Ɔrɔmutɔnŋ kiri 2
2
Kirinŋ wɔ kiti ki bi ki
(Matiyu 7.1–5; Yakuba 2.12–13)
1Dɔnsaŋ, minwɔ̀ i ǹʼbi-a tu koŋ tɔri kiri pɔli, a miŋ ji koŋ kwuru woo kwuru, miŋ a jii kila kì dɛ. A miŋ ji ǹʼbi-a tu koŋ tɔri kiri pɔli, miŋ i nʼyɛri ki wɔ pɔli ki wulu bi-a, sabu miŋ i koŋ tɔri kiri pɔli wulu bi-a bi wɔ̀ri bira, miŋ yɛri ki i nini ma-a! 2Yibɛɛ ǹʼtɔ-i tu Kirinŋ kiti wɔ̀ fɛɛn-na niŋ bi kwuru ki matɔnŋ kiri sun, tu niŋ kiti ki kwuru kɛɲɛ-a sɛli ki wu. 3Miŋ ǹʼbi-a tu ŋì a ji dɔɔkunŋ, miŋ i ǹʼbi-a tu koŋ tɔri kiri pɔli bi wɔ̀ri bira, a miŋ yɛrima ki ji niŋ bi kwuru kiri matɔnŋ i, miŋ a nʼmwu Kirinŋ wɔ kiti ki wu wa? 4Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa? 5Nka, miŋ tɔɔnnufuru-i, miŋ i nʼtu-a ŋi i ntɔri bi nʼwɔ bijɛ kiri ra kì. Niŋ ɲaan ki tɛ, miŋ i cɔɔri sinaŋ ceeli bo-a nʼyɛri jɛŋ, Kirinŋ wɔ tɔnkwulu jibi ki sun, niŋ jibi wɔ̀, Kirinŋ a na awɔ tɔnkwulu ki fa awɔ kiti telimaan ki ji. 6Niŋ shikaŋ, Kirinŋ a na koŋ bataa tenŋ tenŋ sali, ŋì i kɛɲɛ kí mabi kiri wu. 7Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ. 8Nka, koŋ wɔ̀ri i arì kaan-na Kirinŋ tɛ, kí i arì kaan-ni sɛli ki tɛ, kí i arì tu-ri telibalibi kiri ra, Kirinŋ wɔ tɔnkwulu ki fa ǹʼwɔ kiti ki a fɛɛn nini sun. 9Sɛli ki ra, cɔɔri fa ɲaanfɛkwulu bi sinaŋ ni a na fɛɛn bijɛmatɔnŋ kiri bataa sun, ŋì i tɔnpa Yawutu kiri sun, niŋ kɔɔtɛ, ŋì i so shiya tɔri kiri sun. 10Nɔɔri fa ŋununfɛshi fa ɲaanfɛfili a wɔri bi shɔɔrinŋ matɔnŋ kiri bataa tɛ, ŋì i tɔnpa Yawutu kiri sun, niŋ kɔɔtɛ, ŋì i so shiya tɔri kiri sun. 11Sabu Kirinŋ koŋ san-a koŋ nu kì.
12Koŋ wɔ̀ri Musa wɔ sariya ki tɔ kì, kí i ji bijɛ ma, kiti ki a fɛɛn nini sun, nwɔ̀ sariya ki wɔ kì. Nka nwɔ̀ri sariya ki tɔ-i, kí i ji ǹʼfɛ, a nini bijɛ ma, kíbɔɔ kiti ki i kwuru kɛɲɛ-a sariya ki wu. 13Sariya ki ramatɔnŋ kiri koŋ telimaan kiri Kirinŋ ɲaanfɛ kì, duu nwɔ̀ri i ǹʼsaa ki tiri-ra.
14 Shiya tɔri wɔ̀ri Musa wɔ sariya ki tɔ kì, a nini tiri kɛɲɛ sariya ki wu arì yɛrɛtɛ, hali kí ji niŋ sariya ki tɔ-a kì, kí i ǹʼji-a tu sariya ki arìbɛɛ gbɛ. 15Kí i ǹʼji-a tu sariya ki ǹʼtɛ bi wɔ̀ri i ma, tu nini sɛbɛmaan ki arìbɛɛ ciiru tɔnŋ kiri ra. A kí ciiru ɲakili ki ji kí sɔsɔ-a waarinŋ ki bɛɛ ru, ŋì i jii wɔri-ri kí tɛ waarinŋ tɔri ru, niŋ i ǹʼji-a tu sariya ki kí ciiru. 16Ŋì i kɛɲɛ mɔ́ɔ́n Wulujii sunjomaan ki wu ábɛɛ tɛ, niŋ bataa ra na ja jibi bɛɛ. Niŋ shikaŋ, Kirinŋ a na kiti ki kwuru Yesu Kirisa gbɛɛra, ŋì i ǹʼkɛɲɛ konaŋ kiri ciiru bi radumaan kiri wu.
Yawutu kiri fa sariya ki bi ki
17Aawe, Yawutu tɔ ki i minwɔ̀ ra, ŋi i nʼgbɛ bili-li cintɔnŋ Musa wɔ sariya ki sun, ŋi i nʼyɛri ragbɛ-ri niŋ wu, nʼtu miŋ Kirinŋ wɔ koŋ i, 18miŋ i Kirinŋ dintɛ bi ki tɔ-a, ŋi i so-ri bi shɔɔrinŋ ma-i, sabu miŋ sariya ki kali-i. 19Miŋ ɲaanna tu miŋ ɲaanfwuu kiri bali patɔnŋ ki i, nʼtu ŋi i ji manisarinŋ i mancinŋ nu tɔnŋ kiri tɛ, 20ŋi i ji ŋunumini kiri kalitɔnŋ ki i niŋ fa tiraŋ kiri wɔ kalimɔɔ ki i. Miŋ i niŋ bataa ma-a, sabu miŋ cirasun tu miŋ bitɔbi ki fa sɛli ki bataa kila, ŋì i po sariya ki ru. 21Miŋ ji? Minwɔ̀ i koŋ pyɛ kiri kali-la, nfɛnŋ na miŋ nʼyɛri kali-la sɛbɛ kì? Minwɔ̀ i konaŋ kiri racin-a tu koŋ fa kwunŋ tan kì, nfɛnŋ na miŋ i kwunŋ tan-ni?
22Miŋ i konaŋ kiri racin-a tu nankulunbi fa ma kì, nfɛnŋ na miŋ i nankulunbi ki ma-ni? Miŋ i pɛli kiri bikwɔ-a nʼsun, nfɛnŋ na miŋ pɛlifu kiri ru finŋ kiri kwun-ni?#Sariya kiri 7.25. 23Minwɔ̀ i nʼyɛri ragbɛ-a sariya ki wu, nfɛnŋ na miŋ i Kirinŋ nufyɛ-ri sariya ki li bi kiri wu? 24Sɛli ki ra, ǹʼbi-i Kirinŋ wɔ wulu sɛbɛ kiri ru tu : « Kirinŋ tɔ ki i li-a shiya tɔri kiri kanfɛ ábɛɛ sababu ra. »#Esayi 52.5.
25Sɛli ki ra, a miŋ ji sariya ki rasɔɔ-ra, ŋuŋ i mɔɔn sɔɔpeefɛ ki ra. Nka a miŋ ji sariya ki rasɔɔ-ra kì, ŋuŋ ji-a mɔɔn sɔɔpeefɛ ki ra kì. Miŋ fa sɔɔpeefɛbali i ji-a tenŋ i.
26Niŋ na, a konwɔtiŋ sɔɔpeefɛ kì, a nintiŋ ji tiri kɛɲɛ-a sariya ki wu, Kirinŋ a nintiŋ shɛɛli sɔɔpeefɛmaan i kì wa? 27Niŋ koŋ ki wɔ̀ sɔɔpeefɛ a firi ki ra kì, ntiŋ dumiŋ i ji Kirinŋ wɔ sariya kiri rasɔɔ-ra, niŋ a kiti ki kwuru miŋ sun, minwɔ̀ i Kirinŋ wɔ sariya ki li-a, niŋ i faa Kirinŋ wɔ wulu ki i ji nʼgbɛ, ŋi i ji sɔɔpeefɛ. 28Konwɔtiŋ i a yɛri ji-a Yawutu u taanna bi kiri ra, nintiŋ Yawutu sɔbɛ kì. Sɔɔpeefɛ#2.28 Sɔɔpeefɛ : Niŋ wuru ladaŋ i, Kirinŋ ǹʼbi wuru tu Aburahamu fa a nupo kiri ninwɔ̀ ma-ni, niŋ i ji awɔ tɔnwɔri ki taanmashɛ ɛ a fa kí faninmwuŋ, nwɔ̀ i ǹʼji-a tu kí afɔɔn konanbi i. Niŋ ladaŋ ki i shurufinŋ ki tɔnŋ na pɔli ki tɛrimaanna a. Tɔnwɔri Bwuumaan ki ru, Yawutu kiri wuru dɔri-ra tu « sɔɔpeefɛmaan kiri. » Nka Ɔrɔmutɔnŋ kiri wɔ sɛbɛ ki sɔɔta 2.29 ki i sɔɔpeefɛmaanna sɛlɛsɛli wulu bi-a, ninwɔ̀ i ciiru ki fɔɔ-ra. wɔ̀ i taanshɛ bo-a konanmini firi ki ra, niŋ sɔɔpeefɛ sɔbɛ ki i kì. 29Nka konwɔtiŋ i Yawutu a ciiru ki ru, nintiŋ i Yawutu sɛlɛsɛli ki i, niŋ fa sɔɔpeefɛ sɛlɛsɛli ki i ji sɔɔpeefɛmaanna a, Ɲiniwɔlinŋ ki i ninwɔ̀ ma-a konanmini ciiru tɔnŋ ki ra. Sɔɔpeefɛ wɔ̀ i sariya ki rasɔɔmaanna bantenŋ i, niŋ i kì.#Sariya kiri 30.6.
Yawutu sɛlɛsɛli ki wɔ gbɛbi ki po-a konaŋ ni gbɛ kì, nka ŋì i po-a Kirinŋ gbɛ.
Zvasarudzwa nguva ino
Ɔrɔmutɔnŋ kiri 2: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Ɔrɔmutɔnŋ kiri 2
2
Kirinŋ wɔ kiti ki bi ki
(Matiyu 7.1–5; Yakuba 2.12–13)
1Dɔnsaŋ, minwɔ̀ i ǹʼbi-a tu koŋ tɔri kiri pɔli, a miŋ ji koŋ kwuru woo kwuru, miŋ a jii kila kì dɛ. A miŋ ji ǹʼbi-a tu koŋ tɔri kiri pɔli, miŋ i nʼyɛri ki wɔ pɔli ki wulu bi-a, sabu miŋ i koŋ tɔri kiri pɔli wulu bi-a bi wɔ̀ri bira, miŋ yɛri ki i nini ma-a! 2Yibɛɛ ǹʼtɔ-i tu Kirinŋ kiti wɔ̀ fɛɛn-na niŋ bi kwuru ki matɔnŋ kiri sun, tu niŋ kiti ki kwuru kɛɲɛ-a sɛli ki wu. 3Miŋ ǹʼbi-a tu ŋì a ji dɔɔkunŋ, miŋ i ǹʼbi-a tu koŋ tɔri kiri pɔli bi wɔ̀ri bira, a miŋ yɛrima ki ji niŋ bi kwuru kiri matɔnŋ i, miŋ a nʼmwu Kirinŋ wɔ kiti ki wu wa? 4Walima Kirinŋ wɔ shɔɔrinŋ mwɔɔnna ki fa ǹʼwɔ bikwunnubi bi ki fa ǹʼwɔ tɔnsunfili ki miŋ ɲaanna finŋ i kì wa? Miŋ ǹʼtɔ tu Kirinŋ niŋ shɔɔrinŋ ki ma-a, nwɔma miŋ i ntɔri bi, ŋi i nʼwɔ bijɛ kiri tɔnbo kì wa? 5Nka, miŋ tɔɔnnufuru-i, miŋ i nʼtu-a ŋi i ntɔri bi nʼwɔ bijɛ kiri ra kì. Niŋ ɲaan ki tɛ, miŋ i cɔɔri sinaŋ ceeli bo-a nʼyɛri jɛŋ, Kirinŋ wɔ tɔnkwulu jibi ki sun, niŋ jibi wɔ̀, Kirinŋ a na awɔ tɔnkwulu ki fa awɔ kiti telimaan ki ji. 6Niŋ shikaŋ, Kirinŋ a na koŋ bataa tenŋ tenŋ sali, ŋì i kɛɲɛ kí mabi kiri wu. 7Koŋ wɔ̀ri cɛrukɔli-i shɔɔrinŋ ma ki ra, kí i gbɛbi ki fa ŋununfɛshi ki fa ɲaninkulutɔnbi kɔbali ki ceeli-li, Kirinŋ a na ɲaninkulutɔnbi kɔbali ki wɔri nini tɛ. 8Nka, koŋ wɔ̀ri i arì kaan-na Kirinŋ tɛ, kí i arì kaan-ni sɛli ki tɛ, kí i arì tu-ri telibalibi kiri ra, Kirinŋ wɔ tɔnkwulu ki fa ǹʼwɔ kiti ki a fɛɛn nini sun. 9Sɛli ki ra, cɔɔri fa ɲaanfɛkwulu bi sinaŋ ni a na fɛɛn bijɛmatɔnŋ kiri bataa sun, ŋì i tɔnpa Yawutu kiri sun, niŋ kɔɔtɛ, ŋì i so shiya tɔri kiri sun. 10Nɔɔri fa ŋununfɛshi fa ɲaanfɛfili a wɔri bi shɔɔrinŋ matɔnŋ kiri bataa tɛ, ŋì i tɔnpa Yawutu kiri sun, niŋ kɔɔtɛ, ŋì i so shiya tɔri kiri sun. 11Sabu Kirinŋ koŋ san-a koŋ nu kì.
12Koŋ wɔ̀ri Musa wɔ sariya ki tɔ kì, kí i ji bijɛ ma, kiti ki a fɛɛn nini sun, nwɔ̀ sariya ki wɔ kì. Nka nwɔ̀ri sariya ki tɔ-i, kí i ji ǹʼfɛ, a nini bijɛ ma, kíbɔɔ kiti ki i kwuru kɛɲɛ-a sariya ki wu. 13Sariya ki ramatɔnŋ kiri koŋ telimaan kiri Kirinŋ ɲaanfɛ kì, duu nwɔ̀ri i ǹʼsaa ki tiri-ra.
14 Shiya tɔri wɔ̀ri Musa wɔ sariya ki tɔ kì, a nini tiri kɛɲɛ sariya ki wu arì yɛrɛtɛ, hali kí ji niŋ sariya ki tɔ-a kì, kí i ǹʼji-a tu sariya ki arìbɛɛ gbɛ. 15Kí i ǹʼji-a tu sariya ki ǹʼtɛ bi wɔ̀ri i ma, tu nini sɛbɛmaan ki arìbɛɛ ciiru tɔnŋ kiri ra. A kí ciiru ɲakili ki ji kí sɔsɔ-a waarinŋ ki bɛɛ ru, ŋì i jii wɔri-ri kí tɛ waarinŋ tɔri ru, niŋ i ǹʼji-a tu sariya ki kí ciiru. 16Ŋì i kɛɲɛ mɔ́ɔ́n Wulujii sunjomaan ki wu ábɛɛ tɛ, niŋ bataa ra na ja jibi bɛɛ. Niŋ shikaŋ, Kirinŋ a na kiti ki kwuru Yesu Kirisa gbɛɛra, ŋì i ǹʼkɛɲɛ konaŋ kiri ciiru bi radumaan kiri wu.
Yawutu kiri fa sariya ki bi ki
17Aawe, Yawutu tɔ ki i minwɔ̀ ra, ŋi i nʼgbɛ bili-li cintɔnŋ Musa wɔ sariya ki sun, ŋi i nʼyɛri ragbɛ-ri niŋ wu, nʼtu miŋ Kirinŋ wɔ koŋ i, 18miŋ i Kirinŋ dintɛ bi ki tɔ-a, ŋi i so-ri bi shɔɔrinŋ ma-i, sabu miŋ sariya ki kali-i. 19Miŋ ɲaanna tu miŋ ɲaanfwuu kiri bali patɔnŋ ki i, nʼtu ŋi i ji manisarinŋ i mancinŋ nu tɔnŋ kiri tɛ, 20ŋi i ji ŋunumini kiri kalitɔnŋ ki i niŋ fa tiraŋ kiri wɔ kalimɔɔ ki i. Miŋ i niŋ bataa ma-a, sabu miŋ cirasun tu miŋ bitɔbi ki fa sɛli ki bataa kila, ŋì i po sariya ki ru. 21Miŋ ji? Minwɔ̀ i koŋ pyɛ kiri kali-la, nfɛnŋ na miŋ nʼyɛri kali-la sɛbɛ kì? Minwɔ̀ i konaŋ kiri racin-a tu koŋ fa kwunŋ tan kì, nfɛnŋ na miŋ i kwunŋ tan-ni?
22Miŋ i konaŋ kiri racin-a tu nankulunbi fa ma kì, nfɛnŋ na miŋ i nankulunbi ki ma-ni? Miŋ i pɛli kiri bikwɔ-a nʼsun, nfɛnŋ na miŋ pɛlifu kiri ru finŋ kiri kwun-ni?#Sariya kiri 7.25. 23Minwɔ̀ i nʼyɛri ragbɛ-a sariya ki wu, nfɛnŋ na miŋ i Kirinŋ nufyɛ-ri sariya ki li bi kiri wu? 24Sɛli ki ra, ǹʼbi-i Kirinŋ wɔ wulu sɛbɛ kiri ru tu : « Kirinŋ tɔ ki i li-a shiya tɔri kiri kanfɛ ábɛɛ sababu ra. »#Esayi 52.5.
25Sɛli ki ra, a miŋ ji sariya ki rasɔɔ-ra, ŋuŋ i mɔɔn sɔɔpeefɛ ki ra. Nka a miŋ ji sariya ki rasɔɔ-ra kì, ŋuŋ ji-a mɔɔn sɔɔpeefɛ ki ra kì. Miŋ fa sɔɔpeefɛbali i ji-a tenŋ i.
26Niŋ na, a konwɔtiŋ sɔɔpeefɛ kì, a nintiŋ ji tiri kɛɲɛ-a sariya ki wu, Kirinŋ a nintiŋ shɛɛli sɔɔpeefɛmaan i kì wa? 27Niŋ koŋ ki wɔ̀ sɔɔpeefɛ a firi ki ra kì, ntiŋ dumiŋ i ji Kirinŋ wɔ sariya kiri rasɔɔ-ra, niŋ a kiti ki kwuru miŋ sun, minwɔ̀ i Kirinŋ wɔ sariya ki li-a, niŋ i faa Kirinŋ wɔ wulu ki i ji nʼgbɛ, ŋi i ji sɔɔpeefɛ. 28Konwɔtiŋ i a yɛri ji-a Yawutu u taanna bi kiri ra, nintiŋ Yawutu sɔbɛ kì. Sɔɔpeefɛ#2.28 Sɔɔpeefɛ : Niŋ wuru ladaŋ i, Kirinŋ ǹʼbi wuru tu Aburahamu fa a nupo kiri ninwɔ̀ ma-ni, niŋ i ji awɔ tɔnwɔri ki taanmashɛ ɛ a fa kí faninmwuŋ, nwɔ̀ i ǹʼji-a tu kí afɔɔn konanbi i. Niŋ ladaŋ ki i shurufinŋ ki tɔnŋ na pɔli ki tɛrimaanna a. Tɔnwɔri Bwuumaan ki ru, Yawutu kiri wuru dɔri-ra tu « sɔɔpeefɛmaan kiri. » Nka Ɔrɔmutɔnŋ kiri wɔ sɛbɛ ki sɔɔta 2.29 ki i sɔɔpeefɛmaanna sɛlɛsɛli wulu bi-a, ninwɔ̀ i ciiru ki fɔɔ-ra. wɔ̀ i taanshɛ bo-a konanmini firi ki ra, niŋ sɔɔpeefɛ sɔbɛ ki i kì. 29Nka konwɔtiŋ i Yawutu a ciiru ki ru, nintiŋ i Yawutu sɛlɛsɛli ki i, niŋ fa sɔɔpeefɛ sɛlɛsɛli ki i ji sɔɔpeefɛmaanna a, Ɲiniwɔlinŋ ki i ninwɔ̀ ma-a konanmini ciiru tɔnŋ ki ra. Sɔɔpeefɛ wɔ̀ i sariya ki rasɔɔmaanna bantenŋ i, niŋ i kì.#Sariya kiri 30.6.
Yawutu sɛlɛsɛli ki wɔ gbɛbi ki po-a konaŋ ni gbɛ kì, nka ŋì i po-a Kirinŋ gbɛ.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.