Levítico 10
10
Nadabpa hinallataq Abiupa huchallikusqanmanta
1Aaronpa wawankunamantan ishkay wawankuna Nadabwan hinallataq Abiuwan, sapankamanku incienso q'oshñichinata oqarispa, nina sansata churaranku. Hinaspan chay nina sansa hawaman inciensota hich'aykuspanku Señor Diosman ofreceranku. Ichaqa paykunaqa Señor Diospa kamachisqanta mana kasukuspankun, paykuna ofrecenanankupaq mana autorizasqa kaq ofrendata ofreceranku. 2Hinaqtinmi Señor Diospa kasqanmanta rawrashaq nina lloqsimuspa paykunata rupharpariran. Saynapin paykunaqa Señor Diospa ñawpaqninpi wañuranku. 3Chaymantan Moisesqa Aaronta khaynata niran:
—Kaytan Señor Diosqa ñawpaqmantaraq niwaranchis khaynata:
“Noqaqa ashuykamuwaqniymanmi
ch'uya kasqayta rikuchikusaq.
Noqaqa Israelpa miraynin runakunamanmi
atiyniyta rikuchisaq.
Hinaspan alabasqa kasaq”, nispa.
Chaymi Aaronqa upallalla karan.
4Chaymantan Moisesqa Uzielpa wawankunata waqyamuran Misaelta hinallataq Elzafantawan. Uzielqa Aaronpa tionmi karan. Hinaspan Moisesqa paykunata khaynata niran:
—Hamuychis. Familiaykichispa wañusqa cuerponkuta kay *tabernáculo templomanta hawaman orqoychis. Hinaspa campamentokunapa kasqanmanta karuman apaychis, nispa.
5Hinaqtinmi paykunaqa ashuykuspanku chay wañusqa runakunata orqomuranku chay wañuqkunapa *túnica p'achankuwan wank'iruspanku. Hinaspan campamentokunamanta karuman aparanku Moisespa nisqanman hina.
6Chaymantan Moisesqa Aaronta hinallataq Aaronpa wawan Eleazarta hinallataq Itamartawan khaynata niran:
—Aman umaykichispi wank'usqa telataqa orqokunkichishchu. Nitaqmi p'achaykichistapas llik'ikunkichishchu llakisqa kasqaykichista rikuchikunaykichispaqqa. Sichus mana kasukuspa qankuna chaykunata ruwankichis chayqa, wañunkichismi. Saynallataqmi Señor Diosqa llaqtamasinchis runakunapa contranpipas anchata phiñakunqa qankunapa kawsaykichispi. Ichaqa llapallan Israelpa miraynin runakunaqa lutokunankun, chay ishkaynin runakunata ninawan Señor Dios wañuchisqanmanta. 7Aman tabernáculo templopa punkunmantaqa lloqsinkichishchu, saynapi ama wañunaykichispaq. Qankunaqa ch'uyanchana aceitewanmi Señor Diospaq sapaqchasqa kankichis, nispa.
Chaymi paykunaqa Moisespa nisqanman hina ruwaranku.
8Chaymantan Señor Diosqa Aaronta khaynata niran:
9—Tabernáculo temploman haykunaykichispaqqa aman ni qanpas hinallataq wawaykikunapas vinotaqa nitaq mach'anapaq kaqkunatapas tomankichishchu. Saynapin qankunaqa mana wañunkichishchu. Kay kamachikuy leymi qankunapaq hinallataq mirayniykichispaqpas wiñaypaq kanqa. 10Saynapin qankunaqa allinta reqsinkichis imakunas noqapaq ch'uyanchasqa hinallataq mana ch'uyanchasqa kaqkunata, saynallataq imakunas qenlli otaq limpio kaqtapas. 11Saynallataqmi qankunaqa Israelpa miraynin llapallan runakunamanqa allinta yachachinkichis Moisesman qosqay llapallan kamachikuy leykunata, nispa.
12Moisesmi niran Aaronta hinallataq Aaronpa qepaq wawankuna Eleazarta Itamartawan khaynata:
—Señor Diosman k'anaspa ofrecesqaykichis ofrendakunamanta puchuq tarpusqa kawsay ofrendakunata hap'iychis. Hinaspa mana levadurayoqta mikhuychis altarpa ladonpi. Chay ofrendaqa Señor Diospaq sapaqchasqa ancha ch'uya ofrendan. 13Chay ofrendaqa Señor Diosman k'anaspa ofrecesqaykichismanta puchuqmi. Chayraykun qanpaq hinallataq wawaykikunapaq sapaqchasqa ofrenda. Chaymi chay ofrendataqa huk ch'uya lugarpi mikhunaykichis. Saynatan Señor Dios kamachiwaran. 14Saynallataqmi oqarispa ishkay kinsa kutita kuyukachachispa ofrenda Señor Diosman presentasqanku pechontapas hinallataq piernantapas huk limpio lugarpi mikhunkichis qari wawaykikunapiwan hinallataq ususiykikunapiwan kushka. Chaykunataqa Israelpa miraynin runakunan qosunkichis, Señor Dioswan hawkalla kanankupaq ofrecesqanku ofrendamanta sapaqchaspa. 15Qankunapaq sapaqchasqa kaq piernataqa Señor Diosman presentananku pechontawanmi apamunanku, saynapi oqarispa ishkay kinsa kutita kuyukachachispa ofrendata Señor Diosman presentanankupaq. Saynallataqmi apamunallankutaq k'anaspa ofrecenanku wirakunatapas, Señor Diosman presentaspa k'ananankupaq. Kay kamachikuymi wiñaypaq kanqa qanpaq hinallataq wawaykikunapaqpas, Señor Diospa kamachisqanman hina, nispa.
16Chaymantan Moisesqa tapuran hucha perdonasqa kananpaq wañuchinanku orqo kapimanta. Hinaspan Moisesqa yacharuran chay orqo kapiqa ña k'anasqaña kasqanta. Chayraykun anchata phiñakuran Eleazarpaq hinallataq Itamarpaqwan ima. Paykunaqa Aaronpa qepaq wawankunan karanku. Hinaspan khaynata niran:
17—¿Imanaqtintaq hucha perdonasqa kananpaq ofrecesqanku orqo kapitari mana sapaqchasqa lugarpichu mikhurankichís? Chay ofrendaqa Señor Diospaq sapaqchasqa ch'uya ofrendan. Hinaspapas chay orqo kapitaqa Señor Diosmi qankunaman qosurankichis, llaqta runakunapa huchankunamanta ofrecenaykichispaq, saynapi huchanku perdonasqa kananpaq. 18¡Qawariychisyá! Qankunaqa yachankichismi kay sacrificio ofrendapa yawarnintaqa manan tabernáculo templo ukhumanqa apayunaykichishchu. Chayraykun chay ofrendataqa mana k'ananaykichishchu karan. Aswanmi chay ofrendataqa Diospaq sapaqchasqa lugarpi mikhunaykichis karan, noqapa kamachisqayman hina, nispa.
19Hinaqtinmi Aaronqa Moisesta contestaran khaynata:
—Qawariy, kunanmi wawaykuna Señor Diosman presentarunku hucha perdonasqa kananpaq ofrendata hinallataq lliw k'ananapaq kaq ofrendatawan. Ichaqa ishkaynin wawaykunan wañurunku. Sichus kunan hucha perdonasqa kananpaq presentananku ofrendata mikhuyman karan chayri, ¿Señor Diospa munasqanman hinachu kanman karan? nispa.
20Aaronpa nisqanta uyarispañan Moisespa sonqonqa thañiykuran.
Zvasarudzwa nguva ino
Levítico 10: QEAÑT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 10
10
Nadabpa hinallataq Abiupa huchallikusqanmanta
1Aaronpa wawankunamantan ishkay wawankuna Nadabwan hinallataq Abiuwan, sapankamanku incienso q'oshñichinata oqarispa, nina sansata churaranku. Hinaspan chay nina sansa hawaman inciensota hich'aykuspanku Señor Diosman ofreceranku. Ichaqa paykunaqa Señor Diospa kamachisqanta mana kasukuspankun, paykuna ofrecenanankupaq mana autorizasqa kaq ofrendata ofreceranku. 2Hinaqtinmi Señor Diospa kasqanmanta rawrashaq nina lloqsimuspa paykunata rupharpariran. Saynapin paykunaqa Señor Diospa ñawpaqninpi wañuranku. 3Chaymantan Moisesqa Aaronta khaynata niran:
—Kaytan Señor Diosqa ñawpaqmantaraq niwaranchis khaynata:
“Noqaqa ashuykamuwaqniymanmi
ch'uya kasqayta rikuchikusaq.
Noqaqa Israelpa miraynin runakunamanmi
atiyniyta rikuchisaq.
Hinaspan alabasqa kasaq”, nispa.
Chaymi Aaronqa upallalla karan.
4Chaymantan Moisesqa Uzielpa wawankunata waqyamuran Misaelta hinallataq Elzafantawan. Uzielqa Aaronpa tionmi karan. Hinaspan Moisesqa paykunata khaynata niran:
—Hamuychis. Familiaykichispa wañusqa cuerponkuta kay *tabernáculo templomanta hawaman orqoychis. Hinaspa campamentokunapa kasqanmanta karuman apaychis, nispa.
5Hinaqtinmi paykunaqa ashuykuspanku chay wañusqa runakunata orqomuranku chay wañuqkunapa *túnica p'achankuwan wank'iruspanku. Hinaspan campamentokunamanta karuman aparanku Moisespa nisqanman hina.
6Chaymantan Moisesqa Aaronta hinallataq Aaronpa wawan Eleazarta hinallataq Itamartawan khaynata niran:
—Aman umaykichispi wank'usqa telataqa orqokunkichishchu. Nitaqmi p'achaykichistapas llik'ikunkichishchu llakisqa kasqaykichista rikuchikunaykichispaqqa. Sichus mana kasukuspa qankuna chaykunata ruwankichis chayqa, wañunkichismi. Saynallataqmi Señor Diosqa llaqtamasinchis runakunapa contranpipas anchata phiñakunqa qankunapa kawsaykichispi. Ichaqa llapallan Israelpa miraynin runakunaqa lutokunankun, chay ishkaynin runakunata ninawan Señor Dios wañuchisqanmanta. 7Aman tabernáculo templopa punkunmantaqa lloqsinkichishchu, saynapi ama wañunaykichispaq. Qankunaqa ch'uyanchana aceitewanmi Señor Diospaq sapaqchasqa kankichis, nispa.
Chaymi paykunaqa Moisespa nisqanman hina ruwaranku.
8Chaymantan Señor Diosqa Aaronta khaynata niran:
9—Tabernáculo temploman haykunaykichispaqqa aman ni qanpas hinallataq wawaykikunapas vinotaqa nitaq mach'anapaq kaqkunatapas tomankichishchu. Saynapin qankunaqa mana wañunkichishchu. Kay kamachikuy leymi qankunapaq hinallataq mirayniykichispaqpas wiñaypaq kanqa. 10Saynapin qankunaqa allinta reqsinkichis imakunas noqapaq ch'uyanchasqa hinallataq mana ch'uyanchasqa kaqkunata, saynallataq imakunas qenlli otaq limpio kaqtapas. 11Saynallataqmi qankunaqa Israelpa miraynin llapallan runakunamanqa allinta yachachinkichis Moisesman qosqay llapallan kamachikuy leykunata, nispa.
12Moisesmi niran Aaronta hinallataq Aaronpa qepaq wawankuna Eleazarta Itamartawan khaynata:
—Señor Diosman k'anaspa ofrecesqaykichis ofrendakunamanta puchuq tarpusqa kawsay ofrendakunata hap'iychis. Hinaspa mana levadurayoqta mikhuychis altarpa ladonpi. Chay ofrendaqa Señor Diospaq sapaqchasqa ancha ch'uya ofrendan. 13Chay ofrendaqa Señor Diosman k'anaspa ofrecesqaykichismanta puchuqmi. Chayraykun qanpaq hinallataq wawaykikunapaq sapaqchasqa ofrenda. Chaymi chay ofrendataqa huk ch'uya lugarpi mikhunaykichis. Saynatan Señor Dios kamachiwaran. 14Saynallataqmi oqarispa ishkay kinsa kutita kuyukachachispa ofrenda Señor Diosman presentasqanku pechontapas hinallataq piernantapas huk limpio lugarpi mikhunkichis qari wawaykikunapiwan hinallataq ususiykikunapiwan kushka. Chaykunataqa Israelpa miraynin runakunan qosunkichis, Señor Dioswan hawkalla kanankupaq ofrecesqanku ofrendamanta sapaqchaspa. 15Qankunapaq sapaqchasqa kaq piernataqa Señor Diosman presentananku pechontawanmi apamunanku, saynapi oqarispa ishkay kinsa kutita kuyukachachispa ofrendata Señor Diosman presentanankupaq. Saynallataqmi apamunallankutaq k'anaspa ofrecenanku wirakunatapas, Señor Diosman presentaspa k'ananankupaq. Kay kamachikuymi wiñaypaq kanqa qanpaq hinallataq wawaykikunapaqpas, Señor Diospa kamachisqanman hina, nispa.
16Chaymantan Moisesqa tapuran hucha perdonasqa kananpaq wañuchinanku orqo kapimanta. Hinaspan Moisesqa yacharuran chay orqo kapiqa ña k'anasqaña kasqanta. Chayraykun anchata phiñakuran Eleazarpaq hinallataq Itamarpaqwan ima. Paykunaqa Aaronpa qepaq wawankunan karanku. Hinaspan khaynata niran:
17—¿Imanaqtintaq hucha perdonasqa kananpaq ofrecesqanku orqo kapitari mana sapaqchasqa lugarpichu mikhurankichís? Chay ofrendaqa Señor Diospaq sapaqchasqa ch'uya ofrendan. Hinaspapas chay orqo kapitaqa Señor Diosmi qankunaman qosurankichis, llaqta runakunapa huchankunamanta ofrecenaykichispaq, saynapi huchanku perdonasqa kananpaq. 18¡Qawariychisyá! Qankunaqa yachankichismi kay sacrificio ofrendapa yawarnintaqa manan tabernáculo templo ukhumanqa apayunaykichishchu. Chayraykun chay ofrendataqa mana k'ananaykichishchu karan. Aswanmi chay ofrendataqa Diospaq sapaqchasqa lugarpi mikhunaykichis karan, noqapa kamachisqayman hina, nispa.
19Hinaqtinmi Aaronqa Moisesta contestaran khaynata:
—Qawariy, kunanmi wawaykuna Señor Diosman presentarunku hucha perdonasqa kananpaq ofrendata hinallataq lliw k'ananapaq kaq ofrendatawan. Ichaqa ishkaynin wawaykunan wañurunku. Sichus kunan hucha perdonasqa kananpaq presentananku ofrendata mikhuyman karan chayri, ¿Señor Diospa munasqanman hinachu kanman karan? nispa.
20Aaronpa nisqanta uyarispañan Moisespa sonqonqa thañiykuran.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional