Looma 13
13
Batumi bali mu usalila Nzambi
1Pasi muutu afwana uba hu tsina lituma bibaayaka babyalisa. Mu tooni ati, pasi lituma ubamata huli Nzambi. Ni Nzambi ubabyalisa baatumi boosi. 2Ni mu buuna, woosi wu ubabisala lituma, nde bibaayaka mu ubisala lituma la Nzambi. Ba bali mu utelemene lituma, bo bali mu uteele tsundusu ŋa yulu a bo mwakulu. 3Bunuubu, ba bali mu uvanga ma mabwe, utwala ubata boomo bu banzonzi ve, ka ni ba bali mu uvanga ma mabi. Ka tso we a tondi uba na boomo bu baatumi ve, buuna vanga ma mabwe. Lituma sa lisilasa we. 4Ka lituma lili mu usalila Nzambi mu libwe la we. Ka tso we bibaayaka mu uvanga bibaayaka libi, ba na boomo. Mu tooni ati, a mu pu baatumi bali na matwala ma usyembe ve. Lituma lili mu usalila Nzambi, mu umweese kesi a lo huli muutu wu bibaayaka mu uvanga bubi. 5Ni mu buuna, hwafwana mu uba hu tsina lituma bibaayaka baatumi, a ndulu mu ubata kesi a Nzambi ve, ka na mu tooni a tumili yi yili mu umata mu mutima.
6Ni mu buuna kaka, benu libafuta limandu. Mu tooni ati, bakambi ba limandu bali hu tsina lituma la Nzambi mu uvangimasa bu hwafwana iteesi mo hiina. 7Futalaani huli pasi muutu hi hyahwama na nde: futaani limandu huli wu benu laafwana ufuta lo, na makesili makima ma lituma libakamba, huli wu benu laafwana ufuta mo, muyusu huli wu benu laafwana uva muyusu, likiinzu huli wu benu laafwana uva likiinzu#Mat 22.17-21; Mlk 12.17; Luk 20.25.
Litondo bibaayaka munawe
8A liba na mukanu a muutu ve, tso a ni mu utondosono benu na benu ve. Mu tooni ati, wu bibaayaka na litondo mu bana bibaayaka mu ukuhasa Mikele we bu hwafwana. 9Ni mu buuna, Mikele momiini: «A hasa mayamba ve, a haduba ve, a hayiba ve, a hasa linyungi ve», na mina myosi, myakuukama mu mukuma mumosi ni wunuwu: «Tondo muna a we, we bu we ubatondo we mwakulu#Mba 20.13-17; Pfu 5.17-21; Lev 19.18 .» 10Wu ubatondo, a habasa bibaayaka libi tso limosi huli muna a nde ve. Ni mu buuna, litondo bibaayaka muna a nde ni ukuhasa hu Mikele myosi.
Uvangama mu nziili a Kristo
11Bu benu liyaabi mu ki taangu bisu a benu laaka, yiniiyi ka ni taangu huli benu mu usuuha hutso a tolo. Nziili a Yisu#13.11 Nziili a Yisu Liina ni liyobolo bibaayaka boosi bali mu ukeele. yaamiifula bebele, na ŋa bisu a benu laasidyani imiinu. 12Butsuhu bwaka lala, busi sa bukya. Nyaha litiimbaani mavaanga ma bisu ma piipidi, na lilwataani bilwanili bi liyalala. 13Lidyataani mu mbiili yi yasungama, we bu hwafwana mu udyata ŋa nyangu. Linyahaani mikungi mi udya, malaangi, bumbembo tso mbiili yimbi, mitsotso tso nyengi. 14Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.
Zvasarudzwa nguva ino
Looma 13: TSA
Sarudza vhesi
Sarudza zvinyorwa izvi
Yenzanisa
Pakurirana nevamwe
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© (Active), Wycliffe Bible Translators, Inc. All rights reserved.