Levítico 14
14
Lepra onqoyniyoq runakuna imaynatas ch'uyanchakunankumanta
1Señor Diosmi Moisesta khaynata niran:
2—Kay kamachikuy leykunaman hinan *lepra onqoyniyoq runaqa onqoyninmanta ch'uyanchasqa kanqa:
Chay runataqa *sacerdoteman presentanankupaqmi pusamunqaku. 3Hinaqtinmi sacerdoteqa campamentomanta hawaman lloqsispa, chay runata allinta qawanqa. Sichus chay runapa lepra hina contagiakuq onqoynin sanoyarunña chayqa, 4chay runatan sacerdote kamachinqa, chay lepra onqoyninmanta ch'uyanchasqa kananpaq, kawsashaq ishkay ch'uya pichinkuta apamunanpaq. Saynallataqmi apamullanqataq cedro k'aspita, puka q'aytuta hinallataq hisopo sutiyoq plantatapas. 5Hinaqtinmi sacerdoteqa kamachinqa allpamanta ruwasqa manka hawapi huknin pichinkuta wañuchinankupaq. Chay mankaqa pukyumanta orqomusqanku unuyoqmi kanan. 6Chaymantan hap'inqa huknin kaq kawsashaq pichinkuta, cedro k'aspita, puka q'aytuta hinallataq hisopo sutiyoq plantatawan. Hinaspan chaykunata challpunqa kawsashaq pichinkutawan, pukyumanta orqomusqan unu hawapi wañuchisqa pichinkupa yawarninman. 7Chay lepra hina contagiakuq onqoywan kaq runa ch'uyanchasqa kananpaqqa, chay yawarniyoq unuwanmi qanchis kutikama ch'allanqa. Saynapin chay runaqa ch'uyanchasqa limpioña kanqa. Chaymantan chay kawsashaq pichinkuta phawananpaq campopi kacharipunqa.
8Pipas chay lepra onqoymanta ch'uyanchakuqqa p'achankunatan t'aqsanan. Saynallataqmi unuwan bañakuspa pelontapas rasurakunan, saynapi ch'uyanchasqa kananpaq. Chaymantañan chay runaqa campamentoman haykuyta atinqa. Ichaqa manan kikinpa carpanmanqa qanchis p'unchaw haykunqachu. 9Qanchis p'unchaw pasaruqtintaqmi, huktawan rasurakunan chukchanta, barbanta, cejasninkunata hinallataq enteron cuerponpi kaq pelokunatapas. Saynallataqmi p'achantapas t'aqsakunan hinallataq cuerpontapas unuwan bañakunan. Saynapin payqa ch'uya kanqa.
10Saynallataqmi pusaq kaq p'unchawpi, ishkay corderokunata hinallataq huk watayoq ovejatawan ima apamunan. Chay corderokunaqa hinallataq chay ovejapas mana ima defectoyoq sanon kanan. Hinaspapas apamunallantaqmi aceitewan chapusqa soqta kilo fino harinata, chay *ofrendaqa cosechasqa kawsaykunamanta ofrendan. Saynallataqmi apamunallantaq huk cuarto litro masnin aceitetawan ima. 11Hinaqtinmi ch'uyanchaq sacerdoteqa chay ch'uyanchakuq runata hinallataq ofrendakuna apamusqankunatawan, *tabernáculo templopa punkunpi noqa Señor Diosman presentawanqa. 12Chaymantan sacerdoteqa huknin kaq corderota hap'ispa, cuarto litro masnin aceitewan kushkata ishkay kinsa kutita altoman oqarispa kuyukachachinqa. Hinaspan noqa Señor Diosman huk ofrendata presentawanqa. Chay ofrendaqa culpayoq kasqanmanta presentawasqan ofrendan. 13Chay corderotaqa sacerdoten ñak'anqa, animalkunata ñak'anankupaq sapaqchasqa lugarpi. Chay lugarllapitaqmi ñak'anku, k'anaspa sacrificio ofrenda presentanankupaq animalkunata hinallataq huchakuna perdonasqa kananpaq animalkunatapas. Culpanku perdonasqa kananpaq presentawasqanku ofrendaqa hinallataq hucha perdonasqa kananpaq ofrendapas sacerdotepaqmi kanqa. Chay culpa perdonasqa kananpaq ofrendaqa ancha ch'uyan. 14Chaymantan sacerdoteqa runakunapa culpanrayku ñak'asqan corderopa yawarninta huk chikanta oqarispa, chay ch'uyanchakuq runapa phaña ninrinpa ura patachanta llusinqa. Saynallatataqmi phaña makinpi mama dedontapas hinallataq phaña chakinpi mama dedontapas chay yawarwan llusillanqataq. 15Saynallataqmi sacerdoteqa chay huk cuarta masnin aceitemanta huk chikanta lloq'e makinpa pampanman hich'ayukunqa. 16Hinaspan phaña dedonta challpuykunqa lloq'e makinpi kaq aceiteman. Chay aceitetan dedonwan qanchis kutita ch'allaykunqa noqa Señor Diospa ñawpaqniyman. 17Hinaspan sacerdoteqa makinpi puchuq aceitewan, chay ch'uyanchakuq runapa phaña ninrinpa ura patachanta llusinqa. Saynallatataqmi llusillanqataq phaña makinpi mama dedontapas hinallataq phaña chakinpi mama dedontapas. Saynataqa llusinqa culparayku yawarwan llusisqanpa hawanmanmi. 18Saynallataqmi sacerdoteqa maki pampanpi puchuq aceiteta chay ch'uyanchakuq runapa umanman hich'aykunqa. Saynata sacerdote ruwaqtinmi, chay runapa huchankunaqa noqa Señor Diospa ñawpaqniypi perdonasqa kanqa.
19Chaymantan sacerdoteqa hucha perdonasqa kananpaq sacrificio ofrendata noqa Señor Diosman presentawanqa. Saynapin chay ch'uyanchakuq runaqa ch'uya qepanqa. Hinaspan sacerdoteqa sacrificio ofrendata k'anananpaq kaq animalta wañuchinqa, noqaman presentawananpaq. 20Hinaspan sacerdoteqa chay sacrificio ofrendata hinallataq cosechasqa kawsaykunamanta ofrendatawan kushkata altarpa hawanpi ofrecewanqa. Saynata sacerdote ruwaqtinmi, chay runapa huchankunaqa noqa Señor Diospa ñawpaqniypi perdonasqa kanqa. Saynapin chay runaqa ch'uya qepanqa.
21Ichaqa sichus leprawan onqoq runa wakcha kasqanrayku sacrificio ofrenda presentananpaq qolqen mana aypanqachu chayqa, chay runaqa huk corderotan apamunqa sacrificio ofrendata culpanrayku presentawananpaq. Chay ofrendataqa sacerdoten ishkay kinsa kutita altoman oqarispa, presentawanqa chay runapa culpankuna perdonasqa kananpaq. Hinaspapas apamullanqataqmi cosechasqa kawsaykunamanta ishkay kilo fino harinata aceitewan chapusqata hinallataq huk cuarto litro masnin aceitetapas. 22Saynallataqmi apamullanqataq ishkay urpikunata otaq ishkay malqo palomachakunatapas qolqenpa aypasqanman hina. Hukninmi kanqa huchan perdonasqa kananpaq, hukninñataq sacrificio ofrenda lliw k'anasqa kananpaq. 23Chay ofrendakunataqa pusaq kaq p'unchawpin ch'uyanchakunanpaq apamunqa. Hinaspan tabernáculo templopa punkunpi sacerdoteman entreganqa noqa Señor Diospa ñawpaqniypi. 24Hinaqtinmi sacerdoteqa chay runapa culpan perdonasqa kananpaq apamusqan corderota hinallataq huk cuarto masnin aceitetawan hap'ispa, noqaman sacrificio ofrendata presentawanqa. Chaytaqa presentawanqa altoman oqarispa, ishkay kinsa kutita kuyukacharichispanmi. 25Chaymantan sacerdoteqa chay runapa culpanrayku sacrificio ofrendapaq apamusqan corderota ñak'anqa. Hinaspan chay ñak'asqan corderopa yawarninta huk chikanta oqarispa, chay ch'uyanchakuq runapa phaña ninrinpa ura patachanta llusinqa. Saynallatataqmi phaña makinpa mama dedontapas hinallataq phaña chakinpa mama dedontapas llusillanqataq. 26Chaymantan sacerdoteqa huk chikan aceiteta hich'akunqa lloq'e makinpa pampanman. 27Hinaspan phaña dedonta lloq'e makinpi aceiteman challpuykuspa, qanchis kutikama noqa Señor Diospa ñawpaqniyman ch'allanqa. 28Saynallataqmi sacerdoteqa makinpi kaq aceitewan llusinqa, chay ch'uyanchakuq runapa phaña ninrinpa ura patachanta, phaña makinpa mama dedonta hinallataq phaña chakinpa mama dedontapas. Saynataqa llusinqa culpanrayku yawarwan llusisqanpa hawanmanmi. 29Hinaspan sacerdoteqa makinpi puchuq aceiteta, chay ch'uyanchakuq runapa umanman llusinqa. Saynapin chay runaqa noqa Señor Diospa ñawpaqniypi ch'uya kanqa.
30Chaymantan sacerdoteqa presentawanqa huk urpita otaq huk malqo palomata, chay ch'uyanchakuq runapa qolqen aypasqanman hina apamusqanta. 31Huknin kaqmi kanqa hucha perdonanapaq ofrenda, hukninñataq lliw k'anasqa kananpaq sacrificio ofrenda. Chaykunataqa cosechasqa kawsaymanta ofrendatawan kushkatan ofrecewankichis. Saynatan sacerdoteqa noqa Señor Diospa ñawpaqniypi ruwanqa, chay ch'uyanchakuq runapa huchan perdonasqa kananpaq.
32Kay kamachikuykunan kanqa huk wakcha runapa qolqen mana aypaqtin lepra hina contagiakuq onqoymanta ch'uyanchakunanpaq, nispa.
Wasikunata ch'uyanchanapaq kamachikuymanta
33Señor Diosmi Moisesta hinallataq Aarontawan khaynata niran:
34—Qankunamanmi Canaán allpataqa qoykichis. Sichus chay lugarpiña tiyashaqtiykichis mayqen kaq wasipipas huk hongueasqa manchata rikhurichisaq chayqa, 35chay wasiyoqmi *sacerdoteman rispa khaynata willanan: “Mojalleasqa mancha hinan wasiypi rikhurirun”, nispa. 36Hinaqtinmi sacerdoteqa manaraq chay wasiman haykushaspa, kamachinqa chay wasipi tukuy ima kaqkunata orqonankupaq. Saynapin chay wasipi tukuy ima kaqkunaqa mana contagiasqachu kanqa. Chaymantañan sacerdoteqa chay wasi ukhuman haykunqa allinta qawamunanpaq.
37Sichus chay qawasqan wasipa perqankunapi, hongueasqa verde colorta otaq pukayasqata tarinqa chayqa, 38chay wasimantan sacerdoteqa lloqsinqa. Hinaspan chay wasitaqa qanchis p'unchaw wishq'anqa. 39Sacerdoteqa qanchis kaq p'unchawta kutispanmi, chay wasita kaqmanta allinta qawanqa. Sichus chay wasipa perqankunapi hongueasqa mancha mirarun chayqa, 40sacerdoteqa kamachinqan, chay wasipa perqanpi hongueasqa rumikunata orqonankupaq. Hinaspan chay rumikunata llaqtamanta karuman apachispa, wikch'uchimunqa basura wikch'unanku qenlli lugarman. 41Chaymantan sacerdoteqa wasipa ukhunpi enteron perqakunata raspachinqa. Hinaspan chay raspasqanku allpatapas, llaqtamanta karuman apachispa, wikch'uchimunqa basura wikch'unanku qenlli lugarman. 42Hinaspan sacerdoteqa huk rumikunawan churachinqa chay wasimanta orqospa wikch'usqanku rumikunapa rantinta. Saynallataqmi chay wasipa perqankunatapas barrowan kaqmanta llut'ichinqa.
43Ichaqa sichus chay hongueasqa rumikunata orqosqankupa qepanta hinallataq chay wasipa perqantapas raspachispa kaqmanta barrowan llut'ichisqankupa qepantaña kaqmanta chay hongueasqa mancha rikhurinqa chayqa, 44sacerdoten chay wasiman kaqmanta haykunqa, yapamanta allinta qawamunanpaq. Sichus chay hongueasqa mancha chay wasi ukhupi astawan miranqa chayqa, chay wasiqa hongueasqa kasqanraykun qenlli kashan. 45Chaymi chay wasitaqa lliwta thuñichinanku. Hinaspan chay wasipa ruminkunata, k'aspinkunata hinallataq allpankunatapas llaqtamanta karuman apananku. Hinaspan basura wikapamunanku qenlli lugarman wikch'umunanku. 46Sichus pipas chay wishq'asqa wasiman haykunqa chayqa, chay runaqa qenllin kanqa asta tardeykuykama. 47Saynallataq sichus pipas chay wasipi puñunqa otaq mikhunqa chayqa, p'achankunatan t'aqsakunan.
48Ichaqa sichus chay wasita kaqmanta revocachisqanku hawaña, sacerdote haykuspa manaña tarinqañachu hongueasqa manchapa mirasqanta chayqa, sacerdoten ninqa “kay wasiqa ch'uyan, chay hongueasqa mancha chinkapusqanrayku” nispa. 49Chaymantan sacerdoteqa chay wasita ch'uyanchananpaq hap'inqa ishkay pichinkukunata, cedro k'aspita, puka q'aytuta hinallataq hisopo sutiyoq plantatapas. 50Hinaspan sacerdoteqa allpamanta ruwasqa manka hawapi huknin kaq pichinkuta wañuchinqa. Chay mankaqa pukyumanta orqomusqanku unuyoqmi kanan. 51Chaymantan sacerdoteqa oqarinqa cedro k'aspita, hisopo sutiyoq plantata, puka q'aytuta hinallataq huknin kaq kawsashaq pichinkutawan. Chaykunatan challpunqa wañuchisqan pichinkupa yawarninwan chapukusqan pukyumanta orqomusqanku unuman. Hinaspan chaywan chay wasita qanchis kutikama ch'allanqa. 52Sacerdoteqa saynata ruwaspanmi, chay wasitaqa ch'uyanchanqa wañuchisqan pichinkupa yawarninwan, pukyumanta orqomusqanku unuwan, kawsashaq pichinkuwan, cedro k'aspiwan, hisopo sutiyoq plantawan hinallataq puka q'aytuwan ima. 53Chaymantan ichaqa chay kawsashaq pichinkuta llaqtamanta karuman apaspa kacharipunqa. Saynata sacerdote ruwaqtinmi, chay wasiqa ch'uya kanqa.
54Chaykunan kamachikuykuna lepra hina contagiakuq onqoymanta, sarna onqoymanta, 55p'achapi hongueasqa manchamanta, wasipi hongueasqa manchamanta, 56cuerpopi punkisqamanta, ch'upumanta hinallataq runapa aychanpi yuraq manchakuna rikhuriqkunamantapas. 57Kay kamachikuy leykunata kasukuspan, qankunaqa yachankichis imakunas qenlli otaq limpio kasqanta, nispa.
Zvasarudzwa nguva ino
Levítico 14: QEAÑT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 14
14
Lepra onqoyniyoq runakuna imaynatas ch'uyanchakunankumanta
1Señor Diosmi Moisesta khaynata niran:
2—Kay kamachikuy leykunaman hinan *lepra onqoyniyoq runaqa onqoyninmanta ch'uyanchasqa kanqa:
Chay runataqa *sacerdoteman presentanankupaqmi pusamunqaku. 3Hinaqtinmi sacerdoteqa campamentomanta hawaman lloqsispa, chay runata allinta qawanqa. Sichus chay runapa lepra hina contagiakuq onqoynin sanoyarunña chayqa, 4chay runatan sacerdote kamachinqa, chay lepra onqoyninmanta ch'uyanchasqa kananpaq, kawsashaq ishkay ch'uya pichinkuta apamunanpaq. Saynallataqmi apamullanqataq cedro k'aspita, puka q'aytuta hinallataq hisopo sutiyoq plantatapas. 5Hinaqtinmi sacerdoteqa kamachinqa allpamanta ruwasqa manka hawapi huknin pichinkuta wañuchinankupaq. Chay mankaqa pukyumanta orqomusqanku unuyoqmi kanan. 6Chaymantan hap'inqa huknin kaq kawsashaq pichinkuta, cedro k'aspita, puka q'aytuta hinallataq hisopo sutiyoq plantatawan. Hinaspan chaykunata challpunqa kawsashaq pichinkutawan, pukyumanta orqomusqan unu hawapi wañuchisqa pichinkupa yawarninman. 7Chay lepra hina contagiakuq onqoywan kaq runa ch'uyanchasqa kananpaqqa, chay yawarniyoq unuwanmi qanchis kutikama ch'allanqa. Saynapin chay runaqa ch'uyanchasqa limpioña kanqa. Chaymantan chay kawsashaq pichinkuta phawananpaq campopi kacharipunqa.
8Pipas chay lepra onqoymanta ch'uyanchakuqqa p'achankunatan t'aqsanan. Saynallataqmi unuwan bañakuspa pelontapas rasurakunan, saynapi ch'uyanchasqa kananpaq. Chaymantañan chay runaqa campamentoman haykuyta atinqa. Ichaqa manan kikinpa carpanmanqa qanchis p'unchaw haykunqachu. 9Qanchis p'unchaw pasaruqtintaqmi, huktawan rasurakunan chukchanta, barbanta, cejasninkunata hinallataq enteron cuerponpi kaq pelokunatapas. Saynallataqmi p'achantapas t'aqsakunan hinallataq cuerpontapas unuwan bañakunan. Saynapin payqa ch'uya kanqa.
10Saynallataqmi pusaq kaq p'unchawpi, ishkay corderokunata hinallataq huk watayoq ovejatawan ima apamunan. Chay corderokunaqa hinallataq chay ovejapas mana ima defectoyoq sanon kanan. Hinaspapas apamunallantaqmi aceitewan chapusqa soqta kilo fino harinata, chay *ofrendaqa cosechasqa kawsaykunamanta ofrendan. Saynallataqmi apamunallantaq huk cuarto litro masnin aceitetawan ima. 11Hinaqtinmi ch'uyanchaq sacerdoteqa chay ch'uyanchakuq runata hinallataq ofrendakuna apamusqankunatawan, *tabernáculo templopa punkunpi noqa Señor Diosman presentawanqa. 12Chaymantan sacerdoteqa huknin kaq corderota hap'ispa, cuarto litro masnin aceitewan kushkata ishkay kinsa kutita altoman oqarispa kuyukachachinqa. Hinaspan noqa Señor Diosman huk ofrendata presentawanqa. Chay ofrendaqa culpayoq kasqanmanta presentawasqan ofrendan. 13Chay corderotaqa sacerdoten ñak'anqa, animalkunata ñak'anankupaq sapaqchasqa lugarpi. Chay lugarllapitaqmi ñak'anku, k'anaspa sacrificio ofrenda presentanankupaq animalkunata hinallataq huchakuna perdonasqa kananpaq animalkunatapas. Culpanku perdonasqa kananpaq presentawasqanku ofrendaqa hinallataq hucha perdonasqa kananpaq ofrendapas sacerdotepaqmi kanqa. Chay culpa perdonasqa kananpaq ofrendaqa ancha ch'uyan. 14Chaymantan sacerdoteqa runakunapa culpanrayku ñak'asqan corderopa yawarninta huk chikanta oqarispa, chay ch'uyanchakuq runapa phaña ninrinpa ura patachanta llusinqa. Saynallatataqmi phaña makinpi mama dedontapas hinallataq phaña chakinpi mama dedontapas chay yawarwan llusillanqataq. 15Saynallataqmi sacerdoteqa chay huk cuarta masnin aceitemanta huk chikanta lloq'e makinpa pampanman hich'ayukunqa. 16Hinaspan phaña dedonta challpuykunqa lloq'e makinpi kaq aceiteman. Chay aceitetan dedonwan qanchis kutita ch'allaykunqa noqa Señor Diospa ñawpaqniyman. 17Hinaspan sacerdoteqa makinpi puchuq aceitewan, chay ch'uyanchakuq runapa phaña ninrinpa ura patachanta llusinqa. Saynallatataqmi llusillanqataq phaña makinpi mama dedontapas hinallataq phaña chakinpi mama dedontapas. Saynataqa llusinqa culparayku yawarwan llusisqanpa hawanmanmi. 18Saynallataqmi sacerdoteqa maki pampanpi puchuq aceiteta chay ch'uyanchakuq runapa umanman hich'aykunqa. Saynata sacerdote ruwaqtinmi, chay runapa huchankunaqa noqa Señor Diospa ñawpaqniypi perdonasqa kanqa.
19Chaymantan sacerdoteqa hucha perdonasqa kananpaq sacrificio ofrendata noqa Señor Diosman presentawanqa. Saynapin chay ch'uyanchakuq runaqa ch'uya qepanqa. Hinaspan sacerdoteqa sacrificio ofrendata k'anananpaq kaq animalta wañuchinqa, noqaman presentawananpaq. 20Hinaspan sacerdoteqa chay sacrificio ofrendata hinallataq cosechasqa kawsaykunamanta ofrendatawan kushkata altarpa hawanpi ofrecewanqa. Saynata sacerdote ruwaqtinmi, chay runapa huchankunaqa noqa Señor Diospa ñawpaqniypi perdonasqa kanqa. Saynapin chay runaqa ch'uya qepanqa.
21Ichaqa sichus leprawan onqoq runa wakcha kasqanrayku sacrificio ofrenda presentananpaq qolqen mana aypanqachu chayqa, chay runaqa huk corderotan apamunqa sacrificio ofrendata culpanrayku presentawananpaq. Chay ofrendataqa sacerdoten ishkay kinsa kutita altoman oqarispa, presentawanqa chay runapa culpankuna perdonasqa kananpaq. Hinaspapas apamullanqataqmi cosechasqa kawsaykunamanta ishkay kilo fino harinata aceitewan chapusqata hinallataq huk cuarto litro masnin aceitetapas. 22Saynallataqmi apamullanqataq ishkay urpikunata otaq ishkay malqo palomachakunatapas qolqenpa aypasqanman hina. Hukninmi kanqa huchan perdonasqa kananpaq, hukninñataq sacrificio ofrenda lliw k'anasqa kananpaq. 23Chay ofrendakunataqa pusaq kaq p'unchawpin ch'uyanchakunanpaq apamunqa. Hinaspan tabernáculo templopa punkunpi sacerdoteman entreganqa noqa Señor Diospa ñawpaqniypi. 24Hinaqtinmi sacerdoteqa chay runapa culpan perdonasqa kananpaq apamusqan corderota hinallataq huk cuarto masnin aceitetawan hap'ispa, noqaman sacrificio ofrendata presentawanqa. Chaytaqa presentawanqa altoman oqarispa, ishkay kinsa kutita kuyukacharichispanmi. 25Chaymantan sacerdoteqa chay runapa culpanrayku sacrificio ofrendapaq apamusqan corderota ñak'anqa. Hinaspan chay ñak'asqan corderopa yawarninta huk chikanta oqarispa, chay ch'uyanchakuq runapa phaña ninrinpa ura patachanta llusinqa. Saynallatataqmi phaña makinpa mama dedontapas hinallataq phaña chakinpa mama dedontapas llusillanqataq. 26Chaymantan sacerdoteqa huk chikan aceiteta hich'akunqa lloq'e makinpa pampanman. 27Hinaspan phaña dedonta lloq'e makinpi aceiteman challpuykuspa, qanchis kutikama noqa Señor Diospa ñawpaqniyman ch'allanqa. 28Saynallataqmi sacerdoteqa makinpi kaq aceitewan llusinqa, chay ch'uyanchakuq runapa phaña ninrinpa ura patachanta, phaña makinpa mama dedonta hinallataq phaña chakinpa mama dedontapas. Saynataqa llusinqa culpanrayku yawarwan llusisqanpa hawanmanmi. 29Hinaspan sacerdoteqa makinpi puchuq aceiteta, chay ch'uyanchakuq runapa umanman llusinqa. Saynapin chay runaqa noqa Señor Diospa ñawpaqniypi ch'uya kanqa.
30Chaymantan sacerdoteqa presentawanqa huk urpita otaq huk malqo palomata, chay ch'uyanchakuq runapa qolqen aypasqanman hina apamusqanta. 31Huknin kaqmi kanqa hucha perdonanapaq ofrenda, hukninñataq lliw k'anasqa kananpaq sacrificio ofrenda. Chaykunataqa cosechasqa kawsaymanta ofrendatawan kushkatan ofrecewankichis. Saynatan sacerdoteqa noqa Señor Diospa ñawpaqniypi ruwanqa, chay ch'uyanchakuq runapa huchan perdonasqa kananpaq.
32Kay kamachikuykunan kanqa huk wakcha runapa qolqen mana aypaqtin lepra hina contagiakuq onqoymanta ch'uyanchakunanpaq, nispa.
Wasikunata ch'uyanchanapaq kamachikuymanta
33Señor Diosmi Moisesta hinallataq Aarontawan khaynata niran:
34—Qankunamanmi Canaán allpataqa qoykichis. Sichus chay lugarpiña tiyashaqtiykichis mayqen kaq wasipipas huk hongueasqa manchata rikhurichisaq chayqa, 35chay wasiyoqmi *sacerdoteman rispa khaynata willanan: “Mojalleasqa mancha hinan wasiypi rikhurirun”, nispa. 36Hinaqtinmi sacerdoteqa manaraq chay wasiman haykushaspa, kamachinqa chay wasipi tukuy ima kaqkunata orqonankupaq. Saynapin chay wasipi tukuy ima kaqkunaqa mana contagiasqachu kanqa. Chaymantañan sacerdoteqa chay wasi ukhuman haykunqa allinta qawamunanpaq.
37Sichus chay qawasqan wasipa perqankunapi, hongueasqa verde colorta otaq pukayasqata tarinqa chayqa, 38chay wasimantan sacerdoteqa lloqsinqa. Hinaspan chay wasitaqa qanchis p'unchaw wishq'anqa. 39Sacerdoteqa qanchis kaq p'unchawta kutispanmi, chay wasita kaqmanta allinta qawanqa. Sichus chay wasipa perqankunapi hongueasqa mancha mirarun chayqa, 40sacerdoteqa kamachinqan, chay wasipa perqanpi hongueasqa rumikunata orqonankupaq. Hinaspan chay rumikunata llaqtamanta karuman apachispa, wikch'uchimunqa basura wikch'unanku qenlli lugarman. 41Chaymantan sacerdoteqa wasipa ukhunpi enteron perqakunata raspachinqa. Hinaspan chay raspasqanku allpatapas, llaqtamanta karuman apachispa, wikch'uchimunqa basura wikch'unanku qenlli lugarman. 42Hinaspan sacerdoteqa huk rumikunawan churachinqa chay wasimanta orqospa wikch'usqanku rumikunapa rantinta. Saynallataqmi chay wasipa perqankunatapas barrowan kaqmanta llut'ichinqa.
43Ichaqa sichus chay hongueasqa rumikunata orqosqankupa qepanta hinallataq chay wasipa perqantapas raspachispa kaqmanta barrowan llut'ichisqankupa qepantaña kaqmanta chay hongueasqa mancha rikhurinqa chayqa, 44sacerdoten chay wasiman kaqmanta haykunqa, yapamanta allinta qawamunanpaq. Sichus chay hongueasqa mancha chay wasi ukhupi astawan miranqa chayqa, chay wasiqa hongueasqa kasqanraykun qenlli kashan. 45Chaymi chay wasitaqa lliwta thuñichinanku. Hinaspan chay wasipa ruminkunata, k'aspinkunata hinallataq allpankunatapas llaqtamanta karuman apananku. Hinaspan basura wikapamunanku qenlli lugarman wikch'umunanku. 46Sichus pipas chay wishq'asqa wasiman haykunqa chayqa, chay runaqa qenllin kanqa asta tardeykuykama. 47Saynallataq sichus pipas chay wasipi puñunqa otaq mikhunqa chayqa, p'achankunatan t'aqsakunan.
48Ichaqa sichus chay wasita kaqmanta revocachisqanku hawaña, sacerdote haykuspa manaña tarinqañachu hongueasqa manchapa mirasqanta chayqa, sacerdoten ninqa “kay wasiqa ch'uyan, chay hongueasqa mancha chinkapusqanrayku” nispa. 49Chaymantan sacerdoteqa chay wasita ch'uyanchananpaq hap'inqa ishkay pichinkukunata, cedro k'aspita, puka q'aytuta hinallataq hisopo sutiyoq plantatapas. 50Hinaspan sacerdoteqa allpamanta ruwasqa manka hawapi huknin kaq pichinkuta wañuchinqa. Chay mankaqa pukyumanta orqomusqanku unuyoqmi kanan. 51Chaymantan sacerdoteqa oqarinqa cedro k'aspita, hisopo sutiyoq plantata, puka q'aytuta hinallataq huknin kaq kawsashaq pichinkutawan. Chaykunatan challpunqa wañuchisqan pichinkupa yawarninwan chapukusqan pukyumanta orqomusqanku unuman. Hinaspan chaywan chay wasita qanchis kutikama ch'allanqa. 52Sacerdoteqa saynata ruwaspanmi, chay wasitaqa ch'uyanchanqa wañuchisqan pichinkupa yawarninwan, pukyumanta orqomusqanku unuwan, kawsashaq pichinkuwan, cedro k'aspiwan, hisopo sutiyoq plantawan hinallataq puka q'aytuwan ima. 53Chaymantan ichaqa chay kawsashaq pichinkuta llaqtamanta karuman apaspa kacharipunqa. Saynata sacerdote ruwaqtinmi, chay wasiqa ch'uya kanqa.
54Chaykunan kamachikuykuna lepra hina contagiakuq onqoymanta, sarna onqoymanta, 55p'achapi hongueasqa manchamanta, wasipi hongueasqa manchamanta, 56cuerpopi punkisqamanta, ch'upumanta hinallataq runapa aychanpi yuraq manchakuna rikhuriqkunamantapas. 57Kay kamachikuy leykunata kasukuspan, qankunaqa yachankichis imakunas qenlli otaq limpio kasqanta, nispa.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional