કલોસ્સીઓ પત્રો 2
2
1આંય ઈચ્છા રાખુહુ કા તુમુહુ જાંયલ્યા કા તુમા માટે તીયાં માટે જે લાઓદોકિયા શેહેરુમે હાય, આને તીયા બાદા માટે જીયાહાને આંય નાહ મીલ્યો, આંય કેહેડો કામ કીહુ, 2આંય એહેડો ઈયા ખાતુરે કીહુ કાહાકા આંય તીયાહાને વિશ્વાસુમે મજબુત કેરા માગુહુ કા તે એકબીજા આરી પ્રેમુકી રી સેકે, આને આંય બી ઈચ્છા રાખુહુ કા તીયાહાને પુરો ભરોષો વેઅ કા પરમેહેરુ ભેદુલે તીયાહા જાંય લેદોહો જો પોતે ખ્રિસ્ત હાય. 3કાહાકા ઓ તોજ હાય જો પરમેહેરુ જ્ઞાન આને બુદ્ધિ ઓળખાણ કેરાવેહે, તોઅ તીયા ખાજા હોચે હાય જો ગુપ્ત રાખવામ આલ્લો, 4ઇ આંય ઈયા ખાતુરે આખુહુ, એગુહુ માંહુ તુમનેહે તીયાં ઝુટી શિક્ષણુ વિશ્વાસ કેરા ખાતુરે રાજી નાય કી લે. 5જાંહા કા આંય તુમાસે દુર હાય તેબી આંય તુમા વિશે વિચાર કેતો રીહુ, આંય ઇ હીંને ખુબ ખુશ હાય, કા તુમુહુ એક આરી વીને તીયુજ રીતીકી જીવી રીયોહો જેહેકી તુમનેહે જીવા જોજે, આને ખ્રિસ્તુમે તુમા વિશ્વાસ મજબુત હાય.
6ઈયા ખાતુરે જેહેકી તુમુહુ ખ્રિસ્ત ઇસુલે પ્રભુ આખીને સ્વીકાર કી લેદોહો, તેહેકીજ તીયામુજ જીવન વિતાવતા રેજા, 7આને તીયામુજ ઉંડે મુલે ટાકતા, આને વાદતા જાઅ, આને જેહેકી તુમનેહે હિક્વામે આલોહો તેહેકી વિશ્વાસુમે મજબુત વેતા જાઅ, આને વાદારેને-વાદરે ધન્યવાદ કેતા જા.
8સાવધાન રેજા કી કેડો તીયાલે બેકાર જ્ઞાન ધોકા મારફતે ફસવી નાય લે, જો માંહા મારફતે આપવામે આલ્લા રીત રીવાજુ આને શિક્ષણુ અનુસાર તા હાય પેન ખ્રિસ્તુ અનુસાર નાહ. 9ઈયા ખાતુરે, તુમુહુ ધોકા માઅ ખાહા કાહાકા ખ્રિસ્ત માંહુ તાંહા બી તોઅ પુરી રીતે પરમેહેરુહુજ આથો.
10આને તોઅ દરેક સમાર્થું આને અધિકારુપે મુખ્ય હાય, ઈયા ખાતુરે કાદાચ તુમુહુ ખ્રિસ્તુમે હાય, તા તુમનેહે કેલ્લી વસ્તુ કમી નાહ. 11જાંહા તુમુહુ ખ્રિસ્તુમે વિશ્વાસ કેયો તા તુમા સુન્નત માહા મારફતે નાહ કેયો જેહેકી યહુદી લોક કેતાહા, પેન તોઅ સુન્નત ખ્રિસ્તુ મારફતે કેરામે આલોહો. જો કા તુમા પાપી સ્વભાવુલે વાડીને દુર કેહે. 12આને જાંહા તુમુહુ બાપ્તીસ્મો લેતાહા, તોઅ ઇ દેખાવેહે કા તુમા પાપી સ્વભાવુલે દાટી દેવામે આલો, આને તુમનેહે જીવતા કેરામે આલા એક નોવા સ્વભાવુ આરી જેહેકી ખ્રિસ્તુલે જીવતો કેરામે આલો. એહેકી ઈયા ખાતુરે વીયો કાહાકા તુમુહુ વિશ્વાસ કેયો, કા પરમેહેરુ પોતા સમાર્થું મારફતે ખ્રિસ્તુ મોય ગીયા બાદા ફાચો જીવતો કી દેદો. 13આને જાંહા તુમુહુ પોતા પાપુ આને પોતા ખારાબ સ્વભાવુ સુન્નતુ કમી લીદે મોલા આથા, તાંહા પરમેહેરુહુ તુમનેહે ખ્રિસ્તુ આરી જીવતા કેયા આને આપુ બાદા ગુનાહાને માફ કેયા. 14આને પરમેહેરુ પોતા આપુ પાપુ તીયા લેખુલે સાફ કી દેદો, આને વિધિ નિયમુ લીદે જે આરોપ આમા વિરુધુમે લેખવામ આલ્લા આથા, જાંહા ખ્રિસ્ત ક્રુસુપે ચોળવામે આલો તાંહા તીયાહા તીયા લેખુલે પુરી રીતીકી હટાવી દેદો. 15આને તીયાહા દરેક સામર્થ આને અધિકારુલે તોડી દેદો, આને તીયાહાને બાદા હુંબુર નાજ્વાવીને ક્રુસુ મારફતે તીયાપે જય-જયકારુ આવાજ ઉનાવ્યો.
16ઈયા ખાતુરે ખાવુલો પીયુલો કા તેહવારુ કા નવા ચાંદુ નેતા વિશ્રામવારુ દિહુ વિશે, કેડો બી તુમનેહે ધોકો નાય દી સેકે, આને કેડો બી તુમા ન્યાય કી નાય સેકે. 17કાહાકા એ બાદા નિયમ ખાલી એક આવનારી ગોઠી સાંયુ હોચે હાય, પેન મુળ વસ્તુ ખ્રિસ્તુ હાય. 18કેડો બી તુમનેહે ઝુટી નમ્રતા દેખાવીને આને હોરગાદુતુ આરાધના કેરા મારફતે ઇનામુ કી દુર નાય કી દેઅ. એહેડો માંહુ દેખલી વસ્તુમે લાગલો રેહે, આને પોતા સંસારિક હોમુજ તીયાલે વગર કારણુ ઘમંડી બોનાવી દેહે. 19આને તીયાહા ખ્રિસ્તુપે વિશ્વાસ કેરા બંદ કી દેદોહો, જો શરીરુ મુનકો હાય, આને જીયુ રીતી મુનકો શરીરુ આગેવાની કેહે, તીયુજ રીતી ખ્રિસ્ત બી બાદા લોકુ આગેવાની કેહે, કા તે એક આરી રે, જેહેકી શરીરુ સાંધા આને શ્વાસ લેનારે અંગ શરીરુલે એક આરી રાખેહે. આને તે ઇયુજ રીતી વાદતેહે જેહેકી પરમેહેરુ ઈચ્છા રાખેહે,
ખ્રિસ્તુ આરી જીવુલો આને મોરુલો
20કાહાકા તુમા પાપી સ્વભાવ ખ્રિસ્તુ આરી મોય ગીયોહો, ઈયા ખાતુરે આમી તુમનેહે ઈયા જગતુ નિયમુહુને માનુલો જરુરત નાહ. તા ફાચે તુમુહુ આમી બી ઈયા નિયમુ પાલન કેતાહા જેહેકી કા આમી બી જગત તુમનેહે નિયંત્રિત કેહે. 21જેહેકી કા તીયાલે નાય આથલુલો આને ઈયા પ્રકારુ માંડાલે નાય આથલુલો આને નાય ઈયા પ્રકારુ વસ્તુલે આથ લાગવુલો. 22કાહાકા એ બાદા નિયમ નાશ વી જાય, કાહાકા ઇ માહા આજ્ઞા આને શિક્ષણુ અનુસાર હાય. 23એહેકી લાગેહે જેહેકી એ (ભક્તિ) નિયમ એક જ્ઞાન વાલી વાટીલે દેખાવેહે, એટલે પોતાલે પરમેહેરુ વેલ જબરજસ્તીકી સમર્પણ કેરા મારફતે ઝુટી નમ્રતા મારફતે આને પોતા શરીરુ આરી કઠોર વેહવારુ કેરા મારફતે, પેન હકીગતુ ઓ નિયમ લોકુહુને આને તીયા શારીરિક ઈચ્છાહાને નિયંત્રિત કેરામે મદદ નાહ કેતો.
Zvasarudzwa nguva ino
કલોસ્સીઓ પત્રો 2: DUBNT
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.