યોહાન 2
2
કાના ગાંવુમે વોરાળ
1ફાચે તીજા દિહુલે ગાલીલ વિસ્તારુ કાના ગાંવુમે એક વોરાળ આથો, આને ઇસુ યાહકી બી તીયા વોરાળુમે આથી. 2ઇસુ આને તીયા ચેલાહાને બી તીયા વોરાળુમ આમંત્રણ આથો. 3જાંહા દારાક્ષારસ પીને પુરો વીઅ ગીયો, તાંહા ઇસુ યાહકીહી તીયાલે આખ્યો, “વોરાળુવાલાપે આમી દારાક્ષા રોહો નાહ રીયો, ઈયા ખાતુર તુ કાયક કી સેકોહો કા?” 4ઇસુહુ તીયા યાહકીલે આખ્યો, “ઓ યાહકી, તુ માને ઇ કાહા આખી રીયીહી? ખ્રિસ્તુ રુપુમે ઓખાયા ખાતુર માઅ સમય આજી નાહ આલો.” 5પેન તીયા યાહકીહી ચાકરુહુને આખ્યો, “જો કાય ઇસુ તુમનેહે કેરા આખે તોઅ કેજા.” 6તીહી યહુદી લોકુ ધાર્મિક નિયુમુ અનુસાર આથ તુવુલો રીવાજ આથો, તીયા ખાતુર તીયાહા તીહી ડોગળા છોવ ગોલે થોવલે આથે; એક-એક ગોલામે લગભગ હોવ લીટર પાંય હોમાતલો. 7ઇસુહુ ચાકરુહુને આખ્યો, “ગોલામે પાંય પોય ધ્યા” તાંહા તીયા ચાકરુહુ તે ગોલે પાંયુકી આખે પોય દેદે. 8તાંહા ઇસુહુ ચાકરુહુને આખ્યો, “આમી ઈયા ગોલામેને પાંય કાડીને જમણુ કારભારીહી લીઅ જાઅ” તાંહા તે લીઅ ગીયા. 9જાંહા જમણુ કારભારીહી તોઅ પાંય ચાખી હેયો, પેન તોઅ પાંય દારાક્ષારસ બોની ગેહલો, તીયા માંહાલે ખબર નાય આથી, કા દારાક્ષા રોહો કાહીને આલ્લો, પેન જે ચાકર ગોલામેને પાંય કાડી લાલ્લા તીયાહાને ખબર આથી કા તોઅ પાંય કાહીને આલ્લો, તાંહા જમણુ કારભારીહી વોલ્લાલે હાદીને આખ્યો. 10“દરેક માંહે ગોવારાહાને પેલ્લા હારો દારાક્ષા રોહો આપતેહે, આને જાંહા ગોવારે બરાબર પીઅ લેતેહે તાંહા ખારાબ દારાક્ષા રોહો આપતેહે; પેન તુયુહુ હારામ-હારો દારાક્ષારસ આમી લોગુ થોવી રાખ્યોહો.” 11ઇસુહુ ગાલીલ વિસ્તારુ કાના ગાંવુમે ઓ પેલ્લો ચમત્કાર કેલો, આને પોતા મહિમા લોકુહુને દેખાવી, આને તીયા ચેલાહા ઇસુજ ખ્રિસ્ત હાય, એહકી વિશ્વાસ કેયો.
12ફાચે ઇસુ આને તીયા યાહકી, તીયા પાવુહુ આને તીયા ચેલા કફર-નુહુમ શેહેરુમે ગીયા, આને તીહી થોળાક દિહી રીયે.
યેરુશાલેમુ દેવળુમે ઇસુ જાહે
(માથ. 21:12-13; માર્ક. 11:15-17; લુક. 19:45-46)
13જાંહા યહુદી લોકુ પાસ્ખા તેહવારે પાહી આથો, તાંહા ઇસુ યરુશાલેમ શેહેરુમે ગીયો. 14આને ઇસુહુ દેવળુ ચોઠામે ડોગરા, ઘેટા, કબુતરુ વેચનારાહાને આને પોયસા બોદલુનારાહાને બોઠલા હેયા. 15તાંહા ઇસુહુ દોંળા ચાપકો બોનાવીને બાદા ઘેટાહાને આને ડોગરાહાને દેવળુ ચોઠામેને બારે ઓળી કાડયે, આને પોયસા બોદલુનારા ટેબલ ઉથલાવી ટાક્યા, આને તીયા બાદા પોયસા બી વેરી ટાક્યા. 16આને કબુતરુ વેચનારાહાને આખ્યો, “ઈયા બાદા કબુતરુહુને ઇહીને લીઅ જાઅ, માઅ પરમેહેરુ બાહકા દેવળુલે વેપારી પોંગો માઅ બોનાવાહા.” 17તાંહા ઇસુ ચેલાહાને યાદ આલો, કા પવિત્રશાસ્ત્રમે લેખલો હાય, કા “તોઅ દેવળુ ભક્તિ, માઅ માજમે આગી હોચી બોલેહે.”
18ઈયા કારણુકી યહુદી લોકુ આગેવાનુહુ ઇસુલે આખ્યો, “ઇ બાદે કામે કેરા પરમેહેરુહુ તુલે અધિકાર આપ્યોહો, તોઅ આમનેહે દેખાવા ખાતુર તુ કેલ્લો ચમત્કાર કેહો?” 19ઇસુહુ તીયાહાને જવાબ દેદો, “ઈયા દેવળુલે પાળી ટાકાહા તા, આંય ઇયાલે તીન દીહુમુજ ફાચે બોનાવેહે.” 20યહુદી લોકુ આગેવાનુહુ આખ્યો, “ઈયા દેવળુલે બોનાવા ખાતુર છેતાલીસ વોર્ષે લાગ્યેહે, આને કાય તુ ઇયાલે તીન દિહુમે ફાચો બોનાવી દિહો?” 21ઇસુ દેવળુ વિશે નાહ, પેન તીયા પોતા શરીરુ વિશે આખતલો. 22ફાચે જાંહા ઇસુ મોલામેને જીવી ઉઠયો, તાંહા તીયા ચેલાહાને યાદ આલો, કા ઇસુહુ ઇ આખલો; તીયા ખાતુર તીયા ચેલાહા તીયા વિશે પવિત્રશાસ્ત્રમે લેખલો આથો, તીયાપે વિશ્વાસ કેયો, આને ઇસુહુ જો આખલો, તીયા વચનુપે બી વિશ્વાસ કેયો.
ઇસુ માંહા મનુલે જાંહે
23જાંહા પાસ્ખા તેહવારુપે ઇસુ યરુશાલેમુ શેહેરુમે આથો, તાંહા ખુબુજ લોકુહુ તીયા કેલા ચમત્કારુલે હીને તીયાપે વિશ્વાસ કેયો. 24પેન ઇસુહુ તીયા લોકુપે વિશ્વાસ નાહ કેયો, કા તીયાહા તીયાપે વિશ્વાસ કેયોહો, કાહાકા તે બાદા લોક જે વિચાર કેતલા તીયા વિશે ઇસુ જાંતલો. 25આને જો કેડો બી લોકુ વિશે આખે, ઇસુલે તીયા જરુર નાય આથી, કાહાકા તોઅ જાંઅતલો કા તીયા મનુમે કાય હાય.
Zvasarudzwa nguva ino
યોહાન 2: DUBNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.