Mabikiri 14
14
Pooli fa Barinabasi wɔ wulu ki Ikoniyɔmu kili ki ru
1Pooli fa Barinabasi somaan ki Ikoniyɔmu kili ki ru, kí i ta de Yawutu kiri wɔ kalinfu ki ru. Kí wulubika ɲaan ki i ncusun Yawutu kiri fa shiya tɔri ru konaŋ mwɔɔnna i bilinabi ki ma Yesu ra. 2Nka, Yawutu wɔ̀ri bilinabi ki ma-ni kì, nini i ta bilinatɔnŋ kiri tɔ jɛ bi-ri shiya tɔri kiri ru koŋ tɔri ri tɛ, kí i kí ruye bo bilinatɔnŋ kiri sun. 3Niŋ fa a fɔn na, Pooli fa Barinabasi i tu Ikoniyɔmu nmaŋ, kí i waaci ŋmani ma. Kí wuru Ŋuntiŋ ki wɔ shɔɔrinŋ ki wulu bi-a konaŋ ki tɛ, kí wuru kɛni-na koŋ jɛŋ kì. Ŋuntiŋ ki sotinbi wɔri wuru kí tɛ, kí i kabakobi ri fa taanmashɛ ri ma-ni, nwɔ̀ri wuru kɔ́ɔ́ wulu ki ji-a sɛli i. 4Kili ki ru tɔnŋ kiri i na rukila kwuru fuuli i. Kɛlinŋ tenŋ ki wuru Yawutu kiri fan, tenŋ ki i ji cindaŋ kiri fan.
5Yawutu kiri fa shiya tɔri kiri fa arì ŋununtiŋ kiri i bi jɛ mamaŋ ceeli-li Pooli fa Barinabasi wu. Kí wuru ǹʼtɛ arì i kí jɛri kwɔ ra, arì i kí kilɛn. 6Pooli fa Barinabasi na-i ǹʼtɔ waarinŋ wɔ̀ ru, tu kí ǹʼtɛ arì i arìbɛɛ kilɛn, kí i bili ta Likahoni sɔɔta ki ru. Kí i ta arì radu Lisitiri fa Dɛribi kili kiri fa arì tɔnfan kili kiri ra. 7Kí i Kirinŋ wɔ wulu ki sunjo-ri niŋ kili kiri ra sɛbɛ.
Pooli fa Barinabasi wɔ wulu ki Lisitiri kili ki ru
8Pooli fa Barinabasi wuru Lisitiri kili ki ru waarinŋ wɔ̀ ru, koŋ bɛɛ wuru nmaŋ, nwɔ̀ ji po wuru mwurunku u, ntiŋ yɛri tiri ja-ri sun kì. 9Niŋ koŋ ki wuru Pooli wɔ wulu kiri rama-a. Pooli i na ntiŋ shɛɛli a ɲaanfɛ, ntiŋ i ǹʼja tu bilinabi wɔ̀ ntiŋ gbɛ, tu ntiŋ a so kene-i. 10Ntiŋ i ǹʼbi ntiŋ tɛ faan wu tu : « Jɔrɔkɔ tu nʼkanŋ kiri sun! » Koŋ ki i see jɔrɔkɔ tu a kanŋ kiri sun, ntiŋ i a bo tiri sun shuu.
11Konaŋ kiri Pooli mabi ki ja-i waarinŋ wɔ̀ ru, kí i fali kí i ǹʼbi arɔɔ wulu ki ru tu : « Ka i kabako dɛ! Yibɔɔ kirinŋ kiri arì rapwulu ji-i konanmini ni i, yìrì i na yibɛɛ tɛ. »#14.11 Niŋ koŋ kiri wuru arɔɔ tanfinŋ kiri ji-a kirinŋ ni i.
12Kɔ́ɔ́ kirinŋ sinaŋ ki tɔ ki wuru tu Nsosi, kí i niŋ tɔ ki ye Barinabasi ra, kí i Pooli wɔ ki ye tu Ɛrimɛsi, sabu niŋ wuru wulu ki mwɔɔnna bi-a. 13Nsosi wɔ fu ki wuru kili ki demantɔnŋ ki ra. Niŋ sinanantiŋ ki i ta naan tuula ri wu niŋ mani nu, nwɔ̀ri sunyemaan wuru jirinŋ foo ra. Ntiŋ fa konaŋ ki wuru ǹʼtɛ arì i niŋ tanfinŋ ki tan#14.13 Kí wuru ǹʼtɛ arì i kí pɛli tan, arì i finŋ ni kilɛn kí ra miŋ tu pɛli li.. 14Nka Barinabasi fa Pooli na-i konaŋ ki ciiru ɲakili ki tɔ waarinŋ wɔ̀ ru, kí tɔnŋ i kwulu fɔ kí i arɔɔ juulinŋ kiri gbɛri, kí i bili ta konaŋ ki ŋununafu. 15Kí i ǹʼbi faanna tu : « Yɔɔ wɔshuru ri, ábɛɛ ka ma-a nfɛnŋ na? Yibɛɛ finŋ tɔri ri ábɛɛ bishi konanmini ni ciniŋ kì dɛ! Yibɛɛ na-i Kirinŋ wɔ Wulujii ki wu ábɛɛ tɛ, nwɔma ábɛɛ i áwɔ tanfinŋ gbansanŋ kari tu nmaŋ, á i Kirinŋ ɲaninkulutɔnŋ sɛlɛsɛli ki gbɛ-ri, ninwɔ̀ ki kirinpɔli ki fa pwɔkulinŋ ki fa wɛɛlufinju ki fa arì ciiru finŋ kiri bataa po-i. 16Waaci fwuudemaan kiri ru, ŋì ncusun-i shiya kiri bataa i arì ɲaanna saa ri tiri-ri. 17Niŋ fa a fɔn na, ŋì i a yɛri ji-i awɔ shɔɔrinŋ ki ru. Ŋì i kirinŋ judaŋ ki wɔri-ra ábɛɛ tɛ, ŋì i po kirinpɔlila, ŋì i bilaŋ wɔri-ri á tɛ a waaci ra, niŋ i ji áwɔ nufinŋ i fɔ a bataa ciiru i di. »
18Niŋ wulu kiri bataa bimaan ki kɔɔtɛ, cindaŋ kiri i waa-ri konaŋ ki suu saraka finŋ kari kilɛn ki sun arɔɔ tanfinŋ ki ra.
19Kí tu-i niŋ na, Yawutu kiri bɛɛ ri i yiri Antiyɔsi fa Ikoniyɔmu. Nini i na kili ki ru tɔnŋ kiri sunnɛɛn kila, fɔ kí i kí po bo Pooli jɛri sun kwɔ ra, fɔ ntiŋ i fɛɛn. Niŋ kɔɔtɛ, kí i ntiŋ cɛɛn po ta kili ki kɔɔtɛ, kí wuru ǹʼbi-a tu ntiŋ beeni kɔ. 20Nka, bilinatɔnŋ kiri na-i ntiŋ nakwunu waarinŋ wɔ̀ ru, ntiŋ i jɔrɔkɔ tu a kanŋ na, kí i de arìmaŋ fan kili ki ru. Niŋ sisarifuluntɔnŋ ki, Pooli fa Barinabasi i po san niŋ kili ki ra, kí i tiri Dɛribi kili ki ra.
Pooli fa Barinabasi pwulu bi ki
21Pooli fa Barinabasi i Kirinŋ wɔ wulu ki bi Dɛribi kili ki ru. Koŋ mwɔɔnna i bilinabi ki ma Yesu ra. Niŋ kɔɔtɛ, kí i arì pwulu tiri Lisitiri. Kí i po niŋ mani nu, kí i ta Ikoniyɔmu, niŋ kɔɔtɛ kí i ta Antiyɔsi kili kiri ra, ninwɔ̀ i Pisidi sɔɔta ki ru. 22Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »
23Kí wuru jɛntiiri ɲaannashi-a bilinatɔnŋ kiri ra niŋ kili tenŋ tenŋ ki fɔn na. Niŋ na, kí wuru sunŋ de-a, kí i Kirinŋ nafɛ-ri, kí i kila kí i niŋ jɛntɔnŋ kiri biye-ri Ŋuntiŋ ki gbɛ sun, kí bili wuru ninwɔ̀ ra.
24Niŋ kɔɔtɛ, Pooli fa Barinabasi i Pisidi sɔɔta ki rukwuru, kí i ta Panfili sɔɔta ki ru. 25Kí i ta Kirinŋ wɔ wulu ki bi Pɛrinsi kili ki ra, kí i po niŋ mani nu, kí i ta kili bɛɛ ra nwɔ̀ tɔ i tu Atali.
26Kí i tu niŋ mani nu, kí i de kwurinŋ bɛɛ ru, kí i tiri Antiyɔsi, kí po wuru ninwɔ̀ ra. Niŋ Antiyɔsi kili ki ru bilinatɔnŋ kiri arì gbɛ bili wuru kí sun, kí i kí biye Kirinŋ wɔ shɔɔrinŋ ki gbɛsun cinŋ wɔ̀ bira, kí ninki rafaa wuru kaa.
27Niŋ ki ra, Pooli fa Barinabasi arì pwulu de-i kili ki ru waarinŋ wɔ̀ ru, kí i bilinatɔnŋ kiri bataa rakɔli. Kí so-i bi wɔ̀ri ma-i Kirinŋ wɔ so ki ciiru, niŋ fa ŋì awɔ masabi ki tɔnŋ nawwulu-i shiya tɔri kiri tɛ ɲaan wɔ̀ tɛ, nwɔma kí i bili Yesu ra, kí i niŋ bataa rakali kí tɛ. 28Pooli fa Barinabasi i sɔɔ Antiyɔsi bilinatɔnŋ kiri fan, kí i waaci mwɔɔnna ma nmaŋ.
Zvasarudzwa nguva ino
Mabikiri 14: JOB
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.
Mabikiri 14
14
Pooli fa Barinabasi wɔ wulu ki Ikoniyɔmu kili ki ru
1Pooli fa Barinabasi somaan ki Ikoniyɔmu kili ki ru, kí i ta de Yawutu kiri wɔ kalinfu ki ru. Kí wulubika ɲaan ki i ncusun Yawutu kiri fa shiya tɔri ru konaŋ mwɔɔnna i bilinabi ki ma Yesu ra. 2Nka, Yawutu wɔ̀ri bilinabi ki ma-ni kì, nini i ta bilinatɔnŋ kiri tɔ jɛ bi-ri shiya tɔri kiri ru koŋ tɔri ri tɛ, kí i kí ruye bo bilinatɔnŋ kiri sun. 3Niŋ fa a fɔn na, Pooli fa Barinabasi i tu Ikoniyɔmu nmaŋ, kí i waaci ŋmani ma. Kí wuru Ŋuntiŋ ki wɔ shɔɔrinŋ ki wulu bi-a konaŋ ki tɛ, kí wuru kɛni-na koŋ jɛŋ kì. Ŋuntiŋ ki sotinbi wɔri wuru kí tɛ, kí i kabakobi ri fa taanmashɛ ri ma-ni, nwɔ̀ri wuru kɔ́ɔ́ wulu ki ji-a sɛli i. 4Kili ki ru tɔnŋ kiri i na rukila kwuru fuuli i. Kɛlinŋ tenŋ ki wuru Yawutu kiri fan, tenŋ ki i ji cindaŋ kiri fan.
5Yawutu kiri fa shiya tɔri kiri fa arì ŋununtiŋ kiri i bi jɛ mamaŋ ceeli-li Pooli fa Barinabasi wu. Kí wuru ǹʼtɛ arì i kí jɛri kwɔ ra, arì i kí kilɛn. 6Pooli fa Barinabasi na-i ǹʼtɔ waarinŋ wɔ̀ ru, tu kí ǹʼtɛ arì i arìbɛɛ kilɛn, kí i bili ta Likahoni sɔɔta ki ru. Kí i ta arì radu Lisitiri fa Dɛribi kili kiri fa arì tɔnfan kili kiri ra. 7Kí i Kirinŋ wɔ wulu ki sunjo-ri niŋ kili kiri ra sɛbɛ.
Pooli fa Barinabasi wɔ wulu ki Lisitiri kili ki ru
8Pooli fa Barinabasi wuru Lisitiri kili ki ru waarinŋ wɔ̀ ru, koŋ bɛɛ wuru nmaŋ, nwɔ̀ ji po wuru mwurunku u, ntiŋ yɛri tiri ja-ri sun kì. 9Niŋ koŋ ki wuru Pooli wɔ wulu kiri rama-a. Pooli i na ntiŋ shɛɛli a ɲaanfɛ, ntiŋ i ǹʼja tu bilinabi wɔ̀ ntiŋ gbɛ, tu ntiŋ a so kene-i. 10Ntiŋ i ǹʼbi ntiŋ tɛ faan wu tu : « Jɔrɔkɔ tu nʼkanŋ kiri sun! » Koŋ ki i see jɔrɔkɔ tu a kanŋ kiri sun, ntiŋ i a bo tiri sun shuu.
11Konaŋ kiri Pooli mabi ki ja-i waarinŋ wɔ̀ ru, kí i fali kí i ǹʼbi arɔɔ wulu ki ru tu : « Ka i kabako dɛ! Yibɔɔ kirinŋ kiri arì rapwulu ji-i konanmini ni i, yìrì i na yibɛɛ tɛ. »#14.11 Niŋ koŋ kiri wuru arɔɔ tanfinŋ kiri ji-a kirinŋ ni i.
12Kɔ́ɔ́ kirinŋ sinaŋ ki tɔ ki wuru tu Nsosi, kí i niŋ tɔ ki ye Barinabasi ra, kí i Pooli wɔ ki ye tu Ɛrimɛsi, sabu niŋ wuru wulu ki mwɔɔnna bi-a. 13Nsosi wɔ fu ki wuru kili ki demantɔnŋ ki ra. Niŋ sinanantiŋ ki i ta naan tuula ri wu niŋ mani nu, nwɔ̀ri sunyemaan wuru jirinŋ foo ra. Ntiŋ fa konaŋ ki wuru ǹʼtɛ arì i niŋ tanfinŋ ki tan#14.13 Kí wuru ǹʼtɛ arì i kí pɛli tan, arì i finŋ ni kilɛn kí ra miŋ tu pɛli li.. 14Nka Barinabasi fa Pooli na-i konaŋ ki ciiru ɲakili ki tɔ waarinŋ wɔ̀ ru, kí tɔnŋ i kwulu fɔ kí i arɔɔ juulinŋ kiri gbɛri, kí i bili ta konaŋ ki ŋununafu. 15Kí i ǹʼbi faanna tu : « Yɔɔ wɔshuru ri, ábɛɛ ka ma-a nfɛnŋ na? Yibɛɛ finŋ tɔri ri ábɛɛ bishi konanmini ni ciniŋ kì dɛ! Yibɛɛ na-i Kirinŋ wɔ Wulujii ki wu ábɛɛ tɛ, nwɔma ábɛɛ i áwɔ tanfinŋ gbansanŋ kari tu nmaŋ, á i Kirinŋ ɲaninkulutɔnŋ sɛlɛsɛli ki gbɛ-ri, ninwɔ̀ ki kirinpɔli ki fa pwɔkulinŋ ki fa wɛɛlufinju ki fa arì ciiru finŋ kiri bataa po-i. 16Waaci fwuudemaan kiri ru, ŋì ncusun-i shiya kiri bataa i arì ɲaanna saa ri tiri-ri. 17Niŋ fa a fɔn na, ŋì i a yɛri ji-i awɔ shɔɔrinŋ ki ru. Ŋì i kirinŋ judaŋ ki wɔri-ra ábɛɛ tɛ, ŋì i po kirinpɔlila, ŋì i bilaŋ wɔri-ri á tɛ a waaci ra, niŋ i ji áwɔ nufinŋ i fɔ a bataa ciiru i di. »
18Niŋ wulu kiri bataa bimaan ki kɔɔtɛ, cindaŋ kiri i waa-ri konaŋ ki suu saraka finŋ kari kilɛn ki sun arɔɔ tanfinŋ ki ra.
19Kí tu-i niŋ na, Yawutu kiri bɛɛ ri i yiri Antiyɔsi fa Ikoniyɔmu. Nini i na kili ki ru tɔnŋ kiri sunnɛɛn kila, fɔ kí i kí po bo Pooli jɛri sun kwɔ ra, fɔ ntiŋ i fɛɛn. Niŋ kɔɔtɛ, kí i ntiŋ cɛɛn po ta kili ki kɔɔtɛ, kí wuru ǹʼbi-a tu ntiŋ beeni kɔ. 20Nka, bilinatɔnŋ kiri na-i ntiŋ nakwunu waarinŋ wɔ̀ ru, ntiŋ i jɔrɔkɔ tu a kanŋ na, kí i de arìmaŋ fan kili ki ru. Niŋ sisarifuluntɔnŋ ki, Pooli fa Barinabasi i po san niŋ kili ki ra, kí i tiri Dɛribi kili ki ra.
Pooli fa Barinabasi pwulu bi ki
21Pooli fa Barinabasi i Kirinŋ wɔ wulu ki bi Dɛribi kili ki ru. Koŋ mwɔɔnna i bilinabi ki ma Yesu ra. Niŋ kɔɔtɛ, kí i arì pwulu tiri Lisitiri. Kí i po niŋ mani nu, kí i ta Ikoniyɔmu, niŋ kɔɔtɛ kí i ta Antiyɔsi kili kiri ra, ninwɔ̀ i Pisidi sɔɔta ki ru. 22Niŋ kili kiri ra, kí wuru bilinatɔnŋ kiri siratu-a bilinabi ki ru, kí i kí racin-ni tu : « Waajibi yɛ tu cɔɔri mwɔɔnna yibɛɛ kila, yi i kila yi i de Kirinŋ wɔ Masabi ki ru. »
23Kí wuru jɛntiiri ɲaannashi-a bilinatɔnŋ kiri ra niŋ kili tenŋ tenŋ ki fɔn na. Niŋ na, kí wuru sunŋ de-a, kí i Kirinŋ nafɛ-ri, kí i kila kí i niŋ jɛntɔnŋ kiri biye-ri Ŋuntiŋ ki gbɛ sun, kí bili wuru ninwɔ̀ ra.
24Niŋ kɔɔtɛ, Pooli fa Barinabasi i Pisidi sɔɔta ki rukwuru, kí i ta Panfili sɔɔta ki ru. 25Kí i ta Kirinŋ wɔ wulu ki bi Pɛrinsi kili ki ra, kí i po niŋ mani nu, kí i ta kili bɛɛ ra nwɔ̀ tɔ i tu Atali.
26Kí i tu niŋ mani nu, kí i de kwurinŋ bɛɛ ru, kí i tiri Antiyɔsi, kí po wuru ninwɔ̀ ra. Niŋ Antiyɔsi kili ki ru bilinatɔnŋ kiri arì gbɛ bili wuru kí sun, kí i kí biye Kirinŋ wɔ shɔɔrinŋ ki gbɛsun cinŋ wɔ̀ bira, kí ninki rafaa wuru kaa.
27Niŋ ki ra, Pooli fa Barinabasi arì pwulu de-i kili ki ru waarinŋ wɔ̀ ru, kí i bilinatɔnŋ kiri bataa rakɔli. Kí so-i bi wɔ̀ri ma-i Kirinŋ wɔ so ki ciiru, niŋ fa ŋì awɔ masabi ki tɔnŋ nawwulu-i shiya tɔri kiri tɛ ɲaan wɔ̀ tɛ, nwɔma kí i bili Yesu ra, kí i niŋ bataa rakali kí tɛ. 28Pooli fa Barinabasi i sɔɔ Antiyɔsi bilinatɔnŋ kiri fan, kí i waaci mwɔɔnna ma nmaŋ.
Zvasarudzwa nguva ino
:
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© Wycliffe Bible Translators, Inc.