Levítico 9
9
Sacerdotekuna Diospaq llank'ayta qallarisqankumanta
1Moisesqa pusaq kaq p'unchawpin waqyaran *Aaronta, wawankunata hinallataq Israelpa miraynin runakunapa liderninkunatawan ima. 2Hinaspan Aaronta khaynata niran:
—Hap'imuy huk torillota hucha perdonasqa kananpaq *sacrificio *ofrendata ofrecenapaq. Saynallataq hap'imullaytaq huk carnerotapas, sacrificio ofrendata k'anaspa ofrecenaykipaq. Hinaspa Señor Diosman ofrecemuy. Chay sacrificio ofrendapaq animalkunaqa mana defectoyoq sanon kanan. 3Saynallataqyá Israelpa miraynin runakunatapas khaynata nimuy: “Apamuychis huk orqo kapita. Chay kapin ofrecesqa kanqa, huchakuna perdonasqa kananpaq. Saynallataqyá apamullaychistaq huk watayoq torillota hinallataq huk watayoq corderotapas, sacrificio ofrendata k'ananapaq. Chay animalkunaqa mana defectoyoq sanon kanan. 4Saynallataqyá apamullaychistaq huk torota, huk carnerota Señor Dioswan hawkalla kawsanapaq sacrificio ofrendata ofrecenapaq. Saynallataqyá apamullaychistaq tarpusqa kawsaymanta ruwasqa harinatapas aceitewan chapusqata. Señor Diosmi qankunaman kunan p'unchaw rikhuriykusunkichis”, nispa.
5Chaymi Israelpa miraynin runakunaqa Moisespa tukuy kamachisqankunata apamuranku huñunakunanku tolderamanta ruwasqa *tabernáculo temploman. Hinaspan Israelpa llapallan miraynin runakunaqa Señor Diosman ashuykamuspanku, ñawpaqninpi sayaykuranku. 6Hinaqtinmi Moisesqa khaynata niran:
—Kaytan Señor Diosqa kamachimusunkichis ruwanaykichispaq. Sichus chay kamachisqankunata ruwankichis chayqa, Señor Diosqa k'ancharispan qankunaman rikhurisunkichis, nispa.
7Chaymantan Moisesqa Aaronta khaynata niran:
—Sacrificio k'anana *altarman ashuykuy. Hinaspa hucha perdonasqa kananpaq ofrendaykita presentay hinallataq lliwta k'ananapaq kaq animaltapas. Chaykunata Señor Diosman presentaqtiykin, qanpa huchayki hinallataq Israelpa llapallan miraynin runakunapa huchankunapas perdonasqa kanqa. Saynallataqyá llapallan runakunapa sacrificio ofrendantapas Señor Diosman presentay, saynapi huchankuna perdonasqa kananpaq. Tukuy chaykunataqa Señor Diospa kamachisqanman hinan ruwanayki, nispa.
8Hinaqtinmi Aaronqa sacrificio k'anana altarman ashuykuspa, paypa huchan perdonasqa kananpaq kaq torillota ñak'aran. 9Chaymantan Aaronpa wawankunaqa papankuman apamuranku yawarta. Hinaqtinmi Aaronqa dedonta chay yawarman winaspa, altarpi kaq wakapa waqran hina waqrakunata llusiran. Wakin yawartataqmi altarpa tiyasqan lugarman hich'aykuran. 10Chaymantan altarpi k'anaran hucha perdonasqa kananpaq sacrificio ofrenda wirata, rurunninkunata hinallataq higadopi kaq wirakunatawan ima. Tukuy chaykunataqa ruwaran Señor Diospa Moisesman kamachisqanman hinan. 11Ichaqa chay animalpa aychantaqa hinallataq qarantapas campamentomanta orqospan hawapi k'anaran.
12Saynallataqmi Aaronqa ñak'allarantaq sacrificio ofrendata k'ananapaq kaq animaltapas. Hinaqtinmi Aaronpa wawankunaqa chay animalpa yawarninta papankuman haywaranku. Chaymi Aaronqa chay yawarta altarpa muyuriqninman hich'aran. 13Chaymantan Aaronpa wawankunaqa haywallarankutaq pedaceasqa aychakunata hinallataq animalpa umantapas. Hinaspan Aaronqa llapanta altarpi k'anaran. 14Chaymantan Aaronqa maqchiran chay animalpa ch'unchulninkunata hinallataq chakinkunatapas. Hinaspan altarpi k'anaran k'ananapaq kaq sacrificio ofrendakunatawan kushkata.
15Aaronqa ofrecellarantaqmi Israelpa miraynin runakunapa huchanku perdonasqa kananpaq ofrendantapas. Chaypaqqa huk orqo kapita hap'ispan ñak'aran. Hinaspan Señor Diosman ofreceran imaynan primer kaq sacrificio ofrendatapas presentaran saynata. 16Hinaspan k'ananapaq kaq sacrificio ofrendata k'anaran Diospa kamachisqanman hina. 17Saynallataqmi Aaronqa cosechasqa kawsaymanta ofrendakunatapas ofrecellarantaq. Hinaspan chay cosechasqa kawsaymanta hapt'arispa altarpi k'anaran tutallamanta k'anaspa ofrecena animaltawan kushkata.
18Chaymantan Aaronqa Israelpa miraynin runakuna Señor Dioswan hawkalla kawsanankupaq kaq torota hinallataq carnerotawan ima ñak'aran. Hinaqtinmi Aaronpa wawankunaqa papankuman chay yawarta haywaranku. Chaymi Aaronqa chay yawarta hich'aran altarpa enteron muyuriqninman. 19Saynallataqmi Aaronmanqa haywallarankutaq toropa wiranta, carneropa wiranta, chupanta, ch'unchulpa wirankunata, rurunninkunata hinallataq higadonpa wirankunatawan ima. 20Hinaspan Aaronpa wawankunaqa chaykunata churaykuranku chay ñak'asqanku animalkunapa pechon hawaman. Hinaqtinmi Aaronqa chay wirakunata altar patapi k'anaran. 21Ichaqa chay animalkunapa pechonta hinallataq phaña piernankunatataqmi Aaronqa ishkay kinsa kutita altoman oqarispa, Señor Diosman ofreceran. Chaytaqa ruwaran Moisesman Señor Diospa kamachisqanman hinan.
22Chaymantan Aaronqa Israelpa miraynin runakuna lawman makinta haywarispa bendeciran. Hinaspan hucha perdonasqa kananpaq kaq ofrendata hinallataq Señor Dioswan hawkalla kawsanankupaq kaq ofrendatawan ofreceyta tukuruspa, altarpa kasqanmanta ripuran. 23Chaymantan Moisesqa wawqen Aaronpiwan tolderamanta ruwasqa *tabernáculo temploman haykuranku. Chay lugarmanta lloqsimuspankutaqmi Israelpa miraynin runakunata bendeciranku. Hinaqtinmi Señor Diosqa suma-sumaq k'anchariyninwan llapallan runakunaman rikhuriykuran. 24Hinaqtinmi Señor Diospa kasqanmanta lloqsimuran rawrashaq nina. Hinaspan lliwta k'anaspa ofrecenanku animalta hinallataq altar hawapi kaq llapallan wirakunatawan nina rupharpariran. Hinaqtinmi Israelpa miraynin runakunaqa, chayta rikuspanku, kusikuymanta qapariranku. Hinaspan mat'inkupas pampaman tupanankamaraq qonqorikuspanku, Señor Diosta alabaranku.
Zvasarudzwa nguva ino
Levítico 9: QEAÑT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 9
9
Sacerdotekuna Diospaq llank'ayta qallarisqankumanta
1Moisesqa pusaq kaq p'unchawpin waqyaran *Aaronta, wawankunata hinallataq Israelpa miraynin runakunapa liderninkunatawan ima. 2Hinaspan Aaronta khaynata niran:
—Hap'imuy huk torillota hucha perdonasqa kananpaq *sacrificio *ofrendata ofrecenapaq. Saynallataq hap'imullaytaq huk carnerotapas, sacrificio ofrendata k'anaspa ofrecenaykipaq. Hinaspa Señor Diosman ofrecemuy. Chay sacrificio ofrendapaq animalkunaqa mana defectoyoq sanon kanan. 3Saynallataqyá Israelpa miraynin runakunatapas khaynata nimuy: “Apamuychis huk orqo kapita. Chay kapin ofrecesqa kanqa, huchakuna perdonasqa kananpaq. Saynallataqyá apamullaychistaq huk watayoq torillota hinallataq huk watayoq corderotapas, sacrificio ofrendata k'ananapaq. Chay animalkunaqa mana defectoyoq sanon kanan. 4Saynallataqyá apamullaychistaq huk torota, huk carnerota Señor Dioswan hawkalla kawsanapaq sacrificio ofrendata ofrecenapaq. Saynallataqyá apamullaychistaq tarpusqa kawsaymanta ruwasqa harinatapas aceitewan chapusqata. Señor Diosmi qankunaman kunan p'unchaw rikhuriykusunkichis”, nispa.
5Chaymi Israelpa miraynin runakunaqa Moisespa tukuy kamachisqankunata apamuranku huñunakunanku tolderamanta ruwasqa *tabernáculo temploman. Hinaspan Israelpa llapallan miraynin runakunaqa Señor Diosman ashuykamuspanku, ñawpaqninpi sayaykuranku. 6Hinaqtinmi Moisesqa khaynata niran:
—Kaytan Señor Diosqa kamachimusunkichis ruwanaykichispaq. Sichus chay kamachisqankunata ruwankichis chayqa, Señor Diosqa k'ancharispan qankunaman rikhurisunkichis, nispa.
7Chaymantan Moisesqa Aaronta khaynata niran:
—Sacrificio k'anana *altarman ashuykuy. Hinaspa hucha perdonasqa kananpaq ofrendaykita presentay hinallataq lliwta k'ananapaq kaq animaltapas. Chaykunata Señor Diosman presentaqtiykin, qanpa huchayki hinallataq Israelpa llapallan miraynin runakunapa huchankunapas perdonasqa kanqa. Saynallataqyá llapallan runakunapa sacrificio ofrendantapas Señor Diosman presentay, saynapi huchankuna perdonasqa kananpaq. Tukuy chaykunataqa Señor Diospa kamachisqanman hinan ruwanayki, nispa.
8Hinaqtinmi Aaronqa sacrificio k'anana altarman ashuykuspa, paypa huchan perdonasqa kananpaq kaq torillota ñak'aran. 9Chaymantan Aaronpa wawankunaqa papankuman apamuranku yawarta. Hinaqtinmi Aaronqa dedonta chay yawarman winaspa, altarpi kaq wakapa waqran hina waqrakunata llusiran. Wakin yawartataqmi altarpa tiyasqan lugarman hich'aykuran. 10Chaymantan altarpi k'anaran hucha perdonasqa kananpaq sacrificio ofrenda wirata, rurunninkunata hinallataq higadopi kaq wirakunatawan ima. Tukuy chaykunataqa ruwaran Señor Diospa Moisesman kamachisqanman hinan. 11Ichaqa chay animalpa aychantaqa hinallataq qarantapas campamentomanta orqospan hawapi k'anaran.
12Saynallataqmi Aaronqa ñak'allarantaq sacrificio ofrendata k'ananapaq kaq animaltapas. Hinaqtinmi Aaronpa wawankunaqa chay animalpa yawarninta papankuman haywaranku. Chaymi Aaronqa chay yawarta altarpa muyuriqninman hich'aran. 13Chaymantan Aaronpa wawankunaqa haywallarankutaq pedaceasqa aychakunata hinallataq animalpa umantapas. Hinaspan Aaronqa llapanta altarpi k'anaran. 14Chaymantan Aaronqa maqchiran chay animalpa ch'unchulninkunata hinallataq chakinkunatapas. Hinaspan altarpi k'anaran k'ananapaq kaq sacrificio ofrendakunatawan kushkata.
15Aaronqa ofrecellarantaqmi Israelpa miraynin runakunapa huchanku perdonasqa kananpaq ofrendantapas. Chaypaqqa huk orqo kapita hap'ispan ñak'aran. Hinaspan Señor Diosman ofreceran imaynan primer kaq sacrificio ofrendatapas presentaran saynata. 16Hinaspan k'ananapaq kaq sacrificio ofrendata k'anaran Diospa kamachisqanman hina. 17Saynallataqmi Aaronqa cosechasqa kawsaymanta ofrendakunatapas ofrecellarantaq. Hinaspan chay cosechasqa kawsaymanta hapt'arispa altarpi k'anaran tutallamanta k'anaspa ofrecena animaltawan kushkata.
18Chaymantan Aaronqa Israelpa miraynin runakuna Señor Dioswan hawkalla kawsanankupaq kaq torota hinallataq carnerotawan ima ñak'aran. Hinaqtinmi Aaronpa wawankunaqa papankuman chay yawarta haywaranku. Chaymi Aaronqa chay yawarta hich'aran altarpa enteron muyuriqninman. 19Saynallataqmi Aaronmanqa haywallarankutaq toropa wiranta, carneropa wiranta, chupanta, ch'unchulpa wirankunata, rurunninkunata hinallataq higadonpa wirankunatawan ima. 20Hinaspan Aaronpa wawankunaqa chaykunata churaykuranku chay ñak'asqanku animalkunapa pechon hawaman. Hinaqtinmi Aaronqa chay wirakunata altar patapi k'anaran. 21Ichaqa chay animalkunapa pechonta hinallataq phaña piernankunatataqmi Aaronqa ishkay kinsa kutita altoman oqarispa, Señor Diosman ofreceran. Chaytaqa ruwaran Moisesman Señor Diospa kamachisqanman hinan.
22Chaymantan Aaronqa Israelpa miraynin runakuna lawman makinta haywarispa bendeciran. Hinaspan hucha perdonasqa kananpaq kaq ofrendata hinallataq Señor Dioswan hawkalla kawsanankupaq kaq ofrendatawan ofreceyta tukuruspa, altarpa kasqanmanta ripuran. 23Chaymantan Moisesqa wawqen Aaronpiwan tolderamanta ruwasqa *tabernáculo temploman haykuranku. Chay lugarmanta lloqsimuspankutaqmi Israelpa miraynin runakunata bendeciranku. Hinaqtinmi Señor Diosqa suma-sumaq k'anchariyninwan llapallan runakunaman rikhuriykuran. 24Hinaqtinmi Señor Diospa kasqanmanta lloqsimuran rawrashaq nina. Hinaspan lliwta k'anaspa ofrecenanku animalta hinallataq altar hawapi kaq llapallan wirakunatawan nina rupharpariran. Hinaqtinmi Israelpa miraynin runakunaqa, chayta rikuspanku, kusikuymanta qapariranku. Hinaspan mat'inkupas pampaman tupanankamaraq qonqorikuspanku, Señor Diosta alabaranku.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional