मत्ती 20
20
द्राक्षाण वाळीमायला दाहळक्यान दाखलू
1“सोरगोन राज कहानास घोरोन मालको सारखो छे, जो सोंदारे निकव्यू कि वाळीमा दाहळक्या लागाळे सोके.” 2चू दाहळक्या काजे एक दिनार पोर ठेराव्यू एने तीनुक आपनी आंगुरोन वाळीमा मूकल्यु. 3एने एक पोहोर दाहळू चोळयु तिनी कवीन दिसरा माणसो काजे रिकामा उबरोयतला देख्यू. 4एने तीनु काजे कोयू, “तुमु बी आंगुरोन वाळीमा जावू, एने जे काहीन वारू छे तुमुक आपीस आखरी चे वाळीमा गोया.” 5एने चू दुसरे एने तिसरे पोहोरोन टेमे निकवीन तोसुत कोऱ्यु 6एक घोळीन दाहळू रोयू चू एने निकवीन दिसरा काजे उबा रोयतला देख्यू, एने तीनु काजे कोयू “तुमु काहा न्या दाहळू भोरीन रिकामा उबरोया? चे तीना काजे कोया, इनान कोरता कि कुदु आमु काजे दाहळक्या नी लागाळया.” 7चू तीनु काजे कोयू, तुमु बी आंगुरोन मोवामा जावू.
8सांतू आंगुरोन मोवान मालिक आपना कारभारी काजे कोयू, “दाहळक्या काजे बुलावीन पोसला गोथा पेहेला तोक तीनुक दाहाळकी आप”. 9जेतार चे आव्या जे घोंटुभोर दाहळू रोयलु होतु ती तीनुक एक-एक दिनार जोळ्यो. 10जे पेहेले आव्या चे यो सोमज्या कि आमुक जादा जोड्से, बाकीन तीनुक बी एक आणू जोळ्यू. 11जेतार जोळ्यो ती चे घोर मालिकपोर कुरकुर कोरता जायीन कोयने बाज गोया, 12जे पोछला एकुत घोंटु काम कोरला होता एने तू हिनु काजे आमरे बोराबोर कोर देदू जे दाहळू भोरीन भार उचल्या एने तोप सोच्या? 13चू तिंदरे माहीन एक जोना काजे जोवाब आप्यू, “हे दुस्तीदार मे तारे पुठी काय अन्याय नी कोरतू काय तुते मारे जुव एक आणू नी ठेरावलू होतु?” 14जो तारो छे चूट ले एने जात रोय; मारी मोर्जी जी छे कि जोतरो तुसेक आपो तोत्रोत इना पोछ्ला काजे भी आपो. 15“काय यो वारू नी होय कि मे मारा धोनोमा गोथू जोसो गोवे तोसो कोरो? काय मारो वारलो छे तेरे वोजेसी तू भुंडली नोजोरसी देखतलु?” 16इना रितीसी जे पोछोवला छे, चे पेहेले रोयसे; एने जे पेहेला छे, चे पोछोवला होयसे.
येसुन मोरनेन एने जीव उठनेन भविष्यवाणी
(मरकुस 10:32-34; लुका 18:31-34)
17येसु यरुशलेममा जातु जायीन बारथे चेला काजे एखलामा लीगोयू, एने वाटी पोर हिनु काजे कोये बाज गोयू, 18“देखू, आमु यरुशलेम काजे जातला छे; एने माणसोन पुऱ्या डायलु पुजारा काजे एने शास्त्रीयान हाते धोरवाय जासे, एने चे तीनु काजे खुन कोरणेन कोरता ठेरावसे.” 19एने तिनाक दिसरा जात्यान हातोमा सोपसे कि चे तिनान मोजाक उळावसे, एने चाबका देसे, एने ख्रुस पोर चोळावसे, एने चू तिसरे दाहळे जीवाळाय जासे.
एक आशोन विनता
(मरकुस 10:35-45)
20तेत्यार जब्दिन पुऱ्यान आया, तेरा पुऱ्या साते येसुनचा आवीन नोमोन कोऱ्या, एने तेरे जुव गोथी काहीन मांगणे बाज गोयी. 21चू तिनी काजे कोयू, “तूसेक जुवे?” ची तिना पुठी बुली, “जो वचन आप कि मारा ये दुय पुऱ्या तारा राज्योमा एक तारा जेवळे एने एक तारा डाखरे धोळे बोसे.” 22येसु जोवाब आप्यू, “तुमु नि जानतला कि काय मांगतला जू प्यालू मे पिणे पोर छे, काय तुमु पी सोकतला?” चे तीना काजे कोया, “पी सोकतला छे.” 23चू तीनु काजे कोयू, “तुमु मारू प्यालू ते पिसू, बाकीन आपने जेवळे धोळे एने डाखरे धोळे कुणीक बोसाळनो यो मारो काम नी होय बाकीन जिंदरेन कोरता मारू बासो तोरोफसी तीयार कोरलो गोयलो छे, तिंदरेन कोरता छे.”
24यो सोमवीन दोस चेला काजे दुयू भाशो पोर रीस लागी. 25येसु तीनु काजे साते बुलावीन कोयू “तुमु जानतेला कि दिसरा देसोन अधिकारी तिंदरे पोर राज कोरतेला; एने जे मोटा छे तिंदरे पोर होक चालाळतेला.” 26बाकीन तुमरेमा ओसो नि होये; जू कुदू तुमरेमा मोटू होयनेन कोरे चू तुमरू सेवक बोने. 27एने जू तुमरू मालिक बोनने कोरे, चू तुमरू पावोर बोने. 28जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.
दुय आन्दवा काजे देखाय जाणो
(मरकुस 10:46-52; लुका 18:35-43)
29जेतार चेला एने येसु यरीहोन सोहोरमा गोथा निकवी रोया होता, ती एक मोटली गोरदी तेरे पोछोव चाल पोडी. 30एने दुय आंदवा, जे रुळोन काठे पोर बोसला होता, यो सोमवीन कि येसु जाणे बाज रोयू, आयळीन कोयने लाग्या, “हे प्रभू, दाऊदन पुऱ्या, आमरेपोर दया कोर.” 31माणसे हिनुक लोळ्या कि हुगा रोये; बाकीन चे ओवी बी आयळीन कोया, “हे प्रभू, दाऊदन पुऱ्या आमरेपोर दया कोर.” 32तेत्यार येसु उभू रोयीण, तीनुक बुलाव्यू एने कोयू, “तुमु काजे काय जुवे कि मे तुमरे कोरीन कोरो?” 33चे तीना काजे कोया, “हे प्रभू, यो कि आमरा डूवा उगळी जाय.” 34येसु तोरोस खायीन हिंदरा डूवा छिम्यू, एने चे तेतारुत देखणे बाज गोया; एने तेरे पोछोव चाल पोळ्या.
Zvasarudzwa nguva ino
मत्ती 20: BFBNT
Sarudza vhesi
Pakurirana nevamwe
Yenzanisa
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.