Mabikiri 16
16
Timote bo ki Pooli fa Silasi fan
1Pooli fa Silasi i ta Dɛribi sɛbɛ. Kí po-i niŋ mani nu, kí i ta Lisitiri kili ki ra. Kí i bilinatɔnŋ ɲɔrɔkɔ bɛɛ kila niŋ mani nu. Niŋ ɲɔrɔkɔ ki tɔ wuru tu Timote, ntiŋ i ji Yawutumari bilinatɔnŋ bɛɛ fa Girɛkishuru bɛɛ danshuru. 2Lisitiri fa Ikoniyɔmu kili kiri ru bilinatɔnŋ kiri wuru ntiŋ tɔ shɔɔrinŋ bi-a. 3Pooli wuru ǹʼtɛ Timote i ta arì fan. Ntiŋ i niŋ sɔɔpeefɛ niŋ mani ki ru Yawutu kiri bira, sabu nini bataa wuru ǹʼtɔ-a tu Timote tiŋ ki wuru Girɛki i.#16.3 Timote tiŋ ki wuru Girɛki i, ntiŋ sɔɔ-ri peefɛ kì, sabu kíbɔɔ ladaŋ wuru niŋ i kì. 4Niŋ kɔɔtɛ, Pooli fa Silasi fa Timote i tiri. Kí wuru de-a kili finŋ woo finŋ na, kí wuru cindaŋ kiri fa Yerusalɛmu bilinatɔnŋ jɛntɔnŋ kiri wɔ funsunwulu kiri bataa bi-a niŋ mani nu bilinatɔnŋ kiri tɛ, tu kí tirika ki kɛɲɛ nini wu.#Mabikiri 15.19–21. 5Bilinatɔnŋ kiri wuru so kila ta-a bilinabi ki ru, kí ŋuniŋ kpaa ki i mwɔ-ni si woo si.
Pooli wɔ jafinŋ ki Torohasi kili ki ra
6Pooli li wuru ǹʼtɛ arì i ta Kirinŋ wɔ wulu ki bi Asi sɔɔta ki ru, nka Ɲiniwɔlinŋ ki a tu niŋ na kì. Niŋ ki ra, kí i fwuude Firiji fa Galasi kɛniŋ kiri ru. 7Kí ta-i myɛ Misi sɔɔta ki daŋ ki tɛ waarinŋ wɔ̀ ru, kí i ji ǹʼtɛ arì i ta Bitini kɛniŋ ki ru, nka Yesu Ɲini ki a tu kí i ta niŋ mani nu sɛbɛ kì. 8Niŋ na, kí i Misi kɛniŋ ki rukwuru, kí i jɛri ta Torohasi kili ki ra. 9Cii bɛɛ ru, Pooli i jafinŋ ja, Maseduwanɛtɔnŋ bɛɛ i ntiŋ nafɛ-ri tu : « Na Maseduwanɛ#16.9 Niŋ wuru sɔɔta ki bɛɛ tɔ ɔ. kɛniŋ ki ru, ŋi i na ye yibɛɛ tɛ dɛ! » 10Niŋ jafinŋ ki jamaan ki Pooli gbɛ, yibɛɛ i jɔrɔkɔ tiri Maseduwanɛ shuu. Yibɛɛ ǹʼtɔ wuru tu Kirinŋ yibɛɛ dɔri-ra, tu yi ta awɔ Wulujii ki bi niŋ kɛniŋ ki ru konaŋ kiri tɛ.
Lidi bi ki
(Filipitɔnŋ kiri 1.1–11, 27–30)
11Yibɛɛ i de kwurinŋ bɛɛ ru Torohasi kili ki ra, yi i yi teli ta Samotirasi tɛ. Niŋ sisarifuluntɔnŋ ki, yibɛɛ i so Neyapolisi kili ki ru. 12Yibɛɛ po-i niŋ mani nu, yi i ta Filipi, niŋ i Maseduwanɛ sɔɔta ki ru kili sinaŋ ki bɛɛ ɛ. Niŋ mani ki i Ɔrɔmu faantiŋ ki wɔ sɔɔta ki ru. Yi i sunŋ dama ma niŋ kili ki ra.
13 Nufaan jibi ki sun, yibɛɛ i po ta baa ki tɔnŋ na, sabu yibɛɛ ɲakili wuru ǹʼna tu Kirinŋ nafɛmaŋ wuru-ra kila niŋ mani nu. Niŋ ɲaan ki tɛ, mari bɛɛ ri arìmaŋ nakɔli wuru niŋ mani nu, yibɛɛ so-i nini sun waarinŋ wɔ̀ ru, yibɛɛ i sɔɔ, yi i wulubi kí tɛ. 14Mari bɛɛ wuru kí ru, niŋ tɔ ki wuru tu Lidi. Nmari wuru po-a Tiyatiri, nmari i juulinŋ tɔtiŋ ni ju-ri. Nmari wuru Kirinŋ gbɛ-a. Niŋ mari ki Pooli wɔ wulu kiri rama-i waarinŋ wɔ̀ ru, Ŋuntiŋ ki i nmari ciiru ɲakili ki rawwulu, fɔ nmari i bili yìrì ra. 15Nmari fa awɔ konanbi ki bataa i wu. Niŋ kɔɔtɛ, nmari i yibɛɛ rafɛ tu : « Ábɛɛ yɛrima kiri ǹʼja-i tu míŋ bili Ŋuntiŋ ki ra ábɛɛ sali, á ǹʼma niŋ bira, á i na jɛri mɔ́ɔ́n mani nu. » Nmari i a kɔli yibɛɛ ra, fɔ yibɛɛ i na yi tu.
Pooli fa Silasi bo bi ki nkasu ru Filipi kili ki ru
16Ŋì i yibɛɛ tu Filipi kili ki ru, jibi bɛɛ, yibɛɛ ji-i tiri-ra Kirinŋ gbɛmaŋ ki ru, yibɛɛ fa jonmari bɛɛ i fu saa ki fan. Ɲinijɛ wuru niŋ jonmari ki ru, nmari i tɔnŋ tan-ni. Nmari ŋununtiŋ kiri wuru wari mwɔɔnna kila-a nmari wɔ tɔnŋ tan ki ru. 17Niŋ jonmari ki i a bo yibɛɛ cɛfan, nmari i fali-li tu : « Ka koŋ kari i Kirinsinaŋ ki wɔ ri! Kí i saa wɔ̀ sunjo-a ábɛɛ tɛ, ninki i mwu saa ki i dɛ! »
18Nmari i sunŋ mwɔɔnna ma niŋ na, fɔ jibi bɛɛ, niŋ i Pooli tɔnkwulu#16.18 Pooli tɔnkwulu wuru-i sabu ɲinijɛtiŋ ki wuru kí wulu ki bi-a., ntiŋ i a rapwulu, ntiŋ i ǹʼbi ɲinijɛ ki tɛ : « Yesu Kirisa tɔ ra, po san sɔɔta ki ru. » Mìŋ manaanŋ tenŋ ki ru, ɲinijɛ ki i po san nmari ru. 19Jonmari ki ŋununtiŋ kiri ǹʼja-i waarinŋ wɔ̀ ru tu arìbɔɔ wari kila saa ki rala, kí i Pooli fa Silasi pa cɛɛn ta kili ki ru kitikwurutɔnŋ kiri tɛ. 20Kí i ta ǹʼbi tu : « Ka koŋ kari i yibɔɔ kili ki ɲaanmika jitan-a. Yawutu ri yɛ, 21kí i konaŋ ki kali-la bi ri ra, yibɛɛ Ɔrɔmutɔnŋ kiri wɔ sariya kiri arì tu nwɔ̀ri ra kì. Yibɛɛ yɛri kakan yi i yìrì ma kì. »
22Konaŋ kiri niŋ wulu kiri rama-i waarinŋ wɔ̀ ru, kí tɔnŋ i kwulu Pooli fa Silasi cɛfan. Kitikwurutɔnŋ kiri tu kí kɔ́ɔ́ juulinŋ kiri san kí sun, kí i kí bwɔ suulinŋ ni na. 23Kí i Pooli li bwɔ kusɛbɛ, niŋ kɔɔtɛ, kí i kí bo nkasu ru, kí i ǹʼbi nkasufu ɲaannasuutɔnŋ ki tɛ, tu niŋ kí shɛɛlika shɔ-ri. 24Niŋ na, niŋ i ta Pooli fa Silasi bo nkasufu ki jɛntɛ fudaŋ pyaanŋ bɛɛ ru, ntiŋ i kí kanŋ kiri de suu ru.
25Wɔkila ki ru, Pooli fa Silasi i Kirinŋ nafɛ-ri, kí i Kirinŋ gbɛ shu ri pɔri-ri. Nkasudaŋ pyɛ kiri i arì tɔɔnye-ri kí tɛ. 26Ŋì i kí tu niŋ na, pwɔkulinŋ ki i sɛrɛsɛri kusɛbɛ manaanŋ tenŋ nu. Nkasufu ki i yuuyuu fɔ ǹʼtɔnŋ kiri bataa i nawwulu arì yɛrɛtɛ, nkasudaŋ kiri bataa ra jɔlɔkɔ kiri i pili. 27Nkasufu ki ɲaannasuutɔnŋ ki i ŋmɛni. Ntiŋ nkasufu ki tɔnŋ kiri bataa rawwulumaan ki ja-i waarinŋ wɔ̀ ru, ntiŋ i awɔ baamwuru ki cɛɛn po tu a ra a yɛri kilɛn. Sabu ntiŋ wuru ǹʼbi-a tu nkasudaŋ kiri bataa bili po. 28Nka, Pooli i fali ntiŋ sun faanna, ntiŋ tu : « Fa bi tɔri ma nʼyɛri wu kì dɛ! Yibɛɛ bataa i ǹʼkaŋ. »
29Niŋ na, nkasufu ki ɲaannasuutɔnŋ ki tu, kí na tuusarinŋ wɔri a tɛ, ntiŋ i a rukwulu tiri sɛrɛsɛri fan fu ki jɛntɛ, ntiŋ i ta a fɛɛn Pooli fa Silasi fɛ. 30Niŋ kɔɔtɛ, ntiŋ i kí po, ntiŋ i kí ranɔri tu : « Ńʼwɔ wɔshuru ri, míŋ kakan ŋí i nfɛnŋ ma, nwɔma ŋí i ńʼmwu? » 31Kí i ntiŋ nupwulu tu : « Bili Ŋuntiŋ Yesu ra, niŋ a miŋ mwu, miŋ fa nʼwɔ kaninsuntɔnŋ kiri bataa. »
32Kí i Ŋuntiŋ ki wɔ wulu ki bi ntiŋ fa awɔ kaninsuntɔnŋ kiri bataa tɛ. 33Mìŋ wɔkila tenŋ ki ru, ntiŋ i kí shi, ntiŋ i ta kí ra ta kiri wu. Niŋ kɔɔtɛ, kí i ntiŋ fa awɔ kaninsuntɔnŋ kiri bataa wu shuu. 34Ntiŋ i ta Pooli fa Silasi wu awɔ mani nu, ntiŋ i ta nufinŋ wɔri kí tɛ. Ntiŋ fa awɔ kaninsuntɔnŋ kiri i arì yoori kusɛbɛ, sabu kí bilinabi ki ma wuru Kirinŋ na.
35Si ki na-i sari, kitikwurutɔnŋ kiri i surudashi ri cin nkasufu ɲaannasuutɔnŋ ki tɛ, tu ntiŋ Pooli fa Silasi pani. 36Niŋ i ta ǹʼbi Pooli tɛ tu : « Kitikwurutɔnŋ kiri cinŋ bo na-i, tu míŋ ábɛɛ pani, niŋ na, á po, á i tiri. Kirinŋ de á shɔɔrinŋ wu. »
37Nka Pooli tu niŋ koŋ kiri tɛ : « Ɔrɔmu danjibi sɛbɛ i yibɛɛ wɔ̀ri gbɛ, kí yibɛɛ bwɔ-i konaŋ ki bataa ɲaanna, fɔ kí i yi bo nkasu ru kitikwurubali. Dɔɔ, kí i ji ǹʼtɛ arì i yibɛɛ pani du ru wa? Aayi, niŋ a so ma-i kì dɛ! Tu kí yɛrima kiri na yi po. »
38Surudashi kiri i ta niŋ wulu ki bi kitikwurutɔnŋ kiri tɛ. Nini ǹʼnama-i waarinŋ wɔ̀ ru tu Pooli li Ɔrɔmutiiri i, kɛmi i de kí ru haali. 39Niŋ ɲaan ki tɛ, kitikwurutɔnŋ kiri yɛrima kiri i na arì yɛri rafɛ Pooli fa Silasi gbɛ. Kí i kí po san nkasufu ki ru, kí i kí rafɛ tu kí po san niŋ kili ki ru. 40Pooli fa Silasi i po san nkasufu ki ru, kí i ta Lidi wɔ mani ki ru, kí i ta bilinatɔnŋ kiri kila nmaŋ, kí i racinwulu li bi nini tɛ, kí i kí siratu. Niŋ kɔɔtɛ, kí i tiri.
Zvasarudzwa nguva ino
Mabikiri 16: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Mabikiri 16
16
Timote bo ki Pooli fa Silasi fan
1Pooli fa Silasi i ta Dɛribi sɛbɛ. Kí po-i niŋ mani nu, kí i ta Lisitiri kili ki ra. Kí i bilinatɔnŋ ɲɔrɔkɔ bɛɛ kila niŋ mani nu. Niŋ ɲɔrɔkɔ ki tɔ wuru tu Timote, ntiŋ i ji Yawutumari bilinatɔnŋ bɛɛ fa Girɛkishuru bɛɛ danshuru. 2Lisitiri fa Ikoniyɔmu kili kiri ru bilinatɔnŋ kiri wuru ntiŋ tɔ shɔɔrinŋ bi-a. 3Pooli wuru ǹʼtɛ Timote i ta arì fan. Ntiŋ i niŋ sɔɔpeefɛ niŋ mani ki ru Yawutu kiri bira, sabu nini bataa wuru ǹʼtɔ-a tu Timote tiŋ ki wuru Girɛki i.#16.3 Timote tiŋ ki wuru Girɛki i, ntiŋ sɔɔ-ri peefɛ kì, sabu kíbɔɔ ladaŋ wuru niŋ i kì. 4Niŋ kɔɔtɛ, Pooli fa Silasi fa Timote i tiri. Kí wuru de-a kili finŋ woo finŋ na, kí wuru cindaŋ kiri fa Yerusalɛmu bilinatɔnŋ jɛntɔnŋ kiri wɔ funsunwulu kiri bataa bi-a niŋ mani nu bilinatɔnŋ kiri tɛ, tu kí tirika ki kɛɲɛ nini wu.#Mabikiri 15.19–21. 5Bilinatɔnŋ kiri wuru so kila ta-a bilinabi ki ru, kí ŋuniŋ kpaa ki i mwɔ-ni si woo si.
Pooli wɔ jafinŋ ki Torohasi kili ki ra
6Pooli li wuru ǹʼtɛ arì i ta Kirinŋ wɔ wulu ki bi Asi sɔɔta ki ru, nka Ɲiniwɔlinŋ ki a tu niŋ na kì. Niŋ ki ra, kí i fwuude Firiji fa Galasi kɛniŋ kiri ru. 7Kí ta-i myɛ Misi sɔɔta ki daŋ ki tɛ waarinŋ wɔ̀ ru, kí i ji ǹʼtɛ arì i ta Bitini kɛniŋ ki ru, nka Yesu Ɲini ki a tu kí i ta niŋ mani nu sɛbɛ kì. 8Niŋ na, kí i Misi kɛniŋ ki rukwuru, kí i jɛri ta Torohasi kili ki ra. 9Cii bɛɛ ru, Pooli i jafinŋ ja, Maseduwanɛtɔnŋ bɛɛ i ntiŋ nafɛ-ri tu : « Na Maseduwanɛ#16.9 Niŋ wuru sɔɔta ki bɛɛ tɔ ɔ. kɛniŋ ki ru, ŋi i na ye yibɛɛ tɛ dɛ! » 10Niŋ jafinŋ ki jamaan ki Pooli gbɛ, yibɛɛ i jɔrɔkɔ tiri Maseduwanɛ shuu. Yibɛɛ ǹʼtɔ wuru tu Kirinŋ yibɛɛ dɔri-ra, tu yi ta awɔ Wulujii ki bi niŋ kɛniŋ ki ru konaŋ kiri tɛ.
Lidi bi ki
(Filipitɔnŋ kiri 1.1–11, 27–30)
11Yibɛɛ i de kwurinŋ bɛɛ ru Torohasi kili ki ra, yi i yi teli ta Samotirasi tɛ. Niŋ sisarifuluntɔnŋ ki, yibɛɛ i so Neyapolisi kili ki ru. 12Yibɛɛ po-i niŋ mani nu, yi i ta Filipi, niŋ i Maseduwanɛ sɔɔta ki ru kili sinaŋ ki bɛɛ ɛ. Niŋ mani ki i Ɔrɔmu faantiŋ ki wɔ sɔɔta ki ru. Yi i sunŋ dama ma niŋ kili ki ra.
13 Nufaan jibi ki sun, yibɛɛ i po ta baa ki tɔnŋ na, sabu yibɛɛ ɲakili wuru ǹʼna tu Kirinŋ nafɛmaŋ wuru-ra kila niŋ mani nu. Niŋ ɲaan ki tɛ, mari bɛɛ ri arìmaŋ nakɔli wuru niŋ mani nu, yibɛɛ so-i nini sun waarinŋ wɔ̀ ru, yibɛɛ i sɔɔ, yi i wulubi kí tɛ. 14Mari bɛɛ wuru kí ru, niŋ tɔ ki wuru tu Lidi. Nmari wuru po-a Tiyatiri, nmari i juulinŋ tɔtiŋ ni ju-ri. Nmari wuru Kirinŋ gbɛ-a. Niŋ mari ki Pooli wɔ wulu kiri rama-i waarinŋ wɔ̀ ru, Ŋuntiŋ ki i nmari ciiru ɲakili ki rawwulu, fɔ nmari i bili yìrì ra. 15Nmari fa awɔ konanbi ki bataa i wu. Niŋ kɔɔtɛ, nmari i yibɛɛ rafɛ tu : « Ábɛɛ yɛrima kiri ǹʼja-i tu míŋ bili Ŋuntiŋ ki ra ábɛɛ sali, á ǹʼma niŋ bira, á i na jɛri mɔ́ɔ́n mani nu. » Nmari i a kɔli yibɛɛ ra, fɔ yibɛɛ i na yi tu.
Pooli fa Silasi bo bi ki nkasu ru Filipi kili ki ru
16Ŋì i yibɛɛ tu Filipi kili ki ru, jibi bɛɛ, yibɛɛ ji-i tiri-ra Kirinŋ gbɛmaŋ ki ru, yibɛɛ fa jonmari bɛɛ i fu saa ki fan. Ɲinijɛ wuru niŋ jonmari ki ru, nmari i tɔnŋ tan-ni. Nmari ŋununtiŋ kiri wuru wari mwɔɔnna kila-a nmari wɔ tɔnŋ tan ki ru. 17Niŋ jonmari ki i a bo yibɛɛ cɛfan, nmari i fali-li tu : « Ka koŋ kari i Kirinsinaŋ ki wɔ ri! Kí i saa wɔ̀ sunjo-a ábɛɛ tɛ, ninki i mwu saa ki i dɛ! »
18Nmari i sunŋ mwɔɔnna ma niŋ na, fɔ jibi bɛɛ, niŋ i Pooli tɔnkwulu#16.18 Pooli tɔnkwulu wuru-i sabu ɲinijɛtiŋ ki wuru kí wulu ki bi-a., ntiŋ i a rapwulu, ntiŋ i ǹʼbi ɲinijɛ ki tɛ : « Yesu Kirisa tɔ ra, po san sɔɔta ki ru. » Mìŋ manaanŋ tenŋ ki ru, ɲinijɛ ki i po san nmari ru. 19Jonmari ki ŋununtiŋ kiri ǹʼja-i waarinŋ wɔ̀ ru tu arìbɔɔ wari kila saa ki rala, kí i Pooli fa Silasi pa cɛɛn ta kili ki ru kitikwurutɔnŋ kiri tɛ. 20Kí i ta ǹʼbi tu : « Ka koŋ kari i yibɔɔ kili ki ɲaanmika jitan-a. Yawutu ri yɛ, 21kí i konaŋ ki kali-la bi ri ra, yibɛɛ Ɔrɔmutɔnŋ kiri wɔ sariya kiri arì tu nwɔ̀ri ra kì. Yibɛɛ yɛri kakan yi i yìrì ma kì. »
22Konaŋ kiri niŋ wulu kiri rama-i waarinŋ wɔ̀ ru, kí tɔnŋ i kwulu Pooli fa Silasi cɛfan. Kitikwurutɔnŋ kiri tu kí kɔ́ɔ́ juulinŋ kiri san kí sun, kí i kí bwɔ suulinŋ ni na. 23Kí i Pooli li bwɔ kusɛbɛ, niŋ kɔɔtɛ, kí i kí bo nkasu ru, kí i ǹʼbi nkasufu ɲaannasuutɔnŋ ki tɛ, tu niŋ kí shɛɛlika shɔ-ri. 24Niŋ na, niŋ i ta Pooli fa Silasi bo nkasufu ki jɛntɛ fudaŋ pyaanŋ bɛɛ ru, ntiŋ i kí kanŋ kiri de suu ru.
25Wɔkila ki ru, Pooli fa Silasi i Kirinŋ nafɛ-ri, kí i Kirinŋ gbɛ shu ri pɔri-ri. Nkasudaŋ pyɛ kiri i arì tɔɔnye-ri kí tɛ. 26Ŋì i kí tu niŋ na, pwɔkulinŋ ki i sɛrɛsɛri kusɛbɛ manaanŋ tenŋ nu. Nkasufu ki i yuuyuu fɔ ǹʼtɔnŋ kiri bataa i nawwulu arì yɛrɛtɛ, nkasudaŋ kiri bataa ra jɔlɔkɔ kiri i pili. 27Nkasufu ki ɲaannasuutɔnŋ ki i ŋmɛni. Ntiŋ nkasufu ki tɔnŋ kiri bataa rawwulumaan ki ja-i waarinŋ wɔ̀ ru, ntiŋ i awɔ baamwuru ki cɛɛn po tu a ra a yɛri kilɛn. Sabu ntiŋ wuru ǹʼbi-a tu nkasudaŋ kiri bataa bili po. 28Nka, Pooli i fali ntiŋ sun faanna, ntiŋ tu : « Fa bi tɔri ma nʼyɛri wu kì dɛ! Yibɛɛ bataa i ǹʼkaŋ. »
29Niŋ na, nkasufu ki ɲaannasuutɔnŋ ki tu, kí na tuusarinŋ wɔri a tɛ, ntiŋ i a rukwulu tiri sɛrɛsɛri fan fu ki jɛntɛ, ntiŋ i ta a fɛɛn Pooli fa Silasi fɛ. 30Niŋ kɔɔtɛ, ntiŋ i kí po, ntiŋ i kí ranɔri tu : « Ńʼwɔ wɔshuru ri, míŋ kakan ŋí i nfɛnŋ ma, nwɔma ŋí i ńʼmwu? » 31Kí i ntiŋ nupwulu tu : « Bili Ŋuntiŋ Yesu ra, niŋ a miŋ mwu, miŋ fa nʼwɔ kaninsuntɔnŋ kiri bataa. »
32Kí i Ŋuntiŋ ki wɔ wulu ki bi ntiŋ fa awɔ kaninsuntɔnŋ kiri bataa tɛ. 33Mìŋ wɔkila tenŋ ki ru, ntiŋ i kí shi, ntiŋ i ta kí ra ta kiri wu. Niŋ kɔɔtɛ, kí i ntiŋ fa awɔ kaninsuntɔnŋ kiri bataa wu shuu. 34Ntiŋ i ta Pooli fa Silasi wu awɔ mani nu, ntiŋ i ta nufinŋ wɔri kí tɛ. Ntiŋ fa awɔ kaninsuntɔnŋ kiri i arì yoori kusɛbɛ, sabu kí bilinabi ki ma wuru Kirinŋ na.
35Si ki na-i sari, kitikwurutɔnŋ kiri i surudashi ri cin nkasufu ɲaannasuutɔnŋ ki tɛ, tu ntiŋ Pooli fa Silasi pani. 36Niŋ i ta ǹʼbi Pooli tɛ tu : « Kitikwurutɔnŋ kiri cinŋ bo na-i, tu míŋ ábɛɛ pani, niŋ na, á po, á i tiri. Kirinŋ de á shɔɔrinŋ wu. »
37Nka Pooli tu niŋ koŋ kiri tɛ : « Ɔrɔmu danjibi sɛbɛ i yibɛɛ wɔ̀ri gbɛ, kí yibɛɛ bwɔ-i konaŋ ki bataa ɲaanna, fɔ kí i yi bo nkasu ru kitikwurubali. Dɔɔ, kí i ji ǹʼtɛ arì i yibɛɛ pani du ru wa? Aayi, niŋ a so ma-i kì dɛ! Tu kí yɛrima kiri na yi po. »
38Surudashi kiri i ta niŋ wulu ki bi kitikwurutɔnŋ kiri tɛ. Nini ǹʼnama-i waarinŋ wɔ̀ ru tu Pooli li Ɔrɔmutiiri i, kɛmi i de kí ru haali. 39Niŋ ɲaan ki tɛ, kitikwurutɔnŋ kiri yɛrima kiri i na arì yɛri rafɛ Pooli fa Silasi gbɛ. Kí i kí po san nkasufu ki ru, kí i kí rafɛ tu kí po san niŋ kili ki ru. 40Pooli fa Silasi i po san nkasufu ki ru, kí i ta Lidi wɔ mani ki ru, kí i ta bilinatɔnŋ kiri kila nmaŋ, kí i racinwulu li bi nini tɛ, kí i kí siratu. Niŋ kɔɔtɛ, kí i tiri.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.