Levítico 13
13
Lepra onqoykunapaq kamachikuy leykunamanta
1Señor Diosmi Moisesta hinallataq Aarontawan khaynata niran:
2—Sichus pi runapapas cuerponpi rikhurinqa ima punkipas otaq ima ch'upupas otaq ima yuraq manchapas *lepra onqoyman rikch'akuq chayqa, chay runaqa *sacerdote Aaronmanmi otaq Aaronpa wawan sacerdotekunamanmi apasqa kanan. 3Hinaqtinmi sacerdoteqa chay cuerpopi kaq k'irita allinta qawanqa. Sichus chay k'iripa kasqanpi pelo yuraqman tukunqa hinallataq chay k'iripas aychan ukhupiña kanqa chayqa ancha contagiakuq *lepra onqoymi. Sayna casopiqa chay k'irita sacerdote allinta reqsiyuspanmi, chay runataqa “qenllin kanki” nispa ninqa. 4Sichus chay runapa cuerponpi yuraq mancha kanqa, ichaqa manataq nishu ukhupichu chay k'iri tarikunqa nitaq pelopas mana yuraqyanqachu chayqa, sacerdoten chay runataqa qanchis p'unchaw aparte lugarpi wishq'anqa. 5Ichaqa qanchis kaq p'unchawpin sacerdoteqa chay runapa cuerponpi k'irita kaqmanta allinta qawanqa. Sichus chay k'iri kaqlla kanqa mana hatunyaspa chayqa, chay k'iriyoq runatan sacerdoteqa qanchis p'unchawtawanraq kaqmanta wishq'anqa. 6Saynallataqmi chay qanchis p'unchaw cumplirukuqtin, sacerdoteqa chay k'iriyoq runapa k'irinta kaqmanta allinta qawanqa. Sichus chay k'iri mana hatunyaspa chinkashanña chayqa, chay runapa k'irin común k'irilla kasqanraykun, sacerdoteqa “limpion kanki”, nispa ninqa. Hinaqtinmi chay runaqa p'achanta t'aqsanqa. Hinaspan limpio qepanqa.
7Ichaqa sichus sacerdotepa “limpion kanki” nispa, nisqanpa qepantaña chay k'iri kaqmanta hatunyanqa chayqa, chay cuerponpi k'iriyoq runaqa kaqmantan sacerdoteman rispa qawachikamunan. 8Sichus sacerdote qawaspa rikunqa chay runapa k'irin hatunyasqanta chayqa, chay runatan “qenllin kanki” nispa ninqa. Chay runaqa contagiakuq lepra onqoyniyoqmi.
9Sichus pipas contagiakuq lepra onqoyniyoq kanqa chayqa, chay runataqa sacerdotemanmi apamunanku. 10Hinaspan sacerdoteqa chay runapa cuerponpi k'irita allinta qawanqa. Sichus chay k'iri punkispa yuraqman tukunqa hinallataq chay k'iripa kasqanpi pelopas yuraqman tukunqa hinallataq k'iripi aychapas pukayasqa llulluyanqa chayqa, 11chay runapa cuerponpi kaq k'iriqa contagiakuq lepra onqoymi. Hinaspan sacerdoteqa chay runata “qenllin kanki” nispa ninqa. Chaymi manaña kaqmantaqa wishq'anqañachu, qenlli kasqanrayku.
12Sichus chay onqoy miraspa, chay runapa enteron cuerponta ratolla tukurunqa umanmanta chakinkama sacerdotepa rikusqan enteron cuerponta chayqa, 13chay onqoytan sacerdoteqa allinta qawanqa. Sichus chay onqoy miraspa chay runapa enteron cuerponta tukunqa chayqa, sacerdoten chay lepra onqoyniyoq runataqa ninqa “limpion kanki, cuerpoykipi chay onqoy yuraqman tukupusqanrayku” nispa. Hinaspan chay runaqa limpio qepanqa. [Nota: Chay onqoy yuraqman tukuqtinqa chay runaqa limpion qepan, chay onqoy manaña contagiakuq kasqanrayku.] 14Ichaqa sichus chay k'iripi llullu aycha rikhurinqa chayqa, chay runaqa qenllin qepanqa. 15Sacerdoten chay runapa k'irinpi kaq llullu aychata allinta qawayuspa chay runata “qenllin kanki” nispa ninqa. Chay k'iripi llullu aychaqa qenllin. Hinaspapas chay k'iriqa contagiakuq lepra onqoymi. 16Sichus chay k'iripi llullu aycha yuraqman tukunqa chayqa, chay runaqa sacerdotemanmi kaqmanta rinan, 17saynapi chay runapa k'irinta sacerdote allinta qawananpaq. Ichaqa sichus chay k'iri yuraqman tukunqa chayqa, sacerdoten chay runataqa “limpion kanki” nispa ninqa. Chaymi chay runaqa limpio qepanqa.
18Sichus pi runapa cuerponpipas k'iri rikhurispa sanoyapunqa, 19chaymantataq chay k'iriqa punkispa yuraqyanqa otaq yuraq pukaman tukunqa chayqa, chay runaqa sacerdotemanmi rinan qawachikamunanpaq. 20Hinaspan chay k'iritaqa sacerdote allinta qawanqa. Sichus aychan ukhupiña chay k'iri kanqa hinallataq k'iripa kasqanpi pelopas yuraqman tukunqa chayqa, chay runataqa sacerdoten ninqa “qenllin kanki” nispa. Chay runapa k'irinqa lepra hina contagiakuq onqoymi. 21Ichaqa sichus chay k'iriyoq runapa k'irinta sacerdote allinta qawaspa, tarinqa pelota mana yuraqman tukusqata hinallataq manaraq aychan ukhupiraqchu chay k'iripas kasqanta, aswanqa sanoña kasqanta chayqa, sacerdoten chay runataqa qanchis p'unchaw wishq'anqa. 22Sichus chay runapa k'irin hatunyaspa nishuta miranqa chayqa, chay runataqa sacerdoten ninqa “qenllin kanki” nispa. Chay k'iriqa lepra hina contagiakuq onqoymi. 23Ichaqa sichus chay k'iri mana hatunyanqachu, aswanqa kaqlla kaspa ch'akipunqa chayqa, sacerdoten chay runataqa ninqa “limpion kanki”, nispa.
24Saynallataq sichus pipa cuerponpipas ninapa ruphasqan llullu aycha nishuta pukayanqa otaq yuraqyanqa chayqa, 25chay k'iritaqa sacerdoten allinta qawanan. Sichus chay k'iripa kasqanpi pelo yuraqman tukurun hinallataq aychan ukhupiña chay k'iripas kashan chayqa, chay ninapa ruphasqan k'iripiqa lepra hina contagiakuq onqoymi rikhurirun. Chaymi sacerdoteqa chay runata ninqa: “Qenllin kanki lepra onqoyniyoq kasqaykirayku”, nispa. 26Ichaqa sichus chay sacerdote qawaykuspa mana tarinqachu chay k'iripi yuraq pelota hinallataq mana k'iripas hatunyanchu, aswanqa ña sanoyashanqaña chayqa, chay runataqa qanchis p'unchawmi wishq'anqa. 27Qanchis p'unchawpitaqmi sacerdoteqa chay runapa k'irinta allinta qawanqa. Sichus chay runapa cuerponpi kaq k'irita hatunyaspa mirasqanta rikunqa chayqa, chay runatan sacerdoteqa ninqa “qenllin kanki” nispa. Chay k'iriqa lepra hina contagiakuq onqoymi. 28Ichaqa sichus chay mancha mana hatunyaspa kaqlla chay runapa cuerponpi kanqa chayqa, chay k'iriqa ninapa ruphasqan k'irillan punkisqanmanta sanoyashan. Sayna casopiqa sacerdoten chay runataqa “limpion kanki” nispa ninqa, ninapa ruphasqanmanta sanoyaq k'irilla kasqanrayku.
29Sichus huk qaripa umanpi otaq huk warmipa umanpipas otaq kallachunpipas k'iri rikhurinqa chayqa, 30chay k'iritaqa sacerdoten allinta qawanan. Sichus aycha ukhupiña chay k'iri tarikushan hinallataq chay k'iripa kasqanpi pelopas q'elluyaspa llañullaña kanqa chayqa, chay runataqa sacerdoten ninqa “qenllin kanki” nispa. Chay runataqa sarna onqoymi hap'irun. Hinaspapas umanpi otaq kallachunpi rikhuriq k'iriqa lepra hina contagiakuq onqoymi. 31Ichaqa sichus sacerdote allinta qawayuspa rikunqa chay k'iripa mana hatunyasqanta hinallataq chay k'iripi kaq pelopas mana yanayanqachu chayqa, chay runataqa sacerdoten qanchis p'unchaw wishq'anqa. 32Hinaspan qanchis kaq p'unchawta sacerdoteqa kaqmanta chay runapa cuerponpi k'irita allinta qawanqa. Ichaqa sichus chay k'iri mana hatunyanqachu nitaq miranqachu hinallataq chay k'iripi pelopas mana q'elluyanqachu chayqa, 33chay runatan sacerdoteqa kamachinqa rasurakunanpaq. Ichaqa k'irinpi kaq pelontaqa manan rasurakunqachu. Hinaspan chay runataqa sacerdote kaqmanta qanchis p'unchawtawanraq wishq'anqa. 34Ichaqa qanchis kaq p'unchawtan sacerdoteqa chay runapa k'irinta kaqmanta allinta qawanqa. Sichus chay k'iri mana hatunyanqachu nitaq aychan ukhupiraqchu kanqa chayqa, chay runatan sacerdoteqa ninqa “limpion kanki” nispa. Hinaqtinmi chay runaqa p'achanta t'aqsakunan limpio qepananpaq. 35Ichaqa sichus sacerdotepa “limpion kanki” nispa nisqanpa qepantaña chay k'iri kaqmanta hatunyanqa chayqa, 36chay runapa k'irintaqa sacerdoten kaqmanta allinta qawanan. Sichus chay k'iri nishuta hatunyaqtinqa, manañan sacerdoteqa q'ellu pelotaqa mashkananñachu. Chay runaqa qenllin. 37Ichaqa sichus chay k'iri mana hatunyanqachu, aswanqa chay k'iripa kasqanpi yana pelo wiñarunqa chayqa, chay runapa cuerponpi kaq k'iriqa sanoñan kashan. Hinaqtinmi sacerdoteqa chay runata ninqa “limpion kanki” nispa.
38Sichus qaripa otaq warmipa cuerponpi yuraq manchakuna rikhurinqa chayqa, 39chay manchakunataqa sacerdoten allinta qawanqa. Ichaqa sichus chay yuraq manchakuna oqeyariq hina kanqa chayqa, chay manchaqa común ch'upullan; manan contagiakuq onqoychu. Chay runaqa limpion kashan.
40Sichus pipapas chukchan urmantinqa p'aqlan kapunqa. Ichaqa chay runaqa limpion. 41Saynallataq sichus pipapas mat'inpi kaq chukcha urmanqa chayqa, chay runaqa p'aqla mat'in kapunqa. Ichaqa chay runaqa limpion. 42Ichaqa sichus pipa p'aqla mat'inpipas otaq p'aqla nucanpipas pukayaq yuraq manchakuna rikhurinqa chayqa, chay manchaqa lepra hina contagiakuq onqoymi. 43Chaytaqa sacerdoten allinta qawanqa. Sichus chay pukayaq yuraq mancha cuerpopi rikhuriq mancha hina kanqa chayqa, 44chay p'aqla umanpi rikhuriq manchaqa lepra hina contagiakuq onqoymi. Hinaqtinmi sacerdoteqa chay runataqa “qenllin kanki chay manchayoq kasqaykirayku”, nispa ninqa.
45Hinaqtinmi chay lepra onqoyniyoq runaqa p'achanta llik'ispa q'ala umalla purinan. Hinaspan senqanmanta urayman uyanta tapayukuspa, khaynata qaparinan: “¡Qenllin kani! ¡Qenllin kani!” nispa. 46Sichus chay runapa contagiakuq onqoynin mana sanoyanqachu chayqa, chay runaqa asta chay onqoynin sanoyanankaman qenlli kanqa. Hinaspapas contagiakuq onqoyniyoq kasqanraykun, campamentomanta karupi sapallan tiyanqa.
Hongueasqa mancha rikhuriqpaq leykunamanta
47Sichus huk hongueasqa mancha rikhurinqa millmamanta ruwasqa p'achapi otaq fino *linomanta ruwasqa p'achapi, 48otaq millmamanta otaq fino linomanta awasqa p'achapi otaq qarapi otaq qaramanta ima ruwasqapipas 49verdeniraq otaq pukaniraq rikhurinqa chayqa, hongueasqan manchan. Chayraykun chaykunataqa *sacerdoteman qawachinanku. 50Chaymi sacerdoteqa chay cosaskunapi kaq manchata allinta qawanqa. Hinaspan chay cosaskunataqa qanchis p'unchaw huk aparte lugarpi wishq'anqa. 51Ichaqa qanchis kaq p'unchawpitaqmi sacerdoteqa chay manchata allinta qawanqa. Sichus chay mancha hatunyanqa chay p'achapi, qarapi otaq qaramanta ima ruwasqapipas chayqa, hongueasqa manchan. Chayraykun chay cosaskunaqa qenlli qepanqa. 52Hinaspan sacerdoteqa chay p'achakunata otaq qaramanta ruwasqa cosaskunatapas enteronta k'ananqa hongueasqa manchayoq kasqanrayku.
53Ichaqa sichus sacerdotepa qawasqan cosaskunapi chay hongueasqa mancha mana hatunyanqachu chayqa, 54sacerdoten kamachinqa chay cosaskunata t'aqsanankupaq. Hinaspan qanchis p'unchawtawanraq chay cosaskunataqa huk aparte lugarpi wishq'anqa. 55Chaymantan sacerdoteqa kaqmanta chay lavasqa cosaskunata allinta qawanqa. Sichus chay mancha mana huknirayman tukunqachu nitaq hatunyanqapashchu chayqa, chay manchaqa hongueasqa mancha kasqanraykun, qenlli kanqa. Chayraykun chay cosaskunaqa k'anasqa kanan hawanpiña otaq ukhunpiña chay hongueasqa mancha kaqtinpas. 56Ichaqa sichus sacerdote allinta qawaspa rikunqa chay t'aqsasqankupi hongueasqa mancha menosyasqanta chayqa, chay manchapa kasqallantan kuchunan, awasqa p'achapi, qarapi otaq qaramanta ima ruwasqapiña kaqtinpas. 57Ichaqa sichus chay mancha kaqmanta rikhurimunqa ima p'achapipas otaq millmamanta awasqa p'achapi otaq qarapi otaq qaramanta ima ruwasqapipas chayqa, chay cosaskunaqa k'anasqan kanan hongueasqa manchayoq kasqanrayku. 58Ichaqa sichus chay cosaskunata t'aqsaruqtin chay hongueasqa mancha chinkarunqa chayqa, chay cosaskunaqa kaqmantan t'aqsasqa kanan. Saynapin chay cosaskunaqa limpio qepanqa.
59Kay kamachikuy leymi kanqa hongueasqa manchayoq kaq cosaskunapaq, millmamanta ruwasqa p'achakunapaq, fino linomanta awasqa p'achakunapaq hinallataq qaramanta ruwasqa ima cosaskunapaqpas. Saynapin chay cosaskunapa qenlli kasqanta otaq limpio kasqantapas yachankichis.
Zvasarudzwa nguva ino
Levítico 13: QEAÑT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Levítico 13
13
Lepra onqoykunapaq kamachikuy leykunamanta
1Señor Diosmi Moisesta hinallataq Aarontawan khaynata niran:
2—Sichus pi runapapas cuerponpi rikhurinqa ima punkipas otaq ima ch'upupas otaq ima yuraq manchapas *lepra onqoyman rikch'akuq chayqa, chay runaqa *sacerdote Aaronmanmi otaq Aaronpa wawan sacerdotekunamanmi apasqa kanan. 3Hinaqtinmi sacerdoteqa chay cuerpopi kaq k'irita allinta qawanqa. Sichus chay k'iripa kasqanpi pelo yuraqman tukunqa hinallataq chay k'iripas aychan ukhupiña kanqa chayqa ancha contagiakuq *lepra onqoymi. Sayna casopiqa chay k'irita sacerdote allinta reqsiyuspanmi, chay runataqa “qenllin kanki” nispa ninqa. 4Sichus chay runapa cuerponpi yuraq mancha kanqa, ichaqa manataq nishu ukhupichu chay k'iri tarikunqa nitaq pelopas mana yuraqyanqachu chayqa, sacerdoten chay runataqa qanchis p'unchaw aparte lugarpi wishq'anqa. 5Ichaqa qanchis kaq p'unchawpin sacerdoteqa chay runapa cuerponpi k'irita kaqmanta allinta qawanqa. Sichus chay k'iri kaqlla kanqa mana hatunyaspa chayqa, chay k'iriyoq runatan sacerdoteqa qanchis p'unchawtawanraq kaqmanta wishq'anqa. 6Saynallataqmi chay qanchis p'unchaw cumplirukuqtin, sacerdoteqa chay k'iriyoq runapa k'irinta kaqmanta allinta qawanqa. Sichus chay k'iri mana hatunyaspa chinkashanña chayqa, chay runapa k'irin común k'irilla kasqanraykun, sacerdoteqa “limpion kanki”, nispa ninqa. Hinaqtinmi chay runaqa p'achanta t'aqsanqa. Hinaspan limpio qepanqa.
7Ichaqa sichus sacerdotepa “limpion kanki” nispa, nisqanpa qepantaña chay k'iri kaqmanta hatunyanqa chayqa, chay cuerponpi k'iriyoq runaqa kaqmantan sacerdoteman rispa qawachikamunan. 8Sichus sacerdote qawaspa rikunqa chay runapa k'irin hatunyasqanta chayqa, chay runatan “qenllin kanki” nispa ninqa. Chay runaqa contagiakuq lepra onqoyniyoqmi.
9Sichus pipas contagiakuq lepra onqoyniyoq kanqa chayqa, chay runataqa sacerdotemanmi apamunanku. 10Hinaspan sacerdoteqa chay runapa cuerponpi k'irita allinta qawanqa. Sichus chay k'iri punkispa yuraqman tukunqa hinallataq chay k'iripa kasqanpi pelopas yuraqman tukunqa hinallataq k'iripi aychapas pukayasqa llulluyanqa chayqa, 11chay runapa cuerponpi kaq k'iriqa contagiakuq lepra onqoymi. Hinaspan sacerdoteqa chay runata “qenllin kanki” nispa ninqa. Chaymi manaña kaqmantaqa wishq'anqañachu, qenlli kasqanrayku.
12Sichus chay onqoy miraspa, chay runapa enteron cuerponta ratolla tukurunqa umanmanta chakinkama sacerdotepa rikusqan enteron cuerponta chayqa, 13chay onqoytan sacerdoteqa allinta qawanqa. Sichus chay onqoy miraspa chay runapa enteron cuerponta tukunqa chayqa, sacerdoten chay lepra onqoyniyoq runataqa ninqa “limpion kanki, cuerpoykipi chay onqoy yuraqman tukupusqanrayku” nispa. Hinaspan chay runaqa limpio qepanqa. [Nota: Chay onqoy yuraqman tukuqtinqa chay runaqa limpion qepan, chay onqoy manaña contagiakuq kasqanrayku.] 14Ichaqa sichus chay k'iripi llullu aycha rikhurinqa chayqa, chay runaqa qenllin qepanqa. 15Sacerdoten chay runapa k'irinpi kaq llullu aychata allinta qawayuspa chay runata “qenllin kanki” nispa ninqa. Chay k'iripi llullu aychaqa qenllin. Hinaspapas chay k'iriqa contagiakuq lepra onqoymi. 16Sichus chay k'iripi llullu aycha yuraqman tukunqa chayqa, chay runaqa sacerdotemanmi kaqmanta rinan, 17saynapi chay runapa k'irinta sacerdote allinta qawananpaq. Ichaqa sichus chay k'iri yuraqman tukunqa chayqa, sacerdoten chay runataqa “limpion kanki” nispa ninqa. Chaymi chay runaqa limpio qepanqa.
18Sichus pi runapa cuerponpipas k'iri rikhurispa sanoyapunqa, 19chaymantataq chay k'iriqa punkispa yuraqyanqa otaq yuraq pukaman tukunqa chayqa, chay runaqa sacerdotemanmi rinan qawachikamunanpaq. 20Hinaspan chay k'iritaqa sacerdote allinta qawanqa. Sichus aychan ukhupiña chay k'iri kanqa hinallataq k'iripa kasqanpi pelopas yuraqman tukunqa chayqa, chay runataqa sacerdoten ninqa “qenllin kanki” nispa. Chay runapa k'irinqa lepra hina contagiakuq onqoymi. 21Ichaqa sichus chay k'iriyoq runapa k'irinta sacerdote allinta qawaspa, tarinqa pelota mana yuraqman tukusqata hinallataq manaraq aychan ukhupiraqchu chay k'iripas kasqanta, aswanqa sanoña kasqanta chayqa, sacerdoten chay runataqa qanchis p'unchaw wishq'anqa. 22Sichus chay runapa k'irin hatunyaspa nishuta miranqa chayqa, chay runataqa sacerdoten ninqa “qenllin kanki” nispa. Chay k'iriqa lepra hina contagiakuq onqoymi. 23Ichaqa sichus chay k'iri mana hatunyanqachu, aswanqa kaqlla kaspa ch'akipunqa chayqa, sacerdoten chay runataqa ninqa “limpion kanki”, nispa.
24Saynallataq sichus pipa cuerponpipas ninapa ruphasqan llullu aycha nishuta pukayanqa otaq yuraqyanqa chayqa, 25chay k'iritaqa sacerdoten allinta qawanan. Sichus chay k'iripa kasqanpi pelo yuraqman tukurun hinallataq aychan ukhupiña chay k'iripas kashan chayqa, chay ninapa ruphasqan k'iripiqa lepra hina contagiakuq onqoymi rikhurirun. Chaymi sacerdoteqa chay runata ninqa: “Qenllin kanki lepra onqoyniyoq kasqaykirayku”, nispa. 26Ichaqa sichus chay sacerdote qawaykuspa mana tarinqachu chay k'iripi yuraq pelota hinallataq mana k'iripas hatunyanchu, aswanqa ña sanoyashanqaña chayqa, chay runataqa qanchis p'unchawmi wishq'anqa. 27Qanchis p'unchawpitaqmi sacerdoteqa chay runapa k'irinta allinta qawanqa. Sichus chay runapa cuerponpi kaq k'irita hatunyaspa mirasqanta rikunqa chayqa, chay runatan sacerdoteqa ninqa “qenllin kanki” nispa. Chay k'iriqa lepra hina contagiakuq onqoymi. 28Ichaqa sichus chay mancha mana hatunyaspa kaqlla chay runapa cuerponpi kanqa chayqa, chay k'iriqa ninapa ruphasqan k'irillan punkisqanmanta sanoyashan. Sayna casopiqa sacerdoten chay runataqa “limpion kanki” nispa ninqa, ninapa ruphasqanmanta sanoyaq k'irilla kasqanrayku.
29Sichus huk qaripa umanpi otaq huk warmipa umanpipas otaq kallachunpipas k'iri rikhurinqa chayqa, 30chay k'iritaqa sacerdoten allinta qawanan. Sichus aycha ukhupiña chay k'iri tarikushan hinallataq chay k'iripa kasqanpi pelopas q'elluyaspa llañullaña kanqa chayqa, chay runataqa sacerdoten ninqa “qenllin kanki” nispa. Chay runataqa sarna onqoymi hap'irun. Hinaspapas umanpi otaq kallachunpi rikhuriq k'iriqa lepra hina contagiakuq onqoymi. 31Ichaqa sichus sacerdote allinta qawayuspa rikunqa chay k'iripa mana hatunyasqanta hinallataq chay k'iripi kaq pelopas mana yanayanqachu chayqa, chay runataqa sacerdoten qanchis p'unchaw wishq'anqa. 32Hinaspan qanchis kaq p'unchawta sacerdoteqa kaqmanta chay runapa cuerponpi k'irita allinta qawanqa. Ichaqa sichus chay k'iri mana hatunyanqachu nitaq miranqachu hinallataq chay k'iripi pelopas mana q'elluyanqachu chayqa, 33chay runatan sacerdoteqa kamachinqa rasurakunanpaq. Ichaqa k'irinpi kaq pelontaqa manan rasurakunqachu. Hinaspan chay runataqa sacerdote kaqmanta qanchis p'unchawtawanraq wishq'anqa. 34Ichaqa qanchis kaq p'unchawtan sacerdoteqa chay runapa k'irinta kaqmanta allinta qawanqa. Sichus chay k'iri mana hatunyanqachu nitaq aychan ukhupiraqchu kanqa chayqa, chay runatan sacerdoteqa ninqa “limpion kanki” nispa. Hinaqtinmi chay runaqa p'achanta t'aqsakunan limpio qepananpaq. 35Ichaqa sichus sacerdotepa “limpion kanki” nispa nisqanpa qepantaña chay k'iri kaqmanta hatunyanqa chayqa, 36chay runapa k'irintaqa sacerdoten kaqmanta allinta qawanan. Sichus chay k'iri nishuta hatunyaqtinqa, manañan sacerdoteqa q'ellu pelotaqa mashkananñachu. Chay runaqa qenllin. 37Ichaqa sichus chay k'iri mana hatunyanqachu, aswanqa chay k'iripa kasqanpi yana pelo wiñarunqa chayqa, chay runapa cuerponpi kaq k'iriqa sanoñan kashan. Hinaqtinmi sacerdoteqa chay runata ninqa “limpion kanki” nispa.
38Sichus qaripa otaq warmipa cuerponpi yuraq manchakuna rikhurinqa chayqa, 39chay manchakunataqa sacerdoten allinta qawanqa. Ichaqa sichus chay yuraq manchakuna oqeyariq hina kanqa chayqa, chay manchaqa común ch'upullan; manan contagiakuq onqoychu. Chay runaqa limpion kashan.
40Sichus pipapas chukchan urmantinqa p'aqlan kapunqa. Ichaqa chay runaqa limpion. 41Saynallataq sichus pipapas mat'inpi kaq chukcha urmanqa chayqa, chay runaqa p'aqla mat'in kapunqa. Ichaqa chay runaqa limpion. 42Ichaqa sichus pipa p'aqla mat'inpipas otaq p'aqla nucanpipas pukayaq yuraq manchakuna rikhurinqa chayqa, chay manchaqa lepra hina contagiakuq onqoymi. 43Chaytaqa sacerdoten allinta qawanqa. Sichus chay pukayaq yuraq mancha cuerpopi rikhuriq mancha hina kanqa chayqa, 44chay p'aqla umanpi rikhuriq manchaqa lepra hina contagiakuq onqoymi. Hinaqtinmi sacerdoteqa chay runataqa “qenllin kanki chay manchayoq kasqaykirayku”, nispa ninqa.
45Hinaqtinmi chay lepra onqoyniyoq runaqa p'achanta llik'ispa q'ala umalla purinan. Hinaspan senqanmanta urayman uyanta tapayukuspa, khaynata qaparinan: “¡Qenllin kani! ¡Qenllin kani!” nispa. 46Sichus chay runapa contagiakuq onqoynin mana sanoyanqachu chayqa, chay runaqa asta chay onqoynin sanoyanankaman qenlli kanqa. Hinaspapas contagiakuq onqoyniyoq kasqanraykun, campamentomanta karupi sapallan tiyanqa.
Hongueasqa mancha rikhuriqpaq leykunamanta
47Sichus huk hongueasqa mancha rikhurinqa millmamanta ruwasqa p'achapi otaq fino *linomanta ruwasqa p'achapi, 48otaq millmamanta otaq fino linomanta awasqa p'achapi otaq qarapi otaq qaramanta ima ruwasqapipas 49verdeniraq otaq pukaniraq rikhurinqa chayqa, hongueasqan manchan. Chayraykun chaykunataqa *sacerdoteman qawachinanku. 50Chaymi sacerdoteqa chay cosaskunapi kaq manchata allinta qawanqa. Hinaspan chay cosaskunataqa qanchis p'unchaw huk aparte lugarpi wishq'anqa. 51Ichaqa qanchis kaq p'unchawpitaqmi sacerdoteqa chay manchata allinta qawanqa. Sichus chay mancha hatunyanqa chay p'achapi, qarapi otaq qaramanta ima ruwasqapipas chayqa, hongueasqa manchan. Chayraykun chay cosaskunaqa qenlli qepanqa. 52Hinaspan sacerdoteqa chay p'achakunata otaq qaramanta ruwasqa cosaskunatapas enteronta k'ananqa hongueasqa manchayoq kasqanrayku.
53Ichaqa sichus sacerdotepa qawasqan cosaskunapi chay hongueasqa mancha mana hatunyanqachu chayqa, 54sacerdoten kamachinqa chay cosaskunata t'aqsanankupaq. Hinaspan qanchis p'unchawtawanraq chay cosaskunataqa huk aparte lugarpi wishq'anqa. 55Chaymantan sacerdoteqa kaqmanta chay lavasqa cosaskunata allinta qawanqa. Sichus chay mancha mana huknirayman tukunqachu nitaq hatunyanqapashchu chayqa, chay manchaqa hongueasqa mancha kasqanraykun, qenlli kanqa. Chayraykun chay cosaskunaqa k'anasqa kanan hawanpiña otaq ukhunpiña chay hongueasqa mancha kaqtinpas. 56Ichaqa sichus sacerdote allinta qawaspa rikunqa chay t'aqsasqankupi hongueasqa mancha menosyasqanta chayqa, chay manchapa kasqallantan kuchunan, awasqa p'achapi, qarapi otaq qaramanta ima ruwasqapiña kaqtinpas. 57Ichaqa sichus chay mancha kaqmanta rikhurimunqa ima p'achapipas otaq millmamanta awasqa p'achapi otaq qarapi otaq qaramanta ima ruwasqapipas chayqa, chay cosaskunaqa k'anasqan kanan hongueasqa manchayoq kasqanrayku. 58Ichaqa sichus chay cosaskunata t'aqsaruqtin chay hongueasqa mancha chinkarunqa chayqa, chay cosaskunaqa kaqmantan t'aqsasqa kanan. Saynapin chay cosaskunaqa limpio qepanqa.
59Kay kamachikuy leymi kanqa hongueasqa manchayoq kaq cosaskunapaq, millmamanta ruwasqa p'achakunapaq, fino linomanta awasqa p'achakunapaq hinallataq qaramanta ruwasqa ima cosaskunapaqpas. Saynapin chay cosaskunapa qenlli kasqanta otaq limpio kasqantapas yachankichis.
Zvasarudzwa nguva ino
:
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional