मत्ती 27
27
ईसू की पिलातुस के सामने पेसी
(मरकुस 15:1; लूका 23:1–2; यूहन्ना 18:28–32)
1सबेरे, सबरे पिरधान पुरोहित और यहुदी नेतन्नें ईसू कूं मरबाबे की योजना बनाई। 2बिन्नें ईसू कूं बांधकै राज्यपाल पिलातुस कूं सौंप दयौ।
बिसबास घाती यहूदा नें खुद कूं फाँसी लगाई
(प्रेरितन के काम 1:18–19)
3 #
प्रेरि 1:18,19 जब बिसबास घाती यहूदा ने देखौ के बिन्नें ईसू कूं दोसी ठहराय दयौ है, तब बू भौत पछतायौ और बानें बे तीस चांदी के सिक्का यहुदी पिरधान पुरोहित और यहुदी बुजुर्ग नेतन के जौरै लै जायकें लौटाय दये। 4और यहूदा ने कही, “मैने एक बेकसूर कूं मारबे काजै बिसबास घात करकै पकरबाके पाप करौ है।”
तब बिन्नें बाते कही, “हम का जानें जि तौ तेरौई मामलौ है तूई जानें।” 5और यहूदा नें बे सिक्का बड़े पिराथना घर में फैंक दिये और बाहर आयकें फांसी लगाय लयी।
6तब यहुदी पिरधान पुरोहित नें सिक्के उठाते भये कही, “जि तौ हमारी व्यबस्था के बिरोध में है, जि सिक्का बड़े पिराथना घर के भन्डार में रखबे लायक नांय चौंकि इन सिक्कन ते एक आदमी मारबे काजै खरीदों गयौ है।” 7तब बिन्नें सलाह करी कै इन पईसन ते बाहर ते आयबे बारे परदेसीन के मरे भये आदमिन कूं घाड़बे के काजै कुम्हार के खेत कूं खरीद लेओ। 8और जाई बजैह ते बू खेत आज तक खून के खेत के नाम ते जानौ जाबै। 9जा तरैह ते परमेस्वर की ओर ते बात बतायबे बारे यिर्मयाह कौ बू वचन पूरौ भयौ, “बिन्नें चाँदी के तीस सिक्के लये जो इसरायल के लोगन्नें वाकी कीमत काजै ठहराए हते। 10जैसे पिरभू नें मोय आग्या दई हती बैसेई बिन्नें कुम्हार को बू खेत कीमत दैकै मोल लै लियौ।”
पिलातुस कौ ईसू ते सबाल पूँछबौ
(मरकुस 15:2–5; लूका 23:3–5; यूहन्ना 18:33–38)
11जब ईसूए राजपाल के सामने लायौ गयौ तब बानें ईसू ते पूछी, “का तू यहुदियन कौ राजाए?”
तौ ईसू नें कही, “खुदई तौ कह रयौए।”
12तब यहुदी पुरोहित और बिनके बुजुर्ग नेतन्नें ईसू के ऊपर तरैह-तरैह के इलजाम लगाये पर बानें कोई जबाब नांय दियौ। 13पिलातुस नें कही, “का तू सुन नांय रयौ जे लोग तोपै इलजाम लगाय रयेएं?” 14फिरऊ ईसू ने बाय कोई जबाब नांय दियो, जा बात ते राजपाल कूं भौत अचम्भौ भयौ।
ईसू कूं मौत की सजा
(मरकुस 15:6–15; लूका 23:13–25; यूहन्ना 18:39—19:16)
15तौहार के मौके पै राजपाल अपनी रीति के अनुसार लोगन के द्वारा चुने भये एक कैदी कूं छोड़ देतो। 16बा समै एक बरअब्बा#27:16 कछू हात ते लिखी भयी पोतिन में जाकौ नाम ईसू बरअब्बा लिखौ गयौ है। नाम कौ डाँकू पिलातुस की जेल में कैदी हतो। जाय सब भौत अच्छे ते जानते। 17जामारै पिलातुस नें म्हांपै इकठ्ठे लोगन ते कही, “मैं तुमारे काजै कौने छोड़ दूं। बरअब्बा कूं या ईसू कूं जो मसीह कैहलाबै है?” 18चौंकि पिलातुस जानतो कै बिन्नें ईसू कूं जलन ते पकरबायौ है।
19जब पिलातुस न्याय गद्दी पै बैठौ हतो तब वाकी पत्नी नें जि कैहलबाई, “तू बा धरमी आदमी के मामले में हात मत डारियों, चौंकि मैंनें आज रात कूं वाकी बजैह ते सपने में भौत दुख उठायौए।”
20जा समै में म्हांपै मौजूद यहुदी पिरधान पुरोहित और नेतन्नें भीड़ कूं उकसायौ के बे बरअब्बा कूं छुड़बा लैं और ईसू कौ नांस करें।
21राजपाल पिलातुस नें कही, “मैं तुमारे काजै दोनोंन में ते कौन कूं छोड़ दऊं?”
बिन्नें कही, “बरअब्बाऐ।”
22जापै बात पै पिलातुस ने कही, “मैं ईसू कौ का करूं जाय लोग मसीह कैहतें?”
सब लोगन्नें कही, “बाय क्रूस पै चढ़ाऔ।”
23पिलातुस कही, “चौं? बानें ऐसौ कौन सौ अपराध करौए?”
पर बे और जोर-जोर ते चिल्लाबे लगे, “जाय क्रूस पै चढ़ाऔ।”
24तब पिलातुस ने जि देखी, कै मेरी अब एकऊ नांय चल रही और उल्टौ हंगामा होतौ जाय रयौए तौ बानें पानी मंगाय कें लोगन के सामने हात धोए और कही, “मैं जा निरदोस के खून कौ दोसी नांऊ। तुम लोग खुदयी जानौं।”
25तब सबरी भीड़ बोली, “जाकौ खून हम और हमारी सन्तान पै होय।”
26जा बजैह ते बानें बनके काजै बरअब्बा कूं छोड़ दियौ और ईसू कूं कौड़ा लगबायकें क्रूस पै चढ़ाबे काजै सिपाइन कै हातन में सौंप दियौ।
सिपाइन नें ईसू कौ मजाक बनांयौ
(मरकुस 15:16–20; यूहन्ना 19:2–3)
27जाके बाद राजपाल के सिपाई ईसू कूं किले के भीतर लै गये और ईसू के जौरै सबरी पलटन इकठ्ठी है गयी। 28और बिन्नें ईसू के कपड़ा उतारकै लाल चौगा पैहनांयौ। 29और कांटे कौ मुकुट बनांयकै वाके सिर पै रखौ और वाके दाहिने हात में सरकन्डा दै दयो। तब वाके सामने घुटने टेककै जि कैहत भये वाकौ मजाक उड़ायबे लगे, “यहुदियन के राजा नमस्कार।” 30बे वाके ऊपर थूकते और बाई सरकन्डे कूं छीनकै वाके सिर पै मारने लगे। 31जब बे वाकौ ठट्ठा कर चुके, तौ बू चौगा बापै तै उतारकै फिर बाई के कपड़ा बाय पहनाए। और क्रूस पै चढ़ाबे के काजै ले चले।
ईसू कौ सूली पै चढ़ायौ जाबों
(मरकुस 15:21–32; लूका 23:26–43; यूहन्ना 19:17–27)
32जब बे बाहर जाय रये हते तब उने एक सिमौन नाम कौ कुरेनी आदमी मिलौ बिन्नें बाकूं जबरदस्ती पकरौ कै बू ईसू कौ क्रूस उठायकै लै चलै। 33बे बा जगैह पै पौहचे जो “गुलगत्ता” कैहलातै जाकौ मतलब, “खोपडी की जगैह” है। 34म्हांपै ईसू कूं पित्त मिलौ भयौ अंगूर कौ रस पीबे कूं दयौ बानें बाकूं चख लयौ पर बानें बाय पीबे की मने कर दयी। 35तब बिन्नें ईसू कूं क्रूस पै चढायो और परची डारकै वाके कपड़ा आपस में बांट लये। 36और म्हांपै बैठकै वाकौ पैहरौ दैबे लगे। 37बिन्नें ईसू के सिर के ऊपर जि लिखकै दोस पत्र लटकाय दयौ कै, “यहुदियन कौ राजा ईसू” है।
38ईसू के संगई दो डाँकू और क्रूसन पै चढ़ाये हते, एक वाके सीदे हात मांऊ और एक वाके उल्टे हात मांऊ। 39आयबे जायबे बारे लोग अपनों सिर हिला हिलायकै ईसू की निन्दा करते भये, 40#मत्ती 26:61; यूह 2:19 जि कैहते, “ओ बड़े पिराथना घर कूं गिरायबे बारे और बाय तीन दिना में फिर ते बनांयबे बारे अगर तू परमेस्वर कौ बेटा है, तौ जा क्रूस पैते उतरकै खुद कूं बचा लै।” 41जा तरैह ते सास्त्रन कूं सिखाबे बारे, यहुदी नेतन के संग पिरधान पुरोहित जि कैहके वाकौ मजाक उड़ाते हते। 42बिन्नें कही, “जाने दूसरेन कूं बचायौ पर अपने आप कूं नांय बचाय सकै जि तौ, ‘इसरायल कौ राजा है’। अगर अब जि क्रूस पैते उतर आबे तौ हम जाकौ भरोसौ करिंगे। 43जाने परमेस्वर कौ भरोसौ रखौ है। अगर परमेस्वर चाहे तौ जाय छुड़ाय लैए, चौंकि जाने तौ जि कही कै, ‘मैं परमेस्वर कौ बेटाऊं।’” 44और जो डाँकू ईसू के संग क्रूस पै चढ़ाये गये हते, बेऊ जाई तरह वाकी निन्दा रये हते।
ईसू की मौत
(मरकुस 15:33–41; लूका 23:44–49; यूहन्ना 19:28–30)
45दोपहर बारह बजे ते लैकें तीन बजे तक पूरे देस में अंधेरौ छायौ रयौ। 46और तीन बजे के लगभग ईसू ने बड़े जोर ते चिल्लायकै कही, “एली, एली, लमा सबक्तनी?” जाकौ मतलब “हे मेरे परमेस्वर, हे मेरे परमेस्वर, तैंने मोय चौं छोड़ दियौ?”
47जो लोग म्हांपै पै खड़े हते, उनमें ते कछुन नें जि सुनकें कही, “बू तौ एलियाह कूं पुकार रयौ है।” 48बिनमें ते एक आदमी तुरन्त दौड़कै आयौ, और सोख्ता कूं सिरका में डुबोयो, और सरकन्डे पै रखके बाय चुसायौ। 49और दूसरे लोगन्नें कही, “रुक जाओ देखेंगे कै, एलियाह जाय बचायबे आबैगौ कै नांय।”
50तब ईसू ने फिर बड़े जोर ते चिल्लायकें पिरान छोड़ दिए।
51और बाई समै बड़े पिराथना घर कौ परदा ऊपर ते नीचे तक फटकै दो टुकड़न में है गयौ। और धरती हल गई और चट्टानें तड़क गईं। 52और कब्र खुल गईं, और मरे भए पबित्र लोगन की लास जी उठीं। 53और ईसू के जी उठबे के बाद, बे कबरन में ते निकलकै पबित्र नगर येरूसलेम में गए, और भौतन कूं दिखाई दए।
54तब सूबेदार और बे जो वाके संग ईसू कौ पहरौ दै रये हते, और धरती कौ हलबौ और जो कछू म्हापे भयौ बाय देखकें भौत लोग डर गए, और बिन्नें कही, “सचमुच जि परमेस्वर कौ बेटा हतो।”
55 #
लूका 8:2,3 म्हांपै भौत सी औरत जो गलील ते ईसू की सेबा करती भईं वाके संग आयी हतीं, जि सब दूर ते देख रयीं हतीं। 56बिनमें मरियम मगदलीनी और याकूब और योसेस की माँ मरियम और जब्दी के बेटान की माँ हती।
ईसू कूं कब्र में रखबो
(मरकुस 15:42–47; लूका 23:50–56; यूहन्ना 19:38–42)
57जब साँझ भई तौ यूसुफ नामकौ अरिमतिया कौ रैहबे बारौ एक धनी आदमी जो खुदई ईसू कौ चेला बन गयौ हतो। 58बू आयौ बानें ने पिलातुस के जौरै जायके ईसू की ल्हास मांगी। जापै पिलातुस ने दै दैबे की आग्या दई। 59यूसुफ ने ल्हास कूं एक साफ मलमल के चादर में लपेटौ। 60और बाय चट्टान में खुदी भयी कब्र में रख दियौ, और कब्र के मौंह पै एक बड़ौ पत्थर लुढकायकै चलो गयौ। 61और मरियम मगदलीनी और दूसरी मरियम म्हांपै कब्र के सामने बैठी हतीं।
ईसू की कब्र कौ पेहरेदार
62सुक्रबार के अगले दिना जो यहुदिन कौ आराम कौ दिन हतो, बा दिना पिरधान पुरोहित और फरीसी पिलातुस के जौरै इकठ्ठे भये 63#मत्ती 16:21; 17:23; 20:19; मर 8:31; 9:31; 10:33,34; लूका 9:22; 18:31–33और बिन्नें कही, “हे गुरू जी, हमें याद है, कै बा भरमाबे बारे नें, जब बू जीबित हतो तब जि कही हती, ‘कै मैं तीन दिन के बाद जी उठूंगौ।’ 64जामारै आग्या दे तीसरे दिन तक कब्र की रखबारी करी जाय। ऐसौ न होय कै वाके चेला आयकें वाकी ल्हास चुराय लै जाएं और लोगन ते कहबे लगें, कै बू मरे भयेन में ते जी उठोए। जि धोखौ पहले तेऊ बुरौ होगौ।”
65पिलातुस ने बिनते कही, “कछू पैहरेदारन कूं लै जाओ और अपनी समझ के अनुसार रखबारी करो।” 66बे पैहरेदारन कूं संग लैकै गए, और पत्थर पै मौहर लगायकें कब्र पै पेहरौ दैबे काजै सिपाइयन कूं बैठा दियौ।
Zvasarudzwa nguva ino
मत्ती 27: BRAJ
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
NonCommercial-NoDerivatives 4.0 International (CC BY-NC-ND 4.0)