मति 22:19-21

पोत तिरिका ताकाको थुरि कासेहेङ तिङपासु! उङको द्‍याङगेलाइ येसुहेङ एनोङ चान्दिको थुरि तिङपाहि। येसु आरोङ दोअ्हि, “ताकाको थुरिता हासुको चित्तरो हि? कालाउ हासुको मिङ इन्ता तापिका हि।” उङको द्‍याङगेलाइ जोबाफ पिहि, इदोइ रोमि साम्रातको चित्तरो हि कालाउ इन्ता रोमि साम्रातको मिङ हि। येसु आरोङ दोअ्हि, जेदोङ रोमि साम्रातको हि इङको रोमि साम्रातहेङ पिसु कालाउ जेदोङ परमेस्वरको हि परमेस्वरहेङ पिसु।