ROMA 10
10
1Ee waʼa ngkasangkompo! Maʼai kojo kamawo ndayaku da naka bancaku da tesorepaka. Pai gori-gori ndayaku mekakai ri Pue Ala tila ntau seʼe. 2Kuʼaku kojo ewambeʼi pompari-mpari ntau seʼe mepoʼinaya ri Pue Ala. Paikanya kadoyo ntau seʼe banya mamponono paincani anu ungka ri Pue Ala. 3Bareʼe naincani ntau seʼe ewambeʼi ndapampareʼe i mPue Ala pokenta pai tolino mewali madago muni. Pai tau seʼe jamalulu pepokononya ngkalionya, bareʼe naaya ntau seʼe jaya anu ndatuju i mPue Ala. 4Pura-pura padika agama ndabangani i ngKerisitu. Mewali pura-pura tau anu meaya ri Kerisitu, madago muni pokentanya pai Pue Ala.
Katesorepaka tila ntau pura-pura
10:5-21
5 #
Tad. 18:5
Naʼuki i Musa, tau anu madago pokentanya pai i Pue Ala malulu waʼa mpadika agama, tau seʼe da tuwu ua pepoʼinayanya ri waʼa mpadika agama. 6#Paw. 30:12-14 Paikanya kono kasimadago pai Pue Ala ua peaya ndaya ri Pue Ala, natoʼo Ncura Magali ewanceʼi, “Neʼe boi nutoʼo ri rayamu, ‘Isema anu da mepone ndeki suruga?’ (posokinya anu da mengkeni mpenaʼu i Kerisitu), 7bara, ‘Isema anu da menaʼu ri kareʼe ntau mate?’ (posokinya anu da mangkeni mpepone i Kerisitu ungka ri kapate).” 8Tinako ndayanya ewaseʼi, “Bambari ungka ri Pue Ala mosu mpodago pai siko; reʼe ri ngujumu pai ri rayamu.” Inceʼemo nuntu anu kupobambarika; bambari kono peaya ndaya. 9Maka ane ngujumi mangaʼaku “I Yesu inceʼemo Pue” pai ndiaya ri rayamu kaʼi Pue Alanya roo mampatuwu i Yesu ungka ri kapate, komi sangaya-ngaya da tesorepaka. 10Maka ua kalau mpeaya ndaya ri raya ntau, painaka ndatarima i mPue Ala ewa sambaʼa tau anu simadagomo pai Sira. Pai ngujunya mangaʼaku painaka siʼa da ndasorepaka. 11#Yes. 28:16 Lau ndaʼuki ri Sura Magali, “Tau anu meaya bareʼe da ngira matanya.” 12Inceʼe da mewali ri pura-pura tau, maka bereʼe posisalanya to Yahudi pai banca ntaninya. I Pue Ala anu sambaʼa-mbaʼa tila ntau pura-pura. Sira mawai popadonco anu gana-gana ri pura-pura tau anu merapi puru ri Sira. 13#Yo. 2:32 Lau ndaʼuki ri Sura Magali, “Pura-pura tau anu meboo ri Pue Ala da tesorepaka.”
14Paikanya ewambeʼi da peboo ntau ri Pue Ala ane tau seʼe bareʼepa meaya? Pai ewambeʼi da peaya ntau seʼe ri Pue ane bareʼe nadonge ntau seʼe kono i Pue? Pai ewambeʼi da napadonge ntau seʼe kono i Pue ane bereʼe tau anu mampobambarika? 15#Yes. 52:7 Pai ewambeʼi da pangkeni ntau bambari setu ane bareʼe ndapokau? Lau ndaʼuki ri Sura Magali, “Madago kojo karata waʼa ntau anu mangkeni Nuntu ngKatuwu ungka ri Pue Ala!” 16#Yes. 53:1 Paikanya bareʼe pura-pura tau mantarima Nuntu ngKatuwu setu. Maka natoʼo i Nabi Yesaya, “Pue, isema anu da maaya bambari anu kapobambarika?” 17Inceʼe puʼunya waʼa ntau meaya ua madonge bambari, pai bambari ndadonge ua reʼe anu mampobambarika kono i Kerisitu.
18 #
Pol. 19:5
Paikanya da kupeoasi: Ara monco kojo bareʼepa nadonge ntau seʼe bambari setu? Manoto nadongemo! Maka ndaʼuki ri Sura Magali ewaseʼi,
“Oni nganga ntau tedonge sambawo lino,
pai waʼa mpau ntau seʼe ratamo ri tando lino.”
19 #
Paw. 32:21
Da kupeoasi woʼu: Ara bareʼepa naincani nto Isaraeli? Mbolimo pompeoasi seʼi riu-riunya da nasono i Musa, “Natoʼo i Musa ewaseʼi pantoʼo mPue Ala
‘Da kupakanyau rayami ri banca anu banya tau-Ku,
pai da kupakajaʼa rayami ri banca ntau anu tengo.’ ”
20 #
Yes. 65:1
Napakayonto woʼu i Yesaya pompaunya natoʼo,
“Ewaseʼi pantoʼo i mPue Ala,
‘Waʼa ntau anu bareʼe mampepali Yaku, maratamo Yaku;
pai Yaku mepatongawa ri waʼa ntau anu bareʼe mampeoasi kono Yaku.’ ”
21 #
Yes. 65:2
Paikanya, kono to Isaraeli natoʼo i Yesaya, “Ewaseʼi pantoʼo i mPue Ala, ‘Eo mposaeo, paleku telaenaka ri banca anu mapeni woʼo pai bareʼe mepoʼinaya.’ ”
