदोफा हेन्जाङ गालाबाजि जेङहि। इन्ताको दादाओनेगेलाइ पावल, बारनाबास रो बो हेअ्मिहेङ इदोइ काथाको फाइसालाको भाअ्सिङ साल्तेङ दिङगिल्कालाइ रो मन्डलिको एल्डरगेलाइकोता यरुसलेम हानिलि साल्हि। 3मन्डलिको दादाओने रो बाइओनेगेलाइ एम्बालाइहेङ इन्तासो दिङगिल्हि। एम्बालाइ फोनिके रो सामरिया जेङतेङ हानिलाउ बोजात्यागेलाइ प्रभुहेङ र्हुका काथा एम्बालाइहेङ माबिराइसिङ हिम्पाहि। इदोइ बानालसो इन्ताको दादाओनेगेलाइ हेन्जाङ लेङचाहि।
4जेलाउ एम्बालाइ यरुसलेम थुकालिलोहि, कालाउ एम्बालाइहेङ मन्डलि, साल्तेङ दिङगिल्कालाइ, रो मन्डलिको एल्डरगेलाइ मान पाहि। परमेस्वर एम्बालाइदोफा पाका गोताङ काथाको बिबरन एम्बालाइ इन्ता पिहि। 5कालाउ खान्धुर पाका आधिमि फरिसिगेलाइ जाअ्तेङ दोअ्हि, “बोजात्यागेलाइको खाताना जेङलि रो एम्बालाइहेङ मोसाको न्याम मानिलि हुकुम पिलि जरुरि हि।”
6इदोइ बारेता काथा पालि साल्तेङ दिङगिल्कालाइ रो मन्डलिको एल्डरगेलाइ जोम्हि। 7हेन्जा गालाबाजि जेङकान्हुअ्सो पत्रुस ल्होतेङ एम्बालाइहेङ दोअ्हि, “दादाओनेगेलाइ, नेलाइदोङ गिसुखेना, लाम्फाको दिनागेलाइता हेसापा परमेस्वर काङको नुइसो बोजात्यागेलाइ रेम्काबानालको बचन हिनाको रो खान्धुर पाको दोअ्तेङ नेलाइको माझासो कासेहेङ साल्हि। 8कोन्धाङको काथा गिका परमेस्वर एम्बालाइहेङ बुङ केलाइहेङ भाइपाङ पुनित हाङसा पितेङ एम्बालाइहेङ र्हुका काथा तिङपाहि। 9वा एम्बालाइ रो केलाइको माझा हिदिङ पछेपात माताअ्हि। कालाउबुङ एम्बालाइको कोन्धाङ खान्धुरसो पुनित पाहि। 10इदोइभाअ्सिङ चात्यागेलाइको कान्धेता इदोइ जुङगेले ताअ्पितेङ हाइपालि परमेस्वरको जाच पालि? इदोइ जुङगेले ना केलाइको आजुखाल ना केलाइ फालि दोन्हाहि। 11कालाउबुङ केलाइ खान्धुर पान्हाखे, जेसापा प्रभु इसुको पारतापसो केलाइ बान्चिका हिन्हाहि, एन्सा दोङ एम्बालाइ बुङ निङका हि।”
12कालाउ कचहरिता झाराङ सिपा हि, कालाउ बोजात्यागेलाइको माझाता परमेस्वर एम्बालाइसो हिसिका चिनोगेलाइ रो भारभुसाइका कामगेलाइ पाहि इङकोको बाखिन पावल रो बारनाबास पाहि। ओबालाइ इदोइ रेम्फा हिङहि।
13एम्बालाइ धुइलिदोकान्हुअ्सो याकुब एसा दोअ्हि, “दादाओनेगेलाइ, काङको काथा हिङसु, 14परमेस्वर ताइकोङ मिङको भाअ्सिङ बोजात्यागेलाइसो एलोङ जात्या साल्लि निगाहा पाहि दोअ्का काथा सिमोन पत्रुस दोअ्पिका हि। 15इदोङ काथादोफा परमेस्वर पाहासो धुइकालाइको बचन बुङ मिलिखे, इस्का लेखिका हि:
16‘इदोइ काथान्हुअ्सो का घुर्याङका,
दाउदको र्हाअ्न्हाका हिका थामे आरोङ बान्हायाङका,
इङको र्हाअ्न्हाका का आरोङ बान्हायाङका रो इङकोहेङ जाअ्पाङका,#आमोस ९:११
17हिका द्याङगेलाइ परमप्रभुहेङ भोलि द्वाको,
झाराङ बोजात्यागेलाइ बुङ,
जेदोङगेलाइ काङको मिङसो काइन्हाका हि,
18इदोइ काथा दोअ्तेङ परमप्रभु दोअ्खे,
जाइ लाम्फाको पहरसो इदोइ काथागेलाइ दोअ्पिका हि,
जाइ सिरजाइको थालनिसो गिका हि।’”
19“इदोइभाअ्सिङ काङको बिचार इदोइ हि, परमेस्वरभारि घुरिका बोजात्यागेलाइहेङ केलाइ तु: माप्याइने, 20कालाउबुङ एम्बालाइहेङ इदोइ काथा लेखिप्याइने: एम्बालाइ मुरतिपुजिकाको आपुनितसो, कासबिरिसो, निरघा एरेतेङ सेअ्का गुपुसको बिह्या रो हितिसो फारापा ह्याको।#दामालाअ्का ३४:१५-१७; लेबि १७:१०-१६; १८:६-२३ 21हाइदोनु लाम्फाको खालसो दोङ पुरकिअ्पाङ मोसाको न्याम पारचार जेङदोङखे रो इदोइ गोताङ कचहरिसाअ्ता माइसाका दिनाता पर्हिदोङखे।”
खान्धुर पाका बोजात्याको द्याङगेलाइहेङ लेखिका चिथि
22कालाउ साल्तेङ दिङगिल्कालाइ, मन्डलिको एल्डरगेलाइ रो गोताङ मन्डलि मिलितेङ ताइको माझासो हेथे द्याङगेलाइहेङ साल्तेङ पावल रो बारनाबासदोफा एन्टिओखियाता दिङगिल्लि ठिक लागितेङ एम्बालाइता मुल द्याङगेलाइ, यहुदा दोअ्का बारनाबास रो सिलासहेङ साल्हि। 23एम्बालाइदोसा ओबालाइ इदोइ चिथि पिगिल्हि:
“एन्टिओखिया, सिरिया रो किलिकियाता हिका बोजात्या खान्धुरि दादाओनेगेलाइहेङ, साल्तेङ दिङगिल्कालाइ रो मन्डलिको एल्डरगेलाइ सेउपागिल्का। 24केलाइ हिङका हिन्हाहि, केलाइको माझासो हेअ्मि द्याङगेलाइ केलाइको हुकुम माकोसिङ माजेङका काथा दोअ्तेङ नेलाइको मन तु: पिका हि। 25इदोइभाअ्सिङ केलाइ झाराङ एअ्मतसो पाका निधोआन्सार हेथे द्याङगेलाइहेङ साल्तेङ एम्बालाइहेङ मोन्दाताका बारनाबास रो पावलदोफा नेलाइकोता दिङगिल्लि केलाइहेङ ठिक लागिहि। 26एबालाइ इस्का, जाइगेलाइ केलाइको प्रभु इसु ख्रिस्टको भाअ्सिङ ताइको पारानसुदाङ पिलि त्यार हि। 27इदोइभाअ्सिङ केलाइ इङको न्हेमिदोफा यहुदा रो सिलासहेङ दिङगिल्का हिन्हाहि। केलाइको लेखिका काथागेलाइ एम्बालाइ ताइकोङ नुइसो बुङ नेलाइहेङ दोअ्तावा। 28एला मानिलिगोइका मुल काथागेलाइबिना बो हेन्जाभारि माफुपालि दोङ पुनित हाङसा रो केलाइहेङ ठिक लागिहि। 29एला इदोइ मुल काथाहेङ चा:तेङ ताअ्सु:
मुरतिहेङ भोक पिका चिज माचासु,
हिदिङ जिबको बुङ हिति माआम्सु,
निरघा एम्तेङ सेअ्का गुपुसको बिहा माचासु,
कासबिरिसो खेङन्हातेङ हिसु।
इदोइ काथागेलाइसो खेङन्हातेङ हिसुन्हा पानु रेम्का जेनावा। सेउपान्हाखे।”
30बिदाबारि जेङकान्हुअ्सो एम्बालाइ एन्टिओखियाता लोहि रो इन्ता एम्बालाइ मन्डलिको झाराङ द्याङगेलाइहेङ काइतेङ इङको चिथि पिहि। 31चिथिता हिका काथागेलाइ पर्हितेङ एम्बालाइ झाराङ लेङचाहि। 32यहुदा रो सिलास ताइमिङगेलाइ बुङ परमेस्वर पाहासो धुइका हिनाङसिङ एम्बालाइहेङ बचनगेलाइसो आट पितेङ बोल्याका बान्हाइहि। 33आसा दिनान्हुअ्सो यहुदा रो सिलासहेङ इन्ता हिका खान्धुरि दादाओनेगेलाइ बेराजापा हानिसु दोअ्तेङ एम्बालाइहेङ दिङगिल्का दादाओनेगेलाइकोता दोङ घुरिपागिल्हि। 34[कालाउबुङ सिलास इन्ता दोङ हिलि मन पाहि।]#१५:३४ इदोइ पद आधे पुरना स्रोत बाइबलता मान्थु।
35पावल रो बारनाबासचाहिँ बिद्या पितेङ रो प्रभुको बचन पारचार पातेङ बो हेन्जा द्याङगेलाइदोफा एन्टिओखियाता हि।
पावल रो बारनाबास खेङन्हाका
36आधे दिनान्हुअ्सो पावल बारनाबासहेङ दोअ्हि, “लोउ, जेदोङ जेदोङ पुरगेलाइता प्रभुको बचन केलाइ पारचार पाका हिघान्हाहि इङको पुरगेलाइता घुरितेङ दादाओनेगेलाइहेङ दुस्वाइने रो एम्बालाइ हाइ हिसिका हि खानाइने।” 37बारनाबास मरकुस दोअ्का युहन्नाहेङ एम्बालाइदोफाङ चुमपुलि इछा पाहि। 38कालाउबुङ पावल मरकुसहेङ दोफाङ चुमपुलि ठिक फोममापाहि। हाइदोनु वा पामफिलियासो खेङन्हातेङ हानिका हिघाखे रो एम्बालाइदोफा कामता हानिका मान्थुघाखे।#साल्तेङ दिङगिल्का १३:१३ 39इङको काथाता पावल रो बारनाबास मामिलिसुतेङ एम्बालाइ एअ्मि भेनेङसो खेङन्हाहि। कालाउ बारनाबासचाहिँ मरकुसहेङ दोसाङ चुमपुतेङ साइप्रसभारि हानिहि। 40कालाउबुङ पावल ताइमिहेङ साघाइलि सिलासहेङ साल्हि। कालाउ परमेस्वरको पारतापता खान्धुर मापाका दादाओनेगेलाइसो बेदाङगि जेङतेङ इन्तासो एम्बालाइ दामा लाअ्हि। 41मन्डलिगेलाइहेङ बोल्यापातेङ वा सिरिया रो किलिकिया घुराइगिल्हि।
Zvasarudzwa nguva ino
साल्तेङ दिङगिल्का 15: DHIM
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.
साल्तेङ दिङगिल्का 15
15
यरुसलेमको कचहरि
1एला आधिमि द्याङगेलाइ यहुदियासो एन्टिओखियाता लोतेङ दादाओनेगेलाइहेङ इस्का बिद्या पिलि तेङहि, “मोसाको न्याम आन्सार खाताना मापानु नेलाइ छुटकारा निङलि मादोस्वाना।”#लेबि १२:३ 2कालाउ पावल रो बारनाबासको एम्बालाइदोफा हेन्जाङ गालाबाजि जेङहि। इन्ताको दादाओनेगेलाइ पावल, बारनाबास रो बो हेअ्मिहेङ इदोइ काथाको फाइसालाको भाअ्सिङ साल्तेङ दिङगिल्कालाइ रो मन्डलिको एल्डरगेलाइकोता यरुसलेम हानिलि साल्हि। 3मन्डलिको दादाओने रो बाइओनेगेलाइ एम्बालाइहेङ इन्तासो दिङगिल्हि। एम्बालाइ फोनिके रो सामरिया जेङतेङ हानिलाउ बोजात्यागेलाइ प्रभुहेङ र्हुका काथा एम्बालाइहेङ माबिराइसिङ हिम्पाहि। इदोइ बानालसो इन्ताको दादाओनेगेलाइ हेन्जाङ लेङचाहि।
4जेलाउ एम्बालाइ यरुसलेम थुकालिलोहि, कालाउ एम्बालाइहेङ मन्डलि, साल्तेङ दिङगिल्कालाइ, रो मन्डलिको एल्डरगेलाइ मान पाहि। परमेस्वर एम्बालाइदोफा पाका गोताङ काथाको बिबरन एम्बालाइ इन्ता पिहि। 5कालाउ खान्धुर पाका आधिमि फरिसिगेलाइ जाअ्तेङ दोअ्हि, “बोजात्यागेलाइको खाताना जेङलि रो एम्बालाइहेङ मोसाको न्याम मानिलि हुकुम पिलि जरुरि हि।”
6इदोइ बारेता काथा पालि साल्तेङ दिङगिल्कालाइ रो मन्डलिको एल्डरगेलाइ जोम्हि। 7हेन्जा गालाबाजि जेङकान्हुअ्सो पत्रुस ल्होतेङ एम्बालाइहेङ दोअ्हि, “दादाओनेगेलाइ, नेलाइदोङ गिसुखेना, लाम्फाको दिनागेलाइता हेसापा परमेस्वर काङको नुइसो बोजात्यागेलाइ रेम्काबानालको बचन हिनाको रो खान्धुर पाको दोअ्तेङ नेलाइको माझासो कासेहेङ साल्हि। 8कोन्धाङको काथा गिका परमेस्वर एम्बालाइहेङ बुङ केलाइहेङ भाइपाङ पुनित हाङसा पितेङ एम्बालाइहेङ र्हुका काथा तिङपाहि। 9वा एम्बालाइ रो केलाइको माझा हिदिङ पछेपात माताअ्हि। कालाउबुङ एम्बालाइको कोन्धाङ खान्धुरसो पुनित पाहि। 10इदोइभाअ्सिङ चात्यागेलाइको कान्धेता इदोइ जुङगेले ताअ्पितेङ हाइपालि परमेस्वरको जाच पालि? इदोइ जुङगेले ना केलाइको आजुखाल ना केलाइ फालि दोन्हाहि। 11कालाउबुङ केलाइ खान्धुर पान्हाखे, जेसापा प्रभु इसुको पारतापसो केलाइ बान्चिका हिन्हाहि, एन्सा दोङ एम्बालाइ बुङ निङका हि।”
12कालाउ कचहरिता झाराङ सिपा हि, कालाउ बोजात्यागेलाइको माझाता परमेस्वर एम्बालाइसो हिसिका चिनोगेलाइ रो भारभुसाइका कामगेलाइ पाहि इङकोको बाखिन पावल रो बारनाबास पाहि। ओबालाइ इदोइ रेम्फा हिङहि।
13एम्बालाइ धुइलिदोकान्हुअ्सो याकुब एसा दोअ्हि, “दादाओनेगेलाइ, काङको काथा हिङसु, 14परमेस्वर ताइकोङ मिङको भाअ्सिङ बोजात्यागेलाइसो एलोङ जात्या साल्लि निगाहा पाहि दोअ्का काथा सिमोन पत्रुस दोअ्पिका हि। 15इदोङ काथादोफा परमेस्वर पाहासो धुइकालाइको बचन बुङ मिलिखे, इस्का लेखिका हि:
16‘इदोइ काथान्हुअ्सो का घुर्याङका,
दाउदको र्हाअ्न्हाका हिका थामे आरोङ बान्हायाङका,
इङको र्हाअ्न्हाका का आरोङ बान्हायाङका रो इङकोहेङ जाअ्पाङका,#आमोस ९:११
17हिका द्याङगेलाइ परमप्रभुहेङ भोलि द्वाको,
झाराङ बोजात्यागेलाइ बुङ,
जेदोङगेलाइ काङको मिङसो काइन्हाका हि,
18इदोइ काथा दोअ्तेङ परमप्रभु दोअ्खे,
जाइ लाम्फाको पहरसो इदोइ काथागेलाइ दोअ्पिका हि,
जाइ सिरजाइको थालनिसो गिका हि।’”
19“इदोइभाअ्सिङ काङको बिचार इदोइ हि, परमेस्वरभारि घुरिका बोजात्यागेलाइहेङ केलाइ तु: माप्याइने, 20कालाउबुङ एम्बालाइहेङ इदोइ काथा लेखिप्याइने: एम्बालाइ मुरतिपुजिकाको आपुनितसो, कासबिरिसो, निरघा एरेतेङ सेअ्का गुपुसको बिह्या रो हितिसो फारापा ह्याको।#दामालाअ्का ३४:१५-१७; लेबि १७:१०-१६; १८:६-२३ 21हाइदोनु लाम्फाको खालसो दोङ पुरकिअ्पाङ मोसाको न्याम पारचार जेङदोङखे रो इदोइ गोताङ कचहरिसाअ्ता माइसाका दिनाता पर्हिदोङखे।”
खान्धुर पाका बोजात्याको द्याङगेलाइहेङ लेखिका चिथि
22कालाउ साल्तेङ दिङगिल्कालाइ, मन्डलिको एल्डरगेलाइ रो गोताङ मन्डलि मिलितेङ ताइको माझासो हेथे द्याङगेलाइहेङ साल्तेङ पावल रो बारनाबासदोफा एन्टिओखियाता दिङगिल्लि ठिक लागितेङ एम्बालाइता मुल द्याङगेलाइ, यहुदा दोअ्का बारनाबास रो सिलासहेङ साल्हि। 23एम्बालाइदोसा ओबालाइ इदोइ चिथि पिगिल्हि:
“एन्टिओखिया, सिरिया रो किलिकियाता हिका बोजात्या खान्धुरि दादाओनेगेलाइहेङ, साल्तेङ दिङगिल्कालाइ रो मन्डलिको एल्डरगेलाइ सेउपागिल्का। 24केलाइ हिङका हिन्हाहि, केलाइको माझासो हेअ्मि द्याङगेलाइ केलाइको हुकुम माकोसिङ माजेङका काथा दोअ्तेङ नेलाइको मन तु: पिका हि। 25इदोइभाअ्सिङ केलाइ झाराङ एअ्मतसो पाका निधोआन्सार हेथे द्याङगेलाइहेङ साल्तेङ एम्बालाइहेङ मोन्दाताका बारनाबास रो पावलदोफा नेलाइकोता दिङगिल्लि केलाइहेङ ठिक लागिहि। 26एबालाइ इस्का, जाइगेलाइ केलाइको प्रभु इसु ख्रिस्टको भाअ्सिङ ताइको पारानसुदाङ पिलि त्यार हि। 27इदोइभाअ्सिङ केलाइ इङको न्हेमिदोफा यहुदा रो सिलासहेङ दिङगिल्का हिन्हाहि। केलाइको लेखिका काथागेलाइ एम्बालाइ ताइकोङ नुइसो बुङ नेलाइहेङ दोअ्तावा। 28एला मानिलिगोइका मुल काथागेलाइबिना बो हेन्जाभारि माफुपालि दोङ पुनित हाङसा रो केलाइहेङ ठिक लागिहि। 29एला इदोइ मुल काथाहेङ चा:तेङ ताअ्सु:
मुरतिहेङ भोक पिका चिज माचासु,
हिदिङ जिबको बुङ हिति माआम्सु,
निरघा एम्तेङ सेअ्का गुपुसको बिहा माचासु,
कासबिरिसो खेङन्हातेङ हिसु।
इदोइ काथागेलाइसो खेङन्हातेङ हिसुन्हा पानु रेम्का जेनावा। सेउपान्हाखे।”
30बिदाबारि जेङकान्हुअ्सो एम्बालाइ एन्टिओखियाता लोहि रो इन्ता एम्बालाइ मन्डलिको झाराङ द्याङगेलाइहेङ काइतेङ इङको चिथि पिहि। 31चिथिता हिका काथागेलाइ पर्हितेङ एम्बालाइ झाराङ लेङचाहि। 32यहुदा रो सिलास ताइमिङगेलाइ बुङ परमेस्वर पाहासो धुइका हिनाङसिङ एम्बालाइहेङ बचनगेलाइसो आट पितेङ बोल्याका बान्हाइहि। 33आसा दिनान्हुअ्सो यहुदा रो सिलासहेङ इन्ता हिका खान्धुरि दादाओनेगेलाइ बेराजापा हानिसु दोअ्तेङ एम्बालाइहेङ दिङगिल्का दादाओनेगेलाइकोता दोङ घुरिपागिल्हि। 34[कालाउबुङ सिलास इन्ता दोङ हिलि मन पाहि।]#१५:३४ इदोइ पद आधे पुरना स्रोत बाइबलता मान्थु।
35पावल रो बारनाबासचाहिँ बिद्या पितेङ रो प्रभुको बचन पारचार पातेङ बो हेन्जा द्याङगेलाइदोफा एन्टिओखियाता हि।
पावल रो बारनाबास खेङन्हाका
36आधे दिनान्हुअ्सो पावल बारनाबासहेङ दोअ्हि, “लोउ, जेदोङ जेदोङ पुरगेलाइता प्रभुको बचन केलाइ पारचार पाका हिघान्हाहि इङको पुरगेलाइता घुरितेङ दादाओनेगेलाइहेङ दुस्वाइने रो एम्बालाइ हाइ हिसिका हि खानाइने।” 37बारनाबास मरकुस दोअ्का युहन्नाहेङ एम्बालाइदोफाङ चुमपुलि इछा पाहि। 38कालाउबुङ पावल मरकुसहेङ दोफाङ चुमपुलि ठिक फोममापाहि। हाइदोनु वा पामफिलियासो खेङन्हातेङ हानिका हिघाखे रो एम्बालाइदोफा कामता हानिका मान्थुघाखे।#साल्तेङ दिङगिल्का १३:१३ 39इङको काथाता पावल रो बारनाबास मामिलिसुतेङ एम्बालाइ एअ्मि भेनेङसो खेङन्हाहि। कालाउ बारनाबासचाहिँ मरकुसहेङ दोसाङ चुमपुतेङ साइप्रसभारि हानिहि। 40कालाउबुङ पावल ताइमिहेङ साघाइलि सिलासहेङ साल्हि। कालाउ परमेस्वरको पारतापता खान्धुर मापाका दादाओनेगेलाइसो बेदाङगि जेङतेङ इन्तासो एम्बालाइ दामा लाअ्हि। 41मन्डलिगेलाइहेङ बोल्यापातेङ वा सिरिया रो किलिकिया घुराइगिल्हि।
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2025 by Nepal Bible Society and Wycliffe Bible Translators, Inc.